MeraPahad Community Of Uttarakhand Lovers

Best  of  Garhwali  Humor , Wits Jokes , गढ़वाली हास्य , व्यंग्य )
-
सरसु  संघार दैंत संघार से बि कठिन काम हूंद
-
 युद्ध पुराण व्यास    :::   भीष्म कुकरेती   

 
 दैंत संघार कु गीत , जागर त भौतुंन सूण ह्वलु  पर सरसु  संघार कविता भौत कम कवियोंन सूण ह्वेलि।  सरसु  संघार कविता दुनिया का 207   महान कवियों मादे एक कवि स्व कन्हैयालाल डंडरियाल की प्रसिद्ध कविता च।  यीं कविता पढ़िक मि तैं लग डंडरियाल जीन हमर गाँव मा हमर डिंडळम हुयीं  घटना देखिक या कविता लेखी होली।  फिर वेक बाद मै याद नी कि कै गढ़वळि साहित्यकारन सरसु  संघार पर कलम चलाई ह्वेलि।
                        अथ: मतकण: (सरसु ) संहार अध्याय प्रारम्भ
-
                सरसु संघार कौंळ , विद्या , स्किल हरेक भारतीय तै आण जरूरी च इख तक कि मुकेश अम्बानी , अडानी अर असुद्दीन  ओवैसी  तैं बि।  जी हाँ ! यूं बड़ आदिमुं तैं सरकारी ऑफिसक कुर्सी म बैठण पड़दि ह्वाल त सरसु , खटमल या बेडबगुं से पूठाभेंट त करणी पड़द ह्वेलि कि ना ? सरकारी दफ्तरक कुर्सी याने सरसुं दगड़ पूठाभेंट की सर्वोत्तम जगा। 
            हमर युग याने घी युग , याने डीडीटीबिहीन युग याने सरसुं , खटमलुं स्वर्णिम युग। तब हम तै पाटी दिखावो या ना दिखावो पर लिखल संघार , जूं संघार अर सरसु युद्ध अवश्य सिखाये जांद छा अर पारम्परिक  शिक्षक  ना तो नाळी लींद छा, ना सरकार से सब्सिडी लींद छा अर ना इ घमंड करदा छा।  असल मा तब ब्वे बाब अपण बच्चों तै शिक्षा दीणम सरकार से मुवाजवा नि मंगद छा।  तब जूं संघार व सरसु संघार की शिक्षा एक कर्तव्य माने जांद छौ।
     तब सरसु संघार कृत्य आवश्यक छौ.  आज बि रेल यात्रा , बस यात्रा इख तलक कि हवाई जाज यात्रा मा सरसु संघार आवश्यक च। तब यदि तुमर घौर नागराजा -ग्विल की कृपा से सरसु ,  खटमल , बेड बग राज खतम बि ह्वे गे हो तो हौर मौ -थोक मा सरसु अंडा ही काफी हूंद छौ  कुछ दिन मा आतंकबाद फैलाणो कुण।  लकसरे तोयबा या तालाबीनी आतंकबाद से तो क्वी बि लौड़ सकुद किन्तु खटमली आतंकबाद का समिण ट्रम्प का ट्रम्प कार्ड बि फेल हूंद।
    सरसु संघार कु सबसे नायब हथियार हूंद छौ हस्तशस्त्र। हस्तशस्त्र कबि बि , कखिम बि प्रयोग करे जाण वळ शस्त्र हूंद छौ जैकी औपचारिक ट्रेनिंग नि दिए जांद छौ अर छै सालक बच्चा बि हस्तशस्त्र चलाणम पारंगत ह्वे जांद छौ।  मि तैं लगद  सरसुं संघार का वास्ता हस्तशस्त्र चलाणै कौंळ प्रकृति जन्य गुण  होलु।  सरसु दिखदी तर्जनी अंगुळी बगैर कै बि सेनापति की आज्ञा से अफिक चार्ज ह्वे जांद छे अर तब तक चार्ज ही रौंदि छे जब तक मतकुण रुधिर (खटमल खून ) से हस्त प्रक्षालण नि ह्वे जावो।  मतकुण रुधिरौ  हस्त प्रक्षालणसे योद्धा कु जोश वृद्धि ह्वे जांद छौ अर जोधा खटमलुं रुधिर दिखणो वास्ता सहस्त्र मतकण हत्या हेतु त्यार ह्वे जांद छौ।  यदि सरसु कवि हूंदा त ऊंक कवितौं मा पाळी पर लगीं मतकण रुधिर पिठाइ कु करुणामय वर्णन हूंद। जैक पाळ यूं पर जथगा अधिक खटमल रुधिर टीका वो उथगा बड़ो सरसू मार माने जांद छौ।
     कुछ आयुर्वैदिक याने हिंसाहीन या ग्रीन विपन्स बी प्रयोग हूंद था।  जन कि खटला की चौक मा कुटळजड़  से थिंचाई -पिटाई।  यां से सरसु सेना मा भगदड़ मच जांदी छे अर सरसू सेना भ्यूं गिर जांद छा।  कुछ सरसू चरण चक्र से धरासायी करे जांद छा त कुछ हस्तशस्त्र से कचाये जांद छौ।  काळरात्रि जन माहौल चौक मा बण जांद छौ अर पाद रुधिर प्रलाक्षण व हस्त रुधिर प्रलाक्षण की लालिमा दिखण लैक हूंद छौ।  कुछ बीर जांबाज  सरसू छुपाछुपी रणनीति का तहत छुपिक कखि चल जांद छा।
    एक हैंक  ग्रीन बग किलिंग सरमनी, रुधिर हीन  हत्त्या याने  आयुर्वैदिक हत्या ब्यूंत बि सरसू संघार का वास्ता प्रयोग हूंद छौ।  याने खटला कु गरम गरम पाणी से स्नान। या रुधिर बिहीन हत्त्या सर्वाधिक कारगार युद्ध छौ किलैकि गरम पाणी से कूड़ जळो  या नि जळो खटमलुं अर खटमल अंडौं जड़नाश   ह्वे जांद छौ किन्तु न्यार कमजोर ह्वे जांद छौ।
     फिर पर्यावरण विरोधी हथियार आयी जैक नाम छौ मिट्टी तेल याने कैरोसिन ऑइल।  मिट्टी तेल से बि खटलाौं तै नवाणो रिवाज भौत सालुं तक राई।
    फिर आयी एक हैंक पर्यावरण विरोधी अस्त्र।  ये अस्त्र कु नाम छौ -डीडीटी या फ्लिट।  कई दशकों से यु हथियार अबि बि प्रयोग हूंद हाँ अब नया अवतार मा येकुण हिट बुले जांद।
   एक बात मेरी समझ मा अबि तक नि आयी कि चरक , शुश्रुता या भाव प्रकाश सरीखा वैद्याचार्योंन विभिन्न सहस्त्रों आयुर्वैदिक औषधि खोज करिन किन्तु मतकुण , खटमल या सरसु संघारक औषधि किलै अन्वेषित नि कौरी होली ? चलो यी अन्वेषक त क्षमा लैक छन किन्तु पिछ्ला द्वी सहस्त्र वर्षों मा कैन बि हर्बल बग किलिंग औषधि किलै अन्वेषित नि कौर ह्वेलि ? अब बाबा रामदेव या श्री श्री रवि शंकर से अपेक्षा च कि मान तै इन हर्ब या हर्बल मेडिसिन खोजिक द्यावो जु पर्यावरण का वास्ता भी सर्वोचित हो।  उन यचुरी अर राहुल बाबा तैं त यूं  से उम्मीद नी च पर मैं तैं उम्मीद च कि अगला द्वी सालुंम हिट की जगा हर्बल औषधि अवश्य मार्केट मा ऐ जाल।
इति मतकुण: हत्या प्रकरण : अध्याय समाप्त ।

 

 
   


25/1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

Best  of  Garhwali  Humor , Wits Jokes , गढ़वाली हास्य , व्यंग्य )
-
कलजुग मा पाषाणजुग
-
 पत्थर दिल इनसान :::   भीष्म कुकरेती   

 ना ना मि करणी सेना , भरणी सेना या आरक्षण का आकांक्षी पाटीदार सेनै छ्वीं नि छौं लगाणु।  ना ही भरपेट पुटुक भर्यां जाट आरक्षण की क्वी बात करणु छौं मि त पुट कलियुग याने सन 60 -70 का करीब पहाड़ुं मा पत्थर उपकरणुं छ्वीं लगाणु छौं जी।  जी कलियुग मा पाषाण युगीन उपकरण।
    कुछ उपकरण नि बदल्दन।  जन कि ल्वाड़।  कलियुग ना 100 % चिप्स युग बि ऐ जावो तो ल्वाड़ुं उपयोग बंद नि ह्वे सकद।
    अब ल्वाड़ कखम प्रयोग नि हूंद अज्युं तक।  रुस्वड़ कु ल्वाड़ -सिल्वटै बात बाद म करलु।  पैल एक साधारण ल्वाड़ै बात करे जावो। ल्वाड़ याने घण उपयोग। जरा याद कारदि।  हर कमरा मा क्या एक या द्वी ल्वाड़ लोड़ी नि धर्यां रौंद था ? जि छुटि हो बड़ी हो लोड़ि -ल्वाड़ बगैर काम आज बि नि चलद।  पुंगड़म , जंगळम , हिटद दैं पता नि कथगा दैं हम तैं ल्वाड़ -लोड़िक जरूरत पड़दि छे धौं।  अर हमन कबि बि ल्वाड़ -लोड़ी की महत्ता नि समज।
  कमरों मा सैकड़ों दैं ल्वाड़ै जरूरत पड़दि किन्तु समाज शास्त्र्यूं न ल्वाड़ -लोड़ि तैं उ स्थान नि दे जु घौण , हथोड़ी या हथोड़ा तैं दे।  अफ़सोस ! हम पल पल का साथी की कदर नि करदा।  अच्छा क्या लोड़ि या घंटी गौर बौड़ाण , गूणी -बांदर भगाणो , चखुल उडाणो काम नि आंद तो फिर हम ये तैं उपकरण किलै नि मणदा ? फल तुड़णो कुण  क्या घंटी -पत्थर काम नि आंद ? आंद छन पर हम यूं तैं उपकरण की संज्ञा नि दींदा।
    यी ल्वाड़ कील घटणम त काम आंदि च त आरोग्य उपचारम बि काम आंद।  कनो गरम ल्वाड़न शरीरौ सेकन नि हूंद ? अर बल्दूुं बधियाकरण केन हूंद छौ भै ? प्रसव का समय बि लोड़ि -ल्वाड़ पास रखे जांद जी।
 अब जब मेडिकल उपचार की बात आयी गे तो वैद जी इथगा दवा पिसणो बान त आज बि पयळ -लोड़ी (खरल ) की ही जरूरत पड़दि जी।
    चपड़ पत्थर याने खपटणा जन पत्थर त चौकम पस्वा क पास अज्युं बि कीच साफ़ करणो धर्युं रौंद।  अर कुल्यांद दैं चपड़ पत्थर कथगा उपयोगी हूंद , हमन ध्यान नि दे। पाषाण युग कु फाळौ उपयोग आज बि उनी हूंद जन पाषाण युग मा हूंद छौ।  ग्वाठम या पुंगड़म र्याड़ फिड़नो काम बि चपड़ पत्थर काम आंद।
     जखम बसूला उपलब्ध नि हो उखम बि चपड़ किंतु पैनो पत्थर ही काम आंद।  अर गुस्सा मा कैक घुंड लछ्याण हो तो इनि पत्थर काम आंद।
     अग्यल   याने लोहा और राड़ा पत्थर।  अब त खैर अग्यलौ प्रयोग नि रै गे किन्तु एक समय छौ हर तमख्या अर गुठळ अग्यल कीसा उन्द धरदु छौ।
  अर पळेंथर बि त पत्थरौ कु  ही हूंद भाई साब।
   एक समय छौ जब पयळ हर घर की शान छे जी शान।  पयळ याने पत्थर की गैरी थाळी।
  अर ढुंगळ संस्कृति म त आटु उलणो बान चपड़ी पटाळ अर तवा की जगा पत्थर ही काम आंद छौ अर आज बि।
   जंदर , सिल-वट , उरख्यळ , घट -घराट तो आज बि पाषाण युग की याद दिलांदन जी।
      खेल मा बि पत्थर उपकरण जरूरी छा जी।  बाग़ बखरी , गार खिलण , गुच्छी खिलण या पत्थरूं ढेर फोड़ू खेल तो पत्थर जनित ही छन कि ना ?
     
     चलो मान लींदा बल चिप्स युग मा पत्थर की बिलकुल जरूरत नि पोड़ली किन्तु बहिन जी ! पितर्वड़ धरणो त लोड़ी की ही आवश्यकता पोड़ल कि ना। 

 
   


28/1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

Best  of  Garhwali  Humor , Wits Jokes , गढ़वाली हास्य , व्यंग्य )
-
कुछ बरजण , निषेध , मान्यता
-
 चबोड़ , चखन्यौ , भचकताळ    :::   भीष्म कुकरेती   

 
-
  गढ़वाळम तीन तरां की वर्जना (ताबोज ) छन।  सार्वभौमिक , गढ़वाळम प्रसिद्ध अर अति स्थानीय।  हम कुछ वर्जनाऊं तै छुड़दा अर वांसे बिंडी मुंड मा भार बढ़ै दींदा।  भार बढाण हमर आदत बण गे।
    स्थानीय मान्यता बि कम इच्चि हूंदन क्या।  फलण मौक छांच नि खाण , फलण मुंडीत वळ तैं फौड़म भात नि पकाण दीण।
    फबण बि कत्ति मान्यताऊं तैं जनम दींदी।  जन कि फलण गाँव बेटी नि दीण या फलण गाँवन ब्वारी नि लाण।
    कैं दिशाम मुंड करिक सीणम बि कत्ति मान्यता छन।  जन कि हमर गाँव दक्षिण मुखी च त उत्तर दिशा म मुंड कौरिक सीण तैं अच्छु नि माने जांद।  दिखे जाव त या  वैज्ञानिक मान्यता च।  उत्तर दिशा याने कूड़ौ पश्च भाग अर कूड़ौ पैथर दिवाल या पख्यड़ हूंद तो लैंडस्लाइड या भ्यूंचळम कूड़ौ पैथरौ दिवाल गिरणौ ज्यादा अवसर हूंदन।
      फिर कखमक पाणी नि पीण बि स्थानीय वर्जना हूंदन। जुंकळ पाणी , जूंक वळ पाणी , जुकाम वळ , निरोग पाणी नाम दिए जांदन पाण्यूं तैं।
    धार/धरुड़ /पंद्यर मथि झाड़ा पिसाब नि करण अर धार/धरुड़ /पंद्यर मथि पेड़ नि कटण एक वैज्ञानिक मान्यता च।  उनी पाणिम  (कूल ) थुकण -झाड़ा -पिसाब करण वर्ज्य छौ।
  चिड़ियों मुतालिक बि भौत सि मान्यता छन जन कि चखुलुं अंडा पर हाथ नि लगाण।  वास्तव मा इन मा प्राकृतिक चेतना व सुरक्षा कारण से  चखुल घोल छोड़ दींदन।  सवर्णों द्वारा  अंडा फुड़न महापाप किंतु शिल्पकारों पर यु पाप नि लगद मा भूमि मालिक हूण अर भूमिहीन हूणौ रहस्य छुप्युं च।
     करैं कु  बसण बुरु अवश्य माने जांद किन्तु करैं तैं मारे नि जयांद।
     मकान का समिण क्या अगल  बगल पर भांग , पिंडाळू , बेल , फलदार पेड़ बुरु माने जांद।  वास्तव मा या मान्यता अंग्रेजूं देन च।  अंग्रेजी शासनम स्वास्थ्य सुधार हेतु नियम बणये गे छा बल मकान का समिण या अगल बगल म क्या क्या पौधा -पेड़ नि बोये /लगाए जाण चयेंद।  सरकारी कारिंदा पासवान जु नियमूं अवहेलना करदा छा ऊं तैं डंड्यांद छा।  तो भौत सि मान्यता बण गेन। जन कि गौशाला /छनि गाँव से अलग हूण वळि मान्यता बि अंग्रेजी शासन मा स्वास्थ्य सुधार नियमों से बण। 
  मकान कखम लगाणम भौत सी मान्यता अर वैज्ञानिक या  अनुभव जनित मान्यता छे।  जन कि रात पेड़ तौळ नि सीण सही मान्यता  च
        पशु -पक्षी संबंधी , पेड़ -पौधा संबंधी मान्यता बि भौत छन।
      रात बगैर खायुं  सीण बुरु माने जांद छौ।  कखि दुसर गाँव जाण हो तो कबि बि नीन पुटुक नि जाण बि सही मान्यता च।
      कम असल जाति बिटेन ब्वारी लयाण पर बेटी नि दीण मान्यता त गढ़वाळम आज बि चलणु च। यु कम असल शब्द वास्तव मा अंग्रेजूं देन च।  भूमि नाप मा नायब , असल , कम असल शब्द प्रयोग हूंद छा तो हमन जातियुं तैं बि यी विशेषण दे देन।
    क्वी कखि यात्रा पर जाणु हो तो इन पुछण " कख जाणु /जाणी छे ?" गाळी  ही माने जांद छे।  सही वाक्य छौ " दौड़ कना ?".
     शिकारमा  दूध दही वर्ज्य माने जांद छौ इक तक कि शिकार खाणौ बाद बि दूध दही वर्ज्य छे।  इन बुले जांद छौ बल शिकार का दगड़ दूध आधी खावो तो कोढ़ हूणो चांस छौ। रात दही व पळयो बर्जित छौ।  सही छौ।
      क्वी गौड़ फुल्या हूण मिसे जाव त वीं गौड़ी दूध पीण बंद करे जांद छौ।  इनि भैंस लमंड जावो तो वीं भैंसी दूध बि वर्जित ह्वे जांद छौ।
       दूध मुतालिक कति मान्यता छन जन कि दूध तैं सूरज नि दिखाण।  कुछ त तर्क छौ यीं मान्यता मा।
   भैंस पर भूत रौंद अर गौड़ी पूँछ पकड्युं हो त भूत तो छ्वाड़ो ब्रह्म राक्षस बि नि लग सकद।  मान्यता छे बल जनान्युं तै लाल झुल्ला पैरिक बौण नि जाण चयेंद किलैकि भूत या छाया लग जांद।
     एक मान्यता छे कि सवर्ण कुखुड़ नि पाळदा  छा।  वास्तव म मान्यता सवर्ण की नि छे अपितु मान्यता छे बल किसान तैं कुखुड़ नि पळण चयेंद।  सही बि च।  कुखुड़ पाळिल्या त सग्वड़म कुछ ह्वे सकद क्या ?
     मरण पर त कथगा इ मान्यता छन जन कि भुट्यूं नि खाण , साल भर तक पूजा नि करण अर स्वाळ -पक्वड़ नि पकाण।  जै कुटुंब म मौत हो वै कुटुंब वळु दगड़ तेरा दिन तक सिवा -सौंळी नि लगाण।
     मरण पर बात आयी त एक मान्यता छे बल यदि कुत्ता मड्वें दगड़ जावो तो मृतक तै स्वर्ग मिल्द बल। मृतक तैं लंगण महापाप माने जांद।
  तलवार या हथियार नि नपाण चयेंद बि त मान्यता च कि ना ? फिर यदि हथियार नपै इ आल त हथियार तै समिण वळक गात पर छूंण आवश्यक हूंद। 
    पाटी -किताब -कॉपी पर खुट लगाण बर्ज्य च आज बि।
    जनम मैना मा बाळ नि कटण , जनम दिनौ कुण दाड़ी नि बणान जन मान्यता त इतिहास ह्वे गेन।
  आग म थुकण -पिसाब करण आज बि पाप माने जांद।
  आम , खिन्न आदि  डाळुं का झिंकड़ नि लगाए जांद मान्यता त वैज्ञानिक मान्यता च।
  ब्यौ  मा बर नारायण की भेष भूषा - अचकन , रेबदार सुलार , गोळ बौंळ वळ कुर्ता , पगड़ी , झालर असलम मुस्लिम संस्कृति की देन।   इनि नथुलि -बुलाक पैराण , ढोल बजाण मुस्लिम संस्कृति की ही देन च।
      हल्दी हाथ से द्वार बाट तक रोटी, झंग्वर , खीर नि पकाण या बामणु मा हल्दी हाथ से लेकि द्वार बाट तक मटन मच्छी नि खाण वळि मान्यता अब अस्ताचल जोग ह्वे गेन। अस्ताचल पर बात ऐ इ त सूर्यास्त दिखण याने स्वीलाक घाम दिखण बि कख अच्छु माने जांद छौ अब तो लोग सूर्य अस्त दिखणो उत्तरी ध्रुव की यात्रा करणा छन जी।
  जेठ -ब्वारी , मम्या ससुर -भणजौ ब्वारी की छौं क बारा मा आपक क्या ख़याल छन ?
   अर नीली आँख का बारा म भौत सि मान्यता -भ्रान्ति त आज बि छन।
   बाकी आप बतावो कि हौर क्या क्या मान्यता छन ?
       
   
   
   
 
   

-
30 /1 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

Best  of  Garhwali  Humor , Wits Jokes , गढ़वाली हास्य , व्यंग्य )
-
 पलायन रोको , पलायन रोको पर शेर के मूछ के बाल  कौन गिनेगा ?
-
 चबोड़ , चखन्यौ , भचकताळ    :::   भीष्म कुकरेती   
-
स्थान -ड्याराडूण, डिल्ली या बम्बै
समय 1989  से 2099  मध्य क्वी बि साल
-
गुंदुरु गांवक  रिस्ता मा सबसे कणसु  भाई- भैजी ! क्या जबाब दीण ?
 सुंदुरु  - गांवक रिस्ता से गुंदुरु से ज्याठ - हाँ भैजी सब पुछणा छन बल ...
 गांवक रिस्ता मा सबसे बड़ो भाई बंदरु  सबसे ज्याठ - एक मिनट हां।  जरा मि ' पहाड़ों में बिच्छू घास खेती से पलायन रुकेगा ' भाषण पूर करदु तब बात करुल। पर्स्युं उत्तरी गढ़वाल संघ की मीटिंग मा म्यार भाषण च त तैयारी जरूरी च।
गुंदुरु - भैजी अरे भानु काकाक रोज फोन आणा छन बल हम मादे कु ?
सुंदुरु - मेकुण त फोन इ नि ना  द्वी दैं घौर बि ऐ गे भानु काका।
गुंदुरु - क्या आफत च।  गढ़पुर पट्टी पलायन रोको संघ वाळुंम काम कुछ नी बल बस।  बुलणा छन बल परिवार से  एक भाई रिवर्स माइग्रेसन कारो बल।
सुंदुरु - जान खांई च यूंन मेरी। अरे क्वी प्रोग्राम उरायो अर द्वी चार बादी -बादणी डांस राखो तो बात बि खपद।
गुंदुरु - हां बीच मा यूं पर रबत लग्युं छौ बल अपण बच्चों तैं गढ़वळि सिखाओ , गढ़वळि सिखाओ अर अब रबत लग्युं च बल रिवर्स  माइग्रेसन कारो रिवर्स माइग्रेसन कारो बल जु बि रिटायर ह्वे गेन बल उ गाँव मा बसों बल।
सुंदुरु -अरे कथगा पैथर सि पलायन रोको संघ का भानु काका पड्यां छन म्यार पैथर बल मि रिटायर ह्वे ग्यों त मि तैं अब अपण मातृ भूमि सेवा वास्ता गांव बसण चयेंद।  अरे गांव बसण क्वी खाणो काम च।
गुंदुरु - हां फोन पर भानु काका मि तै समजाणु छौ बल जन  सिंसईं ,  खाटळी का विद्यादत्त पोखरियाल जी लखनऊ बिटेन गांव मा बसि गेन उनि मि तैं बि गांवम बसण चयेंद। पोखरियाल जीन 267 फलदार पेड़ लगाई ऐन बल।
 सुंदुरु - अर ओ झंगोरा से पलायन रोको संघ का उम्मेद जेठू  जी  कम छन क्या।  वी बि लग्यां  छन बल " सुंदुरु ! तू  रिटायर ह्वे गे त गांव म बस  अर झंगोरा खेती कौर अर पलायन रोक।
गुंदुरु - फिर वो 'कुखड़ पाळो गढ़वाल में पलायन रोको समीति ' का घ्याळु जीजा जी बि मि तै   ' गढ़वाल में पलायन रोकने हेतु कुखुड़ कैसे पालें ' किताब दे गेन अर पुछणा रौंदन बल " कब छै रै गाँव जाणि कुखुड़ पळणो कुण ?"
सुंदुरु - अरे इक नाती छन , नतणा छन ऊँ तै छोड़ि मि झंगोरा बुतणो गढ़वाल जौंल हैं ?
गुंदुरु - अर मि इतरी बड़ी जायजाद छोड़ि कुखुड़ पाळणो गाँव जौलु हैं ?
हुस्यारी (बंदरु नातण ) - गछोटे दादा जी ! मंझले दादा जी ! आपने पलायन रोको वालों से पूछना था ना कि वे क्यों नहीं वापस पहाड़ जा रहे हैं ?
गुंदुरु = बेटा पूछी च सब्युं तैं पूछ च।
हुस्यारी -तो उनके आन्सर क्या थे ?
सुंदुरु - एक बुलणु बल वैक नौन नि जाण दीणा छन।  हैंक बुलणु छौ बल वैक मिसेजै तबियत खराब रौंद त गाँव नि बस सकुद।  अर तिसर  बुलणु छौ बल चूंकि वैकि मिसेज पंजाबी च त वु गाँव तो छोडो उत्तराखंड मा कखि बि नि बस सकुद।
गुंदुरु - भानु काकाक बुलण च बल चूंकि वूं माँ इन जमीन नी च कि मॉडर्न हॉउस बणै साकु।  घ्याळ जीजा क संजैत मकान च त सेटल हूण मुश्किल च त  मशरूम से पलायन रोको का अध्यक्ष मंथा ज्योरुन कब का अपण गांवक जमीन बेचिक देहरादून मा सेकिंड होम का वास्ता प्लॉट ले याल छौ तो अब गाँव वापस जावन तो कनै जावन।
सुंदुरु - अर सब हमर पैथर पड्यां छन बल वापस गाँव जावो अर पलायन रोको।
हुस्यारी - तो आप भी दादा जी ने किया वैसे क्यों नहीं करते ? कुछ दिन पहले तक 'पलायन रोको' आंदोलनकारी रोज दादा जी को तंग करते थे कि गाँव में बसो , गांव में बसो, रिवर्स माइग्रेसन कारो।  अब कोई नहीं आता।
द्वी - क्या कौर भाई साबन ?
हुस्यारी - कुछ ना।  एक नई संथा खड़ी कार।  'बिच्छू घास से गढ़वाल में पलायन रोको ' संस्था खोलि दे। अब दादा जी हर जगह भाषण देते रहते हैं बिच्छू घास की खेती करो और पलायन रोको। अब कोई दादा जी के पास नहीं फटकते हैं।
द्वी चड़म से उठिक एक दगड़ी - अच्छा त हम चलणा छा।
हुस्यारी -दादा जी ! चाय तो पी के जाईये।
गुंदरु - नहीं बेटा मुझे अभी जाकर अपण नै संस्था ' खन्नु -खरपट से पलायन रोको समीति'  संस्था का लेटर हेड छापणो आडर दीणो जाण।
सुंदुरु - मीन बि अब्याक अबि ' नारियल की खेती से पलायन रोको संघ ; संस्था का लेटर हेड छपवाणन। 

   

-
1/2 / 2018, Copyright@ Bhishma Kukreti , Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।
-
-
    ----- आप  छन  सम्पन गढ़वाली ----
-
 Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ;
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes
=
-

नै नै  मीन अटल बॉन्ड म  पैसा नि भरण इंदिरा बॉन्ड छन त  बोल !

चबोड़्या, चखन्यौर्या , मरखुड्या   :::   भीष्म कुकरेती

अचकाल हर क्वी राजनैतिक समर्थक ह्वे  गे। तुम बि  जु म्यार 'IAS कनै बणन' लेखम मोदी समर्थन की गंध बॉस खुज्याणा रौंदा , वी बि जु म्यार मेडिकल टूरिज्म की छाण निराळ मोदी समर्थक अम्बानी का चश्मा से करणा रौंदन  अर   मी बि जु मंगलेश डबरालै ब्वे कविता म घोर मोदी विरोध दिखुद। अब कण कण म भगवान न अकन कण म भगवान ना राजनैतिक समर्थक छन। 
  अबि सि ब्याळि प्रधान मंत्रीन पोस्ट मैनूं से  चलदो -फिरदो बैंकिंग सेवाौ  पैत धार ब्वालो या पवाण लगै. अब बैंकिंग तुमर चौकम ना तुमर चुलुम पोंछी जाली।  तुम त घड्याणा ह्वेल्या बल कन पोस्टमैन भुला बैंकिंग संबाळल अर जनसेवा कार्ल त मि उपद्रवी , उछदी सुचणु छौं बल नई बैंकिंग व्यवस्था म राजनैतिक छैल कब्जा कारल बल ।  टिड्वाs  टेढ़ी जर बल।
   अब नवाड़ी बैंकर भुला (पोस्टमैन ) कै तै फिक्स्ड डिपॉजिट स्कीम सिखाल पढ़ाल , खूब जोर से समजाल बल फिक्स्ड डिपॉजिटन (से ) क्या क्या फायदा छन।  फिर सेल्स क्लोजिंग करणो बान ग्राहक बाडा से पैसाौं मांग करदो पूछल , " त बाडा कथगा रुपया भरणा छां फिक्स्ड डिपॉजिट मा ?"
बाडा खूंकार ह्वेक डुंकरताळी मारिक उल्टां  पूछल बल , " क्या मतलब ? मीन रुप्या भरणन ? "
पोस्टमैन कळकळि आवाज म जबाब द्याल , " हाँ तो !"
बाडा कतल्यौ करणो भौण म ब्वालल , " स्कीम म सरकार पैसा दींदी या जनता पैसा भरदी ?"
पोस्टमैनs न बोली बल बाडा फिक्स डिपॉजिट सरकार लुटे तो लुटे राजनैतिक दल तै फैदा इ फैदा वळि स्कीम नी च या त बैंकिंग स्कीम च।  रुप्या भवारो  अर तीन सालम दुगण पावो वळि स्कीम च।
बाडौ गुस्सा तिपुर पौन्छ्यूँ छौ , पोस्टमैन तै हड़कांद बुलण लगेन , " आग लगिन इन स्कीम पर , फंड फूक इन स्कीम तै।  आण दे वै  भाजपौ एजेंट तै भोट लींद दैं त बुलणु छौ बल मोदी  भोट द्यावो अर रोज फोकट की स्कीम खावो अर अब सरकार हम मंगन इ रुप्या घुळणि च। "
कॉंग्रेस समर्थक ग्राहक तो सीधो ब्वालल , " हम तै त पता छौ बणिया मोदी कै तै क्या द्याल उल्टां हम मंगन ही मांगल जी।  यांकुंणी  बुल्दन बल द रांड अब खा बिंडि  ग्युं।  द्यावो मोदी तै दबल भोरि भोरिs भोट । लुटेरा कहींका ! हमर सोनिया बौ कन भग्यान छे।  एक घंटा मनरेगाम काम कारो अर आठ घंटाs पगार पावो।  "
पोस्टमैन पर बैंकरौ ठप्पा लग न बल पोस्टमैन सेल्समैन बण जालो।  संभावित ग्राहकों की खोज करणम पोस्टमैन उस्ताद ह्वे जाल।  जनि नवाड़ी चलते फिरतो बैंकर तै पता चौलल बल फगुण्यान ब्याळि एक हजारौ आदो ब्याच त पोस्टमैन दादा फगुण्याs चौकम पौंछि जाल अर सेल्समैनौ जाळ पसारदो पसारदो ब्वालल , " काका पैसा इनि धर्यां राल तो कबि सिगरेटो अग्यो म जळ जाल , कबि लैमचूसौ स्वाद म गैब ह्वे जाल अर नि ह्वाल त काकीs लिपस्टिक पुटिस्टिक म खतम ह्वे जाल। "
पोस्टमैन जणदु छौ बल फगुण्या तै लिपस्टिक से जनमजाति दुसमनै च।  तीर सीधा ग्राहक का दिल पर लग जावो तो गाहक हताहत ह्वेइ  जांद।  ऊनि ह्वे फगुण्यान पूछ , "त ब्यटा कुछ तरीका त बता ?"
नव बैंकरौ जबाब होलु , " काका  जनतौ पैसा लिपस्टिक म बर्बाद नि हो कुणि PPB (Post Payemnt Bank ) की बड़ी भड़िया स्कीम लयीं च "
फगुण्या," क्या च स्कीम ? क्या च स्कीम ? जरा मै बि बतादि "
पोस्टमैन 'अटल बिहारी कुबेर बॉन्डम हजार रुप्या भ्वारो अर तीन सालम द्वी हजार रुप्या ड्यार लावो "
फगुण्या ह्वाइ मोदी भक्त।   फगुण्यन ज्यादा कुछ नि पूछ बस ब्वाल , " अटल जी नाम च त जरूर  स्कीम फैदामंद ही ह्वेलि।  मी तैं   द्वी हजार रुप्यौं बॉन्ड देदी। "
पोस्टमैन जी कुण भाजपा या कॉंग्रेस महत्वपूर्ण नि होलि अपितु फिक्स डिपॉजिट टारगेट महत्वपूर्ण होली जी।
जनि पोस्टमैन दादा उत्फ नव बैंकर तै पता चौलल बल हुकम दान सुबेर द्वी हजार रुप्याs मर्च बिचेन त बैंकर पौंछि जाल हुकम दाs  डिंडळिम अर ब्वालल , " भेजी अचकाल यी लीचिंग फीचिंग भौत बढ़ गे , ड्यारम रुप्या नि धरण चयेंद।  क्वी लीचर फीचर रुप्या लूठि ल्ही गे त ?"
इखम बि तीर जगा पर इ लगल ।  हुकुम दा  ह्वे पक्को आरएसएस विरोधी तो छटछटाक से ब्वालल , " हाँ साले सुधरेंगे नहीं।  अब तो पता नी कब ये गाँवों में बी पौंच जाएंगे।  पर क्या करूँ ?
पोस्ट मैं दादाs जल्दीबाजी म बोली बैठ , " छ न अटल बिहारी  कुबेर बॉन्ड  स्कीम ! द्वी हजार रुप्या भ्वारो अर तीन सालम चार हजार रुप्या पावो "
अटल बिहारी नाम सूणी इ हुकुम दा पर डौंड्या नर्सिंग चढ़ गे , " चल फंड इख बिटेन , नाम नि ले कबि म्यार समिण यूँ फांदेबाजुं १ चोर साले।  भाजपा वाळ "
पोस्ट मैं जी से जल्दीबाजी म गलती ह्वे गे छे।  हुकुम दा ह्वाइ पक्को इंदिरा गांधी भक्त अर पोस्ट मैनन  अटल बिहारी जी नाम ले दे तो हुकुम दान उछ्यंडाण ही छौ।  पर उ  क्यांक सेल्समैन जु प्रतिकूल परिष्तिथि तैं अनुकूल स्थिति म नि बदलो।
पोस्टमैन जबाब होलु , " जी जी इंदिरा गांधी कुबेर स्कीम बि च ना ?"
इंदिरा जीs  नाम सूणिs हुकुम दाs जिकुड़म सेळ पौड़ी गे बुलण लगल , " बल जरा बथा त सै स्यें भग्यानी स्कीम  !"
पोस्टमैन , " इंदिरा धनलक्ष्मी बॉन्डम हजार रुप्या भवारो चार सालम द्वी हजार रुप्या पावो "
 हुकुम दा  फट भितर जाल अर पांच हजार रुप्या लेकि आला अर ब्वालल , ले वीं भग्यानी नाम पर मेर तरफ से पांच हजार रुप्या बॉन्ड दे दे "
पोस्ट मैनौ क्या जांद जब क्वी राजनैतिक चश्मा लगैक फिक्स डिपॉजिट धारो तो।
इनि कथगा इ बात होली तो तुम बि त कुछ स्वाचो पोस्टल बैंकिंग से क्या क्या ह्वाल ?
Copyright @Bhishma Kukreti

 

-