MeraPahad Community Of Uttarakhand Lovers

दादा दादी जी  की माया

दादा दादी जी  की माया
कैल नि  बिंग पाया
यखुली रैगेनी ऐ गढ़ मा
यख ही परम् धाम पाया
दादा दादी जी  की माया  ......

अख़रोटा कि वा द्वि दाणी
अपुरी रैगे औंकि  कहाणी
छैल  बि नि मिळू  औंथे 
जैन हैरां भैरा पौधों थे जमाया
दादा दादी जी  की माया  ......

दादी रैगे सदनि खुद मा
अपड़ो बिराणो कि सुद मा
दादा न गुड गुड तंबाखू सिलगया
अपड़ो रुंदु जिकोड थे बिसाया
दादा दादी जी  की माया  ......

गिर गिर फेरा मार जै बान
वैन अपड़ो मुक थे लुकाया
लालस रैगे बस ये अखेर
बुकि न पै  सकि नतियों कि
दादा दादी जी  की माया  ......

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

लगुलि सि माया मेरि

लपलपि सि माया मेरि
झप झपै जांदि
जिकुड़ि मां लगुलि सी वा
झट लिपै जांदि
लपलपि सि माया मेरि .......

लटक्याळी लटल्यूँ मां विकि
सर लुकै जांदि
रुगबुग्या मुखड़ी मां विकि
झट  दिखै जांदि
लपलपि सि माया मेरि .......

सुरम्यळि आँखी मां विकि
टक टकै जांदि
फ्योंळी सी दंत पंक्ति विकि
झट हँसै जांदि
लपलपि सि माया मेरि .......

झपझपी धौन्पेली विकि
रचक छाछक जांदि
ज्वनि की फैड्यूं मा रे गैल्या
कस  घिरै जांदि
लपलपि सि माया मेरि .......

रमकट फेर लगे मिथे ऐ लगुलि
फर उड़ै जांदि
चखुली कि गदगदा घोल मां
सुरक छीपै जांदि
लपलपि सि माया मेरि .......

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

रौतेलो मेरु पहाड़

स्वर्ग जनि  धरति मेरि, हिमलाय  का  पास .
सरी दूनिया रौतेली होळी (रौतेलो मेरु पहाड़ ) .... ४   

नंदा देवी ओर्री गौरा देवी जनमा म्यारा घार
बिगरैली तीलू रौतेली  ( धन्य  मेरु  पहाड़) .... ४   

बिशनी देवी शाह को ऊ तम तमोनू च भाल 
कण बिसरि जालो मि ( मेरु पहाड़ को इतिहास ) .... ४   

रानी कर्णावती कि तबै चम चमकी छे तलवार
औरंगजेब भागी गे छे (छोड़ि मेरु  पहाड़) .... ४

साठ दशक मां दारू लड़ै लड़े  टिंचरी माई को साहस
शराब की दुकानें जलै (आंदोलन को मेरु  पहाड़) .... ४

गोरखों आक्रमण लड़ै कि गवै दे अपड़ी जान
कोलिण जगदेई देवी थे  (पूजणु मेरु  पहाड़) .... ४

लोकगीतों पंवाड़ों मां यूँ सबु थे मिली मान 
वीर नारी वीरांगनाओं ( धरति मेरु  पहाड़) .... ४

पहाड़ा की नारी को पहाड़ा मा ना मिली सास
काम काज गीजी रैंदी (सदनी मेरु  पहाड़) .... ४

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मुखड़ा चंदोला दीदी ने लिखी  है  धन्यवाद  दीदी

कैथे  मि धैरुं

कैथे  मि धैरुं
कैथे  मि निसड़ू
हुनि च  बस जी यख  दिन ये रात
बल निस जाणी छे मेर ये  सांस

ऐजा ऐजा तेर याद  ऐजा
अखियों मां सोँण मैना जन छै जा
हुनि च जन ये बरसाता
बल ईं टिप टिप दगडी तू ऐजा याद

खुद कि इन आज बरखा लगी छन
अखियों  का आँसूं  नकोडी को  सिप लिपि पोति धरि छन
सिडके सिडके कि तू  छकै रुळैगे  आज
सम्लोंण  रैगे बस जी तेर याद मेर पास

कैथे  मि धैरुं

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

मेर रूसा

जन तिन बोलि दे
मिनि ऊनि मानि दे
राखि बिस्वास मिन तै परि
तिल मेरु बिस्वास तोड़ि दे

पैलि मिकु बोलि दे
इन ना लुका झट वै अनार सोलि दे
माया धरिच कख कन गेडी मारिक
ऊ अलजी जिकुड़ी को धागा खोलिदे

ना पुच मिथे गैल्या
ना पिछ्नया धारों कि ना मिथे बाट बता
सड़की का ऊ छोर मोड़
ऊ थे हेरनु मिल भौत पैल छोड़ि दे

इतगा ना  रूसा मैसे सुवा
बात तू सुन मेरी ना अपडी बात बड़ा
दोई रेघ छन हम एका मेका  का
वै रेघ थे तू इन ना मिटा

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित