MeraPahad Community Of Uttarakhand Lovers

                        गढ़वाळि व्यंग्यकोष -भाग -10 

                      Garhwali Satire Dictionary part 10
 
                          चबोड़्या  --- भीष्म कुकरेती



जै ऐना मा  मि बिगरैल नि दिख्यों  वु ऐना इ  नी च।
सराब , सुल्फा अर रैबार , मन का तीन यार.।
गरुड़ , ज्यूंरा अर ब्रह्मा दुयुं तैं दगड़ी भट्यान्द ।
जंग लगण -कम्युनिस्ट हूण
जंतर -मंतर -हौरु कुण अंधविश्वास अर अफुकुण विश्वास
जनम दिन - औफिसियली गिफ्ट पाणो दिन
सरकारी जंगळ  -जै तैं बेचिक हम बुल्दां कि हम इकॉनोमिक रिफॉर्म करणा छंवां
जनता - जैंक याद नेताओं तैं चुनावुं बगत ही आंद
जनता दरबार - लोगुं तैं बौगाणो जळसा
जनवासा या हरम - यांक अर्थ नारायण दत्त तिवारी तैं पुछण पोड़ल
जनहित -राजनीतिज्ञों तकियाकलाम
जबरदस्ती - उत्तर प्रदेश की पहचान
जबाबदेह - राजनीतिग्युं  तकियाकलाम
जीमण -रीतिभोज , भूक चमकाणै एक दवा
जांच आयोग - कभी ना खत्म हूण वाळी सरकारी कहानी
जांच विभाग - जैकी जांच का वास्ता सीबीआई भिजे जांद
जाति प्रमाण पत्र  - रिजर्वेसन का वास्ता
जलजीरा - अमेरिकी कोकाकोला द्वारा थिंच्युं, पिट्युं , थपड़ायूँ विशुद्ध भारतीय पेय पदार्थ
जाळ साजि - पवन बंसल का बागवानी का फूल
जीवन बूटी -राशन कार्ड
जनता दल - अमीबा जु अफु तैं ज़िंदा रखणौ बान हर समय टुटणु रौंद
 

व्यंग्य शब्दकोश जारी रहेगा ……।
Copyright@ Bhishma Kukreti 22 /7/2014



Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;   

                      गढ़वाळि व्यंग्यकोष -भाग -11 

                      Garhwali Satire Dictionary part 11
 
                          चबोड़्या  --- भीष्म कुकरेती
टकसाल - डा मनमोहन सिंग बुल्दा छा रुपया टकसाल बिटेन आंदन ना कि पेड़ों से पर अच्छे दिनों का डाक्टर नरेंद्र मोदी बुल्दन बल रुपया टकसाल से ना पेड़ों से ही आंदन
टपणु , टपना - कोलेसन गबरमेंटक विश्वास मत प्राप्त करण
टमाटर - उपभोक्ता कुण सुपिन , बिचोलियों कुण नफा की खान , विरोधी राजनीतिज्ञों  कुण संसद मा घ्याळ लगाणो मौक़ा अर सरकारों कुण आफत
टरकाण/टळकौण     -नेता अर सरकारी कर्मचार्युं कु एक विशेष गुण
टरटराट - संसद मा जब नेता बुलणो बान आज्ञा लीन्दन
टिटमिटाना - गर्म्युं दिनों मा स्ट्रीट लाइट
टुकड़तोड़ - कोलसन गवर्मेंट
टूटना -जनता पार्टीक एक विशेष गुण
टोकाटोकी -संसद मा मुख्य कार्य
ठनठनगोपाल - सरकारी खजाना
ठंड -अमीरुं कुण अमीरी दिखाणो मौसम
ठगी - उद्योगपतियों द्वारा सरकारी बैंक से लोन लीण
ठसक - नेताओं द्वारा ऊँ तैं मिल्यां सरकारी  सुरक्षा गार्ड दिखाण
ठाट बाट - सुपिन
टोटकाबाजी -विज्ञापन
 टंगट्यपड़ु (चालू  काम )  -ठेकेदारुं द्वारा पुळ , सड़क आदि निर्माण
टंगटंगार (अत्यंत सख्त ) - राज्य सरकारुं बान पर्यावरण मंत्रालय
 
 

व्यंग्य शब्दकोश जारी रहेगा ……।
Copyright@ Bhishma Kukreti 23 /7/2014



Garhwali Satire  Dictionary, Garhwali Satire  Dictionary collected and edited by born in village Jaspur ; Garhwali Satire  Dictionary collected and edited by born in Dhangu Patti ; Garhwali Satire  Dictionary collected and edited by born in Dwarikhal Block ; Garhwali Satire  Dictionary collected and edited by born in Gangasalan Pargana ; Garhwali Satire  Dictionary collected and edited by born in Lainsdowne Tehsil ; Garhwali Satire  Dictionary collected and edited by born in Pauri Garhwal ; Garhwali Satire  Dictionary collected and edited by born in Uttarakhand; Garhwali Satire  Dictionary collected and edited by born in Central Himalaya ;Garhwali Satire  Dictionary collected and edited by born in  North India;Garhwali Satire  Dictionary collected and edited by born in South Asia ; Garhwali Satire Dictionary; Garhwali send-up lexicon; Garhwali spoof vocabulary; Garhwali lampoon glossary; Garhwali Satire phrase book; word list; Garhwali Humor, Satire thesaurus;   

                                                           टमाटर एकता जिंदाबाद

                                              घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )
जुलाई 2014 कु पैल हफ्ता मा टमाटर असोसिएसन की एक अर्जेंट मीटिंग सब्जी मंडी मा ह्वे छे।  वांक आंख्युं दिख्यां हाल इ च
टमाटर असोसिएसन की अत्यावश्यक बैठक मा बैनर अर पोस्टरुं मा नारा छयो - हमारा एकहि ध्येय - आलू -प्याज से आगे बढ़ना ।  अपनी आन और शान के लिए हम सड़ने को तैयार !
संचालक पीलु टमाटर - सभी टमाटर असोसिएसन  सदस्यों से विनती च कि मनिखों तरां बेवजह भाषण से समय बर्बाद नि हूण चयेंद।  कृपया कोई भी टमाटर हमें ना तो पकायेगा ना ही सड़ायेगा याने अपण भाषण छुट  राखो।
हौरु टमाटर - एक जमानो छौ जब हम टमाटरुं बड़ी पूछ छे।  क्वी हफ्ता -मैना मा सब्जी -भुज्जि -दाळ मा टमाटर डाळदु छौ त सरा गां , सरा कस्बा मा हल्ला ह्वे जांद छौ कि फलणन दाळ मा टमाटर डाळ , अलणन भुज्जि  टमाटर से छौंक।  टमाटर माने मनिखों रूतबा !
पीलु टमाटर - सोलोमेसी फोक स्टोरी से पता चल्द कि तब अल्लु -प्याज की क्वी गणत नि छे। एक फोक सेइंग से पता चलदो कि दिल्ली का गढ़वाली साहित्यकार अबोध बंधु बहुगुणा और प्रेम लाल भट्ट से इलै चिरड्यान्द छया कि गढ़वाली साहित्यकार ह्वेक बि बहुगुणा जी अर भट्ट जीक परिवार भुज्जि मा टमाटर डाळदन अर मेमानुं स्वागत पकोड़ी अर टॉमेटो कैचप से करदन। एक लोककथा से पता चलद कि गढ़वाली साहित्यकार ललित केशवान अपण गढ़वाली साहित्यिक मेमानो तैं अशोक होटलमा टॉमेटो सलाद खलांद छा अर फिर यी साहित्यकार सब जगा बुलणा रौंद छा कि हम तैं छुट -मुट नि समजो  हमर  बि टॉमेटो सलाद खयूं च।  इथगा रौब दाब छौ हमारू। टमाटर खाण माने इज्जत कमाण।
अधलालु टमाटर - आज हमर बुरा हाल छन। पिछ्ला पंद्रा सोळा सालुं से मीडिया मा  , लोकसभा -विधान सभाऊँ मा , बस मा , चाय की चौपालुं मा , रेल मा , हड़ताल मा , व्यंग्य मा केवल एकी छ्वीं रौंद कि प्याज मंहगा ह्वे गे , प्याज मैंगो ह्वे गे।  प्याज इथगा महत्वपूर्ण ह्वे गे कि प्याज से कथगा इ सरकार चुनाव हार गेन।  प्याज का समिण हम टमाटरुं छ्वीं नि लगदन।  जब टीवी या अखबारुं मा आंद कि प्याज ने जनता और सरकार को रुलाया तो जौळs  से , ईर्ष्या से हम टमाटर पिचिक जाँदा अर ज्यादातर शरम से हम लाल-पीला  ह्वे जांदवां।
चेरी टमाटर -आज हमे भी जनता और सरकार को रुलाना होगा।
अदपकोळ टमाटर -हाँ हमर बि टीवी अर अखबारुं मा हेडलाइन आण चयेंद कि टमाटर सौ रुपया किलो !, टमाटर ने जनता को चूसा ! टमाटर से नरेंद्र मोदी  की नींद हराम ! टमाटर ने राहुल गांधी को लोकसभा में नींद से जगाया ! सोनिया के गालों में फिर से लाली आयी और स्मृति ईरानी के गाल पीले हुए !
चिमड्या टमाटर - हम सब चाणा छंवां कि हम सरकार की नींद हराम कौंरां अर विरोधी   पारट्यूं जुंगौं पर ताव दिवाँ।  किन्तु यी कनकै संभव ह्वे सकुद ?
ब्रैंड वाइन टमाटर - द्याखो ये बार भारत मा मानसून देर से आई तो यही मौक़ा च कि हम जनता की टीक तोड़ां ।
पॉल रॉबिन्सन टमाटर -हाँ हाँ पैल तो हम तैं जमाखोर काळा बजारियों , सटोरियों , गैर मुनासिब मुनाफाखोरों की मदद से हम टमाटरों की शार्ट टर्म होर्डिंग से बजार मा शॉर्टेज पैदा कराण पोड़ल।  शार्ट टर्म होर्डिंग से इन स्थिति पैदा हूण चयांद कि खेत बि खौंळे जावन , चकित ह्वे जावन कि अचाणचक छौंद टमाटर ह्वेक बि टमाटर कनै अर कख हर्ची गेन ?
चिरोक पर्पल -फिर हम तैं टीवी का हाहाकारी संवाददाताओं की सहायता लीण पोड़ल।  जनि टीवी वाळ बंब्याट कौरिक दिखाल कि मुंबई मा टमाटर पचास रुपया किलो बिकणा छन तो पटना मा जु टमाटर बीस रुपया किलो बिकणा होला वु टमाटर पचास रुपया ह्वे जाल तो देखादेखी या सुणन से कोचीन मा टमाटर साठ रुप्या किलो ह्वे जाल अर जब टीवी वाळ कोचीन की न्यूज द्याल तो अफिक दिल्ली मा टमाटर सौ रुपया कीलो ह्वे जाल।  टीवी वाळु ब्रेकिंग न्यूज से भारत मा हर जगा एकी छ्वीं लगल कि टमाटर मैंगा ह्वे गेन अर इनमा टमाटर सबज्युं राजा ह्वे जाल।
मार्वल स्ट्राइप - दिस स्ट्रेटेजी इज मार्वेलस ! बढ़िया कारगर रणनीति ! काळा बजारियों कुकर्म अर टीवी वाळु ऐड़ाण से अवश्य ही हम टमाटर अमृत से भि मंहगा ह्वे जौंला अर तब ही हम प्याज को अंहकार -घमंड तोड़ी सकदवां। हम सब्युं तैं काळा बजारियों अर टीवी वाळुं से मदद मांगण चयेंद कि हम तैं मंहगा कारो।
माइक्रो टॉम टमाटर -हाँ मंहगाई लियाज से प्याज पर बिंडी चर्बी चौड़ गे छे।  अबकी बार मोदी सरकार और जनता पर टमाटर की मार जन नारा लगण चयेंद।
टमाटरुं  सबि सौ जात्युं प्रतिनिधि - हाँ हाँ !  अबकी बार मोदी सरकार और जनता पर टमाटर की मार ! जै गैरमुनाफा कु लोभ ! जै कालाबजारी ! जै जमाखोरी !  जै सेंसेनल न्यूज मेकर्स !


Copyright@  Bhishma Kukreti  25 /7 2014 
   
*लेख में  घटनाएँ , स्थान व नाम काल्पनिक हैं ।
 
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

                       गढ़वाळी गढ़वाळि मा किलै नि बचळयांदन (बतियाना ) ?
           

                                              घपरोळया , हंसोड्या , चुनगेर ,चबोड़्या -चखन्यौर्या -भीष्म कुकरेती     
                   
(s =आधी अ  = अ , क , का , की ,  आदि )
सरा गढ़वाळ अर सबि गढ़वळि चिंतित छन बल गढवळि लोग आपस मा किलै नि बचळयांदन।  साहित्यकार जौंक नौन्याळ अंग्रेजी स्कूलम पढ़दन वू बि चिंतित छन तो भूतपूर्व आयातित मुख्यमंत्री विजय बहुगुणा बि चिंतित छन कि समाज अपण मदर टंग छुड़ना छन अर फिकरौ मारा हौर भूतपूर्व मुख्यमंत्री कोशियारी , तिवाड़ी , खंडूरी, निशंक  अर भविष्य का मुख्यमंत्री सतपाल महाराज तो worry , फिकर , चिंता का मारा से नि सकणा छन कि गढवळि लोग गढ़वाली में नही बचळयाते हैं।  चूँकि वर्तमान मुख्यमंत्री आपदा प्रबंधन, सरकार बचाओ प्रबंधन का अलावा राहुल गांधी की ठकुरसुहाती मा व उर्दू की कमजोर हालत पर हद से ज्यादा व्यस्त छन तो वु अबि चिंतित नि छन कि गढ़वाळी -कुमाउनी कु क्या ह्वाल।  पर सब जाणदन कि जनि हरीश रावत भूतपूर्व मुख्यमंत्री की जोनी (योनि ) मा आल कि रावत जी तैं बि गढ़वाली अर कुमाउनी व जौनसारी भाषा की चिंता कु रोग लग जालु।
                   इन यी हाल आजौ नि छन.  सहस्त्र सालों से गढ़वाल्युं द्वारा   अपण भाषा मा नि बचळयाणो रोग च।  इन बुल्दन बल जब तलक बालक भरत कण्वाश्रम गढ़वाल मा राई तो स्थानीय  खस भाषा मा बचल्यांद थौ किन्तु जनि भरत शकुंतला दगड़ राजधानी गे कि राजकुमार भरतन सबसे पैल गढ़वळि खस  कु त्याग कार. माँ शकुंतलान भरत तैं अड़ाई कि यदि राजकुमार भरत गढ़वाली खस बोली मा बचळयाळ तो भरत कु क्वी स्टैंडर्ड नि रै जाल।  मा शकुंतलान राजकुमार भरत तैं सिखाई कि यदि बडु स्टैंडर्ड कु किंग बणन तो सबसे पैल खस भाषा कु परित्याग करण जरुरी च।  अपण व्यक्तिगत  स्तर बढ़ानो खातिर राजकुमार भरतन अपण मातृभाषा खस छ्वाड़ अर संस्कृत अपणाई।
                  बुलण वाळ त कालिदास पर बि भगार   लगौन्दन कि उज्जैन मा बड़ो पद पाणो खातिर ऊंन बताई नि  छौ कि वु गढ़वाळी छन बस इन बताई कि वु हिमालय प्रेमी छन। व्यक्तित्व विकास का खातिर कलिदासन गढ़वाली छवाड़।
                  भगार लगाण वाळु गिच कु पकड़ सकद ? भगार लगाण वाळ त इन बि बुल्दन कि स्टैंडर्ड बढ़ाणो खातिर हेमवती नंदन बहुगुणा अर डा शिवा नन्द नौटियालन अपण गढ़वाळी पत्नी छवाड़ अर परदेस्यूं दगड़  ब्यौ कार !
           असल मा गढ़वळी अर कुमया दोगलापन तक  त समझौतावादी हून्दन किन्तु जनि त्रिगलापन (तिगुलापन ) की बात आंद गढ़वाली -कुमाउनी दोगलापन की सीढ़ी से अगनै जाण पसंद नि करदन। हिंदी -अंग्रेजी बुलणो  दोगलापन  तो गढ़वाली -कुमाउनी सहन कर लीन्दन किन्तु ट्रिपल स्टैंडर्ड याने अंग्रेजी -हिंदी अर अपण भाषा मा बातचीत कु ट्रिपल स्टैंडर्ड हम तैं असह्य ह्वे जांद।
              व्यक्तित्व  विकास मा स्टैंडर्ड  जीवन स्तर कु बड़ो योगदान हूंद अर सिंगल स्टैंडर्ड ही पर्सनालिटी डेवलप कर सकद।
                   चूँकि इंग्लिश पर्सनालिटी डेवलपमेंट का आवश्यक च तो हम सबसे पैल अंग्रेजी से प्रेम करण आवश्यक च अर हम सब अंग्रेजी भक्त बौण जाँदा।
                 किन्तु पर्सनालिटी डेवलपमेंट या व्यक्तित्व विकास का वास्ता इंग्लिश  स्पीकिंग ही आवश्यक नि हूंद बल्कण मा व्यक्तित्व विकास तब तलक ह्वेई नि सकुद जब तलक तुम अपण दुधबोली तैं मड़घट नि पौंचावो।  अतः हम सब गढ़वाली -कुमाउनी अपण व्यक्तित्व विकास  का खातिर अपणी मातृभाषा तैं भेळ जोग करदां।   जब तलक मातृभाषा याने मदर टंग  खतम नि हूंदी हमर पर्सनालिटी डेवलप ठीक से नि हूंद। मदर टंग पर्सनालिटी डेवलपमेंट की जन्मजात बैरी च इलै हम अपण व्यक्तित्व विकास का खातिर अपण दूधबोली कु विनास करणा  छंवां।
तो हम तैं रुणै जरूरत नी च कि हम गढवाळी -कुमाउनी में क्यों नही बचळयाते हैं. यदि हम अपण स्टैंडर्ड तैं उच्चु दिखाणो बान अपण ब्वै तैं कामवाली बाई बताइ दींदा तो क्या हम तैं पर्सनालिटी डेवलपमेंट का खातिर मातृभाषा छुंडनो अधिकार नी च ?

Copyright@  Bhishma Kukreti  26  /7 2014 
   
*लेख में  घटनाएँ , स्थान व नाम काल्पनिक हैं ।
 
Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

                 गढ़वाळि व्यंग्यकोष -भाग -13 

                      Garhwali Satire Dictionary part 13
 
                          चबोड़्या  --- भीष्म कुकरेती
                    अर्थशास्त्र का कुछ शब्द

अर्थशास्त्र - भगवान छैं च जन  एक अणथाह वळु विचार
एग्रीकल्चर (कृषि )- सब्सिडी बगैर ज्वा खड़ी नि रै सकदी
कैपिटलिज्म (पूंजीबाद ) - मुनाफ़ा म्यार , नुकसान सरकारौ
करेंसी - डॉॅलर , येन का  समिण भिखारी
डिप्रेसन - विकासशील देसूं मुंडर
इनकम - जै पर टैक्स लगद
ब्लैक इनकम - जु हूंद च पर सरकार बुल्दी कि नी च।
इन्फ्लेसन (मंहगाई )- एक घातक हथियार
इन्वेस्ट (निवेश ) - स्टॉक मार्किट वाळु कुण खेल कु एक जरिया
मैनुफैक्चरिंग (उत्पादन ) -भारत मा आफत -शामत अर चीन मा अमेरिका तैं आँख दिखाणो हथियार
मिनिमम वेज (आधारिक मजदूरी )- मनरेगा योजना की मजदूरी
मनी (धन ) -जु पैल हतुं मैल हूंद छौ अब मनी स्कैमुँ फैक्ट्रियुं मा निर्मित हूंद
नीड (जरूरात )- जैकि परिभाषा ना त दर्शन शास्त्री दे सकिन ना आज का मनमोहन सिंग, मोंटेक सिंग जन अर्थशस्त्री दे सकणा छन. सुणन मा अयि कि नरेंद्र मोदीक हिसाब से जरूरात माने अच्छे दिन।
प्रोडक्ट (उत्पाद /चीज )- चीन मा निर्मित पदार्थं तैं प्रोडक्ट बुले जांद।
रिसेसन ( मंदी )- निर्यात पर रोक लगाणो समय
स्केर्सिटी (माल की कमी )- कालाबजार्युं  की एक सिद्धहस्त हस्तकला
सोसालिज्म (समाजवाद )- जैम च वैमन छीनो
सरप्लस (जरूरत से ज्यादा )- फ़ूड कॉर्पोरेसनु गोदामुँ मा सड़ाण वाळ चीज
टैक्स - एक डरौंण्या विचार
दलाल स्ट्रीट - अधिकृत जुवार्युं  खेल -मैदान




व्यंग्य शब्दकोश जारी रहेगा ……।
Copyright@ Bhishma Kukreti 30 /7/2014


Garhwali Satire  Dictionary on economics words , Garhwali Satire  Dictionary of economics words collected and edited by born in village Jaspur ; Garhwali Satire  Dictionary of economics words collected and edited by born in Dhangu Patti ; Garhwali Satire  Dictionary of  economics words collected and edited by born in Dwarikhal Block ; Garhwali Satire  Dictionary of  economics words collected and edited by born in Gangasalan Pargana ; Garhwali Satire  Dictionary of  economics words collected and edited by born in Lainsdowne Tehsil ; Garhwali Satire  Dictionary of  economics words collected and edited by born in Pauri Garhwal ; Garhwali Satire  Dictionary of  economics words collected and edited by born in Uttarakhand; Garhwali Satire  Dictionary of  economics words collected and edited by born in Central Himalaya ;Garhwali Satire  Dictionary of  economics words collected and edited by born in  North India;Garhwali Satire  Dictionary of  economics words collected and edited by born in South Asia ; Garhwali Satire Dictionary of  economics words; Garhwali send-up lexicon; Garhwali spoof vocabulary of  economics words; Garhwali lampoon glossary of  economics words; Garhwali Satire phrase book of  economics words; word list; Garhwali Humor of  economics words, Satire thesaurus of  economics words;