MeraPahad Community Of Uttarakhand Lovers

डाक्टरों  उवाच

(गढ़वाली कविता )

कवि - डा.नरेंद्र गौनियाल



 
सुणो भाई-बंधो तुम मेरी बता.
लिक्विड-टिंचरी से तोड़ो नाता.

शराब पीकी जु घूमणा रंदीन.
दुनिया की गाळी खाणा रंदीन

ठर्रा कु पाणि अब छोडि दीण.
कच्ची शराब कभी नि पीण.

शराब एक मीठू जहर.
बर्बाद ह्वैगीं गांव-शहर.

नि पीणी भैजी कभी शराब
दशा नि होलि तब खराब.

बर्बाद सब घर शराब काद.
जुत्ता बि कबी शराबी खांद.

आंखि लाल लदोड़ी थुमार.
अकल मा माटु कनु यू प्वाड.

बच्चों की हालत बिगड़ी जांदा.
खाणा कु बिचारा कुछ नि पांदा

खुद त रोज पीणा रंदिन.
नांगा-भूखा नौन्याळ रंदीन.

रात-दिन जु बि  पीणा रंदीन.
अपणि घरवळी थिचणा रंदीन

मदमस्त ह्वैकी बुद्धि कु नाश.
भलु मन्खी क्वी नि आन्दु पास.

थूका-थुकी सब कर्द समाज.
छोडो शराब बचाओ लाज.

नशा करणु नि हूंदू भलु.
मद्यनिषेध कसिकै ह्वालु.
       डॉ नरेन्द्र गौनियाल..सर्वाधिकार सुरक्षित.....

************चुप बि कारा,मानि जावा.************(जनसँख्या वृद्धि अर लिंग भेद पर एक रैबार )

 

कवि- डा, नरेंद्र गौनियाल


एक द्वी ही भौत छन,नौनु हो या नौनि दा.
होलि मुश्किल सैंतणा की,निथर तब हे दिदा.
             बिंडी ह्वाला तब क्य खाला,पुट्गी राली खाली दा.
              सबि नंगा-भूखा उन्नी राला,तब क्य होलू हे दिदा.
ल्यखणु-पढणु, झुल्ला-गफ्फा,आलो कख बिटिकी रे.
 फिर एक बन्दा अर सौ धंधा,तब क्य होलू हे दिदा.
               भर्ती हूणू इस्कुलों मा,ह्वैगे मुश्किल यूं दिनों.
                ढेबरा-बखरा ही चराला,नौनि-नौना हे दिदा.
नौनि-नौनु एक ही छा,फरक तुम कुछ नी करा.
एक नौना का ही बाना,थुपड़ी नौन्युंकि ना लगा.
                छैंयी पडीं गलोड्यों मा वींकी,आंखि बैठीं क्वार छन.
                 फिर एक बि हैंकु ह्वै जालु,तब क्य होलू हे दिदा.
मेरि बात सूणि ल्यावा, टक लगैकी ध्यान से.
हाथ ज्वड़दू चुप बि कारा,मानि जावा हे दिदा..
               डॉ नरेन्द्र गौनियाल ...सर्वाधिकार सुरक्षित

Satirical Poem by Raghuveer Singh ‘Ayal’ alias ‘Guthyar’

                          Bhishma Kukreti

[Notes on ironic Poems; on ironic Garhwali Poems; on ironic Uttarakhandi Poems; on ironic Mid Himalayan Poems; on ironic Himalayan Poems; on ironic North Indian Poems; on ironic Indian Poems; on South Asian ironic Poems; on ironic Asian Poems]
Raghuveer Singh ‘Ayal’ (Village- Ayal, Paidulsyun, Pauri Garhwal, Uttarakhand, 1938) is a prominent signature in Garhwali poetry.
   ‘Ayal’ is more famous for his adding ‘Guthyar’ word (chauk, Courtyard) in the last line of his Garhwali poetry.  Though Ayal is versatile poet, but was famous for his sharp satire and attacking on our social, political or cultural behavior. The poem attacks on policies makers and then taking advantages of those policies through encroaching other’s rights. The use of figures of speech by phrases makes the poem timeless.
 The following poem is an example of his attacking on social behavior and his power of vocabulary
किराण
कवि - रघुवीर सिंह रावत 'अयाळ'

बण गैनी नियम
चल गेन रिवाज
ऐ गेन अगनै
सबी टिप्वा
बुगठया बाज
चौर्याँळु दगडि मिली
कछम्वळि गबंळै
भोरी पेट
अर बचीं खुचीं
बोट्यूँ तैं ली गैनी
अपड़ा हुणत्यळा
छौला कू
हमरा पल्ला पड़ी
सिरप किराण
ऐंस्या रैग्या हम
हमरी घिमसाण
लगी टपराँण
कि बाबा आलो
हडगी ल्वतगी
कुछ ट लालो
पळयाण ह्व्ला दांत
पैनाणा ह्व्ला हत्यार
ये गुठ्यार
Copyright@ Raghuveer Singh Rawat ' Ayal '


Reference- Dhad June, 1990, pp-22)
Copyright@ Bhishma Kukreti, 11/7/2012
Notes on ironic Poems; on ironic Garhwali Poems; on ironic Uttarakhandi Poems; on ironic Mid Himalayan Poems; on ironic Himalayan Poems; on ironic North Indian Poems; on ironic Indian Poems; on South Asian ironic Poems; on ironic Asian Poems

Dunya Bachan: Garhwali poem Calling ‘Save the Earth ‘

दुन्या बचाण त...

कवि- मदन डुकलाण

दुन्या बचाण त
बचै का राखा
लासौं मा खून
पांसौं मा दूध
अगास मा सूरज
बादळु मा जून
दुन्या बचाण त
बचै कि राखा
गौं - गुठ्यार
बार त्यौहार
अपनों ऐना
अपनों अन्द्वार (अन्वार )
दुन्या बचाण त
बचै कि राखा
मन मा माया
पित्रु की छाया
रौल्युं मा छ्वाया
चुल्लों मा आग
बणु मा बाग़
दुन्या बचाण त
बचै कि राखा
हिमालय मा ह्यूं
मंदिरों मा द्यूं
माणि मा घ्यू
जिकुड़ी मा ज्यू
दुन्या बचाण त
बचै कि राखा
आंख्युं मा आंसू
मन मा सान्सू
कोखी कि बेटी
ब्व़े कि बोली
सर्वाधिकार , मदन डुकलाण
The earth would be saved
When in body the blood is saved
When in nipple milk is saved
When in sky the sun is saved
When in cloud the moon is saved
The earth would be saved
When in village, courtyard is saved
When in country the festivals are saved
When our own mirror is saved
When our own face is saved
The earth would be saved
When in mind, the love is saved
When in small valleys, the springs are saved
When the fire is saved
When in jungle, tiger is saved
 The earth would be saved
When in Himalaya, the snow is saved
When in temples, earthen lamp is saved
When in pot, ghee is saved
When in eyes, tear is saved
When in uterus, girl child is saved
When in society, mother tongue is saved

 Copyright@ Madan Duklan  13/7/2012

वीरेन्द्र पंवार का कुछ गढ़वळि दोहा


यखुली रैगिन गाणि - स्याणि बूड बुड्या लाचार

गौं से इत्गा इ रिश्ता रै गे छंचर अर ऐतवार

***

मयाळदु ऐ छौ शहर जनै मंख्यात का संग

चार दिनों का मेल मा रंगगे शहर का रंग

**

सिकासौर्यून फौंस्यूंमा उलटा ह्व़ेगेनि काम

भाषा बूड़ी दादी सि कूणा मा ह्यराम

**

गबदू दादा सोचणु च होणु छ तैयार

परधानी को मौक़ा मिलु ह्वेजा नया पार

Copyright@  Virendra Ppanwar , Pauri