MeraPahad Community Of Uttarakhand Lovers

कवि का नाम - बहादुर सिह बोरा "श्रीबंधु"

जनम  =   २१ जुलाई १९३९

निधन -   १३ जून २००८

ग्राम  - गड़तिर, बेरीनाग - जिला - पिथोरागढ़
लेखन -  कुमाउनी व् हिंदी में कविता  .. कहानी लेख!

छपी किताब -  मन्याडर (कुमाउनी कहानी संग्रह)
 
कुमाउनी काव्य संकलन - पछ्याँन व् उम्माव में कविता संकलित
--------------------------------------------------------------

रुडिक दिन
----------

रुडिक दिन दुखान दिन
रुडिक दिन पिदान दिन !

पाणिक ऊपर हाय तवाय
धकुडा, धकुड हक हाक !
शान्क्क रग्ग लूछा लूछ,
गाली मखाली घाताघात!
दिन पौरियूंन रात उनिंन !
रुडिक दिन ..............

समेरा  समेर, चुटा चुट!
फडयाल बतून, सुखण, तपूँण
डान भुय अच्छयटा पछयट !
स्वेरा स्वैर, छवपंण उछ्यूण
कतुक पुजल चारे  दिन !
रुडिक दिन!!!

धुर जंगल बण बणाक,
खेत साड़ी, क्याड़ अग्योल
अगास क्वीर धुरमन्योल!
जथैक चावो, घुड धुद्योल !
जथैक चावो घुड धुयोल !
आड़ चिलैल पीसनी पसिण  !
रुडिक दिन............

उलटी दस्त जर बुखार !
हणकाट चणकाट बीडौल हाल!
दियोखड़ी  दयोपतोली डाड टुक्याल!
मासान घाट.. अस्पताल!
धो काटण रुडिक दिन!
रुडिक दिन दुखान दिन
रुडिक दिन पीडांण दिन !

इस - कविता में कवि ने गर्मी में के दिनों में पहाडो में होने वाली पानी की दिक्कत और अन्य परेशानियों के बारे में जिक्र किया है!

साभार - पहरू कुमाउनी मासिक - जून अंक पेज १६
 

कवि - पूरन मठपाल "सौम्य"
२४२ नया बाजार, तल्लीताल, नैनीताल
===========================

नेता कूनी हमर छु देश
असफर कूनी हमर छु राज !
जनता मलि रोग गिरी गाज !
कास बखत अब एगे आज !

देश का जनता भूखी सी रे!
डेपू डबल बिन दुखी है रे !
इनर गोदाम में सड़ी रो अनाज!
कस बखत अब एगे आज !

पेट भर हूँ नि मिलन रुवात गास
इनार योजनाओं खूब है रु विकास !
अरबो रुपे का जा नि उन के अनाज !
कस बखत अब एगो आज !

का मिलल पानी त्वप रूज है जै यो फिकर
इनर फाईल न में रोज खोदनी नहर
जियूंन मैस नेली दिनी निकरण के लिहाज
कास बखत अब एगो आज!

आतंकील बिगे हालो देश
  बेरोजगारील खे हालो समाज
  कुड़क डेर बै लोग आपण चलुनई
  कस बखत अब एगो आज !

Courtesy - Pahru Magazine - April issue - Page 23

 

कवि : किशन सिह बिष्ट 'कत्यूरी"

जनम - ०5 मई 19३२

निधन  -  25 जून, २००५

निवासी -   ग्राम - सेलीघात, बैजनाथ

जिला   -    बागेश्वर

छपी किताब - "पन्यार"  कुमाउनी कविता संग्रह
---------------------------------------------------

पिरूल -

जेल उनरी,
ज्यूंन हुनाकी, सबूत दे!
हरियाए दे,
छाये दे !
उनरी तडयाई - निखेडी
ठुल सवा डावाक भी खेडी!
बेशक मी पुराण है ग्यूं!
फिर ले गरीबो तली, बिछी जोल,
गौ की स्याव में,
सुत्राक काम ये जोल!
गोत, गुबर, मिली मोव बणी जोल!
मई कानी जड़व में,
आग नी लगाओ
सुकी झुनी पिरूल छयो मै!

साभार : पहरु पत्रिका - अंक जून २०१० पेज 16

Dear Mehta Ji!
This is one of the most appreciable tasks you took in hand . Your initiative is for popularizing Kumauni/Garhwali literature among young generation and web-visitors as well. The Kumauni and Garhwali literature history will always mention your efforts in coming years.
I thank you on behalf of literature creative of the both languages - one of oldest languages (Kumauni and Garhwali) of India

फूली गयी घर आँगन में, सुव,
आरू - चुआरू  खुमानिक रुखा,

धार क मेहल, गाड़क सेमल
फूलन गाछी गयी जड टूका

बौरन भार लदी फड  आमक
आड़ भरी सिस्नी जस झूका

हौरन कोख बसंत भरी, सुव,
मै निरभागी य गंग ले सूका!

बुरुशी कदू झक लाल हेगे !
चड जोभन को य खुमार यसो,

तुमैने हुन्छी जस ताप चड़ी
मुखडी रुपसा, य बुखार यसो!

उन्दो हुन, सूरज पूरब में
मनखा अति लाल आकार यसो !

बसंत दिखाव असंत यदु
हुछ जोभन को या विकार यसो!

लेखक - संपादक - दुदबोली
पम्पापुर, राम नगर नैनीताल