MeraPahad Community Of Uttarakhand Lovers

यहां कोई ज़िंदा नहीं बचेगा [इख कैन ज़िंदा  नि बचण ] नाटक का 11 दृश्य से आगे


[नाटक -केवल प्रशिक्षण हेतु ]
अनुवाद - भीष्म कुकरेती



----------------------------------------------दृश्य 12 -   , Scene 12  -----------------------------------------

--------------------समुद्रौ छाल /किनारा -----------------------------------------
[जनरल महेशा समुद्रौ तरफ मुख करिक बैठ्याँ छन।  नंदा आंद।  वु बैठणो इशारा करद ]

महेश - औ तो तू छे -
नंदा [बैठद ]- आप तै इखम बैठिक समुद्र दिखणम आनंद आंद?
महेशा - हाँ , आनंददायक जगा च। प्रतीक्षा करणो वास्ता बढ़िया -
नंदा -प्रतीक्षा ? क्यांक प्रतीक्षा ?
महेशा -अंत। पता च ना ? जाणदी छे इ ना ? सच बात च कि ना ? कि हम सब अंत की जग्वाळ करणा छंवां।
नंदा -क्या मतलब ?
महेशा -मतलब ! हम क्वी बि ये द्वीप नि छोड़ सकदां।  यो इ योजना च। तू बि जाणदी छे।  बस इनमा तू नि जाणदी कि चैन  कन  लिए जाय /
नंदा -आनंद ? चैन ?
महेशा -हाँ ! देख एक दिन आंद जब पर तू अबि जवान छे।  चैन आंद जब त्वे तै पता चल जांद कि तुमन जु करण छौ स्यु कौरि आल - अर अब अधिक दिन तक भार नि उठए सक्यांद। तू बि एक दिन अनुभव करली कि अब कुछ नी बच्युं च।  मि  अनीता तै दिल से प्यार करदो छौ।
नंदा -अनिता आपकी घरवळि छे ?
महेशा -हाँ वा मेरी घरवळि छे।  बड़ी बिगरैलि छे।  वा खुस रौंद छे।  मि वीं पर गर्व करदु छौ।  मि वीं से भौत प्रेम करदु छौ - तबि त मीन इन कार -
नंदा -तुमर मतलब -
महेशा -अब मना करिक क्वी फायदा बि नी च-जब हमन बचण इ नी च त । मीन इ राजेन्द्र तै मौत का मुख मा भेजि।  मि राजेन्द्र तै पसंद करदु छौ।  बड़ो कर्तव्यपरायण अर उत्साही युवक छौ।  पर वेक नाजायज संबंध अनिता का साथ छया।  मीन प्रेम पत्र पढ़िनं। मीन वै तै इन जगा भेज कि बचण नामुमकिन छौ।  एक तरां से हत्या इ छे। मि न्यायप्रिय अर अनुशासन प्रिय छौं तो मि तैं वैबगत लग कि मीन उचित ही कार। मि तै क्वी पश्चाताप नि छौ वै तै डंड मिलण इ चयेंद छौ।  पर फिर वेक बाद -
नंदा -हैं ? वैक बाद ?
महेशा -पता नि वैक बाद कुछ ह्वे गे। मि तै नि पता कि मेरी घरवळिन अंदाज लगै होलु।   मेरी घरवळि कखि दूर चल गे अर फिर मरि गे।  मि अकेला ही -
नंदा -अकेला ?
महेशा -हाँ अकेला ही भुगतण सब तै अंत -सब्युंक अंत -त्वै तै बि आनंद होलु कि अंत मा -
नंदा[एकदम उठद ] -पता नी क्या बखणा छंवां।
महेशा -मेरी बच्ची ! सब जाणदु छौं।
नंदा -तुम कुछ नि जाणदा।  कुछ बि ना।
महेशा -अनिता ?
----------------------------------------------दृश्य  13 -   , Scene   13 -----------------------------------------
[समुद्रौ किनारो पर पख्यड़ मा  डा मदन अर बृजमोहन बैठ्याँ छन अर धूमल तै उतरद दिखदन ]
बृजमोहन -मि तै स्यु धूमल कुछ अजीब आदिम लगद।  पता च एक बारा मा म्यार विचार क्या छन ?
डा मदन -क्या ?
बृजमोहन -यु गलत आदिम च।
डा मदन -कै हिसाब से ?
बृजमोहन -पता नी पर।  ये पर विश्वास नि करे सक्यांद कताई न।
[ धूमल आंद ]
धमूल - भैर तो मौत ही ह्वे सकद।  बस भीतर ही सुरक्षित जगा च।


----------------------------------------------दृश्य 14  -   , Scene  14   -----------------------------------------

[एक कमरा का भैराक भाग।
[बृजमोहन , धूमल अर मदन कॉरिडोर का समिण सुरक सुरक चलणा छन ]
बृजमोहन - जै कमरा मा मिसेज सर्यूळ की मौत ह्वे वै कमरा मा क्वी च।
डा मदन - तीन की गिनती पर हम तीनि दरवाजा पर धक्का मारदां।  हम तीन छंवां तो हम वैपर  भरी रौला।
[ तीन की गिनती पर सब धक्का मरदन।  द्वार भड़ाक से खुलद।  भीतर सर्यूळ कुछ कपड़ों लेक खड़ो च ]
बृजमोहन - सर्यूळ जी ! हमन समझ क्वी हौर कमरा पुटुक च।
सर्यूळ - मि इक बिटेन कुछ सामन लेकि तौळ छुटु  कर्मा मा जाण चाणु छौं। कै तै ऐतराज तो नि ह्वाल ना ?
मदन - हाँ वुख रौ ।  कै तै बि क्यांक ऐतराज ? जा जा
सर्यूळ -जी धन्यवाद [जांद ]
मदन [बिस्तर मा सफेद चीज देखिक ]-कास मीम जांचको सामान हूंद।  मि पता लगाण चाँद कि वो क्या रसायन छौ ?
धूमल - कुछ ना जी।  पता लगाण कठण इ च।  कुछ नि ह्वे सकद।
बृजमोहन - यु बड़ो सुरक सुरक चलदो हाँ ! मीन चिताइ इ नी कि वु कब सीढ़ी चौड़ ?
धूमल -हाँ तबि त हमन समज कि क्वी अजनबी कमरा मा च। हम सब आठ आदिम छंवां।  हमन फोकट मा डर बिठै याल।  द्वी मनिखों मौत अचानक ह्वे अर यांक संबंध हम तै - नि जुडण चयेंद।  दुर्घटना छन
डा मदन - पर मैकमोहन की मौत आत्महत्या  नि ह्वे सकद।
धूमल  -क्या या दुर्घटना ह्वे सकद ?
बृजमोहन - अजीब दुर्घटना। पर मिसेज सर्यूळ की मौत ? डा मदन आपन क्वी गोळी की बात कर छे कि ना ?
डा मदन -क्या मतलब ?
बृजमोहन -आपन ही तो बोल छौ कि आपन वीं तैं गोळी दे छे।
मदन - हाँ पर वो माइल्ड सेडेटिव ट्राईनॉल छौ।  ट्राइनोल से बिलकुल बि हानि नि हूंद
बृजमोहन - ह्वे सकद च कि अधिक मात्रा की गोळी दे हो अर या दुर्घटना ह्वे गे हो।
डा मदन [गुस्सा मा ] आपका अर्थ क्या च ?
बृजमोहन -ह्वे सकद कि आपसे गलती ह्वे गे हो।  सम्भव नि ह्वे सकद ?
डा मदन - नहीं क्वी इन गलती नि ह्वे।  तुमर मतलब क्या च कि जाण बूजिक गलती कार ?
बृजमोहन - ह्वे सकद च कि गलती ह्वे हो अर -
धूमल [बृजमोहन से ]- भई आक्रमक हूणै क्या जरूरत ? हम सब सब एकी नाव का सवारी छंवां। हम तै सहयोग अर शान्ति से काम लीण चयेंद। अर तेरी पाप कहानी को क्या ?
बृजमोहन - सब झूठ च। तू मि तै चुप कराणो कोशिस करणु छे।  जरा अपण बारा मा त बता ?
धूमल - म्यार बारामा क्या ?
बृजमोहन - घुमण घामणो अयुं छे अर रिवाल्वर लेकि अयुं छे।  क्या कारण च रिवाल्वर का साथ ?
धूमल -अरे कबि बि कुछ ह्वे गे तो ?
बृजमोहन -फिर ब्याळि रात किलै नि बथै ?
धूमल -हाँ पर जरूरत ही नि पोड।  मि तै एक प्रदीप नामक आदिमान खूब पैसा दे छौ अर ब्वाल छौ कि सबूं पर नजर रखण बीएस।  मीन बि स्वाच नुक्सान क्या च।
बृजमोहन -तो या बात ब्याळि किलै नि बथै ?
धूमल - अरे कै तै पता छौ कि इन इन बारदात ह्वे जाली ? कै तै छौ पता ?
बृजमोहन - अर अब कुछ हौर इ ह्वे गए क्या ?
धूमल - हाँ।  द्वी मौत ह्वे गेन। अर अब लगणु च मी बि तुमर इ दगड़ वींइ नाव माँ छौं।  मि तै इक लाणो वास्ता इ मि तै पैसा दिए गे छ।  प्रदीप वास्तव मा किसनदत्त कु ही आदिम छौ। हम सब जाळ मा फंस्यां छंवां। सब किसनदत्त का खेल हूणा छन।  पर किसनदत्त छ कख च ?
[घंटा बजणो आवाज ]

----------------------------------------------दृश्य 15   -   , Scene 15  -----------------------------------------

-------------दुफरा भोजन , टेबल ---------------------
[ बृजमोहन , धूमल , डा मदन टेबल का चारों तरफ बैठ्याँ छन , सर्यूळ पैथर खड़ो च ]
सर्यूळ -आशा च लंच संतोषप्रद होलु। मटन - मांश बि च। मीन कुछ आलु उसेन अर कुछ जयकादार भुज्जी -
धूमल - अच्छा भोजनसामग्री त छैं च ना ?
सर्यूळ -हाँ डब्बाबंद भोजन खूब च।  आज बि आनंद नि आई।
धूमल -हाँ चिंता की बात च।
[कोमल कु प्रवेश ]
कोमल - मौसम भौत खराब हूणु च।  समुद्र मा बड़ी बड़ी लहर चलणा छन।
]आलोक आंद ]
आलोक -आज सब व्यस्त ही रैन ?
[नंदा आंदि ]
नंदा - अरे क्या मै लेट छौं ?
कोमल - तू अंतिम सदस्य नि छे।  जनरल महेशा बि अबि नि ऐन।
सर्यूळ [कोमल से ] आप बैठिल्या या प्रतीक्षा ?
नंदा - जनरल साब तो ध्यानमग्न छन अर मै नि लगद वूं पर छल्लारो कुछ फरक पड़णु होलु।  सुबेर से -कुछ अजीब मनस्थिति मा छया।
सर्यूळ - मि जैक ऊँ तै लांदु।
मदन - ना ना मि जांदू अर ऊँ तै लांदु। [जांद ]
सर्यूळ -आप अंडा भुर्जी या चिकेन रस्सा ? या ?
नंदा - बड़ो तूफ़ान आण वळ च।
बृजमोहन - ब्याळि ट्रेन मा एक बुड्या बि बुलणु छौ की बड़ो तूफ़ान आण  वळ च।  यूँ तै कनकैक पता चलदो भै ?
सर्यूळ -क्वी दौड़ीक आणु च    ....
[डा मदन दौड़िक भितर आंद ]
मदन - जनरल महेशा -
नंदा - मृत ?
मदन - हाँ महेशा जी मरि गेन।








   




अनुवाद - भीष्म कुकरेती
---------------------------यहां कोई ज़िंदा नहीं बचेगा [इख कैन ज़िंदा  नि बचण ]नाटक कु शेष भाग दृश्य 16   माँ पौड़ो ------------------
------------------------------ यहां कोई ज़िंदा नहीं बचेगा [इख कैन ज़िंदा  नि बचण ] Next Part of Play in Scene  16  -------------------

यहां कोई ज़िंदा नहीं बचेगा [इख कैन ज़िंदा  नि बचण ]
[नाटक -केवल प्रशिक्षण हेतु ]
अनुवाद - भीष्म कुकरेती
अंक 1 का दृश्य 20 से अग्वाड़ी

----------------------------------------------अंक 2 , दृश्य   1  -   , Scene   1  -----------------------------------------
                       -----------------------------ड्रवाइंग रूम ------- 


[कोमल , आलोक , डा मदन , नंदा , धूमल , बृजमोहन बैठ्याँ छन। सर्यूळ चाय की ट्रे लेक आंद।  सब झटका से खड़ ह्वे जांदन। ]
सर्यूळ -क्या पर्दा खींच द्यूं ?
सब - हाँ हाँ।
नंदा - कोमल चाय बणैलि क्या ?
कोमल -ना ना भै ना।  मेरि स्वेटर की बुणै खराब जि ह्वे जालि। कैन ऊँ तै बि द्याख ?
नंदा - न [वा चाय बणानो ट्रेक पास जांद ]
धूमल -चाय वाह ! डिनर  का बाद चाय ! वाह। इंतजाम  तो सही च।  हाँ ?
बृजमोहन - हाँ बिलकुल सही।
सर्यूळ -इखक टेबल क्लॉथ कख गे ?
आलोक - क्या टेबल क्लॉथ सुबेर बि छौ ?
सर्यूळ -जी हाँ।  बिलकुल छौ।
बृजमोहन -यख कुछ बि ह्वे सकद।  पर टेबल क्लॉथ से क्वी कै तै कतल नि कर सकद। भूल जा अर अपण काम कौर।
[सर्यूळ जांद ]
कोमल - मि त अपण कमरा मा जाणु छौं।
नंदा -मी बि।
[द्वी जांदन ]----------------------------------------------अंक 2 , दृश्य   2   -   , Scene   2   -----------------------------------------
[ , आलोक , डा मदन , , धूमल , बृजमोहन बैठ्याँ छन। क्वी अखबार पढ़णु  च। क्वी सिगरेट पीणु ह।  क्वी बस इनि समय बिताणु च। सर्यूळ किचन मा व्यस्त ]
आलोक - मि कमरा मा जाणु छौं।  अर हाँ सब अपण कमरा पट्ट से बंद करिक हि रैन हाँ।
बृजमोहन - मेरी राय  च कि दरवज पर कुर्सी बि चिपकै देन।  क्वी बि दरवाजों पेंच खोली सकुद।
धूमल -तेरी परेशानी या च कि तू भौत अधिक जाणदु।
आलोक - अच्छा मि त बैडरूम मा जाणु छौं।  सुबेर मिल्दां।
[सब जांदन ]
सर्यूळ [मिनिएचरुं तै देखिक ]- अब ट्रिक नि चौललि [मिनिएचरुं तै उठैक ली जांद ]


----------------------------------------------अंक 2 , दृश्य    3 -   , Scene   3   -----------------------------------------
----------------------------------------[   सुबेर ]------------------------------------------------[ आलोक , डा मदन , नंदा , धूमल , बृजमोहन चलणा छन।  धूमल बुलणु च ]
धूमल - सर्यूळ नि मिलणु च।  कखि बि नी मिलणु च।  वैक बिस्तर साफ़ साफ़ बताणु च कि वू से छैं च।  उस्तरा , साबण नम छन माने वू सुबेर तक तो ज़िंदा छौ। केतली बि नी च अर स्टोव बि नि जल्युं च । पर छ कख च ?
नंदा - मतबल क्या वु हमर वैक ----बान ---कखि लुकि गे ?
धूमल - प्यारी गुड़िया ! मि सब तरफ से सुचणु छौं। मेरी सलाह च कि जब तक कातिल कु पता नि चल्दु तब तक हम सब तै एक साथ इ रौण चयेंद।
आलोक - ह्वे सकद च वु द्वीप मा कखि चल गे हो।  अर कोमल बि नि दिखेणि च ?
[इतना मा कोमल आदि ]
बृजमोहन - कोमल यी क्या मूर्खता च ? इखुल्या इखुलि द्वीप मा घुमणि छे ? पता च ना हम कैं मुसीबत मा छंवां ?
कोमल -बृजमोहन जी मि चौकन्नी ह्वेक सबि तरफ नजर रखद हाँ !
बृजमोहन - कखि सर्यूळ तै बि द्याख ?
कोमल - ना मीन तो नि द्याख।  क्यों ?
आलोक - सर्यूळ गायब च पर नास्ता की टेबल तयार च।
बृजमोहन- ह्वे सकद रात तयार कर ले हो ?
नंदा - अर मिनिएचर सैनिक ! केवल छै छन अब -
धूमल - मतलब , मतलब अब एक की मौत -[स्टेज से भैर जांद अर सर्युल की लाश खेंचिक लांद , सर्यूळ कु सर का पिछवाड़ा पर कुलाड़ी कु घाव , खून ] लया  सर्यूळ पर मृत अवस्था मा। अर वैक बगल माँ खून भरी कुलाड़ी -

----------------------------------------------अंक 2 , दृश्य    4  -   , Scene   4    -----------------------------------------
--------------------हत्या  कु दृश्य -----------------------------------------------
[बृजमोहन कुलाड़ी परखणु च। डा मदन शरीर चेक करणु च। आलोक अर धूमल खड़ छन। कोमल अर नंदा नि छन ]
डा मदन - यु बिलकुल साफ़ च कि हत्यारान पैथर बिटेन चोट कार। पैल एक मार मार अर फिर दुसर मार।
आलोक -क्या ज्यादा ताकत की जरूरत पड़ी होली ?
डा मदन - एक औरत बि ये काम कर सकिद छे।  लड़की बि सरलता से इन काम कर सकदन। कोमल उन त पतली लगदी पर इन लड़की पर भौत ताकत हूंदी। ज्वा स्त्री अकेला रौणै आड़ती हो तो वा इन कत्ल कर सकदी।
बृजमोहन - हाथों छाप पूंछे गेन।
[हंसी की आवाज , नंदा पागलपन जन हंसी हंसदी स्टेज मा आदि ]
नंदा [हंसणी च ]- ये द्वीप माँ भौत सा चिमुल्ठ  छन।  बतावो कि शहद कख मीलल ? हाहा हां -
[सब वींतै घूरिक दिखदन ]
नंदा -क्या छंवां मि तैं टक लगैक दिखणा ? हरेक का कमरा मा एक कविता कि

दस सैनिक घुमणो गेन
एकक सांस रुकि गे तब नौ रै गेन
 …
एकान अफु इ काट दे अर  तब छै   रै गेन
छै सैनिक शहद जमा करणो गेन
एक तै चिमल्ठुन तड़कै दे  अर  तब पांच  रै गेन

मतलब अब कै तै चिमल्ठुन तड़काण ?   क्या ये द्वीप मा चिमल्ठ  पाळे जांदन ? हाहाहा
[डा मदन नंदा पर झापड़ मारद ]
नंदा [हिचकी आंदन , रुंदी च , फिर सामन्य हूंदी ] सॉरी।  अब मि ठीक छौं।  मिस कोमल अर मि आपकुण नास्ता बणौदा।  कैम माचिसक तिल्ली च।  आग जगाण। [भैर जांदी ]
बृजमोहन - भौत बढ़िया कार।  बिचारी भी से -
मदन -इन मा मीम क्वी विकल्प नि छौ।  हिस्टीरिया ऐ गे। अर फिर थप्पड़ ही -
बृजमोहन - पर व हिस्टॉरिकल नी च।
डा मदन -न व हिस्टॉरिकल त नी च। व संवेदनशील , विचार करण वळि च। अचानक विपदा से इन ह्वे जांद। कैपर बि दौरा पद सकद।
धूमल - चलो नास्ता करे जावो।
[सब चल्दन ]

----------------------------------------------अंक 2 , दृश्य    -   , Scene  6    -----------------------------------------
----------------------------------------------टेबल माँ विचार विमर्श -------------------------------------------------

[आलोक , डा मदन , नंदा , धूमल , बृजमोहन   टेबल का चारों और बैठ्याँ छन।  नास्ता ह्वे गे ]
आलोक - मेरी समझ से हम सब तै ड्रवाइंग रूम मा विचार विमर्श करण चयेंद।
[सब स्वीकार करदन ]
नंदा -हम जरा बर्तन साफ़ सफाई -
धूमल -हम सब बर्तन किचन मा लांदवां।
नंदा - धन्यवाद
[कोमल उठणै कोशिस करदी पर धम से गिर जान्दि ]
कोमल -ये नंदा
आलोक - कुछ परेशानी ?
कोमल - मि नंदा की सहयता करण चाणु छौ पर पता नी कि -कुछ उलटी सि लगणी च -
डा मदन -हूंद च।  शौक का बाद हूंद च , उलटी की शिकायत।
कोमल -मि बैठद छौं।  जब उलटी /चक्कर आणो शिकायत नि रैली तो जौलु।
डा मदन -क्वी दवै ?
कोमल - ना जरूरत नि पोड़ली।
बृजमोहन - मि नंदा की मदद करुद।
 
[कोमल इखुलि च।  उलटी की इच्छा अब निंद मा बदलेणि च। इथगा मा गुणगुणाट सुणेन्दि।  ]
कोमल -यी मधुमक्ख्युं जन आवाज  -- चिमल्ठ ? मि उठि नि सकणु छौं , बोल नि सकणु छौं।   
कोमल तै चिमल्ठ  दिखेंदन।
[एक काळु कपड़ों मा आंद कोमल का हतुं मा इंजेक्सन घुस्यांद। ]
----------------------------------------------अंक 2 , दृश्य    -   7  Scene     7 -----------------------------------------

---------------------------प्रतीक्षा ----------------------------------------------------
[आलोक , डा मदन , नंदा , धूमल , बृजमोहन कोमल की जग्वाळ करणा छन ]
नंदा - मि वीं तै लाणो जौं ?
बृजमोहन -एक मिनट हाँ।
[नंदा बैठ जांदी ]
बृजमोहन -द्याखो मै लगद कि हत्या हम मादे क्वी जनानी करणी च।
मदन - उदेस्य ?
बृजमोहन - धार्मिक अनुष्ठान !
मदन - बिलकुल ह्वै बि सकद।  मि तुमर बिचारुं विरोध मा बि नि छौं।  पर क्वी पक्को प्रमाण नी च।
नंदा - विचारी रुस्वड़ मा कुछ अजीब सि हालत मा  छे मि वीं तै लयाँद। वींक आँख -
धूमल -तुम आँख से कुछ नि पता लगै सकदां। हमर सब्युंक होश ठिकाणा पर नि छन।
बृजमोहन - टेप सुणणो बाद सब्युंन अपर गाथा बताइ पर कोमलन नि बताइ।  आखिर किलै ?
नंदा - मि तै बतै च।  मृदुला वींक नौकरानी छे।  कुछ समय बाद मृदुला  गर्भवती ह्वे गे। कोमलन वीं तै निकाळ दे।  कुछ समय बाद मृदुलान आत्महत्या कर दे।
आलोक - सीढ़ी सि कथा।  सब विश्वास कारल।  क्या पैथर कोमल तै पश्चाताप बि ह्वे ?
नंदा -ना।
आलोक - अब देर सि ह्वे गे।  हम तै कोमल तै बुलाण चयेंद।
[सब दुसर कमरा मा जांदन अर सब आश्चर्य मा ]
बृजमोहन - ये मेरी ब्वे ! स्या तो मृत च।
धूमल - डा जरा द्याखदी।  जब हम भैर ऐ छ तो वा ठीक ठाक छे ?
मदन [तपास करिक ] -इंजेक्सन से मौत !
[मधुमक्खी की आवाज ]
नंदा - मधुमक्खी।  मीन सुबेर बोली छौ कि -
मदन - मधुमक्खी का काटण से मौत नि ह्वे।
आलोक - तो ?
मदन - विष से। इंजेक्सन द्वारा शरीर मा विष पंहुचाये गे।
आलोक - कु विष ?
मदन - शायद पोटैसियम साइनाइड।
नंदा - पर वा मधुमक्खी।  यु इन अकस्मात संयोग ह्वे सकद क्या ?
धूमल - यु संयोग नी च।  वु एकदम पागल च।
आलोक - विश्लेषण की शक्ति राखो। क्या हम मादे क्वी अपण दगड़ इंजेक्सन लै छौ ?
मदन - हाँ मि हमेशा खाली इंजेक्सन लेक चल्दु।
आलोक - अब इंजेक्सन कख च ?
मदन - कन कख हक ? म्यार सूटकेस पुटुक अर कख।
आलोक - जरा सूटकेस लयावदी
[मदन जांद अर सूटकेस लेक आंद।  सूटकेस की जांच हूंद पर इंजेक्सन उख नी च ]
बृजमोहन - सिरिंज नी च।
मदन - मतलब कैन सिरिंज निकाळ।  अवश्य सिरिंज निकाळ।
आलोक - अब हम पांच छंवां।  हम मादे एक हत्यारा च। खतरा च।  डा तुमम क्या क्या दवा छन ?
मदन - बस कुछ गोळी , एस्पिरिन , आदि आदि। साइनाइड जन कुछ ना।
आलोक - मीम कुछ सीणो गोळी छन। हाँ ओवरडोज ह्वे तो खतरनाक ह्वे सकदन।  धूमल ! तुमम रिवाल्वर छयो ?
धूमल -यदि छैं बि च तो ?
आलोक - हम्म जु बि खतरनाक चीज जन दवाई , गोळी , चक्कु , खुंकरि , रिवाल्वर जु बि च एक जगा बंद कर दीण चयेंदन।
धूमल -मीन रिवाल्वर नि दीण।
आलोक - तुम तो पुलिस मा छया तो तुम बगैर रिवाल्वर बि संघर्ष कर सकदां।
धूमल -ठीक च दींदु छौं।
आलोक - आप संवेदनशील छंवां। रिवाल्वर कख च ?
धूमल - इकि ड्रावर मा।
[ रिवॉल्वर ड्रावर मा नी च ]
----------------------------------------------अंक 2 , दृश्य    -    Scene   8 -----------------------------------------
----------------------कमरा मा खोज ---------------------------------------

[धूमल तै आलोक समझाणा छन।  मदन अर बृजमोहन   कमरा मा खोज करणा छन। ]
धूमल - संतुष्ट ?
आलोक - मिस नंदा।  अब सब संतुष्टि कर याल हाँ !
नंदा - हाँ अब हमम खतरनाक हथियार अर दवै नि छन। अब हम यूँ सब तै एक जगा बंद कर दींदा।  वीं अलमारी माँ बंद कर दींदां।
[सब दवा आदि अलमारी मा धरदन ]
बृजमोहन - पर चाबी कैमा राली ?
[आलोक एक चाबी धूमल तैं दींद अर एक बृजमोहन तै ]
आलोक - पर अबि बि रिवॉल्वर की समस्या तो छैं इ च ?
बृजमोहन - रिवाल्वर कु मालिक धूमल -
धूमल - पर मीन ब्वाल नी कि रिवाल्वर हर्ची गे।
आलोक - तीन रिवॉल्वर कब आखिरैं देखि छे ?
धूमल - ब्याळि रात सीण से पैल मीन चेक कौर छौ।  ड्रावर मा इ छे।
आलोक - याने कि जब हम सर्यूळ की खोज माँ छया या वैक शरीर की जांच करणा छया तब इ रिवॉल्वर गम ह्वे ह्वेली।
नंदा -अवश्य ही कखी घौर भितर इ हूण चयेंद। इखि खुज्याण चयेंद।
आलोक - मि तै संदेह च।  हत्यारा का पास छुपाणो जगा कु ज्ञान ह्वालु।  तो खुज्याण बेकार च।
बृजमोहन  -मि नि जणदु कि रिवाल्वर कख च ? पर सिरिंज कख च मि जणदु छौं।  म्यार पैथर आवो।
[सब खिड़की का पास जांदन।  सिरिंज अर तुड़ी मुड़ीं एक मिनिएचर सैनिक मील ]
बृजमोहन - हत्या का बाद एक या इ जगा छे जख हत्यारा यूँ चीजुं  सकुद छौ।
नंदा - अब रिवॉल्वर खुज्याण चयेंद
आलोक - पर सब एक साथ हाँ।

----------------------------------------------अंक 2 , दृश्य    -    Scene   9 -----------------------------------------
---------------------------------खोज का बाद ----------------------
[सब गोलघ्यारा  मा बैठ्याँ छन। चिंतित अर उचमिचि का साथ।   बृजमोहन घुमणु च ]
आलोक - रिवॉल्वर नी मील।  कख ह्वे सकदी ? हम हथ पर हथ धौरिक नि बैठ सकदां।  हम तै कुछ ना कुछ करण इ चयेंद।  हम तै भैर बि खुज्याण चयेंद। यदि बचण च तो -
बृजमोहन - ये मौसम मा ? भैर जोर की बरखा हूणि च।
धूमल - समय की बात च।  बरखा तो बंद ह्वेली इ। मौसम ठीक हूणों बाद क्वी सिग्नल , उज्यळ दिखैक या कुछ ना कुछ करिक -
मदन - समय ही त समस्या च। तब तक तो हम सब समाप्त !
आलोक - यदि हम सावधान रौला तो बच सकदां।
[सब व्यथित छन अर एक हैंकाक मुख पर दिखदन।  घड़ीन पांच बजैन ]
नंदा - कैन चाय पीणै ?
बृजमोहन -एक कप ह्वे जाव  तो !
नंदा - ठीक च मि बणान्दु।  आप इखमि राओ।
आलोक - हम सब औंदा अर दिखला कि तु  कन चा बणांदि।
नंदा - ठीक च।
आलोक - हम सब तै सावधान रौण चयेंद।
[सब जांदन अर कुछ देर बाद हथ पर चाय कप लेकि आंदन ]
धूमल - [बिजली स्विच ऑन करद ]  - अरे सर्यूळो गुजरणो बाद जनरेटरक इंजिन तो चलाई नी च। हम भैर जैक इंजिन चालु करदां।
आलोक - भैरक कमरा मा मोमबत्ती बि छन।  हम ऊँ तै लयोंदा
धूमल - ठीक च मि लांद।
कोमल - मै अपर कमरा मा जैक मुख ध्वेक आंदु। [जांदी ]
[सब एक हैंकाक मुख देखिक चाय पीणा छन।  इथगा मा नंदा कु चिल्लाणो आवाज ]
नंदा - मदद , मदद -मद  -

----------------------------------------------अंक 2 , दृश्य    -   10  Scene  10  -----------------------------------------

[वीरा खड़ी च। घबराईं च। चिल्लाणी च।  अचानक धूमल ,बृजमोहन अर मदन प्रवेश करदन ]
मदन - क्या ह्वे ?
धूमल -क्या ह्वाइ ?
[नंदा अग्नै बढ़दी अर भीम पड़  जांदी ]
धूमल - ये मेरी ब्वे ! सी द्याखदी !
[सब दिखदन कि समुद्री घास छत से लटकणि च ]
नंदा - समुद्री घास छे , बस समुद्री घास - गंध तो इनि आणि  छे।
धूमल - क्वी ब्रैंडी लाओ।
[बृजमोहन दौड़ीक जांद अर ब्रैंडी लेक आंद। धूमल ब्रैंडी गिलास मा डाळद अर नंदा का गिच पर लगांद ]
नंदा [पीण इ   वळि छे पर फिर गिच बंद करदी ]- ना ना। कखन ऐ या ब्रैंडी ?
बृजमोहन - तौळ बिटेन।
नंदा -मीन नि पीणाइ।
धूमल - बरोबर बरोबर।  यद्यपि तू परेशान छे पर सचेत छे हाँ।  मि बिन खुलीं बोतल लांदु। [भैर जांद ]
नंदा - ना मि पाणी पे लील्यू।
बृजमोहन -या ब्रैंडी ठीक च।
डा मदन - तू कन कै जाणदि ?
बृजमोहन - मीन कुछ मिलै दे होलु क्या ?
मदन  - म्यार मतलब ते से नी च।  कैन बि , तीन या कै हौरन कुछ मिलै दे हो तो ?
[धूमल बिनखुलिं बोतल लांद ]
धूमल - रिजॉर्ट मा शराब की कमी नी च। इखमा धोखा नी च।  तू पेलि।  [नंदा ब्रैंडी पींदी ]
धूमल - एक हत्या नि ह्वे सौक।
नंदा - मतलब मेरी ?
धूमल - शायद ! डरैक बि हत्या हून्दन।  है ना डाक्टर मदन ?
मदन - हूँ ह्वे सकद च।
नंदा - जस्टिस आलोक कख छन ?
धूमल - हैं ? हमन सोच वु हमर पैथर छन।
डा मदन -  हाँ हमर पैथर - यद्यपि बुड्या छन पर इन बि ना की -
धूमल - कुछ अजीब च
बृजमोहन - चलो ऊँ तै दिखदां।
मदन - यद्यपि उ आण -पर - आलोक जी आलोक जी ! कख छंवां ? अलोक जी !










----------------------------------------------अंक 2 , दृश्य    -    Scene   -----------------------------------------

                 अनुवाद - भीष्म कुकरेती
---------------------------यहां कोई ज़िंदा नहीं बचेगा [इख कैन ज़िंदा  नि बचण ]नाटक कु शेष भाग अंक -2 दृश्य 11   माँ पौड़ो ------------------
------------------------------ यहां कोई ज़िंदा नहीं बचेगा [इख कैन ज़िंदा  नि बचण ]Next Part of Play in Scene Act -2 Scene 11 -------------------

 

यहां कोई ज़िंदा नहीं बचेगा [इख कैन ज़िंदा  नि बचण ] 
नाटक
अनुवाद - भीष्म कुकरेती
नाटक का अंक 2 दृश्य 16 से अग्वाड़ी पढ़ो

----------------------------------------------Act -2 अंक 2 , दृश्य    - 17     Scene 17    -----------------------------------------


------------------------उपसंहार ---------------------------------------
[इस्पेक्टर जनरल राय चौधरी अर इंस्पेक्टर मनोज घंघतोळ मा बैठ्यां छन। ]
राय चौधरी -इंस्पेक्टर मनोज ! अजीब आश्चर्यजनक घटना ह्वेन बीकाबार द्वीप मा। दस मनिखों हत्या ह्वे अर द्वीप मा एक बि माख नि मील। यु कुछ समज मा नी आणु च।  कैन ना कैन तो हत्या कौर इ च। डाक्टर की रिपोर्ट से बि कुछ पता नि चलणु च। 
मनोज-[रिपोर्ट पढ़द ] -यस ! आइ जी राय चौधरी साब ! पर साब ! आलोक अर धूमल की हत्या गन से ह्वे। एकाक सर पर फायर करे गे दुसरक हृदय पर गोळी मारे गे। मिस कोमल  अर मैकमोहन की हत्या साइनामाइड से ह्वे। तो मिसेज सर्यूळ की मौत निंद कीअधिक मात्रा गोळी से ह्वे। सर्यूळ कु सर फुडे गे। बृजमोहन का सर फुडे गे। मदन की हत्या डुबैक ह्वे। महेशा की हत्या पैथर बिटेन सर फोडिक ह्वे। अर नंदान तै फांसी पर लटकाये गे।
राय चौधरी -हूँ।  स्थानीय लोग क्या बुलणा छन ?
मनोज -कुछ न बल एक किसनदत्तन बीकाबार द्वीप खरीद छौ।
राय चौधरी -यूँ लोगुं तै लिजाणो काम कैन कौर ?
मनोज -कै प्रदीपन कौर छौ पर वू अब दुन्या मा नी च।
राय चौधरी -वैक बारामा क्वी जानकारी च ?
मनोज -उ छ तो गुनाहगार छौ।  चरस गांजा का धंदा करद छौ।  पर प्रूफ नि करे सक्यांद छौ। तीन साल पैल एक फ्रॉड केस मा बि फंस पर प्रमाण का अभाव  मा छूट गे। भौत इ सावधान मनिख छौ।
राय चौधरी -अर वु द्वीप ब्यापार मा शामिल छौ ?
मनोज -हाँ।  पर वैन साफ़ बतै छौ कि द्वीप वु तीसर पार्टी कुण खरीदणो च।
राय चौधरी -हूँ।  फिनेन्सियल प्वाइंट से दिखण जरूरी च कि पैसा कनै लग ?
मनोज -ना सर ! प्रदीप इतना चालाक छौ कि हुस्यार चार्टेड अकाउंटेंट बि हार मानि जांदन। फ्रॉड केस मा बि हम कुछ नि कर सक्यां। वु किसनदत्त का प्रतिनिधि बौण अर कखि बि किसनदात का सुराग साथ मा नि राख वैन।  अर वैन ही मृत मनिखों तै पटाइ कि एक हफ्ता का वास्ता बीकाबार द्वीप चलो जख एक हफ्ता शान्ति ही शान्ति राली । भैर से संबंध खतम करे गे छा।
राय चौधरी -पर ऊँ लोगुं तै धोखा कु पता नि चौल ? गंध बास ?
मनोज -ये द्वीप मा पैल बि इन प्रयोगिक अर शानदार पार्टी ह्वेन।  याने दीं दुन्या से कटण अर मजा करण।
राय चौधरी -हूँ या बात सही च।
मनोज -आनंद ! बोत ड्राइवर ! वैन बताइ कि इन साधारण लोगुं तै देखिक वु खौंळे बि च।  वै तै आश्चर्य  ह्वे की यी लोग पैल पार्टयूं जन लोग नि छया। सब साधारण प्रकृति का छया। प्रदीप कु वै तै हिदैत छे कि लोगुं तै द्वीप मा छोड़िक उख एक मिनट बि नि रौण। 
राय चौधरी -फिर कै तै  द्वीप का बारा मा कुछ पता बि चौल ?
मनोज -हाँ जब ऊख द्वीप बिटेन सिगनल मील। 
राय चौधरी -कब ?
मनोज -एक लड़कों ग्रुपन 11 तारीककुंण सिग्नल देखि छौ पर वु उना जैइ सकद छ।बड़ो तूफ़ान छौ।   वु लोग बारा को इ जै सकिन।  वूंक पक्को बुलण च बल वूंक पौंछण से पैल क्वी हौर नि पौंछि छ। अर क्वी तैरिक बि मुख्य जमीन मा नि ऐ सकद छौ।
राय चौधरी -अर तीन ग्रामफोन बि पाइ।  क्या विचार च ? वांसे कुछ सहायता मिल सकिद ?
मनोज -एक नाटक कम्पनीन प्रदीप का द्वारा यु ग्रामफोन रिकॉर्ड किसनदत्त कुण भ्याज। प्रदीप कु बुलण छौ कि नाट्य प्रशिक्षणों कुण ग्रामफोन चयेणु छौ। ये द्वीप मा सबसे पैल सर्यूळ अर वैकि कज्याण पौंचीन। वांसे पैल दुई मिस ऐलिस की नौकरी करदा छ।  जैंक अचानक मृत्यु ह्वे। डाक्टर बि नि बतै सौक कि अचानक क्या ह्वे।  यु निश्चित च कि दुयुंन विष नि दे छौ। हाँ संदेह च कि ऊंकी असावधानी से मृत्यु ह्वे पर प्रमाणित नि करे सक्यांद।
जस्टिस आलोकन टोनी तै फांसीक सजा सुणै छौ।  वैक विरुद्ध पूरा प्रमाण प्रमाणित ह्वेन।  फांसीक बाद पता चल कि प्रमाण गलत छ।  बाद मा दस मादे दसुंक मनण छौ कि टोनी निर्दोष छौ अर जज साबन कै ईर्ष्या मा टोनी तै सजा दे।
नंदा एक घरम कबि आया छे।  अर वुक  से बच्ची डूबिक मोर ।  यद्यपि वींन बचाणो पूरी कोशिश कार अर अफु बि डुबद डुबद बच।
 डा मदन कु अपण नर्सिंग होम थौ। बड़ो खरो डाक्टर। नियम कु पक्को।  वैक एक मरीज छौ प्रसन्ना जू ओपरेसन टेबल मा ओपरेसनो बगत इ खतम ह्वे। ह्वे सकद तब अनुभवहीनता रै होलि या सटापोंड़ी मा मृत्यु ह्वे गे।  पर सटापोड़ी क्वी अपराध नी च।
कोमल की एक नौकरानी छे।  वा गर्भवती ह्वे तो कोमलन नौकरी से निकाळ दे।  नौकरानीन डूबिक आत्महत्या कर दे।  बर्खास्त करण अमानवीय च पर नौकरी से बर्खास्त करण क्वी अपराध नी च।
राय चौधरी -इन लगणु च कि किसनदत्तन वो इ केस लेन जौं मा अपराध्युं तै  न्यायिक प्रक्रिया से डंड  नि मील।
मनोज -मैकमोहन एक अनाड़ी ड्राइवर छौ।  वै से एक दैं कार का तौळ कुछ बच्चा ऐ गेन अर ऊंन उखमी तडम दम तोड़ी दे।  ऐक्सिडेंट मानिक मैकमोहन कोर्ट से छुट गे।
जनरल महेश कु आर्मी रिकॉर्ड भौत बढ़िया छौ।  अपण असिस्टेंट तै इन जगा भ्याज कि बचण मुस्किल इ छौ।  पर मिलिट्री मा ये तै अपराध नि मने जांद।
अब रै गे बृजमोहन।  तो बृजमोहन हमर इ औफिस मा छौ।  घाघ जासूस छौ पर वैकि अपणी इज्जत छे।
राय चौधरी - अरे बदमाशी इज्जत छे वैकि।
मनोज -आपकी या रे च ?
राय चौधरी -अरे मि हमेशा से जाणदु छौ कि वु बदमाश च।  मीन वैक पैथर एक जासूस बि लगै छौ पर कुछ साबित नि ह्वे सौक।  बड़ो घाघ छौ वो। प्रदीपन आत्महत्या कार मि मानि नि सकुद।  बृजमोहन ही इखमा फँस्युं रै होलु।
मनोज -आपकी राय अर।
राय चौधरी -सबसे अजीब चकरघनी या च कि एक खाली द्वीप मा दस आदिम्युं हत्या ह्वे अर हमम क्वी सुराग नी च कि ह्वे क्या च।
मनोज -जी क्वी पागल आदिम यूँ हत्याक पैथर च। वैन ऊं अदिमों कु चुनाव कार जु न्यायिक प्रक्रिया से भैर  ह्वेन अर चाहये ऊंन अपराध कार च कि ना।
राय चौधरी -हूँ बोल बोल क्लू मिलणु च।
मनोज -हत्यारा यूँ तै अपराधी समझिक डंड दीण चाणु छौ। अर कै ना कै तरां वु अदिखळ राइ अर अबि बि अदिखळ च।
राय चौधरी -हाँ पर घटनाओं तै तर्क पर खरा बि उतरण चयेंद।
मनोज -एकी बात च कि हत्यारा बि द्वीप मा छौ पर अदिखळ रै।  नंदा की डायरी से पता चलद कि हत्या कु क्रम च - मैकमोहन , मिसेज सर्यूळ , महेश ,सर्यूळ ,कोमल , आलोक।  आलोक की हत्या का बाद नंदा की डायरी बतांदी कि रात मा डा मदन ना घर छोड़ी छौ अर ब्रजंमोहन  व धूमल वैक पैथर गेन।  फिर सुबेर मदन की लॉस समुद्र मा मील। अर आश्चर्य या च कि मदन की लाश ज्वार भाटा मा किलै नि बौग ? फिर बृजमोहन की हत्या ।  धूमल की मृत्यु रिवाल्वर की गोळी से ह्वे अर नंदा क गौळ मा फांसी का फंदा छौ। बृजमोहन की हत्या सर पर एक खिड़की से गिरिक भारी घड़ी गिरण से ह्वे।
राय चौधरी -कैक खिड़की छे ?
मनोज -नंदा की। इख्मा द्वी तीन अंदाज लगाये जै सक्यांदन।  यदि धूमलन बृजमोहन तै  मार अर फिर नंदा तै फांसी चढ़ाई अर फिर अफु पर गोळी मार तो ?
राय चौधरी -रिवाल्वर पर अंग्ल्युं निसान कैक छन ?
मनोज -नंदा का।
राय चौधरी -तो यु सिद्ध नि हूंद कि धूमलन गोळी से एटीएम हत्या कार इ होलु।  बड़ो जटिल केस च मेरी जिंदगी को -
मनोज -जी।
राय चौधरी -तो क्या नंदा हमारी अपराधीन च जैंन नौ खून करिन अर अंत मा स्वयम बि फांसी ?
मनोज -तर्क अर कुतर्क से -
[एक मच्छीमार आंद ]
मच्छीमार - साब एक प्लास्टिक मा बंधी बोतल मील जख पुटुक प्लास्टिक भितर कुछ पर्चा च। समुद्र का छाल  पर मील सैत च आपक क्वी कामक हो।
[मच्छीमार बोतल दींदु अर चल जांद ]

राय चौधरी [बंद बोतल खोलिक पर्चा निकाळदु।  पर्चा मनोज तै दींदु ] - बड़ी मेहनत करीं च।  एक रति भर पाणी नि गे बोतल भितर।  जरा पौढ़ क्या लिख्युं च धौं !
मनोज -
 हाँ तो सूणो ! युवावस्था से इ मेरी प्रकृति विरोधाभासी छे। मि हमेशा सपना दिखुद छौ कि कबि मि क्वी रहस्य बोतल पुटुक धौरुं अर वै रहस्य बड़ी कीमत ह्वावो।  रहस्य भरीं बोतल समुद्रौ लहरों माँ रावो अर ये रहस्य तै सही जगा पौंछणो अवसर केवल एक टका ही रावो ।
इनि मि तै दुःख दिखण खासकर हत्या दिखणो बड़ो बिगरौ छौ अर मि ईं इच्छा पूर्ति बगीचा मा चिमल्ठ , मधुमक्खी , तितली मारिक करदो छौ। बचपन से ही म्यार दिमाग मा हत्या करणो जनून बसि गे छौ।
पर दगड मा विरोधाभास यु छौ कि मि तै अन्याय पसंद नि छौ , बिलकुल बि ना। मि तै निर्दोषों पर अत्याचार बिलकुल पसंद नि छौ।
मीन अपण प्रकृति समझिक इ वकालात व्यवसाय अपणै। वकालात व्यवसाय मेरी द्वी विरोधाभासी प्रकृति दगड़ मेल खांद छौ , अपराध से दिखणो मौक़ा , अपराध से मुलाक़ात अर जुल्मियों तै डंड !
अपराध अर डंड मि तै आकर्षित करदो छौ और मि संतुष्टि का वास्ता अपराध साहित्य अर जासूसी किताब मा मसगूल रौंद छौ।
अभिनव अपराध करणो मीन सोची याल छौ।
जब मि न्यायाधीश बण ग्यो तो भौत सा छुपीं प्रवृति बि विकसित हूंद गेन। अपराध्युं पर यंत्रणा से मि तै आनंद आन्दु छौ। पर यदि म्यार समिण क्वी निर्दोष आवो अर उ यंत्रणा झेलणु हो तो में से सहन नि हूंद छौ। द्वी दै मीन जब द्याख कि निर्दोष फंसणु च तो मीन केस बंद कर दे।  पुलिस की चौकसी से निर्दोष तै अपराधी बणैक म्यार समिण नि लये गेन।  अधिकतर अपराधी वास्तव मा अपराधी इ छया।
एक बार मीम कीर्ति अपराधी का केस आई अर वैक व्यवहार बड़ो धोखा दीण वळु छौ।  वैक निर्दोष व्यवहार से न्यायालय , पुलिस प्रभावित ह्वे गे छे , तथ्य बि वैक समर्थन करदा दिखेणा छा पर मेरी अपराधी पछ्याणणो प्रवृति धोखा खाणो तयार नि छे। मीन वै तै सजा सुणाई किले कि वैन एक मासूम बुढ़िया को खून कार ज्वा बूडडी वै पर विश्वास करदी छे।
मि तै फांसी दीण वळ जज कु नाम दिए गे छौ पर मि हमेशा अपराधी तै सही डण्ड कु समर्थक रौं।
मि हमेशा अपराधी द्वारा इमोसनल ब्लैकमेल से दूर रौं अरअपराधी द्वारा इमोसनल ब्लैकमेल तै पछ्याँणण मा कामयाब बि रौं।
धीरे धीरे मीमा बदलाव आई कि न्यायाधीश की जगा मी तै स्वयं कुछ करण चयेंद।
मि स्वयं कत्ल करण चाणु छौ। कतल करणै इच्छा दिन प्रतिदिन प्रबल हूंद गे। इच्छा प्रबल से प्रबल हूंद गे जन एक कलाकार का अंदर सुंदर कृति रचना करणै प्रबल इच्छा जागृत अर प्रबल हूंद।
किन्तु मि साधारण तरां से कतल नि करण चांदु छौ।
म्यरो द्वारा कतल एक अनोखा कतल हूण चयेंद , अप्रतिम , दुनिया से अलग अनोखा कतल ! कलयुक्त कतल - अणसुण्यूं , अकल्पनीय काल !
मि तै लगण लग गे कि कतल करण चयेंद , मि  कतल करण चाणु छौ  , कतल   करण चाणु छौ …
पर मेरी भीतरी प्रवृति बीच मा अवरोध पैदा करणी छे कि कै बि निर्दोष  अत्याचार , यंत्रणा नि हूण चयेंद , निर्दोष तै दुःख नि दिए जाण चयेंद।
अचानक एक दिन एक साधारण डाक्टर से मुलाक़ात ह्वे अर बातोंबातों मा वैन बताइ कि कन कतल ह्वे सक्दन अर न्यायालय बि कुछ नि कर सकदन। वैन एक वाकिया सुणै जखमा एक बुढ़िया को कतल एक पति -पत्नी द्वारा दवा से करे गे अर दुयुं तै  बुढ़िया की मृत्यु से लाभ हूण वाळ छौ।  किन्तु दवा क्वी विष नि छौ तो वे युगल पर न्यायालय की नजर नि गे।  डाक्टरन कुछ किस्सा सुणैन जखमा जुर्म अवश्य हूंद किन्तु न्यायालय की हद मा इ जुर्म माने इ नि सके छया।
अर बस मि तै अग्नै बढ़णो सूत्र , दिशा, रस्ता  मिल गे छौ।
म्यार दिमाग मा बचपन मा सुणी गीत आइ कि ---नौ सैनिक कमरा मा देर रात तक छया
अर म्यार दिमाग मा अनोखी कल्पना आंद गेन , आंद गेन बस कल्पना मा विकास हूंद गे।
मि तरकीव से छुपीक अपण शिकार खुज्याण पर लग ग्यों।
मि अब ज्यादा समय बर्बाद नि करुल अर सीधा मूल कथा पर आन्दु
एक नर्सिंग होम से मीन डा मदन  मा पता चौल। मतलब एक डाक्टरन पियां मा ऑपरेशन कार अर मरीज मोरि गे।
द्वी मिलिट्री सैनिकों से जनरल महेशा की कारस्तानी पता चौल।
इनि धुमल का चाल चलन का बारा मा जानकारी मील।
मिस कोमल की नौकरानी की हत्या का बार मा पता चौल।
रिट्यर्ड इंस्पेक्टर बृजमोहन दगड़यों बदौलत  में से जुड़ . बृजमोहन वास्तव मा कातिल ही तो छौ जैन अपराध रुकण छौ वैन अपराध छुपाई !
नंदा का बार मा एक यात्रा मा जानकारी मील।
मीन एक डॉक्टर की सहायता से जाण याल छौ कि कैं दवा से अचानक हृदय गति रुक सकदी।  अपण मृत्यु का इंतजाम मीन अफिक कर यल छौ।
सर्यूळ अर मिसेज सर्यूळ कु अपराध बि कम नि छौ।
फिर बख्तवार मील अर वै से मीन भौत काम लेन।
जब सर्यूळ अपण घरवळि कुण ब्रैंडी लाइ तो मीन चुपके से क्लोरल हाइड्रेट मिलै दे छौ। कै तै बि शक होणो गुंजाइश तब नि छे।
जनरल महेशा की हत्या बड़ी सरलता से ह्वे।  महेशा तै म्यार आणो पता इ नि चौल। हाँ मीन टैरेस से उतरण मा बड़ी सवधानी बरत अर सब कुछ ठीक ठाक राइ।
मि तै पता छौ कि द्वीप की खोज होलि अर खोज ह्वे बि च पर हम सात का अलावा मूस नि मिलण छौ सो सात का अलावा क्वी  नि दिखे।
 मीतैं एक सहायक की जरूरत छे तो डा मदन काम आइ। वै तै मेरी खसियत अर इज्जत भरी जिंदगी का बारा मा पता छौ तो वैक संदेह में पर हवाइ नी च बल्कि वु बृजमोहन पर संदेह करणु राइ।  मीन वैक विश्वास जीत अर वै तै हत्यारा खुज्याणो स्कीम बताई जू वु मेरी बात मानि गे।
फिर खोज करे गे किन्तु खोज मा ज़िंदा लोगुं कमरों खोज नि ह्वे। मि तै यांकी संभावना छैं इ छे।
मीन सर्यूळ तब मार जब वू लखड़ काटणु छौ अर वैन म्यार आणै आवाज नि सूण।  मीन वैक खीसा  बिटेन डाइनिंग रूम की चाबी ल्याइ जै रूम तै वैन रात बंद करी छौ।
गंजमजी , घपरोळ माँ मि बृजमोहन का कमरा मा खिसक अर मीन वैक रिवाल्वर चुराई।
ब्रेकफास्ट का समय पर मीन क्लोरल  चाय मा मिलाइ अर वा आधा सुप्तावस्था मा ऐ गयी। फिर मीन वींक बांह मा सरलता से बच्युं -खुच्युं साइनामाइड कु इंजेक्सन घुसेड़ दे।
जब खोज शुरू ह्वे तो मीन रिवाल्वर छुपै दे अर क्लोरल व साइनामाइड तो खतम ही ह्वे गे छा।
 मदन से बोल कि मि तै मोर्युं घोषित करण जरूरी च।
 पर लाल रंग कु माटु लपोड़ अर काफी छौ बाकी काम तो डा मदन तै घोषित करण छौ कि मेरी मृत्यु ह्वे गे।
मीन मिस नंदा का कमरा मा समुद्री घास डाळ दे छौ अर घास देखिक वा किराण लग गे छे।
अर इथगा मा मि मीन मृतावस्था कु नाटक कार।  गहमागहमी मा मी तै वु लोग म्यार कमरा मा छोड़िक ऐ गेन।
फिर म्यार अर डा मदन कु क्लिफ पर मिळणो योजना बणी इ छे।
मीन क्लिफ से डा मदन तै धक्का दे वु समुद्र जोग ह्वे गे।
मि बंगलो में औं अर मिस नंदान म्यार पदचाप सुणिन । मि डा मदन का कमरा मा औं अर इन शोर कार कि क्वी सूण ल्यावो। मीन द्वार ख्वाल भैर होऊं अर कैन मेरी छाया जांद द्याख।
 एकाद मिनट बाद उ म्यार पैथर ऐन तब तक मि कूड़ो कुलिण पैथर औं अर खुलि छुड़ीं खिड़की  रस्ता डाइनिंग रूम मा औं। खिड़की मीन बंद कार। फिर मीन खिड़की कांच त्वाड अर अपर कमरा मा ऐ ग्यों।
मि तै अंदाज छौ कि वु लोग डर मकान की तलाशी ल्याल  अर ऊनि ह्वे।
मि बतांद बिसर ग्यों कि मीन धूमल कु रिवाल्वर जगा मा धर दे छौ अर मीन यु रिवाल्वर डिब्बाबंद  भोजन  डिब्बा तौळ चिपकैक छुपै छौ।
मि तै भर्वस छौ कि टूटा फूटा डब्बौं मा  यूंन नि खुज्याण।
लाल पर्दा तै मीन डाइनिंग रूम का कुर्सीक गद्दी तौळ छुपै दे छौ।
अब आन्दु मि क्लाइमेक्स पर !
मीन खिड़की से द्याख कि तीन मनिख  से घबरायां छया , कुछ बि ह्वे सकद छौ।   उंमादे एकमा रिवाल्वर छे। 
जब बृजमोहन भितर आयी तो मीन मार्बल घड़ी लमडैक वैको अंत कार।
फिर नंदान रिवॉल्वर से धूमल की हत्या कर दे।  निथर दुयुंक अच्छी जोड़ी बण सकद छे।
फिर मीन जू सोछ छौ वी ह्वाइ।  नंदा भीतर आइ अर मनोविज्ञान का तहत वींन अफु तै फांसी लगै दे।  अपराध बोध बड़ो निर्दयी जि हूंद। मीन वींक रिवॉल्वर जु कमरा मा पोड़ गे छौ रुमाल से उठाइ अर उखपर नंदा का उंगलयूँ निसान लेन।
फिर मीन यु सब ल्याख अर बोतल पुटुक घटना विवरण डाळ अर समुद्र मा बौगै  दे।
कुछ सवाल छन कि मीन इन किले कार ?
सबसे बड़ो कारण  हत्या अनोखी हत्या होली जु म्यार अलावा कैन नि करिन। मेरी तमन्ना छे कि मि मौलिक हत्या तरीका खोजूं अर अंजाम द्यूं।
मि अफु तै सबसे होशियार बताण चांदु।
फिर हत्या प्रतीकात्मक बि छन।
फिर मीन अपणी हत्या बि अफिक करण।
रिवॉल्वर ट्रिगर म्यार रुमाल लग्युं हथ से दबल  कि गोळी सीधा म्यार कपाळ पर लग जावो अर मि सीधा बिस्तर मा पौड़ी जौं। अर रिवाल्वर दूर छटक जालु।  रिवाल्वर पर नंदा का हथु निसान मिलल।
जब समुद्र शांत ह्वे जाल तो मुख्य भूमि से नाव आली अर तब पता चौलल कि इख दस हत्या ह्वेन पर हत्या कु रहस्य तब तक पता नि चौलल जब तक कि या बोतल नि मीलली।
            आपका जज न्यायधीश आलोक (द्स्त्ख्त )


इंस्पेक्टर मनोज रायचौधरी का तरफ दीखुद।

मनोज -हूँ कै तै पता चलद कि खून इन ह्वेन     .... पागल आदिम
राय चौधरी -म्यार हिसाबन जज महेशा पागल नि छौ। हाँ वो कुछ पागल अवश्य छौ पर बुद्धिमान छौ।  फिर न्यायप्रियता मा वु कम नि छौ। बेशकीमती मस्तिष्क का मनिख ! वाह क्या कत्ल करिन वैन काबिलेतारीफ !
मनोज -?जी
राय चौधरी -हाँ काबिलेतारीफ ! हत्यारा , बुद्धिमान हत्यारा , न्यायप्रिय हत्यारा !
     

 ------------------------समाप्त  ----------








 

अनुवादक  - भीष्म कुकरेती
-

              आखरी खाणो डब्बा
          (करुणा, रोमांच , संशय , भ्रम  रसयुक्त  नाटक )
मूल नाटककार - डी . एम  . लारसन
गढ़वाली अनुवाद - भीष्म कुकरेती
(केवल नाटक प्रशिक्षण हेतु , नाट्य प्रदर्शन हेतु लेखक की अनुमति आवश्यक है )

                  माला
          राजू क्या बात च ?
           राजेन्द्र
                 मि तै अति भूख लगीं च।
[राजू खाणो डब्बा पर नजर टिकैक रखद
                माला
तो खालेदी।  मी तै फर्क नि पड़द

           राजेन्द्र
पर यु तो आखिरी डब्बा ही बच्युं च।
           माला
क्या ह्वे तब। ठीक च
          राजेन्द्र
अर तू ? त्वै तै भूक नी च ?
           माला
ना भूक नी च।
[राजू मथि तक लगान्दु ]
         राजेन्द्र मि तै विश्वास नी हूणु च कि यु खाणो आखरी डब्बा च।            माला
एक न एक दिन तो यु हूणि  इ छौ।
            राजेन्द्र
मि तै विश्वास छौ कि कुछ अहुर दिन चल जालो।
(वु कैन ओपनर खुज्यांद )
           माला
कैन   ओपनर मेज मा ह्वालु
[कैन  ओपनर मेज तौळ रौंद वु तौळ खुज्यांद अर इथगा मा माला खाणो डब्बा मेज बटें उठै लीन्दी ]
          राजेन्द्र
[उत्तेजना मा ] आ डब्बा खुलणो ओपनर मिल गे , मिल गे , इख्मी छौ। पर डब्बा कख च ? है इ क्या डब्बा तो मीन मेज मा देखि छौ।
  राजेन्द्र
 क्या मि तै मेज माँ डब्बा हूणों भरम ह्वे ह्वालु ? हैं भरम ?
           माला [खुसी का मूड मा ]
ह्वे सकद च !
         राजेन्द्र हूँ ? या कैन उठै दे हो ?[राजेन्द्र जांद अर माला तै कुतगळी दीण लग जांद            माला     
अरे बंद कौर मेरी     टट्टी  पिशाब भैर ऐ  जाली।     
           राजेन्द्र
तो डब्बा मि तै दे।
           माला
अच्छा अच्छा दींद छौ।
[माला डब्बा हथ मा लेकि हंसणी रौंदी।   फिर डब्बा दीन्दी ]
          राजेन्द्र
तीन कुछ बि नि खाणै ?
           माला
उंह
         राजेन्द्र
[राजेन्द्र कैन खुल्द पर काँटा नि रौंद। उ काँटा का बान उठद अर मेज की तरफ जांद। माला कैन का तरफ सरकदि ]
देख डब्बा पर हथ ना हाँ।
[द्वी कांटा लेक आंद अर अपण काँटा से भोज्य पदार्थ भैर गाडद अर माला का मुख मा धरद।  इनि माला बि भोज्य पदार्थ गाड्दि अर राजेन्द्र का मुख मा धरदी ]
           माला
 खाणो आखरी डब्बा !
            राजेन्द्र
हाँ पर   --
           माला
या जीमण से पैल आखरी भोजन।
          राजेन्द्र
जीमण ?
           माला
हाँ भैर जो प्रतीक्षा मा जि छन।
         राजेन्द्र हा ह्वे सकद च न्यूक्लियर विकिरण कम ह्वे गे हो !           माला    यु भौत बुरु च कि तू पक्को शाकाहारी छे।
           राजेन्द्र
भैर फल तयार होला।
           माला
अर साफ़ पाणी   मा डुबका होला।
          राजेन्द्र
मि तै डुबका वळ पाणी पसंद च।  बोतल का पाणी पेकी पेकि बिखळाण पड़ गे।
           माला
चल मि फूक मारिक त्यार पाणी मा डुबका लांदु।
[द्वी एक दूसर तै खलाणा रौंदन ]
         राजेन्द्र पता नी भैराक क्या हाल छन धौं ?           माला
पता नी मॉनिटर तो रेडिएसन मतबल विकिरण ही दिखाणु च।
            राजेन्द्र
अब हमम एक दिनों बि भोजन नी च।
           माला
पाणी की बि वै हालत च।
          राजेन्द्र
हूँ
           माला
अब  भोजन केवल रिसाक्लिंग से प्राप्त ह्वे सकद
[द्वी डब्बा चाटिक खाली करदन ]
     
           माला       
बांटिक खाणो वास्ता धन्यवाद         
           राजेन्द्र
हमेशा मि तेरी फिकर करदो।
           माला
हाँ तीन हमेशा शेयर कार।
          राजेन्द्र
तू प्रिय छे। मि बढ़िया से बढ़िया चीज दीण चांदो छौ।
           माला
हाँ अर अंत तक म्यार पैथर खड़ो रै।
         राजेन्द्र तन न बोल  अबि अंत नि ऐ।            माला मि तै याद च जब वूंन ब्वाल कि वु बम लेकि आणा छन तो   … मि अकेला इखुल्या यखुली छौ।             राजेन्द्र
मीन बि आस छोड़ी आल छौ कि हम फिर दगड़ी बि होला। 
           माला
हरेक शहर से दूर जाण चाणो छौ।  हरेक भागम भागमा लग्युं छौ कि बम फुटणो जगा से दूर ह्वे जावो।
          राजेन्द्र
मि दुसर तरफ जाणु छौ।
           माला
अर उ त्वै तै पकड़न चाणा छया कि तू शहर का तरफ नि जै सौकु।
         राजेन्द्र क्वी मि तै त्वै से नि कर सकद छा।            माला 
मी बि त्यार बगैर   शेल्टर तौळ जाणो तैयार इ नि छौ।
           राजेन्द्र
हाँ तू पोर्च तौळ खड़ी छे अर अगास जिना दिखणि छे।
           माला
हाँ मि आकास मा मिसाइलों की दौड़ दिखणु छौ कि बम कख फिंके जांद धौं।
          राजेन्द्र
अर मेरी कार क्रैश  ह्वे गे सीधा आँगन का चौक का पेड़ से
           माला
थैंक गौड कुछ नि ह्वे।
         राजेन्द्र मि जल्दी मा छौ।  ब्रेक लगाणो बगत इ नि छौ।            माला
मि त डौरी गे छौ कि अब क्या दिखुल    …
            राजेन्द्र
मी पर एक खरोड़ा बि नि लग।
           माला
हम द्वी एक दुसरो कुण जि बण्या छया।
          राजेन्द्र
अर समय हम तै ये घोल , घोसला पुटुक लया तब।
           माला
मि तै यु घोल पसंद च।
         राजेन्द्र मि तै नि लगद यांसे पैल मि इथगा खुस रै होलु !           माला       
मी बि         
           राजेन्द्र
क्वी बाधा ब्यवधान ना। कैक ना सुणनि न कैक लगाणि। क्वी भैर वाळ बीच मा ना।
           माला
मि त इख से भैर जाण इ नि चाँद छौ।
          राजेन्द्र
पर क्या करें अब तो अंतिम डब्बा बि हमन खतम कर याल।
           माला
एक साल हमन इख अकेला गुजार हैं ?
         राजेन्द्र मि त अबि बि सालों त्यार दगड इख अकेला रै सक्दु।            माला मी बि।             राजेन्द्र
वा कुर्सी शानदार च हाँ ![कुर्सी पास जांद ]
           माला
वा कुर्सी मेरी पसंदीदा कुर्सी च हाँ।  कखि कुर्सी बुकाणो बिचार तो नी च ना ?
          राजेन्द्र
[कुर्सी का कुसन भैर खींचद ]
           माला
क्या करणु छै ?
         राजेन्द्र दिखणु छौं इख पुटुक खाणो टींड त नि ह्वावन।            माला       अपण सोफ़ा चेक कार कुर्सी अधिक साफ़ च।           राजेन्द्र
क्या ?
           माला
अरे मि हमेशा त्वै तै अधिक खाण दींद छौ कि तू फिर अजर -बजर नि कौरी।
          राजेन्द्र
मि तै लगद तू सही छे। कुर्सी का पुटुक कुछ नी च -- सोफ़ा चेक करण चयेंद।
[सोफ़ा का कुसन हटांद ]
अरे जैकपॉट !
           माला
बोली तो छौ।
         राजेन्द्र चिप्स का चूरा   …            माला
हूँ शाकाहारी चूरा
[राजेन्द्र चूरा तै मुख पुटुक डाळद ]
     
           माला
कथगा चूरा ह्वालु ?
          राजेन्द्र
 साल भर तक को तो -
           माला
हूँ ?
         राजेन्द्र यदि हम माछ हूंद तो !           माला   
क्या मतबल ?           
           राजेन्द्र
बस जु मुख्य मा आयि से बोल दे
[द्वी हंसदन।  माला कुर्सी मा बैठ जांदी ]
           माला
अब क्या करे जावो ?
          राजेन्द्र
भैर जाण पोड़ल।
           माला
 पर भैर तो विकिरण किरण ?
         राजेन्द्र कुछ तो खतरा मोल लीण इ पोड़ल कि ना।            माला पता नी भैर का क्या हाल होला ?         राजेन्द्र
ह्वे सकद च सब बम फुस ह्वे गे ह्वावन अर भैर  ठीक ठाक ही हो ?
           माला
तो फिर विकिरण किलै दिखानो च ?
        राजेन्द्र
तीन कखि माइक्रोवन ऑन तो नि रख छौ ?
[द्वी हंसदन।  माला नक्सा पर नजर डाळदि ]
           माला
अच्छा अब कख जये जावो ?
         राजेन्द्र आखरी रेडिओ ब्रोडकास्ट कख बिटेन ऐ छौ ?         माला    कुछ समय पैली।  मीन नक्सा मा मार्क बि कौर छौ।
       राजेन्द्र शायद क्वी छूट सि कस्बा बच गे होलु।  अर रेडिओ ऊख बटें -           माला शहर का कथगा लोग वै कस्बा तक पौंछि ह्वाला ?            राजेन्द्र
ऊंकुण उथ्गा भोजन  नि रै ह्वालु।
           माला
बच्यां लोगुंन भोजन की क्या व्यवस्था कर होली ? खाणक तो रैई नि होलु।
          राजेन्द्र
मतलब हम तै उख नि जाण चयेंद ?
           माला
हाँ उख बि तो भोजन नि होलु।
         राजेन्द्र
 एक बात बता कि जुत खाण मा कनो हूंद ह्वालो।  एक फिलम मा चार्ली चैप्लिन भूख मा जुत खांद।
           माला
मीन  चैप्लिन की पिक्चर तो नि देख पर वैक का बारा मा सूण इ सूण च ।   
           राजेन्द्र
उफ़ कन पिक्चर दिखदी छै तू ?
           माला
तू बोल तो मि त्यार बान कैं पिक्चर की हीरोइन बण जौं !
          राजेन्द्र
मेरी त फेवरेट फिल्म जुरासिक पार्क च तो डायनासोर कु अभिनय करली हैं ?
[द्वी हंसदन ]
           माला
मीन बचपन मा देखि छौ।
         राजेन्द्र तेरी यादास्त खूब च हाँ।            माला
हूँ
            राजेन्द्र
त्यार साल यखुली गुजर गे अर पता बि नि चौल।  तीम  या रस्याण लाणो कला बड़ी च हाँ।
           माला
मि तै वु पसंद जु तीन मेकुण प्रेम बाबत लेखी छौ।
          राजेन्द्र
अर मि तै भौत पसंद च जु तीन चित्र बणैन।
           माला
मेरी जिंदगी का सबसे महत्वूर्ण रचनात्मक समय छौ यु एक साल।
         राजेन्द्र म्यार बि। मि नि जाणदो कि क्वी  रचनाधर्मिता द्याखल बि।            माला       
कुछ फरक नि पड़द।  हमन एक हैंकाकुण  रचना रच अर हम दुयुं तै पसंद आई यो ही भौत महत्वपूर्ण च।       
           राजेन्द्र
तू भौत मयेळी छे।  मि इ जनम मा कै हैंकाक दगड बिताणो सोच बि नि सकुद।
           माला
में पर चिपकिक रौणै इच्छा ?
          राजेन्द्र
हाँ।
           माला
त्वी बि तो दुनिया का सुंदर युवा छै।
         राजेन्द्र मि त्वै तै असफल हूण नि दिखण चांदु छौ बस आज -           माला आज क्या ?            राजेन्द्र
भोजन -सब समाप्त -
           माला
पर हमन आवश्यकता से अधिक ही खै ह्वाल। तीन इथगा दिन भौत स्वादिस्ट भोजन बणाइ। तीन सब कुछ की पूरी हिफाजत कार।
          राजेन्द्र
पर आज समज मा नि आणु च कि क्या करे जावो। समस्या कु क्या समाधान ह्वालु ?
           माला
समय ऐ गे कि कै हैंक तै समाधान खुजण दे।
         राजेन्द्र तीम क्वी योजना च ?           माला
हाँ     
          राजेन्द्र
मी तै त्वे पर पूरो विश्वास  च।
           माला
मि तै लगणु च कि आज कुछ ना कुछ हूण वाळ च। कुछ भलो भलु हितकारी -
          राजेन्द्र
मि तै विश्वास च कि हितकारी ही ह्वालु।
           माला
पता नि क्या    … पर कुछ हितकारी हूण वाळ च।
         राजेन्द्र बिलकुल विश्वास च मि तै।            माला
तो फिर आँख बंद कौर अर घुण्ड मा बैठ।
            राजेन्द्र
प्रार्थना ?
           माला
हाँ प्रार्थना करण ।
[राजेन्द्र कॉफी टेबल का पास जांद , आँख बंद करद।  प्रार्थना पीजे मा ]
          राजेन्द्र
उन मि प्रार्थना नि करद पर अब प्रार्थना से मि कुछ बि नि मंगण चांदो अपितु कुछ जणन चांदु शायद अफु तै समजण चांदु।  मि त्वै तै  धन्यवाद दींदु जु तीन में तै एक भेंट दे -प्रार्थना !  तू सबसे प्यारी छे अर तीन मि तै अमूल्य भेंट दे।
[ माला वैक समिण आदि अर खुस ह्वेक एक चॉकलेट जन का बक्सा धरदी।
         राजेन्द्र हे भगवान !
[वु आँख खुल्द अर खुस माला तै दिखुद अर चॉकलेटौ बक्सा दिखुद ]
राजेन्द्र माला लिपटद ]
           माला
       मीन यु अति आवश्यकता का वास्ता बचैक रख छौ।   
[ अचानक संगीत की आवाज आदि ]     
           राजेन्द्र
कुछ तीन बि सूण ?
           माला
इंटरकॉम की आवाज च।
          राजेन्द्र
नहीं या आवाज भैर बटें आणि च। क्वी संगीत बजाणु च।
           माला
आकर्षक संगीत आकर्षक !
         राजेन्द्र भैर दिखणो जये जाय ?           माला ह्वे सकद च क्वी हमर पैथर हो ?         राजेन्द्र
हम तै क्वी अलग नि कौर सकद।
           माला
संगीत नजदीक आणु च।
        राजेन्द्र
इन लगणु च जन बच्चो बान आइस क्रीमों  ट्रक  आणु हो जू संगीत सुणान्दु।
           माला
हाँ हां आइस क्रीम कु ट्रक  जु संगीत बजाणु रौंद।
         राजेन्द्र हाँ आइस क्रीम कु ही ट्रकक आवाज च।          माला      स्वादिस्ट ठंडी आइसक्रीम।
      राजेन्द्र
 हम तै भैर दिखणो जाण चयेंद ?
           माला ठीक च।             राजेन्द्र
तयार ?
           माला
मि स्वेटर पैरिक आंदु
[वा स्वेटर पैरदी ]
          राजेन्द्र
त्वे पर स्वेटर क्या फबणी च हाँ !
           माला
धन्यवाद।
         राजेन्द्र तयार ?           माला     
थुडा डौर लगणी च।            राजेन्द्र
मि सदा त्यार साथ रौलु।
           माला
चलें ?
          राजेन्द्र
चल।
           माला
[भैर सुहाना छौ।  जन कि संसार ]
         राजेन्द्र
 क्या हम बेकार मा एक साल तक भ्रमवश विकिरण का डौर भितरी रौंवाँ ?
           माला
हैं ? क्या  बेकार मा ?
[   राजेन्द्र अर माला भैर जांदन आइसक्रीम का डब्बा लांदन अर भैर से संगीत की आवाज बढ़दी जांद। ]


             The End

मूल नाटककार - डी . एम  . लारसन
गढ़वाली अनुवाद - भीष्म कुकरेती

-

'Jank Jod': Garhwali Drama Illustrating Bureaucratic Mentality of Migrated Garhwalis





 

-

                          Bhishm Kukreti

-

             Jank Jod’ a Garhwali play written by playwright Rajendra Dhashmana is one of the milestones for the modern Garhwali drama /play world.  Famous Garhwali drama researcher Dr. Sudha Rani states that ‘Jank Jod ‘ by Rajendra Dhashmana is one of the milestones in the Garhwali drama world for taking Garhwali drama to a new era. Famous writer and socio-political activist Suresh Nautiyal narrate that ‘Jank Jod ‘ is the third step in modernizing Garhwali drama and taking the Garhwali drama world for competing with other Indian language dramas. Rajendra Dhashmana connected the drama with people and paved the way for future growth in Garhwali drama.

          'Jank Jod' is a satirical drama and was staged by a drama organization ' Jagar'  in 1975 in Delhi. Mohan Dandriyal directed the drama. The drama deals with the bureaucratic mentality of migrated Garhwali even in their social and family life. The drama is an amalgam of realism and imagination but is inclined more toward realism. Dr. Sudharani remarked that the drama deals with the problems and future of Garhwali drama staging keeping the theme of bureaucratic mentality on the background. She writes that Jank  Jod became interesting when Mohan Dandariyal directed the drama.
         The characters are suitable for dramatic effects and so are dialogues to suit the theme. Dialogues are very sharp and teasing to migrated Garhwalis.
          The dialogues and characters seem to be from real-world government servants from migrated Garhwali world living in Delhi.
 The drama ‘Jank Jod’ by Dhashama opened a new world for modernizing Garhwali dramas.

Reference; Dr Sudharani, Garhwal ka Rangmanch, 1990, Garhwal ki Jivit Vibhutiyan aur Garhwal ka Vaishishthya page 207
Copyright@ Bhishma Kukreti                                       
-
Satirical, realistic Garhwali dramas by playwright from Garhwal; Satirical, realistic Garhwali dramas by playwright from Garhwal, Uttarakhand; Satirical, realistic Garhwali dramas by playwright from Garhwal, Himalaya; Satirical, realistic Garhwali dramas by playwright from Garhwal, North India; Satirical, realistic Garhwali dramas by playwright from Garhwal, SAARC countries; Satirical, realistic Garhwali dramas by playwright from Garhwal, South Asia