MeraPahad Community Of Uttarakhand Lovers

गौं गळयूं

गौं गळयूं कि पीड़ा
कैन नी जाणी
कैमा लगाणी
यूं  की बचाणी

जै  कुड़ी मां
जलम ल्यायी
वा  कुड़ी
खंदवार  ह्वैग्याई 

कास गौं मा सड़क हूंद
क्वी हमसे इन दूर निहूंद
यूँ सड़कियूं न इन जाल बिछेई
विकास न हम थे रीता कैग्याई

पाणी सोत अपडु  ह्वेक भी
अपडु अधिकार कख ख्वैग्याई
ई दुंन्यादारी चलण नि सिका
लाटू छ्या मि लाटू ही रैग्याई 

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

इन लागी गैल्या

त्वै थे अंग्वाल मां भेंटि
इन लागी गैल्या
जन मिथे अपडों देब्तों को
ठो  यखी मा मिल ग्याई
जन मिथे अपडों गौं मिल ग्याई
त्वै थे अंग्वाल मां भेंटि .....

बस इत्गा ही छे माया मेरी ...२
जन हैरा भैरँ बणु मा खिलदा बुरांस
त्वै थे देख्दा ऊ खिल खिल हैंसी ग्याई
जन ऐग्याई व्हाळु ऐ उमरी मां वेमां मौल्यार
त्वै थे अंग्वाल मां भेंटि .....

पोटली मां दड़यां ऊ चौंवळो को बुका
देखद ते कछि मां लुकि लालु चुलग्याई
अरसों की सूंघ कण आणि छे त्वैमा गैल्या
मेर नकुड़ी अप्डू सुख दुःख सबि बिसरिग्याई
त्वै थे अंग्वाल मां भेंटि .....

क्दगा बरसी बाद तेर मेर भेंट व्हाई गैल्या
मेरा जाणा का बाद तिन कन गुजारी ऊ छूईं लगा
बैठूँल दुईयाँ अब यखमा निरजक व्हैकि
मिथे तू अपड़ी दुःख सुख कि सरि कथा लगा 
त्वै थे अंग्वाल मां भेंटि .....

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

कैल ब्वाली

कैल ब्वाली हे गैल्या
ऊ जमानु कख लुकि ग्याई
कन कै खैंचि लाण वैथे आज
जो हता बठेक कि निस ग्याई

ना छोड़ ना ह्वै उदास
ना छोड़ तू ये अपड़ी आस
रुमक हुँयुं च आज भारी
दियू बलाले तू अपडा साथ

जिकुड़ी माँ धीर धैर औरृ
अफि दगडी बात कैर
बग्दी गदनि को सुस्याट
बगैजांद सिन्कुली किलै आज

आलू क्वी तेरु अन्वार लेकि
तेर स्वाल को जवाब लेकि
देख इन ना अब स्वास छोड़ी
अपडों से बी ह्वैजांदी छे अबेरी

कैल ब्वाली हे गैल्या

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

कै दगडी

कै दगडी  खेळण होलि भैजी
कख मां पेटण होलि
कैमा लगाण गुलाल आज  भैजी
ओ भैजी कख च हमरु पहाड़
भैजी कख च हमरु पहाड़

रीती रिवाज बी हर्चि
हर्चि बार तियोहरा भैजी
हर्चि बार तियोहरा
कै घार कै गौं जौं
तू बता दे मिथे आज भैजी
तू बता दे मिथे आज

संघोलू ताळो मां मिन
एक न्योत फिर लेखी ऐई
जै बी पड़ला वैथे भग्यान
झट अपडु घार दौड़  ऐई भैजी
झट अपडु घार दौड़  ऐई

कुछ बी नि रैगे यख तेर बिगर
ना रेगै वा सेवा सौंळि  भैजी
ना रेगै वा सेवा सौंळि 
आखेर बगत च आखेर स्वास भैजी
तू झट आ दौड़ी ,तू झट आ दौड़ी

कै दगडी ..............

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

इन ही मेर छूई छे

मि छौ घंघतोळ मां
देख बुरो ना मानी
रै जांदू सुधि  इन टमटोल मां
देख बुरो ना मानी

पुरणा दिन याद कैरी कि
देख बुरो ना मानी
अब त्यारु टैम निछ रे
देख बुरो ना मानी

रैंदा सबि इन टमटोल मां
देख बुरो ना मानी
जिंदगी कि या झमाझौळ थे
देख बुरो ना मानी

इन ही मेर छूई पढ़ै कि
देख बुरो ना मानी
मि सुधि लिख्वादार छौ
पढ़ै ले  बुरो ना मानी

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित