MeraPahad Community Of Uttarakhand Lovers

मायल्दी आंखियुं की छविं

मायल्दी आंखियुं की छविं सुणा
मायल्दी आंखियुं की छविं
कैमा ना बोल स्की
जिकडोे गेड थे ना खोल स्की
अपरा मुक से कबी गेल्या ना बोल स्की
मायल्दी आंखियुं की छविं सुणा
मायल्दी आंखियुं की छविं

दिना राति सरै गैनी
यकुली यकुली चुप चले गैनी
काम धाणी खत्म नी व्है विंकी
उमरी विंकी इनि ई गुजेर गैनी
मायल्दी आंखियुं की छविं सुणा
मायल्दी आंखियुं की छविं

ना देके ते थे ना देके कै थे
हेर सदनी विंन सरै सब थे
अपरू दुक अपरू दगड ही गैई
विं आंखी देक किले रो द्याई
मायल्दी आंखियुं की छविं सुणा
मायल्दी आंखियुं की छविं

कन बनबास भोगी विन
उफ़ नि कै कन जोगन जीबन
राम विं का सदा भैर ही राई
ये पहाड़ बोब तिल कन बेटी पाई
मायल्दी आंखियुं की छविं सुणा
मायल्दी आंखियुं की छविं

मायल्दी आंखियुं की छविं सुणा
मायल्दी आंखियुं की छविं
कैमा ना बोल स्की
जिकडोे गेड थे ना खोल स्की
अपरा मुक से कबी गेल्या ना बोल स्की
मायल्दी आंखियुं की छविं सुणा
मायल्दी आंखियुं की छविं

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

हे अ देक

हे अ देक
तूटी ना अब तेरु मेरु साथ
दे दे मेरा इन हाथों मा तेरु हाथ
ऐजा ऐजा सरला चल मेरु साथ
घुमी जोंला सतपुली का कौथिग आच

मया लगों देरा औ मया लगों देरा
माया लगे की बिसरी ना जा
ये मेरा गेल्या जख बी तू मीथै ले जा

हे अ देक
तेर चूड़ी बी कैन लगी अब
मै से छूची देक अब तेरी सब बात
तेर मा बिन्दुली देकि मिन अब
वो मेरा लुक्यां सात सुपिन्या कु राज

मया लगों देरा औ मया लगों देरा
माया लगै की ना छोड़ी जै
ये गेल्या मेर जीकोडी थे ना तोड़ी जै

हे अ देक
कैर में पे तू थोडु बिस्वास
सुखी तै रखलूं इन सौं खानु छों आच
जब तक राला ये गद्निया पाँतेदरा पाड़ा
में रुलों सखी तेरु स्वामी बानी की बस तेरु साथ

मया लगों देरा औ मया लगों देरा
माया लगै की ना इन यकुली कै जा
देक देकलु हेरलु बाटू तेरु तू परती की ऐजा

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

८ मार्च ते दून रे जाणू

देख तू जरूर ऐेई
द्वि खुठा तेरा द्वि खुठा मेरा

चल हिट दगड्या चल हिट दगड्या
चल दगडी रे खुठा अपरा

८ मार्च ते दून रे जाणू
चकबंदी दिस अपरा अपरू बाण मनाणु

खैरी विपदा पहाड़े की
देक ते धै लगाणी तै अपरा समझी की बुलाणी

देक तू टक कैरी ऐजैई
अपरू फर्ज निभै जैई

बाट हेरणी रे तेरी बोई
जग्वलणी उत्तराखंड तेरी माई

ते पर बिस्वास हम थे तोड़ी ना जैई
अधर बाटों मा हम थे छोड़ी ना जैई

रे तू कख बी
तू छे धरा कु बेटू ये बात तू भूली नि जैई

देख तू जरूर ऐेई
द्वि खुठा तेरा द्वि खुठा मेरा

चल हिट दगड्या चल हिट दगड्या
चल दगडी रे खुठा अपरा

८ मार्च ते दून रे जाणू
चकबंदी दिस अपरा अपरू बाण मनाणु

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

छित्र छित्र हुँयुंच

छित्र छित्र हुँयुंच
मेरु खंड खंड
मेरु उत्तराखंड मेरु उत्तराखंड
सब्युं न धरियूं
अपरी अपरी कनुडी हात
पितृ पितृ बोल्द
कागा मि नि सिनू
अब यख दुध भात
कन तर्पण करूँ
बोई गंगा तू करिली स्वीकार
छित्र छित्र हुँयुंच
मेरु खंड खंड
मेरु उत्तराखंड मेरु उत्तराखंड
ना मि कैं कु
ना क्वी रैगे यख मेरु
कण रैग्युं मि अपरा मा यक्लु गैरु
ढुंग ढुंग छों मि
सारा गढ़ देश पसरी
किले णी बनी बसी
मेर सुप्नीयुं की नगरी
बस मेरा अब पुंगडा कूड़ा
चली मरघट कु बाट
छित्र छित्र हुँयुंच
मेरु खंड खंड
मेरु उत्तराखंड मेरु उत्तराखंड
कु सुणिलु मेर धैय
कु यख झट दौड़ी की हालु
क्वी मेर हात पकड़ी की
म्यारा पुराना दिन दिखालु
क्वी निच रे बच्युं
जो मि थे बच्यालु
त्राहि मा म मगणारी
अपरी बोई थे जगालु
हैरा भैरा दीण फर देख्यालू
छित्र छित्र हुँयुंच
मेरु खंड खंड
मेरु उत्तराखंड मेरु उत्तराखंड

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित

इन्तजार तेरा रहेगा

चकबंदी है
एक अधिकार है एकत्रीकरण का
घनीभवन करनी है इस मातृ भूमि की
पहड़ों से टूटने का दर्द
क्या होता है
अपनों से छूटने का मर्ज़
क्या होता है
तुझे क्या पाता ? , तुझ पे गुजरी है क्या

हाँ मुझे चाहिये चकबंदी
इससे हटेगी मेरे पहाड़ों की मंदी
खिलेगा फूलेगा ये पहाड मेरा
मिलेगा फिर से मुझसे प्यार मेरा

चकबंदी ने राह दिखाई
तू कहाँ.....कहाँ है मेरे भाई
देख दिल ने फिर ऐ आवाज लगायी
पहड़ों पहाड़ों से टकरा के आयी

गरीब क्रांति ने आस जगाई
फिर मुझे उस ने मेरी रूह से मिलायी
अपनों की फिर याद आ गयी
कदम चलने लगे दूँ की राह अपने आप

आठ मार्च बस इतना याद रखना
मैं तो चल पड़ा हूँ
अब कब आप का चलना होगा
पर इन्तजार तेरा फिर भी पहाड़ करेगा

चकबंदी है मेरे पहाड़ के लिये
मेरे खेती और मेरी बहार के लिये
आना जरूर
इन्तजार तेरा रहेगा

ये दिल धड़कता है बस अपने पहाड़ के लिये

एक उत्तराखंडी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
में पूर्व प्रकाशित -सर्वाधिकार सुरक्षित