MeraPahad Community Of Uttarakhand Lovers

Darsansingh Rawat
June 14 at 4:32pm ·
लग्यु तड़तड़ु घाम भै,शैल में जाणा जुगत च।
उलझी छि समस्या भौत, बताणा जग्वाल च।
एक करोड़ जनसंख्या, परेशानी कु अंबार च।
सरकार बदलेंदी रैणी, जनता कु भुरू हाल च।
स्वनिंद म नेता शासन,आलस म ज्वान वर्ग च।
पलायन ही शायद,यू समस्याओ कु कारण च।

Darsansingh Rawat
June 13 at 12:09pm ·
जीर्ण सीर्ण सी छौ हम, पिछने खड़ा तुमरू।
छोड़िक अगनै गौ तुम,नि रखि ख्याल हमरू।
आज मौन सी हम,कभि खेल्या डंढेलि हमरू।
वक्त आज बताणा तुम, घर छौ कभि यु हमरू।
खैंची तस्वीर समणी,त दिल भी खुश च हमरू।
जाणा फिरि मिलिक,रालु हम थै इंतजार तुमरू।

Darsansingh Rawat
June 12 at 12:57pm ·
गाँव एक गल्याऊ द्वी,मनखी भी तका का द्वी।
महफिल जमि जांदी भै,जख बैठदा ए भाई द्वी।
मरोड़ प्वटकी पोड़दी, जब लगांदी छ्वी ए द्वी।
दिनराती पता नि रैंदु, कछड़ि म मिलदी जब द्वी।
गाँव इलाका प्रसिद्ध छि,मेरा गौं का भैजी द्वी।
दुआ देवतो सी करदु, रैया सलामत भै ऐ द्वी।

Darsansingh Rawat
June 11 at 6:09am ·
रिवाज फाड़ म भात खाणो, दिन च भै या रात।
फाइबर कि पतल्ल ऐनी, नि रै कंदार तिमलि पात।
खण्यो की कतार तनी, बटण्यो का भी तनी हाथ।
पैंट कमीज पैनी बटणि,छुटि गे अब धोति कु साथ।
बदलेंदु वक्त पहाड़ो कु, नयु जमना की करामात।
उदेड़भुन म नई पीढी,दगड़ी चलणी नई पुरणी बात।

Darsansingh Rawat

फाणु बनाण गैथो कु,छापण टुक धरू कि कंडली।
सोच मा सी छु,कै सी जी लागली फगरव्णी भली।
डुबक तभी खूब भै,प्वड़ो कंडलि कुंगली कुंगली।
खवाणो स्वाद तभी,खण्या खाऊ चटि कि अंगुली।
टुक जुमली का खूब,पाती रौ तै कि कुंगली कुंगली।
डलु कै जी आज ,देखणु कंडली जुमली लगुली।