जागी जा रे माटू मेरु जागी जा रे
जागी जा रे माटू मेरु जागी जा रे
हुड्का,ढोल, दमाउ बाजै जागी जा रे
बाइसी" बि तू "चौरास बि तू छे
जगारी बि तू डंगरीया तू ही छे जागी जा रे
सवाल बि तेरु पास जवाब बी तेरु साथ
ताल मां नचण लग जा अपडों देब्तों को प्रताप जागी जा रे
खुदी स्योँकार बणी की ऐजा अपड़ो को साथ दे जा
खेत खल्याण देबता हाक देंण लगी रे जागी जा रे
हैरी भैरी होली धरा चकबन्दी जबै जगैली
अपड़ा औरृ अपड़ों का बान ऐ बारी जागी जा रे
चकबन्दी कि जो जलि रै जागी जा रे
रुमनी-झूमनी रै तेरु हर बगत जागी जा रे
पलायन तू यख भत्ते व्हैजा नदरद तू जागी जा रे
अपड़ो उत्तराखंड त्वे जगाणु तू जागी जा रे
जनजागर हो चकबन्दी जनजागर हो
पंचमुखी दीपक जो जलि रौ चकबन्दी जनजागर हो
माता पिता गुरु देवत को आदर हो चकबन्दी जनजागर हो
म्यारा पंचनाम देबो अब जगा हो चकबन्दी जनजागर हो
तुमरो नौ लीनू मिन अब चकबन्दी .....जनजागर हो
रुमनी-झूमनी हर बगत हो तेरु चकबन्दी .....जनजागर हो
कंसासुरी थाली बाजनै,तामौ-बिजयसार को नगाड़ो
तुमरी नौबत मां जो लागि रै चकबन्दी जनजागर हो
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/http://www.merapahadforum.com/में पूर्व प्रकाशित -सर्वाधिकार सुरक्षित
