MeraPahad Community Of Uttarakhand Lovers

हा कुच बात च छे भैजी मा
हा कुच बात च छे भैजी मा
इन दौड़ी नि जांदू जी मि कैमा
हा कुच बात च छे भैजी मा
खिंची ले जांदी उंकी वो अदा
बल ऊ कलाकार व्हैकि छन जन्मा
हा कुच बात च छे भैजी मा
टॉपलु पैरी की वो पहड़ी बन
देखणा कु ऊँ को अगलू चलन
हा कुच बात च छे भैजी मा
कबि हैंसदरा छन कबि चुप
कबि गुसैल छन कबि मिसैल
हा कुच बात च छे भैजी मा
माटु छे ऊ मेरो ये पहाड़ा को
वै बाना तपरणु रैंदु सदनी ऊं को मन
हा कुच बात च छे भैजी मा
ओंकार सिंह नेगी भाई जी प्रणाम
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum

ऐग्याई मेरो मेरो रैबार अ
ऐग्याई मेरो मेरो रैबार अ
मेरा डंडा कंठों- कंठों को पियार अ ये
तिस्सलू व्हैगे ऐबार मेरो नैनीताल-मसूरी
बरखा नि पौड़ी ना ह्युंद ही बौडी ऐ बार ये
प्रताप बी रैगे ऐबार बी रीता
नि बणी वैंकू डोबरचांटी को पूल ये
देरा ना बणी ना बणी गैर बी अबै तक
रह्ग्याई असमंजस किलै ये सरकार ये
यौजना बणणी भंडया जोर-शोर दगडी
वैकी असर किलै नि देख्णु च मेरो पहाड़ ये
ऐई ऐ मी थै ऐ रैबार अब त ऐजावा अब अपरा घारा
कु बी नि कुछ कनु बस बस एक दूजै मुख थे हेनु ये
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

ऐग्याई ऋतू बसंत मेरा पहाड़ों मां
ऐग्याई ऋतू बसंत मेरा पहाड़ों मां
दानि गलोड़ियों मां इन बिगरेली मुखड़ियों मां
ऐग्याई ऋतू बसंत मेरा पहाड़ों मां .......
फ्योंली फुलली अब यों इन डंडी कांठ्यों मां
छोटा भुला भुलियों की हैंसदरी इन मुखड़ियों मां
ऐग्याई ऋतू बसंत मेरा पहाड़ों मां .......
बुरांसी का ये फूल छन मेरा दीदी भुलियों
बसंत ऋतू का ये मूल छन मेरा दीदी भुलियों
ऐग्याई ऋतू बसंत मेरा पहाड़ों मां .......
ब्रह्मा को कमल च यख फूलों की घाटी मा
रामी बुरानी तिलु रौतेली खिली छन इन डालि डालियों मां
ऐग्याई ऋतू बसंत मेरा पहाड़ों मां .......
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

मेर छुईं मेरी च
मेर छुईं मेरी च
और्री ना वा कैंकि रे
वैमा ही मि रैंदु रे
वै दगडी ही मि सेंदु रे
मेर छुईं मेर च
ना फिकर च ना कैकि चिंता
ना भीतर ना भैर की चिंता
अपरा ही छुईं मा रेंदु रे
आपरी मा ही बचेन्दु रे
मेर छुईं मेरी च ...................
ना आच ना भोळ ना परबत की चिंता
जबै भी जलैई मिल अपरी छुईं की चिता
वा ही मेर भूक च वा ही मेर तिस रे
वा ही मेरो परण वा ही मेरो जियू रे
मेर छुईं मेरी च ...................
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार

क्वी नि रुंदो रे
क्वी नि रुंदो रे अब कैका बाना
रीत हैगे ये पहाड़ ईं लदोड़ी का बाना
क्वी नि रुंदो रे ...............
बल इतगा च ये उकाली को रैबार
उन्दरु का बाटा मा बल रौड़ीगे मेर ब्यार
क्वी नि रुंदो रे ...............
कैल देखण तेथे अब पैथर बौड़ी की
छोड़ीगे तेथे तेर ढुंगा गारो मा खेली की
क्वी नि रुंदो रे ...............
धैरी ले आंसूं अब अपरा आंख्युं पाख्युं मा
क्वी नि आलू अब वैथे मैट ना कुन
क्वी नि रुंदो रे ...............
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार