Uttarakhand > Culture of Uttarakhand - उत्तराखण्ड की संस्कृति

Phool Deyi: Folk Festival Of Uttarakhand - फूल देई: एक लोक त्यौहार

<< < (20/20)

एम.एस. मेहता /M S Mehta 9910532720:
फूल देई छिमा देई
दैणी द्वार, भर भकार
फूल देई फूल संगरांद
सुफल करो नयू बरस तुमकु भगवान
तुमारा भकार
भर्यान अन्न धन्न फुल्यान
औंदी रय्यां ऋतु मास
फुलदा रया फूल
बच्यां रौला हम तुम
फेर आली संग्रांद

Bhishma Kukreti:
फूलदेई उत्तराखंड कु पारंपरिक त्योहार व पर्व
-
सरोज शर्मा-जनप्रिय गढ़वाली साहित्य -235
-
    फूलदेई भारत क उत्तराखंड कु एक स्थानीय त्योहार च जु चैत माह क आगमन मा मनये जांद, संपूर्ण उत्तराखंड म चैत कि शुरुआत मा अनेक फूल खिलजंदिन जै मा फ्यूंली, लाई, ग्वीरयाल, किनगोड़, हिसर, और बुरांस प्रमुख छन, चैत कि पैलि गते से छवट छवट बच्चा हथों मा कैंणी ( बरीक बांस कीकविलास यानि कि शिव क कैलाश क सर्व प्रथम सतयुग म पुष्प पूजा कु वर्णन और महत्व सुनण कु मिलद, पुराणो मा वर्णित च कि शिव शीतकाल म अपणि तपस्या म लीन छा ऋतु परिवर्तन थैं भौत वर्ष बीत गैन पर शिव कि समाधि नि टुटणी छै, मां पार्वती ही न बल्कि नंदी और शिव गण भि भि शिव कि समाधि मा लीन हूण से परेशान ह्वै गिन, आखिर मां पार्वती न युक्ति निकाल, कविविलास मा सबसे पैल फ्योली क पीला फूल खिलणक कारण सब्या शिव गणो थैं पीताम्बरी कपड़ा पैरा कि ऊंथै अबोध बच्चो क रूप दे द्या, सब्यूं थैं ब्वाल कि इन फूल चुनिक ल्याव कि जौंसे पूरू कैलाश महक जा, सबुन पार्वती क ब्वलयूं मानिक फूल समाधिस्थ शिव थैं समर्पित करिन, इलै ये थैं फूलदेई ब्वलेजांद, और सब्यू न दगड़ मा महादेव से एक सुर मा तपस्या म बाधा डलण कि क्षमा मांगिक ब्वलण लगिन-फूलदेई क्षमा देई, भर भंकार तेरा द्वार आये महाराज, शिव कि समाधि टूटि बच्चो थैं देखिक महादेव कू गुस्सा शांत ह्वै, और वू भि प्रसन्न मन से ए त्योहार मा शामिल ह्वीं, तब से पहाड़ों म फूलदेई पर्व धूमधाम से मनयै जांद, आज भि अबोध बच्चा हि येथैं मनंदिन, और समापन बुजुर्ग करदिन, सतजुग से लेकि आजतक परम्परा क निर्वहन बाल ग्वाल ही सरया धरती का इन वैज्ञानिक हूंयी जौन
फूलों क महत्व सृष्टि थै करै,
तभि बटिक फूल देवप्रिय, जनप्रिय और लोकसमाज प्रिय मनै गैन,फूलो म कोमलता हूंद, अतः पार्वती तुल्य मनै जंदिन, ऐ कारण हि फूल महिलाओ मा ज्यादा लोकप्रिय छन, सतजुग से लेकि आजतक महिलाए आभूषण क रूप मा ऐकु प्रयोग करदिन, बाल पर्व फूलदेई से हि पहाड म हिन्दू शक संवत शुरू ह्वै, फिर भि हम ये पर्व थैं हल्का म लिंदौ, जखबटिक श्रृष्टि न अपण श्रृंगार शुरू कैर और हमथैं कोमलता सिखै, जै बसंत कि आगुवाई कोमल हथौं न कैर और आवासों कि देलि म पुष्प वर्षा कैर वखी का हम शिक्षित लोग कब समझला कि यी अबोध बचपन हमथैं जीणकु मंत्र दे ग्या,
फूलदेई क पर्व कखि आठ दिन तक कखि पूरा चैत मास तक मनयै जांद, ऐ दिन बच्चा रंग बिरंगा फूल इकठ्ठा कैरिक घोघा माता कि कंडी म रखदिन, फूलकंडी लेकि घर घर जंदिन और देहरी मा फूल डलदिन, और सुख समृद्धि कि शुभकामनाऐ दिंदिन, महिलाओ क द्वारा बच्चो क सत्कार किए जांद उपहार स्वरूप चौंल गुड़ और पैसा दिंदिन, अंतिम दिन बच्चा घोघा माता कि पूजा करदिन, और इकठ्ठा हुंयू जतगा भि चौल दाल से सामूहिक भोजन बणद, जु प्रसाद क रूप म ग्रहण कियै जांद, गीत गयै जंदिन
फूलदेई, छम्मा देई
देणी द्वार, भर भकार
ये देली स बारम्बार नमस्कार
फूले द्वार....फूलदेई छम्मा देई
ऐ दिन फूलदेई से संबंधित अनेक गीत गयै जंदिन, होली क पर्व क बाद हि लोग ऋतुरैण और चैती गायन मा डूब जंदिन, ढोल दमौ बजाण वला लोग घर घर जैकि गीत गंदिन और भेंट क रूप मा चौंल गुड़ दीणकि प्रथा च।

Navigation

[0] Message Index

[*] Previous page