MeraPahad Community Of Uttarakhand Lovers

आंख्युं देखि छ्या जो सुपनिया
आंख्युं देखि छ्या जो सुपनिया
वो सुपनिया सबै फुर वहगैनि
आटों दलों चोँ को भोव
जबै ये आकस छु गैनी
आंख्युं देखि छ्या जो सुपनिया .....
ये दिल्ली मा मेरी
अब देखा कमर टूट गैनी
कबि बरखा ने झिझोडि मिथे
कबि जदु कबि ये घाम ने पतोडी
आंख्युं देखि छ्या जो सुपनिया। ....
खुद ऐंन लगि छे मिथे
अपरो गोँ अपरि मुल्की की
पछाताणु छों द्वि पैसा बाण किलै
मिल अपरो पाड घर बार छोड़ दैनि
आंख्युं देखि छ्या जो सुपनिया। ....
टमाटर नि पिचगे गौळ मेरो
प्याज ने रुलैगे यों आंख्युं थे मेरा
कबि महलों रैंदु छा मि
अब दस बाई दस चौकट च मेरो
आंख्युं देखि छ्या जो सुपनिया। ....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मेरी माया फूल जनि
मेरी माया फूल जनि वा
डाँडो कंडो मा ऊ फुलनि
मेरी माया कन हसदि वा
तिन रितु को दगडा दगडी आज
मेरी माया फूल जनि .....
हे हे ....... अ .. अ .... ला ल ला
म्यार दगडी लुकि छिपी वा
जनि जिकुड़ी को स्वास
पल्या बाटों धड़ी अड़ी वा
गौं जानू अध बाटों मा आज
मेरी माया फूल जनि .....
हे हे ....... अ .. अ .... ला ल ला
अंख्यों मा बसी दाड़ी चा वा
मेरो अंगवाल का साथ
मेर दगडी इन रैंदी वा
जन हुलु जल्म जल्म को साथ
मेरी माया फूल जनि .....
हे हे ....... अ .. अ .... ला ल ला
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

झिर झिर कैकि ऐजादी
झिर झिर कैकि ऐजादी
बरखा मेरो पहाड़ों मा
ऊ आंसू को पाणी लुके देई
मेरी बोई की आंख्युं का
झिर झिर कैकि ऐजादी ....
एकान्त आलो या
या तू ये रात दिन मा
भितर को कोंना बैठी हुलि
यखुली यखुली रुनि वा
झिर झिर कैकि ऐजादी ....
खैरी पीड़ा विपदा लुकनि हुलि
विंकी हैंसदरि मुखडी का पैथर वा
म्यलदु मेरी बोई
म्यलदु विंकी मुखडी या
झिर झिर कैकि ऐजादी ....
चाल तू इन ना चमकी
सिंयी होली अब बी वा
विंकी की निंदी ना तोड़ी
कदगा बरसी भ्तेक ना सिंयी वा
झिर झिर कैकि ऐजादी ....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

झट बोलि देऊ
(जियूं की छुईं थे बंधी ना रखा) ... २
गेड़ी पौडी जाली झट बोलि देऊ
(जियूं की छुईं थे बंधी ना रखा) ... २
गेड़ी पौडी जाली (झट बोलि देऊ ) ... २
(झिरिमिरी ब्योखोंन यो सम्झे मनमा
घाम छैलु यख वख रैलू मनमा ) हो ... २
आँखा तुमरि माया दगडी अल्झेला
सुकी जाला आंसूं झट बोलि देऊ ... २
जियूं की छुईं थे बंधी ना रखा
गेड़ी पौडी जाली (झट बोलि देऊ ) ... २
जिंदगानी अपरू यो द्विवि दिनी की
पिरती को कथा अपरि रैंदी सदा यख ही ... २
एक्लो एक्लो रुनु पडलु अंधरु रातमा
ढली जालो जोबन झट बोलि देऊ
जियूं की छुईं थे बंधी ना रखा
गेड़ी पौडी जाली (झट बोलि देऊ) ... २
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

आंख्युं देखि छ्या जो सुपनिया
आंख्युं देखि छ्या जो सुपनिया
वो सुपनिया सबै फुर वहगैनि
आटों दलों चोँ को भोव
जबै ये आकस छु गैनी
आंख्युं देखि छ्या जो सुपनिया .....
ये दिल्ली मा मेरी
अब देखा कमर टूट गैनी
कबि बरखा ने झिझोडि मिथे
कबि जदु कबि ये घाम ने पतोडी
आंख्युं देखि छ्या जो सुपनिया। ....
खुद ऐंन लगि छे मिथे
अपरो गोँ अपरि मुल्की की
पछाताणु छों द्वि पैसा बाण किलै
मिल अपरो पाड घर बार छोड़ दैनि
आंख्युं देखि छ्या जो सुपनिया। ....
टमाटर नि पिचगे गौळ मेरो
प्याज ने रुलैगे यों आंख्युं थे मेरा
कबि महलों रैंदु छा मि
अब दस बाई दस चौकट च मेरो
आंख्युं देखि छ्या जो सुपनिया। ....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित