MeraPahad Community Of Uttarakhand Lovers

Best  Harmless Garhwali Literature Humor , Jokes  ;  Garhwali Literature Comedy Skits  , Jokes  ; Garhwali Literature  Satire , Jokes ;  Garhwali Wit Literature  , Jokes  ;  Garhwali Sarcasm Literature , Jokes  ;  Garhwali Skits Literature  , Jokes  ;  Garhwali Vyangya   , Jokes   ;  Garhwali Hasya , Jokes   ; गढ़वाली हास्य , व्यंग्य,  गढ़वाली जोक्स

  मुर्ख लोगुं बीच रैल्या तो मूर्ख इ ह्वेल्या !
-
  चबोड़ , चखन्यौ , चचराट :::   भीष्म कुकरेती   
-
 साढ़े तीन  सालौ नातिन ब्वाल बल - ग्रैंडपा मुर्ख शब्द नखुर शब्द च , बुरु शब्द च , डर्टी वर्ड च।  मैं नि पता कि कैन वैमा ब्वाल बल मुर्ख शब्द नखुर शब्द च पर अंथाज ह्वे इ गे छू किलैकि बार बार नाति बुलणु   छौ ," यदि आपन मुर्ख शब्द ब्वाल त मीन ददि मा बोलि दीण। "
मि जणन चाणु छौ कि वु किलै 'मुर्ख ' शब्द  तैं खुराफाती शब्द मानणु च।
"म्यार टँगटँगु ! तू किलै सुचणु छै कि मुर्ख शब्द बुरु   ..."
" ग्रैंडमा ! ग्रैंडमा ! ग्रैंडपान मुर्ख शब्द बोलि दे। "
" बेटा ! मि त खाली पुछणु छौं बल  तू किलै सुचणु छै कि मुर्ख शब्द  ... "
"दादी ! दादा जी ने फिर से मुर्ख शब्द द्वरै   "
" ठीक च।  ठीक च ऐन्दा से मि मुर्ख नि बुलल "
"दादी ! दादी ! फिर से  "
" सौरी टँगटँगु ! मुर्ख शब्द का वास्ता "
"दादी !"
 अब मि मुर्ख शब्द बुलण बन्द नि कौर सकुद अर जु मि बिंडि देर उखम रौंद त टँगटँगु की  दादीन मैं तै इ डंटण छौ बल मि बच्चाके समिण मूर्खतापूर्ण बथ किलै करदु तो मि उख बिटेन खसकि ग्यों।
पर कख नि हूणी च मूर्खता वळि बथ ?
श्याम दैं न्यूज टीवी चैनलों मा  सब मूर्खतापूर्ण बहस ही हूंदी।  अब बथाओ जब नरेंद्र मोदी ब्वालल बल पिछ्ला साठ सालों मा कुछ ह्वाइ नी च , या  राहुल गांधी ब्वालल बल नरेंद्र मोदीन अमेठी की सड़क नि सुधारिन या नितीश कुमार ब्वालल बल भाजपा जन्म से ही नॉन सेक्युलर  पार्टी च तो तुमन नि बुलण कि सरा दुनिया ही मूर्ख च।  केजरीवालै बात नि  करणै  किलैकि केजरीवाल समजद कि यदि वू अण्णा हजारे तैं मुर्ख बणै सकुद त सरा दुनिया तैं वु मुर्ख बणै सकुद।  पता नि कु कै तैं क्या समजणु च , कथगा समजणु च अर असल मा कु च मुर्ख ? पता नी।
अब मूर्खतापूर्ण बथों  तै बतायां बगैर बि त नि रयांद। क्वी कीड़ा मकौड़ा खैक वर्ल्ड रिकॉर्ड  बणानु च , क्वी गुरा खैक वर्ल्ड रिकॉर्ड  बणानु च त क्वी  बिच्छुऊं से कटवाणु च।  सब मूर्खतापूर्ण बथों मा व्यस्त छन।
  जरा टैक्सी , औटो से जावो तो डराइबर जख नि कुचयान्दि स्यूण तख कुच्याओ सब्बळ की तर्ज पर ट्रैफिक जाम करै दींदन , हॉस्पिटल का समिण बोर्ड लगयूं रौंद 'हॉर्न ना बजाएं ऊख हॉर्नुं सबसे अधिक प्यूंपाट हूंद।  फैक्टर्यूं मा वर्करों तैं हिंदी बि नि आदि पर उख  क्वालिटी कंट्रोल , सेफ्टी , प्रोडक्सन सिद्धांत का पाटी   अंग्रेजी    माँ टँगी रौंदन।     
अब  च मि 'मुर्ख ' शब्द ड्यारम नि बोली सकुद , नरेंद्र मोदी राहुल गांधी  या अस्सुदुदीन ओवैसी  तक मेरी पौंच नी च , ड्राइवरों तै मि मूर्ख नि बोलि सकुद , मार खाण क्या ? फैक्ट्री मा बॉस से मूर्खतापूर्ण बोर्डों बारा  मा कुछ नि बोल सकदु।  नौकरी से हथ धूण क्या ?
  मतलब च बल मूर्खतापूर्ण बात द्याखो किन्तु चुप रावो।  पर एक लेखक तैं लेखिक या मौखिक भड़ांस तो निकाळणी च अर डौर या बि च कि म्यार  लेख से क्वी म्यार भट्युड़ नि त्वाड़ द्या।   
तो सबसे सरल उपाय च मूर्खों तै ऊंकी मूर्खता गढ़वळि मा बतावो।  कैन क्या मेरी  घरवळिन बि गढ़वळि नि पढ़न तो भड़ांस निकाळनो सबसे उत्तम उपाय गढ़वळि मा गाळी द्यावो अर  कैकि डौर भौ से दूर रावो ।  क्वी बि गढ़वळि कवि या गद्यकार दूसराक गढ़वळि  गद्य नि पढ़द त नरेंद्र मोदी , राहुल गांधी या अस्सुदुदीन ओवैसी मा मेरी दियीं गाळि  क्या पौंछलि !     


       
 -
-
Copyright@ Bhishma Kukreti , Mumbai India ,  8 / 9/ 2016
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।


 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes 

Garhwali Humorous, Satirical Dictionary


 
                                           कु क्या क्या व्यवसाय करद ?

                                        गढ़वाळि हास्य -व्यंग्यकोष -भाग -  52     

                               Garhwali Humorous and Satirical Dictionary part - 52
-

                                     खुज्याण , छिंडन,  बिंवन,    ::: भीष्म कुकरेती

-

जु ज्यामितीय रेखाचित्रों से कै निर्माणक  योजना बणाद  पर वे तैं पता रौंद कि ये रेखाचित्र से निर्माण ह्वेई नि सकद - पी डब्ल्यू डी कु सिविल इंजीनियर

 हर समय खिड़की से भैर इ दिखणु रौंद - हवाई जाजौ चालक

जु लोगुं तै बथांद कि तुम उथगा खर्च नि कर सकदा जथगा तुम कमांद छंवां -सरकारी विश्लेषक या टैक्स सलाहकार

जु दुर्भाग्यशाली मनिखों अर कुजगों   की फोटो खैंचद -X रे टेक्नीशियन

 दुर्भाग्य अर   दुर्भाग्यूं  से लाभ कमाण वळ  -पुलिसकर्मी

चीजुं तैं एक ट्यूब से दुसर ट्यूब मा डाळणु रौंद -माइक्रोबाइयोलौजिस्ट

 अपण जगा से भागद अर पुलिस तै खबर दीन्दो - सुरक्षा कर्मी
औरूं सुपिन मा बड़बड़ान्द -प्रोफ़ेसर

इन शब्द लिखद जै तै क्वी नि पढ़न चांद - तकनीकी लेखक

लोगुं तै अहसास दिल्लान्द कि ऊंन खराब काम कार -गुणवत्ता निरीक्षक

जु द्वी व्यक्तियों तै एक दुसर से घृणा करणो हुस्क्यांद -तलाक वकील   


-
 @ Bhishma Kukreti , Mumbai, India ,11 /9 //2016

Garhwali Satire  ,   Humor ,   Dictionary, Garhwali Satire  Dictionary collected and edited by born in village Jaspur    ; Garhwali Satire   , Humor   , Dictionary collected and edited by born in Dhangu Patti  ; Garhwali Satire ,   Humor  , Dictionary collected and edited by born in Dwarikhal Block ; Garhwali Satire  , Humor    , Dictionary collected and edited by born in Gangasalan Pargana ; Garhwali Satire , Humor   , Dictionary collected and edited by born in Lainsdowne Tehsil ; Garhwali Satire  , Humor    , Dictionary collected and edited by born in Pauri Garhwal ; Garhwali Satire   , Humor   ,Dictionary collected and edited by born in Uttarakhand; Garhwali Satire  , Humor    ,Dictionary collected and edited by born in Central Himalaya  ;Garhwali Satire  ,  Humor   , Dictionary collected and edited by born in  North India;Garhwali Satire   , Humor    ,Dictionary collected and edited by born in South Asia  ; Garhwali Satire Humor,Dictionary; Garhwali send-up lexicon  ; Garhwali spoof vocabulary      ; Garhwali lampoon glossary     ; Garhwali Satire Humor     , phrase book    ; word list; Garhwali Humor    , Satire thesaurus    ;   

                                      स्वच्छ भारत ! स्वच्छ भारत ! बुद्धिमान भारत !

Garhwali Parody Satire, Land acquisition
गढ़वळी गीता सार कथा
रचना-अखिलेश अलखनियाँ
Garhwali Humor and Satire by Akhilesh Akhaniya

त बल लड़ै लग गी एक तरफ पांडव छन जोंकी दगडी चकड़ैत कृष्ण भगवान छन अर हैंका तरफ बीटी कौरव अफरी म्वारों की जन सेना लेकी खड़ा होयान। सुंण मा औणु बल कौरवोन पांडवो थैं सुंणै नोक बराबर पुंगडा भी देंण से झाड़काटी ना बोलेल, अब त लड़ै पक्का छ। बोड़ा धृतराष्ट्र कुजणी क्या होलु खुजोंणु इनै उनै, हे बल संजू भुला ऐ संजू कख छै रे गयी अरे ऐ लाटा संजय जरा यख औदी फटाफट। तबरयो संजय फटाफट दनकी तै गिच्चा भीतर गुण गुण कै तै ओंदू, क्या व्हे होलू ...ये बुड्यन मी चैन से नी रौंण देंण,क्या व्हे भैजी ? किलै मचयु तुम्हारु ढमड्यात क्या बात? अरे भुला संजू सुबेर तेरी बौन यार दुर्जोधनै पाणी पिठै कारी लड़ै तैँ पठाई, जरा भुला आँखों देखा हाल बतोs दs। संजय मुंड पर खज्जी करी बुन्नू क्या छ यार भैजी तुम इखरी इखरी पितोंणा रौंदा कुछ काम धाम नी तुमरु, अफ त तुमरी स्या घिमस्यांण (कौरव) लोख्वा उजाड़ खांणो छोड़ी छा अर मै छा यख घडी घड़ी परेसान कन्ना, एकाध त रौंण देंदा घौर मू। अब देखा बात या छ की आँखों देखा हाल बतोण छन त थोडा खर्चा पाणी लगलू सुद्दी थोड़े होयु तुमतै। खर्चा पाणी कन् खर्चा पाणी रे, तू त यख काम करदे क्वी फ्रीफंट मा नी कन्नी रूप्या मिलदन त्वे रुप्या हा।अरे बल भैजी रुप्या त काम करयां का मिलदन..यु जू सीधा प्रसारण छ वू क्या फ़ोकट मा दिखेंदू।सीधा प्र..सा..र..ण ! तू क्या मी तै मोलsमाध्यो जंण दे,अरे मीन सूंणी की बल अजकाल फ्री हाई-फाई क्या बोल्दा होला माचू...उ लग्यान् जगs जगs अर तू खर्चा पाणी की बात कन्नी। अरे भैजी वू वाई-फाई होन्दू, वाई-फायी त तै पांडवा लड़िकन क्या नौ छ तैकू हा अर्जुन वेका तीर मार मारी तोड्या छन सिग्नल पकणन कखन छन अर उन भी मेरी अफरी कंपनी छ ज्वा पैसा लेंदी क्वी अम्बानी जिओ नी ज्वा फ़ोकट मा काम करै द्यो.ठीक छ भुला तू भिंगरेणी किलै छै बाद मा हिसाब किताब बराबर कै लेला ठीक छ,अब यन बोल युद्ध भूमि मा क्या होणु। अथ संजय उवाचः बल भैजी द्वी सेना कौरव अर पांडव अमणा समणी खड़ी चा तबरयो कृष्ण भगवान् द्वी सेनाओं पर कुजणी कू देवता घतोंदन की द्वीयी सेना छले जन्दे अर जखमू छै वखी मू खड़ी रै जन्दे। अब चकड़ैत कृष्ण अर्जुन तै बिंगोणा छन बल लड़ै कौर पार्थ लड़ै कौर। धृतराष्ट्र बुन्नू जब वू अर्जुन लड़ै कन ही नी चांदू त कृष्ण किलै छ वेतैं चुंग्न्योणु,कृष्णा सदनी यु काम रैगेन।हे बुड्या तू बीच मा हल्ला न कार वो चुपचाप सुंण ली(संजय बुन्नू )।अथ कृष्ण उवाचः बल अर्जुन क्या लेकी अऐ छै तू अर क्या लेकी जाण तिन..खाली हाथ अऐ अर खाली हाथ जाण...अर्जुन बुन्नू बल प्रभु अगर इन छ त मेरी बिंगण मा इन नी आणी यु जू बड़ा बड़ा सौकार,उद्योगपति,नेता लोग छन वू बिल्डिंग,जमीन जायदात,बैंक बैलैंस किलै छन बढ़ोण पर मिस्यान अर मीन त सुणी क्वी क्वी त स्विजरलैंड मा भी कालू धन छन रखणा,यु कालू धन क्या होन्दू प्रभु।कुजणी भै यु कालू पीलू धन क्या व्हाई मीन त कबी मनख्यो मा भी रंग भेद नी कार त अब मनख्योन ही यु भेद करी... चा धन कू हो चा मन कू हो, अफि भुक्त भोगी छ मनखी। कृष्ण उवाचः बल जन पुरणा लत्ता कपडा छोड़ी हम नया लुक्का पैरदा उन्नी आत्मा पुरणी गात छोड़ी नयी गात मा घपरोल करदी। अर्जुन बुन्नू बल ओ अब आयी मेरी समझ मा ,कृष्ण पुछणन बल इन क्या आयी तेरी समझ मा जरा मी भी जाणु। बल ई अब बिंगयो मी यु जू भ्रष्टाचार छ वू भी एक गात छोड़ी हैंकी गात मा खुटू धन्नू छ यान् ही यु भ्रष्टाचार नी जाणी या अजर अमर छ। औ हाला तू त धीरू धीरू समझदार होणी छै शाबाश मेरा काला।कृष्ण बुन्ना छन जू व्हाई वू अछू व्हे,जू होणु छ वू भी बढ़िया छ अर जू होंण छ तैन बी ठीक होण मने भूतों पछतों नी कौर,भोळ की चिंता नी कौर अर आज तै चलण दी। द बोला धौं प्रभु अर मै लाटू यन छ सोचणु उत्तराखंडै स्थिति गैरसैंण राजधानी बंण से ठीक होंण बळकम हमरा हाथ मा त कुछ छैंयी नी... जू होणु छ वे होंण द्या गिच्चा पर बुजडु रखी।कृष्ण उवाचः ‘कर्मण्येवाधिकारस्ते मां फलेषु कदाचन’ बल हे अर्जुन तुम अफरी काम धांणी पर लग्या रां आमैं दांणी स्यांणी छोड़ दे,तू बस काम कन्नू रौं फलैं इच्छा नी कार। द बोला धों प्रभु या छ बात(अर्जुन कृष्ण तैं देखी बुन्नू)। क्या बात रे क्या छै बोलणी। बल प्रभु सैद हमरा गढ़-कुंमों का बीर भड़ों,नोन्यालों,स्वतंत्रता सेनानियोन भी बिना कैं चीजे स्यांणी उत्तराखंडै अलग राज्य की लम लड़ी,मी यन लगणु उन भी कै फलैं इच्छा बिगैर राज्य थैं जुद्दी होँणै मांग रखदे, अगर वूंतै पता होन्दू बिगळा होँणा बाद भी स्थिति मुंडs नौ कपाल ही रौंण त स्या लम नी लड़ेन्दी बल बोल्दा नीन ब्वे नी दगड़ा रौंण छs त बिगळा क्येकू होँण छs। हे अर्जुन जू कुछ आज त्वेमू छ वू ब्याळी हैंका छो,आज त्वेमू छ अर भोळ वेन हैंका व्हे जांण, य सब माया छ आज तेरी छ भोळ हैंका मू जांण यां माया लोभ छोड़ दी। बल प्रभु मीन त माया लोभ छोडेल मी यन लगणु यखा मुख्यमंत्रियोन भी माया लोभ छोड़ियाली। कनक्वे पार्थ जरा मी भी बिंगौ भगवान् टक लगै तै सुंणन। हे प्रभु ये राज्य बण्यां सोळा साल होंदिन युं इथगा सल्लो मा क्वी भी मुख्यमंत्री यन नी जू यख चटेली तैं टिकी हो सैद वू ईं खुर्शी से मोह नी करदन तबी त यख पता नी चलदू आज कैन रोंण,भोळ कैन होंण अर ब्याळी त....। तबरयो एक जननी दूर बीटी धै लगै तै औंदी..कु छा रे तुम निरणयों का, कैं मवस्यां छा,क्या कन्ना छां हमरी सार्यों, किलै बंजोंणा हमरी पुंगडियो,क्वी काम धाम नी तुम्हरु जू ये तड़तडा घाम मा भट्ट जन तिडेंणा, जा यखन फुंड निथर झपोड़दो मै कंडल्योन। हे प्रभु क्वा छ या जननी अर किलै देंणी या घत्ती हमतैं।हे माते कू छै तू अफरु परिचय दी कृष्ण भगवान पूछणा छन हाथ जोड़ी तै। परिचय त तुम ध्या मितै कू कू छा तुम अर हमरी पुंगडियो मा क्या कन्ना छां ? तुमरी पुंगड़ी ! ये बल कन तुमरी पुंगड़ी...! माते त्वे पता नी यु पुंगडों बाना ही त या लड़ै होणी अर तू छै बुन्नी यु पुंगडा तुमरा छन किलै छैं सुद्दी मुद्दी बोन्नी,कौरव अर पांडव सोरा भारा छन युंका बांठा पञ्च भी नी कर सकेन यान यु युद्ध होंणु जा तू अफ़रा घौर जा। ये बल कन खोपरी डंगड़े मेनत मजूरी करा हम अर मौज तुम लोग करा यन त नी होंण। यु पुंगडा हमरा छन युंकी खाता खतौनी भी हमरा नौ छ जा यखन फुंड। कृष्ण भगवान अफरु मुंड खजोंणन बल क्या बुन्ना छा तुम ? मै कुछ बिंगणु नी यु तुमरा पुंगडा कखन व्हेगेन अर खाता खतोनियो मा तुमरु नौ कनक्वे ऐगै। अरे बल सुण रे ध्यान से यु हमरा ही पुंगडा छन अर यु जथगा भी जगा तुम देखणा छा वू प्रधानमन्त्री ग्राम सड़क योजना का अंतर्गत औंदन,सरकार भी हमरा नौ से रिकॉर्ड लीगी अब यख कुछ दिनों बाद सड़क ऐजाण। औ... हाला अर्जुन...अर्जुन..अर्जुन कख गए रे क्या छै खड़ा खड़ा उंगणि, न न प्रभु मी त बिज्यु छोs बोला क्या बात छ, अरे बल अर्जुन तभी मै बोन्नू ये जमना मा त सब्बी गों का गों बंजेणा छन,लोग बाग़ पलायन कन पर लग्यान् वख यु लोग किलै छन गौं मा रौंणन। अर्जुन आँखा कताडी भगवान् तै देखणु बल प्रभु किलैई ? अरे पार्थ बात या छ यख प्रधानमन्त्री सड़क योजना औणी छ अर यु पुंगडा वीं योजना का भीतर औंदन त जों जों का यु पुंगडा छन उं उं तै यांकू पैसा मिलण त यु लोखुन यख कब्ज़ा कर याली यानी त यु लोग गौं छोड़ी नी गैन या छ सरी बात..गौं बसी नी मंगत्या पैली ऐगेंन। मंगत्या कै खुणी छै तू बोलणी त्वे पता नी शकुनी एक दां हमरा गौं आयी और यु पुंगडियो हमतै बेच गी यु पलायन सलायन त अब होंणु उबरी त गौं का गौं भोरयां छां खेती बाड़ी ही हमरु धरम करम छs,लोग नाज,धान भुज्जी लगोंदा छा अर चैन से खांदा पेंदा छा, हमरा सैंती,पाल-पोषी यु जंगल,पाड़,सेरा,पुंगड़ी बचयां छन तुम यखन फुंड चलजा निथर त.....। ओहो अर्जुन यु सब त उल्टू ही व्हेगी लो ,जों का बाना हम लड़णा छा वू त हमरा छैंई नीन.. कन बजर पोडी तैँ शकुनी कुड़ी पर जैन लूका लूका हम परै जोळ लगेयाळी। अब प्रभु अब क्या कन, अरे कन क्या छ यीं धरती पर सच्चू अधिकार युंही लोखुं कू छ जू बिचरा क्वी सुख सुविधा नी होंणा बाद भी यख रौंणा छन अर युं जंगलू,पाड़ अर पुंगड़ियों थैं बचोंणा छन,माते यख पर तुमहरु ही अधिकार छ हमतैं छमा कैन अब हम यखन जांदा छा। अथ धृतराष्ट्र उवाचः ये बल सरी ढिबरी मुंड मांडी अर पूंछै दां लराट मचै, औण दी तै शकुनी तै घौर तैकू मै.....। "रचना- अखिलेश अलखनियाँ।
Copyright@ Akhilesh Akhaniya
Parody Satire, Land acquisition, Garhwali Parody Satire, Land acquisition; Garhwali, Himalayan Parody Satire, Land acquisition; Garhwali Parody Satire Land acquisition; Garhwali, North Indian Parody Satire, Land acquisition; Garhwali, South Asian Parody Satire, Land acquisition;     

Dangariyon tain Pension: A Satire on Vote oriented polices and schemes
Critical review of Garhwali satirical prose- 142    
          Review: Bhishma Kukreti
 Atul Gausain ‘Jakhi’(Jakh, Pauri Garhwal) is multitalented Garhwali literature creative. Drawing Artist Atul also create Kavita poster. Atul is a Garhwali poet too.
Atul Gausain ‘Jakhi’ create satire in Garhwali too. His following satirical Garhwali prose is proof that Atul does not spare any wrong or wrong polices by government or chief minister. Uttarkhand Chaif Minister Harish Rawat declared a weird scheme or promised to do so for offering pension to those who dances or tells the future.  Sensitive Atul create a satirical prose and lambasts Harish Rawat directly through humor.
 The site is sharp and direct.  The satire is successful in informing readers that the scheme is foolish and just for vote purpose. The satire has reasonable humor too .
Copyright@ Bhishma Kukreti 2106

Best  Harmless Garhwali Literature Humor alcohol , meditation , Jokes alcohol , meditation  ;  Garhwali Literature Comedy Skits alcohol , meditation  , Jokes alcohol , meditation  ; Garhwali Literature  Satire  alcohol , meditation , Jokes alcohol , meditation ;  Garhwali Wit Literature  , Jokes alcohol , meditation  ;  Garhwali Sarcasm Literature alcohol , meditation , Jokes  alcohol , meditation ;  Garhwali Skits Literature alcohol , meditation  , Jokes alcohol , meditation ;  Garhwali Vyangya   , Jokes alcohol , meditation   ;  Garhwali Hasya , Jokes alcohol , meditation   ; गढ़वाली हास्य ध्यान , शराब , ध्यान , शराब व्यंग्य, ध्यान , शराब गढ़वाली जोक्स ध्यान , शराब


 गढ़वाली के प्रसिद्ध हास्य -व्यंग्य कवि आजकल ध्यान में क्या क्या कॉकटेल पीते हैं ?
-
                 चबोड़ , चखन्यौ , चचराट :::   भीष्म कुकरेती   
-

           गढ़वाली नवाड़ी कवि धर्मेंद्र नेगी जीन धाद (धरमधाद ना निथर भाजपाइयूँन चिढ जाण ) दे बल हंसण -खिलण अर वक्रोक्ति का विशेषज्ञ श्री हरीश जुयाल अचकाल मेडिटेसन मा फंस्यां छन।  मि तैं विश्वास नि ह्वे कि म्यार मित्र सांसारिक प्रेमी जुयाल कबि धयन सरीखा कुसाज माँ बि फँसल ! जी हाँ लालू यादव से ब्रह्मचर्य की उम्मीद , राहुल गांधी से तर्कसंगत भाषण की उम्मीद अर हरीश जुयाल से संतनुमा ध्यानग्रस्त आचरण   की उम्मीद इनि च जन पाकिस्तान से सीमा पर चुप बैठणो उम्मीद।  हरीश अर मि खाँद -पींद घौराक जि छंवां -बिना पैग का सींद नि छंवां अर हम दुयुंक हफ्ता मा तीन दैं बगैर शिकार खयाँ पेट खुल्दु नी च। 
 शनिवारौ रात ग्यारा बजि मि तैं धर्मेंद्र नेगी जी से सूचना मील अर मि तै रात भर नींद नि ऐ।  आण बि कनै छे ? शेरनी  वेजिटेरियन ह्वे जावो तो शेर शावक अर शेर की नींद हराम हूण मामूली बात च। रात भर उठा पोड़ी -संसय का कारण।
सुबेर चार बजी मीन स्वाच की हरीश जुयाल तै फोन कर द्यूँ पण अपण घरवळी  डौरन फोन निकौर।  वीं तै अनावश्यक शक ह्वे जांद कि मि अपण सेक्रेटरी दगड़ बचळयाणु छौं।
कनि कौरिक मि  मुख मा चदुर लपेटिक पड़्युं रौं।  सुबेर सात बजि मीन हरीसौ कुण फोन घुमै।
"हेलो  हेलो !  मि भीषम   बुलणु छौं। "
" मि हरीसै ब्वे बुलणु छौं।  अबि हरीश कैक दगड बात नि कौर सकुद।  वु अबि बिज  तो नीट लगाणम व्यस्त च।  कुछ समौ परांत फोन कर्यां " अर हरीसै मांजीन फोन धौर दे।
मैं पर रंगतन्गी फैली गे कि हरीश पींद  त छौ पण सुबेर सुबेर कबि नि पींद छौ अर फिर सुबेर सुबेर नीट ?
एकाद घँटा परांत मीन फिर फोन घुमाइ त उत्तर आयी ," मि  हरिसौ पिता बुलणु छौं।  अबि हरीश कॉकटेल पीणु च। "
मीन घँघडै  पूछ , " सुबेर सुबेर कॉकटेल ? क्यांक ?"
उत्तर छौ , " सड़यां   ग्यूं , जौ अर क्वादो कॉकटेल। पैथर फोन लगैन अबि 'स्ट्रेटअप' कॉकटेल च पैट बाद मा 'मिस्ट'  " अर हरीसौ पिताजीन फोन काटी दे।
 सड़यां  ग्यूं , जौ अर क्वादो कॉकटेल ! सोचिक इ म्यार पुटुकुंद मरोड़ पड़ि गे। ग्यूं , जौ अर क्वादो कॉकटेल मेरी  पियिं च अरे ईं शराब पीक तो आंत छिजै जांदन । धर्मेंद्र नेगी बुलणा छन कि हरीश जी मेडिटेसन मा व्यस्त छन अर हरीश जी ग्यूं , जौ अर क्वादो कॉकटेल पीणम मदमस्त छन। अर 'स्ट्रेट अप' याने कॉकटेल बगैर बरफ का अर 'मिस्ट अप' याने कॉकटेल तै क्रस्ड बरफ मा  डाळिक पीण।
   
 द्वी घँटा पैथर मीन फिर फोन कार त सीधा जबाब आयी , " मि श्रीमती जुयाल बुलणु छौं।  अबि यि बिट्टर शौट लगाणा छन तो तीनेक  घँटा बाद इ  फोन लगैन।  बिट्टर शौट का बाद ऊँ तै हैंगओवर ह्वे जांद अर तब इ हैंगओवर उतारणो बान लाइम अर मैंगो चटनी चटदन। " मिसेज जुयालन  बगैर कुछ सुण्यां फोन धर दे।
 मि आज ना तो  झाड़ा ग्यों , ना दांत साफ़ करीन अर ना इ मि नयायी।  मैं लग हरीश  बड़ो अल्कोहोलिक ह्वे गे तबि धर्मेंद्र जीन यांको नाम मेडिटेसन दे दे जांसे  हरीश जुयाल की बदनामी नि हो।
तीनेक घँटा बाद मीन फोन कार तो उत्तर ऐ , " काल रिकॉर्डिंग मैं हरीश जुयाल बोल रहा हूँ।  कुछ समय के लिए मैं ' ऑन द रॉक पीने जा रहा हूँ।  फिर मैं सौर (sour ) के साथ कॉकटेल पीऊंगा।  कृपया शाम छै के बाद ही सम्पर्क कीजियेगा। "
स्याम दै मीन सात बजे फोन कार तो फोन पर हरीश जुयाल आयी , "शुभ सन्ध्या श्रीमान कुकरेती श्री।  आपका जीवन असफल हो।  कहिये मुझ किंचन के लिए क्या आदेश है ?
हरीश की बात मा दरोड्या पन कुछ बि नि छौ।  बड़ी शालीनता छे।  जु बिजण से लेकि दुफरा तक बनि बनिक दारु पीणु हो वो इथगा शालीनता से छ्वीं लगाणु छौ।
मीन पूछ , " धर्मेंद्र जीन फेसबुक मा धाद दे बल  तुम अचकाल मेडिटेसन मा फंस्यां   छंवां ?"
"फंस्यूं ना मेडिटेसन मा लीन छौं। " हरीशन शान्ति से उत्तर दे।
" क्या  यू ध्यान बाममार्गी ध्यान च ? अघोरी माफक ध्यान ?" मीन पूछ
हरेस को जबाब छौ , " नही श्रधेय मित्र ! म्यार ध्यान ना तो बाममार्गी या अघोरी च अपितु केवल ध्यान च। "
मीन पूछ , " तो फिर यु सुबेर बिटेन पीण ? इन शराब पीणो कु ध्यान च भै ?"
"जेष्ठ  भ्राता सम कुकरेती श्री ! कैन बोलि कि ध्यान मा द्रव्य पीण मना च ?" हरीश जुयाल को उत्तर छौ।
" द्रव पीण ?" म्यार प्रश्न छौ
"आज रविवार छौ तो म्यार भोजन केवल द्रव पीण छौ " हरीश कु उत्तर छौ।
"अरे पर यु क्या ?" मीन पूछ।
" कु क्या ? फिर से उत्तर ना अपितु प्रश्न छौ
"नीट , कॉकटेल , स्ट्रेट अप , मिस्ट , ऑन द रॉक ,  , बिट्टर शौट , हैंगओवर ?" म्यार प्रश्न छया।
   हरीश को उत्तर छौ , " आदरणीय जेष्ठ  मित्र ! नीट याने केवल जल , सड़यां   ग्यूं , जौ अर क्वादो कॉकटेल याने यूँ भिगयां  अनाजौ जल  को मिश्रण अर स्ट्रेटअप मने बगैर बरफ का अर मिस्ट याने अनाज जल मिश्रण याने कॉकटेल तै बरफ म डाळिक पीण। "
" अर ऑन द रॉक ?" मीन पूछ।
जुयालन बिंगै ," हमर बगल मा एक बड़ो पौड़ च।  मि वै मा ध्यान करदो अर कॉकटेल आदि पान करुद।  तो ध्यान , खान -पान का नाम ऑन द रॉक धर्यूं च।  "
मीन शंका समाधान चाहि , " अर बिट्टर शॉट , हैंगओवर ?"
हरीश को जबाब छौ , " बिट्टर शॉट ! याने करेला का रस छुटि गिलसड़ी से रक़दम घुळण अर फिर करेला  रस का हैंगओवर मिटाणो    बान मि लाइम अर मैंगो चटनी चटदु।  वेरी सिम्पल सर जी "
मीन ब्वाल , " तो  सचमुच मा   ध्यानवत्त ?"
" क्षमा जेठ जी ! मि श्रीमती हरीश जुयाल बुलणु छौं।  जब  से यूंन मेडिटेसन शुरू कार , तब से सारा परिवार सुखी ह्वे गे।  सुबेर श्याम गायत्री जाप अर हर्बल ड्रिंक ! अब हमर जीवन प्रसन्नचित च " श्रीमती हरीश फोन पर ऐन।
मीन पूछ , " वधाई हो कि हमर मित्र ध्यानमय ह्वे गेन पर  या दरोड्यो की शब्दावली किलै याने अल्कोहलिक वोकेब्लरी किलै ? "
    " ओल्ड हैबिट्स डाई हार्ड।  पुराणी आदत जल्दी खतम नि होंदिन।  तो अबि बि अल्कोहलिक वोकेब्लरी च।  कृपया क्षमा कर्यां।  हमर मील को टाइम ह्वे गे तो aperitifs को टाइम ह्वे गे।  हम सब एक साथ हर्बल  अपेरिटिफ्स पींदा। " मिसेज जुयालौ आन्सर छौ     

 

-
 -
Copyright@ Bhishma Kukreti , Mumbai India , 17  / 10 / 2016
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।


 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes