MeraPahad Community Of Uttarakhand Lovers

एक अजाण बांदा दगडी

एक अजाण बांदा दगडी, यन भेंट ह्वैगैई
बल कया ह्वाई ये ना पूछा , कुच इन छुवीं ह्वैगैई
एक अजाण.............

यन अचणचक  ऐगैई, इन रतन का समण मां 
जनि .... ऐगे व्हालू बदली भतेक कि जून
मुखड़ी  परि लटलु  विंको , यन घिरियूं हुयां छा
जन दोपरी मां रूमक ..... ह्वैगैई
एक अजाण.............

घुघति छे वा हिलांसी छे , बथा दूँ  ते थे वा कण दिखे
मेरु कबि ज्यू मां ऐन लगे होली बनेक कुई कबिता 
मैन त बल वींथे ल्याखि छ्या
वा मेस रूसै .....  ग्याई
एक अजाण...........

कन बिगरेली ऐ छुवीं छा , बल दुई घड़ेक को दगड छा
सरया उमरी मिथे रालो औ याद जी
मि त यखुली  छ्या बल वा मेर दगड़्या  बणी गैई
मेर सोंजड़या ह्वैगैई
एक अजाण...........

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

छिड़बिड करि गे

नांगी खुतड़ियूं  की खुद ब्वे 
छिड़बिड छिड़बिड सूखा पत्तों मा बबराणी छे
नांगी खुतड़ियूं  की  ..............

ब्याळि  रति सुपनियूं मा ऐई   माँ
ऐकी मयारू बाळपन लेकि गैई माँ
वळ्या-पळ्या माथों मा मि भागी रे
खूब भूक खूब तिस मै थे लागि रे
नांगी खुतड़ियूं  की  ..............

वखि माटा मा लिप्ड्युं माँ
नकुड़ी पोंछी ले मि सिपडियूं माँ
डालीयूँ टुक गैई ऐ मेरु ज्यूं
आबि बी अल्जी छौं मि वखि छौं
नांगी खुतड़ियूं  की  ..............

नखरा मेरा भौर भौरीकि माँ
अब बी वखि पड्यां छ्या क्वी चुरैस्की ना माँ
अब बी छकै कि ऊ मिथे रुवाणु छन
याद भौर भौरीक ऊ तेर दिलाणा छन
नांगी खुतड़ियूं  की  ..............

म्यारा पिछने पिछने किलै आनु छा   
मयारू ज्यू थे किलै छिड़बिड कै जानू छा   
नांगी खुतड़ियूं  की खुद ब्वे   
छिड़बिड छिड़बिड सूखा पत्तों मा बबराणी छे

 बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

धौ

कख कख जाळी धौ
अग्ने पिछने आळी धौ

बथों स्वास फुलालि धौ
उजाडों थे सजालि धौ

ज्यूको धौंण जगालि धौ
गीत न्यो लगालि धौ

कुजानि कख भते आळी धौ
कुजानि  कख जाळी धौ

बिंग लेदी वा मेर धौ
वा ह्वै जाळी अब तेर धौ

कख कख जाळी धौ
अग्ने पिछने आळी धौ

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

हेर

तुम इतगा आज किलै हैंसण छौ
कै पीड़ा थे तुम यन पिणा छौ
तुम इतगा किलै कि आज हैंसण छौ

कबरी बटिन  तिल वै कि बाट हेरि.. २
वै बाटो मां क्दगा दिन भतेक कैल नि मार फेरी
कै पीड़ा थे तुम यन पिणा छौ
तुम इतगा किलै कि आज हैंसण छौ

कख औरृ कन तिल वै थे बल खोजण .. २
जो ईं माया दगड खुद बी हर्चिग्युं छ
कै पीड़ा थे तुम यन पिणा छौ
तुम इतगा किलै कि आज हैंसण छौ

हेर छ बल यख अब तेरु मुकदर  .. २
हेर दगडी बल तुम अब बी हिटण जाण छौ
कै पीड़ा थे तुम यन पिणा छौ
तुम इतगा किलै कि आज हैंसण छौ

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

हर्चण लग्यां छा सब

हर्चण लग्यां छा सब
बल जी रुपया खर्चण लग्यां छा  सब
दूर बैठी एक कविता मेर लिखी
अगास कि खुचलि मां बैठि रुंण लगि

मुखड़ी परि मुखड़ी छपी छा यख
कन ईं बस्ग्याल मां कुयेडी लगि छा वख
को सुखी छ  को दुखी
दैल फ़ैल मां बल बस माया जी छ लगि

ऐथर पैंथर ईंका गूंद सि लिप्यां छन सब
को नि जणदू कया हुलु अग्ने अब 
रूमक पड़ी गे हुलु कुई से गे ह्वलू वख
यख इंक पिछ्ने अब भी पड्यां छन सब

हर्चण लग्यां छा सब
बल जी रुपया खर्चण लग्यां छा  सब

बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित