MeraPahad Community Of Uttarakhand Lovers

भारत देसो कु बासि छौं
भारत देसो कु बासि छौं
पहाड़ा कु मि रैबासि छौं
गौंऊ मेरु पाली गाम
पौड़ी जिला मेरु राज्य उत्तराखंड
ढुंगु गारों कु खिलाड़ी छौं
रोज फंडो दगडी लिप लेपी कोदू कि बॉडी खन्दो छौं
बगदी छे हे कंठा मां सरस्वाती माँ गदनि बनि छम छम
गढ़वाली गीतों की जनि हुली बरखा बरखनि झम झम
चन्द्रसिंग गढ़वाली कु सानी छौं
माधवासिंग भंडारी कु मि पाणी छौं
तिलु रौतेली भैणी मेरी रामी बौ राणी कु स्वामी छौं
पहाड़ी भासा मेरी मिथि मिथि भासा ,ऐजा अब धे लगणु छौं
देर सबेर बोला कख कख नि हुदुं
ई जियोती जिंदगी को झख झख कख कख नि हुदुं
यख्लु जु रैग्याई रैंदु हिमाला सी चमकणु जी सदा
हम ते ना पुछा जी अपड़ मन थे ऐकि यख बौथा
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मेर कबिता में दगडी
कबी रुंदी छे
कबि हसदी छे
मेर कबिता में दगडी
अलगद मेसे छुई लगान्दी छे
डाली डाली पात्ति पात्ति
वा झट कैकी कबि टूक चढ़ि जांदी छे
गौड़ बछडों कु गालौड़ों बन्दी की धगलो जनि
घ्ण्ड घ्ण्ड बज जांदी छे
यखुली मा कबि, कबि कलुहणा भित्र
भैर भतेक कैर देंदी वा मिथे छितर छितर
विं पर लिखण कुन मि मुजबर ह्वै जांदू
वै बॅळ वै टैम वा कन जादू कै जांदी
अँखियों की विंकी भाषा छन पियारी
हाथों मां विंकी माया छन भारी
प्रगति का वा रोज गीत छै लगाणी
कदगा पीड़ा लगे फिर बी वा (आस छे बधाणी) ..... २
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

कखि न कखि
कखि न कखि
कबि न कबि
भेंट हुई जाळ
तेर मेरी भेंट हुई जाळ
मिथे तू बनेई दे
ऐ अंगडी की गड़ेई दे
रुपया छन हजार
मि छौं जी लाचार
इतगा नि मेर पास
बाटों तू अपड़ो नप
सिधा साधा लोकों थे
ना इन तू ठग
कनके मिल ठगण
मि छौं खुद यख ठगयूँ
बिकासा का नौं मां
कख अपड़ो नौं लिखयूं
ये बाटों कु यात्री छौं
देखि ले देखि ले मिथे तू
अंदवार मिलि जाळ
तेर मेर भेंट हुई जाळ
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित
Image may contain: sky, outdoor and nature

ऐगे चुनाव ..चुनाव नेताजी आव
ऐगे चुनाव ..चुनाव नेताजी आव
नेताजी आव ऐगे चुनाव अ ........
भंडया भंडया वादा नेताजी लावा
नेताजी लावा भंडया भंडया वादा दे जावा .... वो
ऐगे चुनाव ..चुनाव नेताजी आव
दर्शन दे जावा ऐगे चुनाव अ ........
अबकी पहाड़ों मा ह्यूंद पड़्युंच
मूंद मूंद बरखा पहाड़ों हूंद
दारू नोटों की बरखा कै जावा ..... २
अपड़ो वोट कु दाम दे जावा .... वो
ऐगे चुनाव ..चुनाव नेताजी आव
दर्शन दे जावा ऐगे चुनाव अ ........
क्दगा काम करि तुमन देख हस्णु पहाड़
पालयन कु बस यख मार बस मार
प्रगति का कण गीत ळगणा छन ..... २
अपड़ो प्रदेशा कु तुम बिकास देख जावा .... वो
ऐगे चुनाव ..चुनाव नेताजी आव
दर्शन दे जावा ऐगे चुनाव अ ........
ज्याद नि बोल भैजी अपड़ो मुख ना खोल
अपड़ो गीचो लेकि अपड़ी खुटी मा ना पौड़
सियँ छन सबी यख नीरजक ह्वेकि ..... २
बुझी मशाल थे यख पेट नि दे जावा.... वो
ऐगे चुनाव ..चुनाव नेताजी आव
दर्शन दे जावा ऐगे चुनाव अ ........
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मेर खैल
झूठी झूठी छुईं ना,ना लगा मेसे
कया ह्वै ते बात बता मेसे
रात त रात च ना दिन लुका मेसे
कया हुयुं ते थे ना छुपा मेसे
बाटा गोड़ाई ना बना में थे
कै बाटा जानि छूछी बता दे मेसे
छोड़ी घरबार निर्दयी गै कै पार
सात समुदर लुक्यों छौं ना जग्वाळ मिथे
सियुं छौं मि ना बेल अबेल ना ऊठा मिथे
सुपनीयू मा गिजी छौं तेर ना तुटा वैथे
झूठी झूठी छुईं ना,ना लगा मेसे
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित