MeraPahad Community Of Uttarakhand Lovers

Sudesh Bhatt
Yesterday at 7:42pm ·

चुलख्यंदों मा गुरा पडयूं
उबरी सुंगरी बिययीं च
कुड की मुंडल्यूं मा गुण्युं की
दमद्याट खुब मचयीं च
मुसु बिरलु की भी रस्याण यन
दबुलुंद ही डिलीवरी हुंयी च
छै दूण क दबुल बुये क
टवटकां क्वाण मा पडीं च
चूलख्यंदों मा गुरा....
दाली क भड्डु पींड की तौली
पर जंक की कस्यांण लगीं च
द्वार मोर पर भयुं खुब
धीवडु की मेस लगयीं च
उबरी बिटी सरा आकास
गैंणा साफ गिंण्यांणा छन
तुम्हरी स्कूल्या ड्रैस क्वांण मा
लुखुंदर रोज चीरना छन
जैं पाली तै लीपी बुये न
वीं पर सुर्रा लग्यूं च
क्याडु की बिठकी आज भी
छज्जा मुड धरीं च
चुलख्यंदों मा गुरा पडयूं
वबरी सुंगरी बियंयी च
कुडी क मुंडली मा गुण्यूं क
दमद्याट खुब.......

सर्वाधिकार सुरक्षित@लिख्वार सुदेश भटट(दगडया)

Sudesh Bhatt‎
 

मेरी या रचना सीमा पर तैनात फौजी भयूं कुन समर्पित
गडवली बीर

औडलु तुफानों से
दीदा कभी डैरी ना
दुश्मनु की गोली से
पिछने कभी होयी ना
गडवली कुमौं क बीर
उतराखंड की शान छ्या
भारत की सीमा पर
डांड्यूं जन खडु छ्या
जु भी आलु रस्ता मा तु
कीडु सी पतेडी दे
गडवली खुन छै तु
बैरयुं तै जतयी दे
गबर जसवंत की
कसम भूलों तुमतै च
भारत की सीमा बीर
गडवलियुं तै लगाणी च
छलनी ह्वे जा
जिकुडी फिर बी
पिछने कबी देखी ना
आखरी सांस तक भुला
बैरयूं तै तु छोडी ना
दुश्मनु क तोप टैंक
कुणज सी मरोडी दे
बैंकर दुश्मन क भूला
तिमलु सी फोडी दे
औडल तुफानों से
भूला कबी डैरी ना
मा क दुधीक लाज छै तु
भूली की राखी कु शान छै
गडवली बीर भूला
दुश्मनु कु काल छै
औडल तुफानों से
भूला कभी डैरी ना....
सर्वाधिकार सुरक्षित@लिख्वार सुदेश भटट(दगडया)

आज स्वतंत्रता दिवस क सुअवसर पर मेरी या रचना दुर दराज सीमा पर तैनात फौजी भयूं कुन समर्पित.....
गडवली बीर....

औडल तुफांनो से
दीदा कभी डैरी ना
दुश्मनु की गोली से
पीछने कभी होई ना
गडवली कुमौं क बीर
उतराखंड की शान छ्या
भारत की सीमा पर
डांडिंयूं जन खडु छ्या
गबर जसवंत की
कसम भूलों तुमतै च
भारत की सीमा धै
बीर गडवलीयुं तै लगाणी च
औडल तुफांनो से
दीदा कभी डैरी ना
छलनी ह्वे जा
जिकुडी चाहे
पिछने तु देखी ना
आखरी सांस तक भूला
बैरी तै तु छोडी ना
दुश्मन कु तोप टैंक
कुणज सी मरोडी दे
बैंकर दुश्मन कु भुला
तिमलु सी फोडी दे
औडल तुफांनों से
भूला कभी डैरी ना
मां क दुधीक लाज तु
बैंणी क राखी कु शान छै
गडवली बीर भूला
दुश्मन कु काल छै
औडल तुफांनो से
भूला कभी डैर ना
दुश्मन की गोली से
पीछने तु होई ना......
सर्वाधिकार सुरक्षित@लिख्वार सुदेश भटट(दगडया)

Sudesh Bhatt

न्याल हुयुं हपार द्याखो
म्या गौं क पाणी
बंठा पंदयर तै धै लगाणु
म्यार गौं क पाणी
सुन्याल हुयुं हपार द्याखो
म्यार गौं क पाणी
कबी आपस मा लडद छ्या
अपणी अगल्यारी क बान
डिग्गी क यैंछ कंटर बजाणं मा
चितांद छ्या अपणी शान
हपार द्याखो पाणी कन
यखुली हुयुं च
कब आल पंदयर पाणीम
सारु लग्युं च
सुन्याल हुयुं हपार द्याखो
म्यार गौं क पाणी
बिन पंदयरु क पाणी म्यारु
यन खुद्याणु च
बाट पनक खबडाट बी
बजुद बंठा चितांणु च
मेरी याद बी दीदों
यखी पन खत्यां छन
बजै बजै की कती कंटर
ये पाणीम ही फूडयां छन
सुन्याल हुयुं हपार द्याखो
म्यार गौं क पां.......
सर्वाधिकार सुरक्षित@लिख्वार सुदेश भटट(दगडया)

रखडी (राखी) कु त्योहार नजदीक च। जौं कि भैणि या भाई नि ह्वाला, वूं थैं कनु लगदु होलु। --------------------------------------------------

कनू छै विधाता तू त निरदयी रैई।
रखडी त्यौहार द्याई भैणी नि देई।।
कनु छै विधाता तू त निरदयी रैई।
रखडी त्यौहार द्याई भाई नि द्याई।।

एक भैणी मीकू दिंदु क्या बिगड़ी जांदू।
ए त्यौहार मि भि त्वैकु भेट पिठै ल्यांदु।।
एक भाई मीकू दिंदु क्या बिगड़ी जांदू।
ए त्यौहार मि भि त्वैकु भेट पिठै ल्यांदु।।

जौं भयों कि भैणि ह्वैलि रखडी पैराला।
बिना भैणि वळा छ्वारा प्यटा प्यटि र्वाला।।
जौं भैण्यू का भाई ह्वाला रखडी पैराली।
बिना भायों वळी छे्वरी प्यटा प्यटी र्वेली।।

त्योहार का बान सुदी दंतुडी द्यखाला।
आंख्यू का कूणू मा छ्वारा आंसू लुकाला।।
त्योहार का बान सुदी दंतुडी द्यखाली।
आंख्यू का कूणू मा छ्वेरी आंसू लुकाली।।

दगड्या भग्यान म्यारा रखडी पैराला।
अपणी भैण्यू का हथौं खटी मीठि खाला।।
दगड्या भग्यान मेरी रखडी पैराली।
अपणा भयों थै टीका पिठैई लगाली।।

त्योहार कू भैणी नि दे त्यारु च कसूर।
खुशि कनकै मनौलु नि दे घार पूरू।।
त्योहार कू भाई नि दे त्यारु च कसूर।
खुशि कनकै मनौलु नि दे घार पूरू।।

निठुर समिझि मिल, क्याच तेरी माया।
धर्म्यालि भैणि, त्वैन मीकू दे ही द्याया।।
निठुर समिझि मिल, क्याच तेरी माया।
धर्म्यालु भाई, त्वैन मीकू दे ही द्याया।।

ऐंसु की रखडी,देवी तु ह्वै जैई दैणी।
भैण्यू थै तु भाई देई,भायों थैई भैणी।।
ऐंसु की रखडी, देवी................

सर्वाधिकार
सुरक्षित @दर्शनसिंह रावत "पडखंडाई
दिनांक 25/08/2015