MeraPahad Community Of Uttarakhand Lovers

कम्बोडिया क अंकोरवाट मंदिर
सरोज शर्मा क जनप्रिय लेखन श्रंखला
अंकोरवाट (खमेर भाषा: कम्बोडिया म एक मंदिर परिसर और दुनिया क सबसे बड़ धार्मिक स्मारक च, 162.6 हेक्टेयर (1,626,000 वर्ग मीटर, 402 एकड़) क मपण वल एक साइट म ई एक हिन्दू मंदिर च।ई कम्बोडिया क अंकोर मा च जैक पुरण नौ यशोधपुर छा, ऐकु निर्माण सूरयवर्धन द्वितीय (1112-53 ई ) क शासनकाल म ह्वाई, ई हिन्दू मंदिर च। मीकांग नदी क किनरा सिमरिप शहर म बण्यू ई मंदिर आज भि संसार क सबसे बड़ मंदिर च। जु सैकड़ो वर्ग मील म फैलयूं च,
राष्ट्र खुण सम्मान क प्रतीक ऐ मंदिर थैं कम्बोडिया क राष्ट्र ध्वज म भि स्थान दियै ग्या। ई मंदिर मेरू पर्वत कु भी प्रतीक च,ऐकि दिवारों मा भारतीय हिन्दू धर्म ग्रन्थों का प्रसंगो क भि चित्रण च,यूं प्रसंगों मा सुन्दर अप्सराओं क चित्रण च,देवताओं और असुरों क बीच समुद्रमंथन क दृष्य भि छन,
विश्व क सबसे लोकप्रिय पर्यटन स्थलों मा एक च, साथ हि मंदिर यूनेस्को क विश्व धरोहर स्थलों म एक च,पर्यटक यख केवल वास्तुशास्त्र क अनुपम सौंदर्य हि द्यखण कु नि अंदिन बल्कि सूर्योदय और सूर्यास्त देखणा कु भि अंदिन, सनातनी लोग ऐ थैं पवित्र तीर्थ स्थान मनंदिन।
ग्कोरथोम और अंग्कोरवात प्राचीन कंबुज कि राजधानी और वैका मंदिरों का भग्नावशेष क विस्तार। अंग्कोरधोम और अंग्कोरवात सुदूरपूर्व क हिन्दचीन म प्राचीन भारतीय संस्कृति का अवशेष छन। ईसवी से सदियों पैल सुदूर पूर्व क देशों मा प्रवासी भारतीयो का अनेक उपनिवेश बसयां छा, हिन्दचीन, सुवर्ण दीप, वनदीप, मनाया,आदि भारतीयो न कालांतर मा अनेक राज्यों कि स्थापना कैर, वर्तमान कम्बोडिया क उत्तरी भाग म स्थित कंबुज शब्द से पता चलद कुछ विद्वान भारत कि पश्चिमोत्तर सीमा पर बसण वला कम्बोजों क संबंध भि ई प्राचीन भारतीय उपनिवेश से बतंदीन, अनुश्रुति क अनुसार ऐ राज्य क संस्थापक कौंडिल्य ब्राह्मण छा,जौंकु नौ एक संस्कृत अभिलेख मा मिल,नवीं शताब्दि ईसवी मा जयवर्मा तृतीय कंबुज क राज्य ह्वाई और वैल ही लगभग 860ईसवी मा अंग्कोरथोम (थोम क अर्थ राजधानी च) नामक अपणि राजधानी कि नींव डाल, राजधानी 40 वर्षो तक बनणी रै और 900 ई म तैयार ह्वै, वैक निर्माण क संबंध मा अनेक किवदंतियां प्रचलित छन।
पश्चिम का सीमावर्ती थाई लोग पैल कंबुज का समेर साम्राज्य क अधीन छा पर 14वीं सदी क मध्य ऊंन कंबुज पर आक्रमण शुरू कैर द्या और अंग्कोरथोम थैं बार बार जीत और लूट ।तब लाचार ह्वैकि ख्मेरों थैं अपण राजधानी छोडण पव्ड़,फिर धीरे धीरे बांस क जंगलो न नगर थैं सभ्य जगत से अलग कैर द्या, और वैकि सत्ता अंधकार म विलीन ह्वै ग्या। नगर भी टूटिक खण्डहर ह्वै ग्या। 19 वी सदी क अन्त म फ्रांसिसी वैज्ञानिक न पांच दिनो कि नौका यात्रा क बाद वै नगर और खंडहरौ क पुनरुध्दार कैर, नगर तोन्ले सांप नौ क महान सरोवर क किनर उत्तर कि ओर सदियों से विरान पव्ड़यूं छा जख पास ही दूसर तट पर विशाल मंदिरो का भग्नावेश खड़ा छा।
आज अंग्कोरथोम एक विशाल नगर खण्डहर च, वै का चारों ओर 330 फुट चौड़ी खाई च जु सदा पाणि न भंवरी रैंद छै। नगर और खाई क बीच विशाल वर्गाकार नगर कि रक्षा करदी छै।प्राचीर म अनेक भव्य और विशाल महाद्वार बणया छन। महाद्वारो क ऊंचा शिखरों थैं त्रिशीर्ष दिग्गज अपण मस्तक म उठये खड़ा छन, विभिन्न द्वारो से पांच विभिन्न राजपथ नगर क मध्य तक पौंछदिन।
विभिन्न आकृतियो वला सरोवर क खण्डहर आज भि निर्माणकर्ता कि प्रशस्ति गंदिन, नगर क बीचोंबीच शिव क विशाल मंदिर च जैका तीन भाग छन, प्रत्येक भाग मा एक ऊंचा शिखर च,मध्य शिखर कि ऊंचै लगभग 150 फुट च,चारों तरफ शिखर बणया छन जु संख्या म 50 छन,
यूं शिखरों क चारो तरफ शिव कि समाधिस्थ मूर्तियां स्थापित छन, मंदिर कि विशालता और निर्माण कला आश्चर्यजनक च, दीवारो थैं पशु पक्षी,पुष्प, नृत्यांगनाओ जन विभिन्न आकृतियो से अलंकृत कियै ग्या, ई मंदिर विश्व वास्तुकला की आश्चर्यजनक वस्तु च, और भारत का प्राचीन पौराणिक मंदिर क अवशेष म एक च,अंग्कोरथोम क मंदिर भवन और राजपथ सरोवर नगर कि समृद्धि क द्योतक च। 12 वी शताब्दि क लगभग सूर्यवर्मा द्वितीय न अंग्कोरथोम म विष्णु क एक भव्य मंदिर बणै मंदिर कि रक्षा चतुर्दिक खाई करद जैकि चौड़ाई लगभग 700 फुट च, दूर बटिक ई खाई झील जन लगद, मंदिर क पश्चिम कि ओर खाई पार कनक पुल बण्यू च,पुल पार मंदिर म प्रवेश खुण भव्य द्वार निर्मित च, जु 1,000 फुट चौड़ च, ऐकि दीवारों मा रामायण कि मूर्तियां अंकित छन, ऐसे प्रकट च कि अंग्कोरथोम कंबुज देश कि राजधानी छाई, जैमा शिव, शक्ति गणेश आदि देवताओ की पूजा क प्रचलन छा, मंदिरो कि निर्माण कला गुप्त कला से मिलद, अंकोरवाट क मंदिरो तोरणद्वारो और शिखरों का अलंकरण मा गुप्त कला क प्रतिबिंब च,एक अभिलेख से पता चलद यशोधपुर (अंग्कोरथोम क पूर्व नाम) क संस्थापक नरेश यशोवर्मा अर्जुन भीम जन वीर सुश्रुत जन विद्वान और शिल्प भाषा लिपी, नृत्य कला म पारंगत छा ,वैन अंग्कोरथोम और अंग्कोरवात का अतिरिक्त कंबुज क अनेक राज्यों मा आश्रम स्थापित करिन, जख रामायण महाभारत, पुराण और अन्य भारतीय ग्रन्थो क अध्ययन अध्यापन हूंद छाई, अंकोरवाट पर हिन्दू मंदिरो क बाद बौद्ध धर्म क भि गहरू प्रभाव प्वाड़ ।कालांतर म यख बौद्ध भिक्षुओ न यख निवास भि कैर, 20 वी सदी म जब यख खुदै ह्वै त वूंसे ख्मेरो क धार्मिक विश्वासो, कलाकृतियो और भारतीय परंपराओ कि प्रवासगत परिस्थितयों म प्रकाश प्वाड़,अंग्कोरवात और अंग्कोरथोम अपण महलों और भवनो मंदिरो का खण्डहरों क कारण संसार शीर्षस्थ क्षेत्र बण गैं, विश्व का समस्त भागों बटिक हजारों-हजार पर्यटक यख अंदिन

   
IPad कन उपयोग करण?

(चबोड़ाचार्य  क हास्य व्यंग्य शृंखला )
-
गढ़वळिम सर्वाधिक व्यंग्य रचयिता - भीष्म कुकरेती चबोड़ाचार्य'
-
अब जब iPad  आयी तो अवश्य इ  चलाण बि आण चयेंद।  तो आज सीखे जाय iPad  कन  चलाण .
कार्य नंबर १ - iPad तैं  ऑन  कारो।  बटन  क्वा  च ? सब बटनों तैं परखों क्वी  ना क्वी  त  होलु  इ  अर  कुछ समय उपरान्त ढबे जैल्या  कि  कु बटन क्यांक  च।
अब जब तुमर  समज म ऐगे कि को बटन क्या च तो तुमर मष्तिष्क म प्रश्न आलो बल माउस कख च ?
मतलब ? माउस ? अरे  भै ! iPad म माउस साउस कुछ नि  हूंद।  जन स्मार्ट फोन म माउस क स्थान पर टच स्क्रीन हूंद तनि iPad म बि।  तीर  (arrow) चलाण  सिखण  अर्थात iPad चलाण सिखण। हाँ एक दैं सीख जैल त  फिर सब कुछ सरल।  जनकि जड्डू म ठंडी ढंडी म पैल पािल कुद्दी मरणम च्याळ पड़दन पर कुद्दि मारणों बाद ठंड उंड सब समाप्त ह्वे जांद तनि iPad चलाण सिखणो  उपरान्त सब कुछ सरल ह्वे जांद।
हां  हां iPad भौत  कुछ कौर  सकुद।  तुम तैं इंटरनेट से जोड़ सकुद स्यु iPad. इंटरनेट मिलण  अर्थात ऐपल कु  सफारी।  नीलो बटन दबाओ तो सफारी खुल जाल अर्थात तुमर  इंटरनेट की दुनिया म प्रवेश ह्वे गे ।
हां हां iPadम पढे  बि सक्यांद।  बस द्वी दैं स्क्रीन पर खट खट  (जोर से ना हां ) कारो तो  स्कीन बड़ी ह्वे जाली अर सब अक्षर बड़ा बड़ा ह्वे जाला।  सिखण म देर लगदी अन्यथा iPad चलाण भौत सरल हूंद। पूष क मैना ढंडी म कुद्दि  मरण  से पैल  जड्डू लगद  बाद म कुद्दि मार द्यावो तो जड्डू गायब ह्वे जांद।  तनि iPad चलाण सरल ह्वे  जांद।
iPad भौत  सा ICon बटन छन जनकि app अर्थात application . पर चिंता नि  कारो धीरे धीरे बिंगणम ऐ  जालो कि app  क्यांकुण  च।  iPad खरीदणो  अर्थ हूंद धैर्य नि खूण।
धीरज धारो अबि  भौत  कुछ सिखणो कुण  च।
लिफाफों चित्र क अर्थ च तुमर संदेश या तुमकुण  रैबार।  तुमर ईमेल पता अर पासवर्ड सेटिंग म हूंद।  सेटिंग setting  क्या च ? यु एक जटिल जाळ च।  वास्तव म जब तुम दुकानम iPad खरीददा  तो तुम तै पूछी सेल्समैन setting  सेट कौर दींद  किन्तु तुम iPad खरीदणो  पुळ्याट म याद नि  रखदा कि  तुमन setting म क्या सेट करवाई।
हां हां  तुम संदेश भेज सकदां  अर  रैबार पढ़  सकदां।  संदेश लिखणो कीबोर्ड ? तुम बि ना ? बिजली क  आटा  चक्की जग म घट , घराट या जंदरौ लगाणा छा।  अंगुळी फिराण सीखो अर  स्वयमेव इ  की बोर्ड समिण  ऐ  जालो।  आज ना भोळ स्वयं सीख जैल्या।  धीरज अर  धैर्य राखो .
कैमरा बि  च ? हैं  तुम बि  ना ? चुनाव क ऋतू ह्वावो अर  राजनैतिक दल यि   फ्री , सि  फ्री  की छ्वीं  नि  लगाल ? जब ५०० रुपया क मोबाइलम कैमरा च तो iPad म कैमरा नि  होलु।  बस कैमरा  Icon दबावों अर
कैमरा उपस्थित ह्वे  जालो।  सब कुछ क्लियर ह्वे जालो एक बार सीख ल्यावो कि iPad कनो  उपयोग करण।
हाँ हां  iPad म facebook , twitter , संगीत (music ) सब कुछ च।
Games ? हां  हां  गेम्स app बि  छन।  जुवा खिलणौ उयार iPad सिखांद च अर तुम तै ना सै नई पौध तै  जुआरी निर्माण म iPad भौत सहायता करदो। 
Siri ? हां  Siri  बि  च ज्वा  बुल्दि = में आइ  हेल्प यू ?
पेन्सिल - हाँ हां  मिल जाली।
शेष बथ  दस  मिनट  म नि  सिखाये सक्यांद। iPad उपयोग कारो बार बार उपयोग कारो सब कुछ सीख जैल्या।
हैं  ? चीनी स्मार्ट फोन अर  iPad म क्या अंतर च ? उन  यि प्रश्न लोअर लोअर क्लास  मेंटलिटी वळ करदो इख तलक कि लोअर मिडल क्लास वळ बि इ प्रश्न नि करद कि iPad अर  चीनी स्मार्ट फोन म क्या अंतर हूंद।
तुम जन लुइस फिलिप्स या रियर रैबिट कमीज अर  फुटपाथ म रेडीमेड कमीज म अंतर नि पुछदा तनि iPad अर  चीनी स्मार्ट फोन म अंतर नि  पुछण चयेंद।  जन  गूंगा अमृत अर कड़ो क्वाथ  क स्वाद अंतर  नि  बतै  सकद  तनि iPad अर  चीनी स्मार्ट फोन म अंतर नि  बताये सकेंद।


Cpyright@ Bhishma  Kukreti, 
व्यंग्य म कथा काल्पनिक च।   हास्य श्रृंखला आगे भी जारी रहेगी

 बनि  बनि यूथ (रस्सा , रस , सूप ):  गुण व चरित्र
-
चरक संहितौ सर्व प्रथम  गढ़वळि  अनुवाद   
 खंड - १  सूत्रस्थानम , 27th  सत्ताइसवां  अध्याय   ( अन्नपान विधि   अध्याय   )   पद २५६    बिटेन  २६०  तक
  अनुवाद भाग -३३३   
गढ़वाळिम  सर्वाधिक पढ़े  जण  वळ एकमात्र लिख्वार-आचार्य  भीष्म कुकरेती
s = आधी अ
-
      !!!  म्यार गुरु  श्री व बडाश्री  स्व बलदेव प्रसाद कुकरेती तैं  समर्पित !!!
-
भली प्रकार से धुयां , मांड गड्यां , गळायां  चौंळ  (भात )  लघु हूंदन।  गळयां अर ठंड भात गुरु हूंद।  कृत्रिम विष अर कफजन्य रोगम भून्युं  चौंळुं भात हितकारी हूंद।  पूर  नि  धुयां , बिन मांड उतार्यूं  ,मांस , शाक , वसा , तेल , घी , मज्जा , अर फल मिलैक चौंळ बलकारक , संतर्पक , हृदय प्रिय , गुरु , अर पौष्टिक हूंद।  इनि उड़द , तिल , दूध , मूंग क योग से बणयूं  भात बि गुणकारी हूंद।
जौ  थोड़ा पकायुं  गुरु , रुखो , वायुकारी व रेचक हूंद।  भाप देकि त्यार वस्तु , जु उड़द , मूंग , ग्युं  , जौ  क पीठ से बणये जाव त  जै  बि वस्तु से पकाये जावन  स्यू  इ गुण  वे अंतिम वस्तु म हूंदन अर्थात अवयव का गन ही अंतिम वस्तु म गुण  हूंदन।
  बिन धन्य मसले से संस्कारित नि  होयुं  यूथ  , मसलाअओं से संकरित यूथ , पतळो अर मांस से संस्कारित यूथ , मांस रस , खट्टी दाल /खट्टा सूप , यी उत्तरोत्तर भारी छन।  तनुमांस रस से संस्कारित , मांस रस भारी च।  अमलसूप से अनअम्ल रस भारी च।  २५६ -२६०। 


 -
*संवैधानिक चेतावनी : चरक संहिता पौढ़ी  थैला छाप वैद्य नि बणिन , अधिकृत वैद्य कु परामर्श अवश्य लीण
संदर्भ: कविराज अत्रिदेवजी गुप्त , भार्गव पुस्तकालय बनारस ,पृष्ठ   ३५९ -३६०
सर्वाधिकार@ भीष्म कुकरेती (जसपुर गढ़वाल ) 2022
शेष अग्वाड़ी  फाड़ीम ,चरक संहिता कु  एकमात्र  विश्वसनीय गढ़वाली अनुवाद; चरक संहिता कु सर्वपर्थम गढ़वाली अनुवाद; ढांगू वळक चरक सहिता  क गढवाली अनुवाद , चरक संहिता म   रोग निदान , आयुर्वेदम   रोग निदान  , चरक संहिता क्वाथ निर्माण गढवाली  , चरक संहिता का प्रमाणिक गढ़वाली अनुवाद , हिमालयी लेखक द्वारा चरक संहिता अनुवाद , जसपुर (द्वारीखाल ) वाले का चरक संहिता अनुवाद , आधुनिक गढ़वाली गद्य उदाहरण, गढ़वाली में अनुदित साहित्य लक्षण व चरित्र उदाहरण   , गढ़वाली गद्य का चरित्र , लक्षण , गढ़वाली गद्य में हिंदी , उर्दू , विदेशी शब्द, गढ़वाली गद्य परम्परा में अनुवाद , सरल भाषा में आयुर्वेद समझाना।  आयुर्वेद के सिद्धांत गढ़वाली भाषा में ; आयुर्वेद सिद्धांत उत्तराखंडी भाषा में, गढ़वाली भाषा में आयुर्वेद तथ्य , गढ़वाली भाषा में आयुर्वेद सिद्धांत व स्वास्थ्य लाभ

Duties of a Chief Judge
-
Duties (Raj dharma) of the Chief Executive Officer -36   
Judiciary System in the Organization /Country

Guidelines for Chief Officers (CEO) Series –444       
       Bhishma Kukreti (Marketing Strategist)
s= आधी –अ    
धर्मासनमधिष्ठाय         कार्यदर्शनI
पूर्वोत्तरसमो भुत्वा राजा पृच्छोद्विवादिनौII
The King should proceed further after taking the seat of Justice. The King (judge ) should ask questions to bth the parties by being equal to the both parties (Neutral position) .
 (Shukraniti, Raj dharma Nirupan or “The Duties of a King” –44, 45   )
-
Reference:
Shukraniti, Manoj Pocket Books, Delhi pp258
Copyright@ Bhishma Kukreti, 2021
Strategies for Executive for marketing warfare
Tactics for the Chief Executive Officers responsible for Marketing
Approaches   for the Chief Executive Officers responsible for Brand Image
Strategies for the Chief Executive Officers responsible for winning Competitors
Immutable Strategic Formulas for Chief Executive Officer
(CEO-Logy, the science of CEO’s working based on Shukra Niti)
(Examples from Shukra Niti helpful for Chief executive Officer)
Successful Strategies for successful Chief executive Officer
Duties (Raj dharma) of the Chief Executive Officer   

Definition of a Judicial Court
-
Duties (Raj dharma) of the Chief Executive Officer -35   
Judiciary System in the Organization /Country

Guidelines for Chief Officers (CEO) Series –443       
       Bhishma Kukreti (Marketing Strategist)
s= आधी –अ
धर्मंशास्त्रानुसारेण ह्यर्थशास्त्र विवेचनम् I
यत्राधिक्रियते स्थाने धर्माधिकरणम हि तत् II
A judicial court is where there the analysis /study/investigation about social, economic and interest of political interest takes place as per the doctrine of Dharma Shastra (Constitution – written or oral)
(Shukraniti, Raj dharma Nirupan or “The Duties of a King” –42   )
As per Britannica Encyclopaedia, “the court is a body of persons or person having judicial authority to hear and resolve the disputes in civil, criminal, ecclesiastical or military cases.”

-
Reference:
Shukraniti, Manoj Pocket Books, Delhi pp258
Copyright@ Bhishma Kukreti, 2022
Strategies for Executive for marketing warfare
Tactics for the Chief Executive Officers responsible for Marketing
Approaches   for the Chief Executive Officers responsible for Brand Image
Strategies for the Chief Executive Officers responsible for winning Competitors
Immutable Strategic Formulas for Chief Executive Officer
(CEO-Logy, the science of CEO’s working based on Shukra Niti)
(Examples from Shukra Niti helpful for Chief executive Officer)
Successful Strategies for successful Chief executive Officer
Duties (Raj dharma) of the Chief Executive Officer