MeraPahad Community Of Uttarakhand Lovers

हीत प्रीत हर्चि गै
-
Garhwali Poet - कमल जखमोला

ये जsमन को झणि कन ढंग ह्वै गैनी।
हीत प्रीत हर्चि गै,सब बदरंग ह्वै गैनी।।
आवा बैठो नी बुल्याँद गौं मा भी अब।
छ्या सीधा जूँगा,वू भी टेढ़ा बंग ह्वै गैनी।।
जुंअरि शsरबि,चौक तिबारी कब्जेदार।
शरीफ़ों से शायद लोग अब तंग ह्वै गैनी।।
होली दिवाली मा यूँ की ही खिदमत।।
नी पीणा वल़,जयां बित्यां नंग ह्वै गैनी।।
हैरत की बात नी तो और क्या बुलुण।
बिटलर भी अब यूंका ही संग ह्वै गैनी।।
उगटण का दिन ई ही हूँद ह्वाला ‘कमल’।
गौं को यू हिसाब देखी मै जना दंग ह्वै गैनी।।
........कमल जखमोला

गढवाली गज़ल
******
गजलकार – पयास पोखड़ा
*******
कुनस कनमेसि का लोग ।
कुनागर कुनेथि का लोग ॥
सच घूळिक झूट बुखाणा ।
गवै दिंदरा पेशी का लोग ।।
ह्वै ग्याई बिंगुणु-बच्याणु ।
ये बूण परदेसि का लोग ।।
सुख्यां डाळा मौळ्यां बुझ्या ।
उतड़्यां कमिबेसि का लोग ।।
सुदि नि छड़ेदां कै दगड़ ।
ह्वैगीं ठुणां ठेसि का लोग ।।
आंख्यूं मा आंसु हैंसणा छन ।
उलखणि हैंकिमेसि का लोग ।।
लंग्वट्या छीं त्यारा "पयाश"।
करणा ऐसी तैसी का लोग ।।
© पयाश पोखड़ा 22/03/2020.

""""""" कोरोना""""""""""""""
Garhwali Poem
-
गढवाली कविता
शिव दयाल शैलेज
--
आदिकाल बटि ;आज तलक !
मनखी सुखै बान भटगुणू !
पर सुख पिछनै तबि बटि ;
दुःख अटगुणू !!
कबि रोजऽ डौ -पिड़ा ;
जैर-मुंडरू त लग्यूं हि छ !
त कबि कबि दैवी आपदा ;
भ्वींचळो ;बाढ़ ;अर सूखा ;
त कबि कबि अतौणि बतौणी !
अर कबि महामारी !
पैली हैजा ;चेचक ,
मलेरिया जन ;
महामारी छाई।
पर मनखीन ;
विज्ञान दगड़ि मीलि कै ;
नै नै दवै आविष्कार कै ;
जिन्दगी या जंग जीत द्याई ।
पर यीं जीत मा कतनै ;
प्यारा रिश्ता हारी ग्याई !!
महामारियूंन हि त सिखै होलू !
बिंगै होलू !
हमरा ऋषि मुनियों तैं ;
भारतीय संस्कृति का ;
आदि पुरखौं तैं ;
तबि त वैदिक संस्कृति मा ;
द्वी हात जोड़ि प्रणाम !
त्रिकाल संध्या ;पंचमहायज्ञ !
एकान्त ध्यान ;धूप दीप ;अर पूजा पाठ!
स्वच्छता पैलो संस्कार राई ।
तब गर्भाधान से लेकि ;
अंत्येष्टि कर्म तक ;
सोळा संस्कार बणै गिन !
मनख्यात तै श्रेष्ठ मारग बतै दिखै गिनी !
पांच तत्व का ये मंदिर तैं "
तीन गुणों का सूत से बांधि गिनी !
सात्विक ;राजसिक;अर तामसिक ;
भौजनै गुण बथै गिनी !
पर पीड़ा ;पर्या गैती मांगस ;
खाणू पाप ;
अर निरबल तैं सताणू ;मरणू ;
सगत निषेध कै गिनी !!
तबि त छौ भारत विश्व गुरू!
पर बगछट ह्वैग्या मनखी !
सरै दुन्या जीव जन्तुओं तैं ;
मरि मरि खाणू !
चखुला ;कीड़ा मकोड़ू खैकि ;
वूंकी बीमारी ;
हौरि मनख्यूं फरि सराणू!
अबि भि चेति जावा !
भगवान से विनती कारा !
हे प्रभो ! तेरी कुदरत मा ;
अनेई ;अत्याचार नि करुला !
पर अब अगनै इनु कबि होना !
जतगा डाडू डाडू ;बकै थकै इनै गाडू ;!
बिना नुकसान कर्यां ;
विदा ह्वै जयां कोरोना !!
प्रलय की झलक दिखै गे कोरोना !
पर अब विदा ह्वै जयां कोरोना !!
""""""शिवदयाल शैलज """""""

गढ़वाली गज़ल
गजलकार – पयाश पोखड़ा
******
कुनस कनमेसि का लोग ।
कुनागर कुनेथि का लोग ॥
सच घूळिक झूट बुखाणा ।
गवै दिंदरा पेशी का लोग ।।
ह्वै ग्याई बिंगुणु-बच्याणु ।
ये बूण परदेसि का लोग ।।
सुख्यां डाळा मौळ्यां बुझ्या ।
उतड़्यां कमिबेसि का लोग ।।
सुदि नि छड़ेदां कै दगड़ ।
ह्वैगीं ठुणां ठेसि का लोग ।।
आंख्यूं मा आंसु हैंसणा छन ।
उलखणि हैंकिमेसि का लोग ।।
लंग्वट्या छीं त्यारा "पयाश"।
करणा ऐसी तैसी का लोग ।।
© पयाश पोखड़ा 22032020.
Garhwali Ghazal by Payash Pokhda

करोना कु उपचार दूर रावो
-
कविता - मधुर वादनी  तिवारी
-
जु होंणु इबारी विश्व मा
डरणै बि बात छ,
डोर क्वै उपचार नी
सुरक्षा अफरे हात छ!
हाति ध्वावा घडि घडि
साफ,सफै चौत्तरफि रखा!
आवत जावत बन्द करिक
अफरा ज्यू तैं बस मा करा!!
ओरु देश का खातिर त
य बिचित्र सी बात छ
हमारी संस्कृति समाज मा
या रचि बसि मनख्यात छ
हात जोडी प्रणाम करणुं
खुट्टा ध्वैक भितरू जाणु
जुडबुड अफरि धाण निभोंणु
पूजा संध्या आरती डुलोंणु
सदानि बिट्यू रिवाज छ!
अफरि सुरक्षा अफ्यु रखण
य अफरे हाते बात छ!
दगड्या कुछ दिन करा किनारा
चटोरि जीब फर डाम धरा!
जीवन छ अनमोल हमारू
ये चौला कु ध्यान करा!!
मनखि कैं कुछ ओखू नि छ!
यीं बात तैं सै साबित करा!!
पैली बिंगा तब छांणा पूंणा
जोड ,घटावा,करल्या गुंणा
जु सै बोलणु वै ढंग से सूंणा
सावधानि उपचार छ
रोग ब्याधि से बचिक रणुं
अफरा हाते बात छ!!
हम सब भारत वासी छां
देश कु सम्मान करा!
हैका देश कि कुबिमारी
देश से दुत्कार ! करा
बलसाली सब्बि बण्यां रवा
कोरोना की हार करा
कोरोने हार करा......
मधुररवादिनी तिवारी
23-3-2020