Best of Garhwali Humor , Wits Jokes , गढ़वाली हास्य , व्यंग्य )
-
दिनेश कंडवाळौ ड्यार बसनणम भ्यूंळ -खड़िक मध्य करुणामय बातचीत किलै ?
-
चबोड़ , चखन्यौ , ककड़ाट ::: भीष्म कुकरेती
बांदर - तुमन बि सूण बल साइकिलबाड़ी - किमसारौ , उदेपुरौ दिनेश कंडवाल रिटायरमेंट का बाद अपण गाँव बसणो आणु च।
स्याळ -कुछ पता नी। अचकाल त मनिख बुल्द कुछ हौर च अर करदु कुछ हौर च। अचकाल त यी गढ़वळि फेसबुक्या फोटक बाज ह्वे गेन।
बांदर -नै नै सच्ची ड्यार बसणु च। मि त चॉकलेट , नमकीन अर पव्वा क खातिर वैक कूड़ जिना गे छौ मि त दिनेशौ साफ़ कर्युं कूड़ अळग जैक पटाळ खपचैक ऐ ग्यों। अबि वैन भितर कुछ नि धार।
स्याळ - मतलब सच्ची बसणु च। ह्यां बखर बि पाळल कि ना ? चिनख -चनख ! हैं ?
बांदर -तेरी अर मनिखों नजर चिनखों डौण्यूं पर रौंद। मि त किमसार जिना जाणु छौं लंच टैम ह्वे गे। लोगुन प्रेसर कुकर पर भात पकै ह्वे ह्वाल। एकादक भितर कुछ त मीलल।
स्याळ -मि त बण्वस जिना जाणु छौं। धनसिंगौ बखर बियाण वळ छौ। क्वी चिनख इ हाथ लग जावो।
(द्वी चल जांदन )
खड़िक - मेरा पिया घर आया , मेरा पिया घर आया। दिनेश घर आया
भ्यूंळ (भीमल )- ये बुड्या खड़िक ! सोळा सालै बिरहणि तरां क्या छे कुतकणी बल मेरा पिया घर आया ?
खड़िक - अरे जन दिनेशक दादि मेरी भुकि पींद छे तनि अब दिनेश मेरी भुकि प्याल। पचास -साठ साल ह्वे गेन मनुष्य स्पर्श दिख्यां। आह जब दिनेशै दादी मि तैं मलासादि छे , मेरी भुकि पींदी छे तो अहा क्या रोमांच आंद छौ , रोमांच , आनंद ही आनंद। उफ़ वो आनंद अब दिनेशौ स्पर्श से प्राप्त होलु।
भ्यूंळ - झूठ साला खड़िक। वा तेरी भुकि नि पींदी छे ना ही त्वे तैं मलासदी छे अपितु त्यार ग्वाळ इथगा म्वाट छौ कि चढ़द दैं वींक मुख त्यार ग्वाळ , तेरी फौंट्युं पर लग जांद छौ। अर तू समजद छौ कि वा तेरी भुकि पीणी छे या त्वे मलासणि च।
खड़िक -चुप कर , चुप कर , मि तैं भूतकाल मा जाण दे। अहा वो आनंद , वो असीम आनंद , वाह वो परमानंद! हौर डाळयूं चेतना दाथी देखिक रूंदी छे कि अकाल मृत्यु आण वळ च किन्तु मेरी चेतना दिनेशै ददि हथ पर दाथी या थमळि देखिक प्रसन्नता मा हिलोर मारदी छे। मीन त यु आनंद दिनेशै बूडददि दाथी , थमळि से बि कथगा बार ले छौ। जनि दिनेशैक बूड ददि या ददि की थमळ दिख्यांद छे कि मेरी जीव चेतना प्रसन्न हूंद छे कि वा अपण घासौ बान मि तैं छिंडारली , काटली अर कटण -छंटण -छिंडारण से मेरी उमर दिन प्रतिदिन बढ़दी जाली। अहा वो रोमांच अब दिनेश से प्राप्त होलु।
भ्यूंळ (जोर कु किराट ) - नि दिला याद , नि दिला वो आनंद का हिलोर। मीन दिनेशै बूड ददि क हस्त स्पर्शौ चरमानंद नि ले पर वैक ददि अर कुछ दिन वैक ब्वे क हस्त स्पर्श का आनंद लियुं च। श !श !श्यू ! अहा वो ऊंक मे पर चिपटण , ऊंक लौंफ्याण अर हर साल मे तैं छिंडारण। वो वो ! चरमानंद मिल्दो छौ कि मेरी उमर बढ़ली। किंतु जनि दिनेशै ब्वे देस क्या गे क्वी मनिख स्पर्श ना , क्वी भुकि ना अर क्वी छिंडारण ना। बस एक हस्त स्पर्श की प्रतीक्षा। हाय ! हाय ! यी गाँव वळ परदेस गेन अर हम तै अनाथ , बेबस छोड़ी गेन।
खड़िक - अर अब ! इथगा सालों से लगलों झाड़ तौळ दब्युं छौं। अब त क्वी हम तै छिंडारो ना सै किन्तु हमर मथि जंगली लगलों जाळ से मुक्त तो कराओ कि जां से हम अकाल मृत्यु से बच जौवां।
दूर डांड बिटेन बांज की आवाज - अरे हमर बि सी हाल छन। जंगली लगलों तौळ ज्यूंरा की जग्वाळ। त्रासदी ही त्रासदी।
भ्यूंळ - मि बि यूं लगलों बोझ से अदमर ह्वे ग्यों। उना यूं गाँव वळुंन खेती बंद कर दे तो हमर जलड़ुं कुण हवा बि बंद ह्वे गे
खड़िक - अहा हौळ देखिक बि मेरी चेतना प्रसन्न हूंदी छे बल हौळ लगण , निराई गुड़ाई से हमर नजीकै मिट्टी मा हवा इना ऊना होली। क्या दिन छा वो।
भ्यूंळ - अब त पचास साल ह्वे गेन नई हवा की सुरसराट अनुभव कर्यां। वू.. फ ..फ .... वा सरसराट ....
खड़िक - चलो अब फिर इ मेरी चेतना मा नई ऊर्जा संचारण हूण लग गे कि अब दिनेश हमर मथि लगलुं जाळ साफ़ करवाल , हम तै छिडरवाल। . अति आनंद।
भ्यूंळ -चरमानंद , चरमानंद , चरम ..
तिमलौ डाळ (अट्टाहास )- वाह भै वाह ! आज द्याख बल वनस्पति बि मनिखों तरां कपोलकल्पना म रत हूंद। वनस्पति जु छ याने ऐज इट इज पर विश्वास करद अर तुम कल्पना तै जिंदगी समजण लग गेवां ?
खड़िक - क्या मतलब ? दिनेश हम तैं नि कटवाल ?
भ्यूंळ - हाँ हम तैं नि छिंडवारल ?
तिमल - पर किलै वु तुमर सुद्द ल्यालु ? वै तैं क्या पड़ीं च कि हम तैं दिनेश छिंडवारल ?
खड़िक - कनो वै दिनेश तैं गौड़ुं कुण हमर घासै जरूरत नि ह्वेली ?
तिमल - हाँ गौड़ ह्वाल तो अवश्य ही हम तिन्युं जरूरत दिनेश तैं पोड़ली।
भ्यूंळ -तो वो दूधक बान अवश्य ही गौड़ पाळल कि ना ?
खड़िक - हाँ बोल बोल। दिनेश गौड़ पाळल कि ना ?
तिमल - ना। बिलकुल ना आज गौड़ पाळिक दूध पीण मैंगो ह्वे गे।
भ्यूंळ - तो दिनेश दूध कखन प्यालु ?
खड़िक -हाँ बोल दिनेश दूध कखन प्यालु ?
तिमल - अब पॉलीथिन बैग या टेट्रापैक पर दूध मिल जांद तो गौड़ कु पाळल ?
भ्यूंळ --खड़िक (भयंकर किराट ) हे भगवान ! तो हमन इनि खुंडेक मोर जाण ?
17/1 / 2018, Copyright@ Bhishma Kukreti , Mumbai India ,
*लेख की घटनाएँ , स्थान व नाम काल्पनिक हैं । लेख में कथाएँ , चरित्र , स्थान केवल हौंस , हौंसारथ , खिकताट , व्यंग्य रचने हेतु उपयोग किये गए हैं।
-
----- आप छन सम्पन गढ़वाली ----
-
Best of Garhwali Humor Literature in Garhwali Language , Jokes ; Best of Himalayan Satire in Garhwali Language Literature , Jokes ; Best of Uttarakhand Wit in Garhwali Language Literature , Jokes ; Best of North Indian Spoof in Garhwali Language Literature ; Best of Regional Language Lampoon in Garhwali Language Literature , Jokes ; Best of Ridicule in Garhwali Language Literature , Jokes ; Best of Mockery in Garhwali Language Literature , Jokes ; Best of Send-up in Garhwali Language Literature ; Best of Disdain in Garhwali Language Literature , Jokes ; Best of Hilarity in Garhwali Language Literature , Jokes ; Best of Cheerfulness in Garhwali Language Literature ; Best of Garhwali Humor in Garhwali Language Literature from Pauri Garhwal , Jokes ; Best of Himalayan Satire Literature in Garhwali Language from Rudraprayag Garhwal ; Best of Uttarakhand Wit in Garhwali Language from Chamoli Garhwal ; Best of North Indian Spoof in Garhwali Language from Tehri Garhwal ; Best of Regional Language Lampoon in Garhwali Language from Uttarkashi Garhwal ; Best of Ridicule in Garhwali Language from Bhabhar Garhwal ; Best of Mockery in Garhwali Language from Lansdowne Garhwal ; Best of Hilarity in Garhwali Language from Kotdwara Garhwal ; Best of Cheerfulness in Garhwali Language from Haridwar ;गढ़वाली हास्य -व्यंग्य , जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes ; Garhwali Hasya , Jokes ; Garhwali skits , Jokes ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes
