Great Jounalists/Editors of Garhwal - 3
गढवाळ का नामी लोक अर ज़ात (मलारी जुग बिटेन अज्युं तलक ) - फड़की -55
गढ़वाल के विभूतियाँ व समाज (मलारी युग से वर्तमान तक) - भाग - 55
Great Garhwali Personalities (Malari era to till date ) Part -54
Bhishm Kukreti
गढ़वाळ का नामी-गिरामी पत्रकार/संपादक -3
भग्यान /स्व. परिपूर्णा नन्द पैन्यूली (छोळ , टिहरी, १९२६-स्वर्गीय) भग्यान/स्व. परिपूर्णा नन्द पैन्यूली
टिहरी रियासत क एक बागी,स्वतंत्रता सेनानी, लिखवार, सांसद ,
पत्रकार अर संपादक छया भात स टैम पर राष्ट्रीय अर स्थानीय पत्रों मा खबर दीन्दा छया
भौत समौ तलक 'हिमानी' मासिक क प्रकाशन अर संपादन .
भग्यान/स्व भगवती चरण निर्मोही (सिराल़ा , कंडवाल स्यूं , १९११-स्वर्गीय) : टिहरी रियासत्त
का बागी, द्वी दें विधयाक, गढवाळी का कवि,भग्यान भगवती चरण निर्मोही 'लैंसडाउन बिटेन
'लैंसडाउन बिटेन छपेण वाळ हफ्तावार 'उत्तर भारत' अर हरिद्वार बिटेन छपण वाळ मासिक 'तीर्थ संदेस'
मा सह-संपादक रैन
भग्यान /स्व.मधुर (कुकरेती) शास्त्री(चंपा, अजमेर, पौ.ग.१९०५-स्वर्गीय) भग्यान मधुर शास्त्री स्वतंत्रता सेनानी .
लिखवार, पत्रकार अर संपादक छया. मिलाप, अर्जुन, शक्ति, गढ़वाळी का खबरची रैन अर 'समृद्ध भारत'
हफ्तावार पत्र का संपादक रैन
भग्यान/स्व. मस्तराम बलूणी (देव बडी, डबराल्स्युं १९५०-भग्यान ) : भग्यान मस्तराम बलूणी
क दियां लेख अर खबर पंजाब केसरी, अमर उजाला, हिंदुस्तान, कीर्ति मा छपदा छया.
'सीमान्त वार्ता' साप्ताहिक का भग्यान मस्तराम बलूणी कार्यालय संपादक रैन फिर
कोटद्वार मा 'हिसाब किताब' हफ्तावार का संपादन , प्रकाशन कार . एक टैम
पर हिसाब किताब भ्रष्टाचार अर भ्रस्टाचारयूँ पल खुलण मा अग्वाड़ी को पेपर माने जांद छौ.
भग्यान/स्व डा. महावीर प्रसाद गैरोला (सतेश्वर मोहल्ला, टिहरी १९२२-भग्यान) गढवाली, अंग्रेजी, हिंदी
क उपन्यासकार, कथाकार, कवि , दार्शनिक भग्यान डा. महावीर प्रसाद गैरोला न 'नैतिकी' मासिक
क प्रकाशन अर संपादन सन १९६६ बिटेन शुरू कार पण कंळदारौ ९पैस, धन) समस्या से बन्द करण पोड़.
भग्यान/स्व. रमा प्रसाद घिलडियाळ (बड़ेथ, मल्ला ढान्गु, मूल गां डांग , १९११-भग्यान) हिंदी
क कथाकार, उपन्यासकार, बामपंथी साहित्य का पुरोधा , घडवा ळी भाषा का अभिनव समर्थक,
भग्यान/स्व. रमा प्रसाद घिलडियाळ टाइम्स इंडिया, स्टेट्समैन का अंग्रेजी भाषाई संवाददाता रैन अर
फिर अमृत बाजार पत्रिका का संपदक बि रैन. ''कर्मयोग'मासिक अर 'भविष्य' साप्ताहिक मा
यशपाल जि क दगड सम्पादन कार . 'नया साहित्य'पत्रिका क सफल संपादन से बडी प्रसिधी.
भग्यान/स्व. राधा कृष्ण कुकरेती (तल्ला नौगाँव, उदयपुर, पौ.ग. १९३५- भग्यान) मार्क्सवाद- बामपंथ को धड्वे,
हिंदी का पर्वतीय ज्वीवन का कथाकार भग्यान राधा कृष्ण कुकरेती न बीस सालुं से बि जादा दिन तलक
देहरादून बिटेन 'नया जमाना साप्ताहिक' को प्रकाशन अर संपादन कार.
भग्यान/स्व राधा कृष्ण वैष्णव(नन्दप्रयाग, १९२९-भग्यान) भग्यान राधा कृष्ण वैष्णव हिन्दुस्तान टाइम्स अर भौत सा
समाचार पत्रों मा प्रखर संवाददाता रैन. गढवाळ का पत्रों मा भग्यान राधा कृष्ण वैष्णव बि खबर दीन्दा छया.
Great Jounalists/Editors of Garhwal to be continued ....
Copyright@ Bhishm Kukreti
गढवाळ का नामी लोक अर ज़ात (मलारी जुग बिटेन अज्युं तलक ) - फड़की -55
गढ़वाल के विभूतियाँ व समाज (मलारी युग से वर्तमान तक) - भाग - 55
Great Garhwali Personalities (Malari era to till date ) Part -54
Bhishm Kukreti
गढ़वाळ का नामी-गिरामी पत्रकार/संपादक -2
Great Jounalists/Editors of Garhwal - 2
सौ साल का जवान कुंवर सिंह नेगी "कर्मठ' : गढ़वाळ अर गढ़वाळी प्रति समर्पित जुझारू व्यक्तित्व
सौ साल का कुंवर सिंह नेगी क स्वास्थ्य, प्रतिभा अर व्यक्तित्व बिलखणि च. कर्मठ जी एक स्वार्थहीन सामाजिक कार्यकर्ता.
गढवाळी साहित्य का प्रकाशक , लगन शील लेखक अर जीवट का संपादक छन. अच्काल इन व्यक्तित्व को सर्वथा
अकाळ पड्यूँ च .
कुंवर सिंह कर्मठ को जनम सन उन्नीस सौ बारा मा पांग गौं , तहसील पौड़ी मा ह्व़े छौ.
पैल पैल १९३६ मा पैमैस क टैम पर पेपर कु ठेका लीण से कुंवर सिंह उर्फ़ 'कर्मठ' जी 'हिल पेपर कोंट्रेकटर ' का
नाम से प्रसिद्ध ह्वेन. कुछ समौ परांत कर्मठ जी न कालेश्वर प्रेस की स्थापना कार जख बिटेन भक्त दर्शन जी
अर भैरव दत्त धुलिया जे क संपादकत्व मा 'कर्मभूमि' साप्ताहिक छ्पदो थौ.
भक्त दर्शन जी अर धुलिया जीक जेल जाण मा 'कर्मभूमि' क संपादन को काम कर्मठ जी न सम्बाळ.
पैथर कुंवर सिंग नेगी जी कालेश्वर प्रेस तैं कोटद्वार लै गेन. सनै सनै कौरिक कालेश्वर प्रेस
कोटद्वार मा छपण वाळ पत्र-पत्रिकाओं जन कि कर्मभूमि, सत्यपथ, हितैषी , क्षत्रिय वीर,
देव भूमि, हिमालय की ललकार, अर 'आवाज' क मुद्रक बौणि गे . लैंसडौन अर श्रीनगर मा बि कालेश्वर प्रेस के
ब्रांच रैन .
सन १९७६ मा कर्मठ जीन 'गढ़ गौरव मासिक' पत्रिका क प्रकाशन अर सपादन शुरू का. 'गढ़ गौरव '
पत्रिका सन १९७६ बिटेन आज तक छपेणि रौंदी .
कर्मठ जी न गढवाली कथामाला , जैलाल वर्मा क 'गढवाली शब्दकोश, वेताल पचीसी , अर
अदित्य्राम दुधपूड़ी क भौत सी किताब क आलावा ग्ध्वालियों का स्वतंत्रता संग्राम में योगदान,
डा पीताम्बर दत्त बडथ्वाळ क साहित्यिक जीवनी जन किताबुं प्रकाशन कार .
भौत सी संस्थाओं न सौ साल कु जवान कुंवर सिंह नेगी क सम्मान कार.
कुंवर सिंह नेगी 'कर्मठ' जी कोटद्वार मा रौंदन .
Great Jounalists/Editors of Garhwal to be continued ....
Copyright@ Bhishm Kukreti
गढवाळ का नामी लोक अर ज़ात (मलारी जुग बिटेन अज्युं तलक ) - फड़की -54
गढ़वाल के विभूतियाँ व समाज (मलारी युग से वर्तमान तक) - भाग - 54
Great Garhwali Personalities (Malari era to till date ) Part -54
Bhishm Kukreti
गढ़वाळ का भगवान्(स्वर्गीय) पत्रकार/संपादक- १
Great Jounalists/Editors of Garhwal of Past - 1
गढवाळ पत्रकारिता क मामला मा सुभागी च . जब बिटेन भारत अर गढ़वाल मा
अखबार छपेण बिसेन गढ़वाळ की धरती मा नामी गिरामी पत्रकार/संपादक पैदा ह्वेन .
१- नागेन्द्र उनियाल (असवाळस्यूं, पौ.ग,- स्वर्गवास-१९८१) : इन उना नौकरी क बाद 'धडकता
पहाड़ ' निकाळ . फिर कोटद्वार बिटेन 'जयंत' आठ्वाडा (साप्ताहिक) को प्रकाशन, संपादन शुरू कार .
तेज तर्रार लिखणो बान प्रसिद्ध.
२- श्याम चरण काला (सुमाडी, पौ.ग,१९१०-१९८४): काला जी टाइम्स ऑफ़ इंडिया , भारत का भौत का
रोजानौ अखब़ारूं अर भैर देसु अखब़ारूं रैबार्या/ खबरची/संवाददाता रैन. भारतीय श्रमजीवी पत्रकार सम्मलेन,
योधा मा सम्मानित. जब 'श्रमजीवी पत्रकारूं बान कोलोनी बौण त कोलोनी नाम
'श्यामाचरण काला नगर' धरे गे.
३- सदा नन्द कुकरेती (ग्वील, मल्ला ढानगु, पौ. १८८६-१९३७): पैल टीरी रियासत मा काम कार पण उख घूसखोरी
रास नि आये त पौड़ी आयें अर सन १९१३-१९१५ तक 'विशाल कीर्ति' का संपादन कार. लिखण मा चुटीली शैली
अर व्यंगात्मक ब्युंत का बान प्रसिद्ध. अख्बराऊ संपादकत्व मा अंग्रेजी हकुमत से झगड़ा बि ह्व़े.
४- टेक चंद गुप्ता (देहरादून) : स्वतंत्रता से पैल 'देहरा पत्रिका' क संपादक रैन .
५-संपादक शिरोमणि विश्वम्बर दत्त चंदोला (थापळी,पौ.ग. १८७९ -१९७०) : कुछ दिन फ़ौजी दफ्तर मा
काम कार अर फिर १९०५ से 'गढवाळी पत्रिका' पत्रिका क संपादन अर प्रकाशन शुरू कार. टिहरी रियासत क
रवाईं कांड खबर छाप ण पर जेल (१९३३-१९३४) .
६- त्र्यम्बक चंदोला : पैल 'गढ़वाळी' हिंदी साप्ताहिक का सह संपादक रैन फिर अंग्रेजी अखबार 'हिंदुस्तान टाइम्स '
का ताउम्र संवाददाता रैन
७ ब्रज भूषण ( देहरादून १९१३-१९७७) ; स्वतंत्रता सेनानी, कवि न साप्ताहिक 'दून घाटी' क संपादन कार .
८- व्याखान वाचस्पति विश्वम्बर दत्त देवरानी (जेठो गाँव पैनो); मालवीय जे क सेक्रेटरी संतान धर्म का प्रचारी बि छया .
अफ्रीका मा ऊंको बड़ो सम्मान थौ. देवरानी जी न डिल्ली मा 'कर्मयोगी' क सम्पादन कार. ये लेखक तैं
अफ्रिका मा बस्यां गुजरात्युं द्वारा गुजराती मा छप्युं पम्फलेट दिख णो सौभाग्य बि हुयुं च जख मा
'महामहोपदेसक ' ' विश्वम्बर दत्त देवरानी क अफ्रिका मा प्रोग्राम क ब्यौरा च.
९- स्व दया नन्द थपलियाल (खैड़, पौ.ग.मावाळस्यूं) अंग्रेजी का पत्रकार जौन 'कोम्म्र्स एंड इंडस्ट्री ' अर 'थौट' क
संपादन बिभाग मा काम कार
१०- दामोदर प्रसाद थपलियाल (पालकोट, खात्स्युं, टि.ग, १९२३-१९७७) : गढवाली क साहित्यकार दामोदर प्रसाद
थपलियाळ न गढवाळी भाषा की 'फ्यूं ळी ' पत्रिका क संपादन कार .या पत्रिका धनाभाव से बन्द ह्व़े
११-महेशा नन्द थपलियाळ (टोलू, मन्यार स्यूं, पौ.ग. १९०१-१९६९) मेरठ बिटेन 'ह्रदय' हफ्तावार अर 'आशा' मैनावार
पत्रिकाओं संपादन अर फिर पौड़ी बिटेन 'उत्तर भारत' एवम लैंसडाउन बिटेन 'नव भारत को संपादन
१२- देवकीनंदन ध्यानी (जखळ , सल्ट, अल्मोड़ा , १९०७-१९३६ ); कवि देवकीनंदन न मुरादाबाद बिटेन 'विजय',
हल्द्वानी अर पौड़ी बिटेन 'स्वर्ग भूमि' प्रकाशन अर संपादन
१३- दयाधर धौल़ाखंडी (डुमैला, खाटली, पौ ग. १९१९-१९४९): गढ़वाल साहित्य मंडल का कर्कर्ता अर
'गिरीश' पत्रिका डिल्ली क संपादक मंडल का सदस्य
१४-कोतवाल सिंग नेगी (कांडई , पौ. १९००-१९४८) कोतवाल सिंग जी न कानपूर बिटेन 'हिलमन' अर
पौड़ी बिटेन' क्षत्रिय वीर ' को संपादन कार
१५- गोविन्द सिंह नेगी ( दाल ढुंग, बडीयार गढ़ , टि.ग १९२८-१९७१) : कति समाचार पत्रों मा संवाददाता रैन
'जीवन-पानी' अर 'दून अंचल ' का संपादन कार
१६- जोध सिंह नेगी (सुला, अस्वाल्स्युं, पौ.ग.१८६३-१९२५) ' क्षत्रिय वीर ' क संस्थापक
१७- प्रताप सिंह नेगी (नेग्याणा, गग्वाड़स्यूं ,पौ., १८७२-१९३५): 'क्षत्रिय वीर ' का संपादक अर प्रकाशक
१८- श्याम चन्द्र नेगी (बेलग्राम, अठुर, टि.ग १९१२-१९८२): अंग्रेजी समाचार पत्रुं संवाददाता .
'नोर्दर्न टाइम्स ' का संदन बि कार
१९-महान संपादक गिरिजा दत्त नैथाणी (नैथाणा ,मन्यार्स्युं , पौ. १८७२ -१९२७) गढवाळ क्षेत्र का पैला
पत्रकार अर संपादक १९०२-१९०४ तक ' गढ़वाल समाचार' (पैल लैंसडाउन अर फिर कोटद्वार ) का सम्पादन अर प्रकाशन.
१९०५-१९१० तक देहरादून बिटेन 'गढवाली 'माववार क संपादन.
फिर दुगड्डा से ' गढ़वाल समाचार' (१९१२-१९१४० तक प्रकाशन अर संपादन.
फिर देहरादून क 'गढवाली' हफ्तावार पत्रिका क संपादन (१९१५-१९१६)
आखिरैं 'पुरुषार्थ' मासिक क प्रकाशन अर संपादन (दुगड्डा अर नैथाना ).
२०-मायादत्त नैथानी ( नैथान , मृत्यु १९७२) मुंबई का अंग्रेजी समाचार पत्रुं संवाददाता अर
सम्पादकीय मंडल सदस्य
२१-सत्यपाल पांधी (अमृतसर १९२३-१९८१): मस्सुरी मा रौंदा छा. कत्ति अंग्रेजी समाचार पत्रुं मा
संवाददाता . मसूरी बिटेन अंग्रेजी साप्ताहिक 'मसूरी टाइम्स' को संपादन कार .
फिर मसूरी बिटेन १९४९ मा, अंग्रेजी साप्ताहिक 'हिमाचल टाइम्स' का प्रकाशन अर संपादन शुरू कार.
१९५३ मा हिंदी संस्करण शुरू. १९६९ मा ये पत्र क नाम 'हिमालय टाइम्स कार. १९६९ बिटेन दैनिक
अखबार 'हिमालय टाइम्स' शुरू कार . १९७० बिटेन शिमला संस्करण शुरू.
उच्चस्तरीय तिमासी ' पेट्रोलियम एशिया' क प्रकाशन अर संपादन.
२२- जंगीलाल शाह 'श्रीबंधू' (चमोली, १९१४-१९८५ ): पत्रकार अर साप्ताहिक 'देवभूमि ' प्रकाशन मा अहम् भूमिका.
२३-अमीर चंद बम्बवाल (पेशावर , १८८६-१९७२) स्वतन्त्रता सेनानी . उर्दू अर अंग्रेजी का ज्ञानता. १९०५ मा पेशावर
बिटेन 'फ्रंटियर एडवोकेट' शुरू कार . १९०९--१९१० तक इलाहाबाद मा स्वराज' का संपादक.१९२८ मा फिर फ्रंतिया एडवोकेट
शुरू. १९३२ मा पश्तो भाषा मा पत्रिका प्रकाशन . पेशवर बिटेन 'अफगान' 'खुदाई खिदमतगार' अर द्विबशी फ्रंटियर
मेल' का प्रकाशन अर संपादन.
भारत बिगल़ेणो परांत देहरादून मा निवास अर फिर अंग्रेजी, हिंदी मा 'फ्रंटियर मेल' को प्रकाशन संपादन
२४- सतेन्द्र सिंह भंडारी (चौड़ीख , पौ.ग.स्वर्गवास - १९८३): डिल्ली मा फ्री लांसर जौर्नालिस्ट रैन.
१९६९ बिटेन पौड़ी बिटेन 'पौड़ी टाइम्स ' का संपादन अर प्रकाशन
२५-हुलास वर्मा (बिज्नौर, १८८७ -१९६०) देहरादून बिटेन पाक्षिक 'स्वराज्य सन्देश' क प्रकाशन
२६- स्वामी विचारानंद (प्रयाग,१९४०मा इहलोक वास ) 'साप्ताहिक 'अभय' क संपादन, प्रकाशन.
२७-ठाकुर चन्दन सिंह (1886 -१९६८ ( देहरादून मा 'नोर्दन टाइम्स' अर नोर्दन स्टार ' का
संपादन . फिर 'गोरखा संसार' अर स्वतंत्र नेपाली' क संपादन
२८- शहीद श्री देव सुमन (१९१५-१९४४) श्रीदेव सुमन न डिल्ली क साप्ताहिक 'हिंदु अर अंग्रेजी साप्ताहिक
'धर्म राज्य' क सम्पादकीय बिभाग मा काम करी
२९- कृपाराम मिश्र 'मनहर' (सरूड़ा, १९०२-१९७५ ): गढ़ देश (१९२९-१९३०) को प्रकाशन संपादन.
१९३४ मा फिर से प्रकाशन शुरू . १९४० मा साप्ताहिक 'सन्देश' को प्रकाशन शुरू पण जेल जाण से बंद.
३०- हरिराम मिश्र (१९१८-१९८०) 'सन्देश' का सहकारी संपादक. १९५८ मा 'हिमालय की ललकार'.
हरिराम मिश्र 'चंचल' एक ओजस्वी पत्रकार छया.
३१- प्रताप सिंह नेगी (ढौरि, डबराल स्यूं, पौ.१८९७ -१९८०)स्वतंत्रता सेनानी , राजनीतिग्य, प्रताप सिंह नेगी अर
ज्योतिप्रसाद महेश्वरी न एक साप्ताहिक पत्र 'सन्देश' (१९३७) स्वतन्त्रता आन्दोलन तैं सब्बळ दीणो बान
शुरू कार.
३२- नरेंद्र सिंह भंडारी (जौरासी, चमोली, १९२०-१९८६) राजनैतिग्य लखनऊ मा 'कोंग्रेसी अखबार 'नया भारत' का संपादन कार
३३- प्रसिद्ध पत्रकार गोविन्द प्रसाद नौटियाल (नन्द प्रायद, चमोली,१९०१-१९८६(: अंग्रेजी अखब़ारूं जन की टाइम्स इंडिया,
स्टेट्स मैन , लीडर , हेराल्ड, हिंदुस्तान टाइम्स आदि का संवाददाता.
३४- शहीद उमेश डोभाल (सिरोली, इडवाळस्यूं, पौ.ग.१९५२-१९८८) बिजनौर टाइम्स, नव भारत टाइम्स, अमर उजाल़ा
आदि मा संवाददाता .
खोजी पत्रकारिता क वजे से शराब माफिया द्वारा १९८८ मा ह्त्या
३५-संपादकाचार्य भैरव दत्त धुलिया (मदनपुर पौ.ग. , १९०१-१९८८): स्वतंत्रता सेनानी, विधयक,
जब 'कर्मभूमि' साप्ताहिक को जनम ह्व़े (लैंसडाउन १९३९) धुलिया जी अर भक्त दर्शन दुई संपादक छया .
फिर 'कर्म भूमि ' कोटद्वार आई अर १९८६ तलक भैरव दत्त धुलिया क संपादकत्व मा निरंतर छपणी रै
३६ पत्रकारिता का युग पुरुष ललिता प्रसाद नैथाणी (नैथाना , १९१३- १९८८) : पैल 'कर्मभूमि' क
संपादकमंडल मा काम कार. फिर 'सत्यपथ (१९५६) को प्रकाशन शुरू कार. सत्यपथ गढ़वाल को
नामी गिरामी, राष्ट्रवादी पत्र छौ
३७- समाजसेवी, राज्नैतिग्य राम प्रसाद बहुगुणा (चमोली, १९२०-१९९०) १९५३ बिटेन साप्ताहिक 'देव भिमी' को प्रकाशन अर संपादन.
यू साप्ताहिक उत्तरी गढ़वाळ को बड़ो मशहूर पत्र थौ.
३८- आचार्य गोपेश्वर कोठियाल (कूणजी . टि.ग.१९०९ -१९९९) युगवाणी का संपादक, प्रकाशक आचार्य गोपेश्वर जी '
युगवाणी' तैं शुरू करण वळ अर ये साप्ताहिक
तैं निरंतर चलाण वाळ छया. १९४७ बिटेन युगवाणी निरंतर छपेणी राई. अब युगवाणी मासिक पत्र च
३९ धर्मानंद सेमवाल (रुद्रप्रयाग, १९५३-२००० ) धर्मानंद सेमवाल न पैल 'पर्वत मित्र' पाक्षिक अर फिर
'परिवहन मित्र' को प्रकाशन कार .
४०- संघर्षशील पत्रकार मदन जोशी (सिंधार, पौ.ग १९५५-२००): पत्रकारिता मदन जोशी क हवस छे
पैल 'दून दर्पण' मा छई साल काम कार.
१९८७ मा दयानंद अनंत क 'पर्वतीय टाइम्स' मा ऐन. ओज्वासी लेख से युंकी प्रसिधी बढ़
१९९१-१९९२ तक आकशवाणी का उप संपादक रैन
१९९५-१९९६ से 'हिमालय दर्पण' देहरा दून मा उप संपादक रैन .
१९९६ मा दैनिक जागरण मा उपसंपादक रैन
४१- जुझारू मनिख स्वरुप ढौंडियाल (ढोड, पौ.ग १९३५-२००२) हिंदी का प्रसिद्ध कथाकार, गढ़वा ळी नाटकूं
लिख्वार स्वर्रोप ढौंडियाल न १९७३ बिटेन २००२ तक 'अलकनंदा' मासिक प्रकाशन अर सम्पादन कार .
४२- मुंबई क हिलांस अर्जुन सिंह गुसाईं ( ड़ान्गु , पौ.ग१९३४-२२००३) अर्जुन सिंग गुसाईं का नाम उत्तराखंडी
पत्रकारिता मा 'हिलांस ' (१९७८-१९९०, १९९२-१९९७) मासिक क कारण भौत प्रसिद्ध च . अपण टैम की या पत्रिका
साहित्यकारूं मा सम्माननीय पत्रिका रै.
४३- डा शिवा नन्द नौटियाल (कोठल़ा , पौ.ग.१९३६-२००४) प्रसिद्ध लोक साहित्य मर्मी , उत्तरप्रदेश का
भू.पू.उच्च शिक्षा मंत्री डा सिवा नन्द नौटिया न डिल्ली बिटेन १९६६ से कुछ साल 'शैलोदय' पत्रिका का
संपादन /प्रकाशन बि कार
४४-धर्मानंद उनियाल (कफना, कड़ाकोट , टि.ग १९३६-२००९) धर्मानंद उनियाल की रिपोर्ट
स्थानीय अर राष्ट्रीय पत्रों मा छपदा छया
४५- पीताम्बर दत्त देवरानी (डुडेख , लंगूर, १९२५ -२००९) प्रसिद्ध मास्टर जी पीताम्बर दत्त जी न १९८६-१९८८ तक
साप्ताहिक 'कर्मभूमि क संपादन कार अर फिर १९८८-१९९४ तक 'सत्यपथ' क संपादन कार
४६ डा भक्त दर्शन ( भौरा ड, साबली, १९१७-१९९१)प्रसिद्ध राजनीतिग्य भक्त दर्शन जी 'कर्मभूमि' का पैला संपादक छ्या.
४७- परुसराम नौटियाल : मुंबई बिटेन परुशराम नौटियाल न १९५२ मा 'नव भारत' का नाम से एक पत्रिका
प्रकाशित करी.
४८- शकुन्त जोशी : शकुन्त जोशी क गढ़वाळी मासिक 'रैबार' देहरादून बिटेन छपद छौ (कुछ समु तक इ)
४९-सतेश्वर आजाद न पौड़ी बिटेन गढवाली पत्रिका क कुछ समौ तक प्रकाशन अर संपादन कार
५०- विनोद उनियाल (अमोल्डा, डबराल स्यूं) न डिल्ली बिटेन कुछ समौ तक 'मंडाण' अखबार
को प्रकाशन अर संपादन कार.
५१- योगेश्वर धुलिया (मदनपुर) स्व. योगेश्वर धुलिया ण पैल कर्मभूमि मा काम कार
अर फिर १९७५ बिटेन 'तरुण हिंद' साप्ताहिक को प्रकाशन कुछ सालुं तक कार
५२- हीरा लाल बडोला (ठनठोली, मल्ला ढान्गु १९३०-२००८) हीरा बडोला न १९५५ से
कुछ समौ तक 'उत्तराखंड' साप्ताहिक छाप अर संपादन कार
५३- प्रसिद्ध कलाविद स्व. बैरिस्टर मुकंदी लाल न ' सन १९२२ मा कोटद्वार से ' तरुण कुमाओं' क प्रकाशन कार
Great Jounalists/Editors of Garhwal to be continued ....
Copyright@ Bhishm Kukreti
Great Garhwali Personalities (Malari Era to Till date ) to be continued.....part 55
गढवाळ का नामी लोक अर ज़ात (मलारी जुग बिटेन अज्युं तलक ) - फड़की -53
गढ़वाल के विभूतियाँ व समाज (मलारी युग से वर्तमान तक) - भग- 53
Great Garhwali Personalities (Malari era to till date ) Part -53
Bhishm Kukreti
सन १९२१ का आन्दोलनकारी जौं तैं सजा ह्व़ेइ या डंडयाई छन
नाम गौं सजा /डंड
१- इश्वरी दत्त ध्यानी खन्द्वारी पौ.ग. एक मैना जेल अर सौ रूप्या
२- खेम दत्त बहुगुणा पौ.ग छै मैना अर सौ रूप्या
३-जीवानन्द बडोला कोलिखाल, पौ ग नौ मैना अर सौ रूप्या
४-गोबर्धन बडोला कोलिखाल, पौ ग. तीन मैना पचास रूप्या
५- केशर सिंग रावत गजेरा , रिंगवाडस्यूं द्वी साल, मालगुजारी जफ्त
६-मंगत राम खंत वाल बन्दर गढ़ी , बदलपुर द्वी साल, पचास रूप्या
७- योगेषर बहुखंडी कोटद्वार तीन मैना पचास रूप्या
८- बालादास पौ.ग छै मैना जेल
९- सकला नन्द डोभाल डोभा, पौ.ग. छै मैना जेल
१०-हरि दत्त बौड़ाई बंगार, सावली पौ ग तीन मैना , पचास रूप्या
११- बादुर सिंग सितौनस्यूं , पौ ग छै मैना
१२- बाल मुकुंद पौ ग. छै मैना
बकै फडकी - 54 मा
असानमंद छौं : श्री शिव सिंह चौहाण : गढ़वाल का राजनैतिक इतिहास
(Political History of Garhwal by Shiv Singh Chauhan in Hindi )