MeraPahad Community Of Uttarakhand Lovers

बिराणी
हे री तेर देरी ....ऐ बेरी
इत्गा किलै ह्वैग्याई
आंखियुं का आंसू पुछ्दा सुख्दा
जिबन भोळ ह्वैग्याई
हे री तेर देरी ....ऐ बेरी ........
अकुलौ माया
मन माया बाई मा समागैई
लांद, झूटा-फीटा
सऊँ खंद दिटा किलै इन कैरगैई
हे री तेर देरी ....ऐ बेरी ........
झुटि सच्ची स्याणी
कंठि किलै गोठ्याणी काणि
मैंत बोदू बात सोच दिन रात
मुरखू कु संग किलै कैरगैई
हे री तेर देरी ....ऐ बेरी ........
आँखु देखि लाडी
बात कैगे लाटी बुरु ना मानी
जगत की गालि पोट्गी की खाणी
मिथे इन बिराणी ना कैजादि
हे री तेर देरी ....ऐ बेरी ........
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

यखुलू मि
कख लगि हुली मांजी
कख बिरडी हुली
सबेर घास कु ग्याई
मांजी कख हर्ची हुली
क्वी जाण ना
विं की क्वी पछाण ना
कै डालू छैलु बैठी मांजी
रुन लगि हुली
कख कख खोजों विंथे
विं बाण कख रिंटू
थमेंदु नि जिकोडी धकध्याट
विं से कया बोलूँ मांजी
हल मेर इन छिन
कैथे मि जैकी बोलू
बाबाजी मेर छन मांजी
सात समुदर पार
बालकृष्ण डी ध्यानी
देवभूमि बद्री-केदारनाथ
मेरा ब्लोग्स
http://balkrishna-dhyani.blogspot.in/search/
http://www.merapahadforum.com/
में पूर्व प्रकाशित -सर्वाधिकार सुरक्षित

Darsansingh Rawat
March 26 at 11:00am ·
मुखिया बण्या रावत जी, हाल देखो गौं का।
राजा बण्या तुम भै, वोट प्वड़ी मोदी नौं का।
सत्रह साल भैजी, हाल वी छिन पहाड़ों का।
अदला बदली आपस म, नौं बदलेंणा दलों का।
तक भी यख भी मि, तक्या तकी लोग गौं का।
ऐश होणी रूप्यो पर, जो अयां गौं का नौं का।
भैजी फुकि फुकि चली, पिछने लैन म कुर्सी का।
दगड़्या तुमरू वी,जो नि हवाया अपणा गौं का।

Darsansingh Rawat
March 27 at 10:54pm ·
गंगा गंगोत्री सी त, चलि यमुना यमनोत्री बटि।
मनखी चलि पहाड़ों बटि, योगी पौड़ी पंचूर बटि।
लगातार ऊदरि लग्यां सब,अपणी जन्मभूमि बटि।
सोचंदु मी कभि कभि,रात ऑख्यों म कटि कटी।
श्राप कि वरदान यु,जो मिल्यु हम थै तपोभूमि बटी।
मिलंदि शिक्षा दिक्षा,चलदा दुन्या बटणौ तक बटि।
देवभूमि व जग्वलणी हम थै भै,रात दिन कटि कटी।
गर्व सदानी होद, ऊंचा नाम निकलणा तक बटि।

Darsansingh Rawat
March 24 at 2:08am ·
रिवाज म्यरू मुलक्या, थौला मेला कौथिग च।
मां बेटी सी सौरस्या भेंट,गैल्यण्यो की दगड़ी च।
मन मीत मिल॔दी,सजेंदी सैंदण कु लीणु दीणु च।
भगवती पूजन म, झुमेला चौफलु की बहार च।
मैना साल म कभी आंद,वक्त यो कौथग्यार च।
नयु पैनणु नयु देखणु, भै कौथिग्या रिवाज च।
दिन रात मेहनत,कौथिग खुशी मनाणो दिन च।