MeraPahad Community Of Uttarakhand Lovers

कन कै रैन तेर बिगेर बल
कन कै रैन तेर बिगेर बल ,तू ऐकि मिथे बथे जैई
जियु नि लगदु तेर बिगेर ,तू ऐकि वैथे समझे जैई
बिगरैलि आंख्युं मा तेरी बल यो इन जियु अल्झि ग्याई
देख्दु रैंदु सुपनियु तेरा बल वेका सुपनियु मा तू जरूर ऐई
कन के रालो यखुली यखुली बल तै दगड़ ऐथे तू ले जैई
जब तू ना देखेली येथे समणा बल वैकि दशा कया हुलि
वैकि खुदी मा तू रालि सदनि बल सदनि ऊ रलो तेरो
इन ना दे वैथे तू सजा बल वैथे छोड़ी की वैसे इन दूर ना जा
जब आलो बसंत तेर बिगेर बल यूँ डांडियों कंठियुं मा
हेर दो रला ऊ दोई आँखा बल ऐकि ऊँ कि हेर तू मिटे दैेई
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

आज किलै की
आज किलै की औ आज किलै की
तू मेरो सुपनीयू मा आणु छे
तू किलै की आज मि रुलाणु छे
आज किलै की औ आज किलै की
आँखयूँ का ऊ सुपनीयू आँखयूँ मा रैगेनि
अपडों छोड़ सात समोदर ऊ पार चलीगैनी
चखलु जनि उड़णु मिथे कैल हुलू सिखैई
आज किलै की औ आज किलै की
जून जुन्याली छे यख वख बी इनि हुली कया
जन रुणु छो यखुली यखुली ऊनि बी हुली रुंदी वा
कैल बने हुलू टक्कों थे कैल ईं पर पैल माया लगे हुली
आज किलै की औ आज किलै की
ईं अंध्यारी रात मा तू मेरो उजालू बणी की ऐई
बाटू बिरड़ी छियूँ मि मिथे बाट बथे जैई
हाथ पकड़ी की मेरो तू अपड़ो दगडी ले जैई
आज किलै की औ आज किलै की
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

वहां पहाड़ों में
गिरते हुये झरनों का पानी कहे
छम छम
मेरे पहाड़ों की वो रवानी कहे
छम छम
अमरुद सेब अरु की डाली झूमे
झम झम
मेरे पहाड़ों की वो बोली झूमे
झम झम
पौड़ी कमो टिहरी जौनसार घूमे
चल चल
मेरे पहाड़ों की वो सड़कें घूमे
चल चल
छूट ना जाये कुछ सुंदर सा तेरा
पल पल
मेरे पहाड़ों पर वो यादें चले
पल पल
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

उत्तराखंड मनोरंजन तुम थै कंण लग जी?
August 12 at 7:42am ·
त्यारा ख्यालों की दुनिया मा डूबीयूँ रोऊं मि

जन्मदिन की भौत भौत सुब कामना श्री नरेंद्र सिंह नेगी जी

त्यारा ख्यालों की दुनिया मा डूबीयूँ रोऊं मि
त्वै थे ख्याल आई त लटुली फूली गैनी
लटुली फूली गैनी

त्यारा ख्यालों की दुनिया मा डूबीयूँ रोऊं मि
त्वै थे ख्याल आई त लटुली फूली गैनी
लटुली फूली गैनी

रुझ दा भिझ दा तरी पर ऐनी सौंण भादों
रुझ दा भिझ दा तरी पर ऐनी सौंण भादों
मिन बोली लठ्या लूँ विं खोजी ल्याळो
दडमन असधरियोँ न मुखड़ी छल्याणु रोऊं मि
आंसू उबेनी त लटुली फूली गैनी
लटुली फूली गैनी

त्यारा ख्यालों की दुनिया मा डूबीयूँ रोऊं मि
त्वै थे ख्याल आई त लटुली फूली गैनी
लटुली फूली गैनी

कोँपू दू कोँपू दू थर थर फिर हियुन्द आई
कोँपू दू कोँपू दू थर थर फिर हियुन्द आई
त्यारा बाठों हियुं बी मैं मा ढोली ग्याई
टप टप पठळीयूँ को हियुं सी गल्नु रोऊं मि
मौल्यार आई त लटुली फूली गैनी
लटुली फूली गैनी

हैंस दू खेल दू खिल खिल बसन्त आई
हैंस दू खेल दू खिल खिल बसन्त आई
मेरी सुनि देलियों मा फूल ढोली ग्याई
मूल मूल हैंस्दा फूलों मा तै खोज्णु रोऊं मि
खोजी खाजी आली त लटुली फूली गैनी
लटुली फूली गैनी

त्यारा ख्यालों की दुनिया मा डूबीयूँ रोऊं मि
त्वै थे ख्याल आई त लटुली फूली गैनी
लटुली फूली गैनी

अंगार सी बरखी नि घाम रूडी बुडी
अंगार सी बरखी नि घाम रूडी बुडी
छमोटोल पाणी पै की बी सैली नि पौडी
झपन्याळी लटल्यों को छैल लौक्याणु रोऊं मि
हाथ पौछिन त लटुली फूली गैनी
लटुली फूली गैनी

त्यारा ख्यालों की दुनिया मा डूबीयूँ रोऊं मि
त्वै थे ख्याल आई त लटुली फूली गैनी
लटुली फूली गैनी

लटुली फूली गैनी लटुली फूली गैनी
लटुली फूली गैनी लटुली फूली गैनी

उत्तराखंडी गीत है
त्यारा ख्यालों की दुनिया मा डूबीयूँ रोऊं मि
गायक श्री नरेंद्र सिंह नेगी जी
उत्तराखंडी भाषा को बढ़वा देने के लिये
चल चित्र के निचे गीत लिखा है बस
उत्तराखंड मनोरंजन तुम थै कंण लग जी?
बालकृष्ण डी ध्यानी
देवभूमि बद्री-केदारनाथ

ये जिकोडी मेरी
ये जिकोडी मेरी
नि जाण तिल क्या कर बैठी
में से बिन पूछी ही
तू मेसे सवाल कर बैठी
कन कैरुं मि साबित
की तुमरी खुद खूब आंदि
मेर माया तू समझे जा
की मिथे बतोंदी नि आंदि
अपरी जिकोडी मा खोजी
वख ना मी त कख बी ना मी
माया छो मी तेरो स्पर्श को
ना तर मि कख बी ना
परेली मा नेडू जियु मा पीडा
हैंसदर बता रुनु वालो कन रोयो
ई छुईं ऊ जंणदू एक्लोपन को बेल
जैन जिंदगी मा पाण से पैल खोई
ये जिकोडी मेरी .....
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित