बचपन भीतर बंद म्यारु
खुज्यांण कुन अयुं छौं
जाळ लग्यां छन द्यो द्यवतों पर
हटांण कुन अयुं छौं
पित्रु की फोटु पाळी पर
सरा धुळ मां भरीं च
बुये की पर्या रयी पर दीदों
कन कुयडी जमीं च
ग्वाई लगै जों भितर्युं मा
सरा बांजी हुयीं च
बचपन छौं खुज्यांणु दीदों
अर आंखी मेरी भरीं च
गंज्यल्युं पर दीदी भूल्युं की
सरा धीवडु लग्युं च
दुधाळ गौडी की पींड की तौली
सरा जंक मा भरीं च
बचपन भीतर बंद म्यारु
खुज्यांण कुन अयुं छौं
जाऴ लग्यां छन द्यो द्यवतों पर
हटांण कुन अयुं....
सर्वाधिकार रक्षित @लेख सुदेश भट्ट"दगड्या"
