"महेन्द्र सिंह धोनी"
जीवनसाथी बणिगि जौंकि ,
साक्षी रावत,
उत्तराखंड की एक नौनि,
सच मा, अग्नि साक्षी छ.
दून देखण लग्युं थौ,
दूर बिटि हैंसणी,
पहाड़ की राणी मसूरी,
बराती बण्या था,
दगड़्या क्रिकेटर भी,
शादी की रस्म ह्वैन पूरी.
ख़ुशी की लहर मा,
खुशनुमा माहौल छ,
जख छ धोनी जी कू गाँव,
इंतज़ार मा छन ग्रामवासी,
थिरकणा ऊँका पाँव.
कहावत एक प्रसिद्ध छ,
"चट मगणी पट व्याह",
जनु टी-२० क्रिकेट मैच,
धन्य हे धोनी क्रिकेटर जी,
आप ह्वैगिन अब कैच.
रचनाकार: जगमोहन सिंह जयाड़ा "जिज्ञासु"
(सर्वाधिकार सुरक्षित, यंग उत्तराखंड, मेरा पहाड़, पहाड़ी फोरम पर प्रकाशित)
५.७.२०१० को रचित....दिल्ली प्रवास से