Sabse phale mai aap sab ka dhynabad karna chaata hun ki aap sab logon ne is natak ki kahani mai roochi dikhai.
Yah naatak Rajeswar Uniyal, jo ki bombay main rahte hain, ke Hindi upnayaas "Pandera" par adharit hai. Is naatak ka pichla manchan LTG Sabhagar, Delhi main NSD ke sahyog Se hua tha. Iska Manchal Kala Darpan Sanstha, ne Suwaran Rawat jo ki NSD pass out hain ne kiya tha. Yah Sanstha bhi The High Hillar Group, A-8 Jal Vihar ki Tarah hi pahari back ground per adharit naatkon ka maanchan karti rahti hain. Kala Darpan Sanstha Hindi main naatak karti hai jabki The High Hillers Garhwali boli main naatak karta hai. Jahan tak pandera ki pat katha ki baat hai to yah mool roop main ek tirkoniya prem kahani hai. Par yah sirf prem kahani nahi hai yah jal , jungal aur jameen se jure adhikarron ki bhi awaaj uthaata hai. katha ki naayika Basanti hai jo apne gaanv ke hi ek fauzi adhikari ko chahti hai. Maa Baap ek hi gaanv me rista karna theek nahin samjhete aur uski saad ek lecturer se kar dete hain. Prem main paagal uska premi uski sasuraal tak jaa pahunchta hai. Pati asli baat nahin samajh pata aur usko maayke bhej deta hai. Garbhwati Basanti Maayke mein apne aklepan ke beech apne Pandere ( Naule, Water Source) ko bachane ke larai main saamil ho jaati hai aur aandolan ki charchit hasti ban jaati hai. Premi bhi isi beech Border par post ho jata hai. Vibhin Ghatnain pati aur patni ko paani ke adhikaaron ke liye sangharsh mein ek doosre ko phir se saath la dete hain. Premi bhi jung main ghayal ho jata hai , aapni gaalti sweekar karta hai aur pani ki laadai main saamil ho jata hai. Is naatak ke manchan ke bad NSD main ek ghosthi bhi hui thi jisme Shri Shri Devendar Raj Aunkur , Director NSD , Shri Rajendra Dashmana, Rajeswar Uniyal, Suwarn Rawat, aur anek darkshkon ne naatak per apne vichar rakhe.