MeraPahad Community Of Uttarakhand Lovers

 सेल्स वळुं  विकास नापणो पैमाना

चबोड़ , चखन्यौ , मसखरी :  भीष्म कुकरेती चबोड़ाचार्य

   हरेक तबकौ  विकास नापणो अपण अपण तरीका हूंदन।   जन कि बल कॉंग्रेस अध्यक्ष याने गळ्या  प्रौढ़ बौड़ तैं  शौचालय क्रान्ति क्रान्ति नि दिखेंद या बहिन मायावती नि मणदि बल शौचालय क्रान्ति से सबसे बिंडी फैदा  दलित व गरीबुं तैं ह्वे या अमित शाह तैं केरल आयुर्वेद टूरिज्म क्रान्ति म विकास नि दिखेंद।  युंकुंण  अपणी पार्टी की सरकार ही विकासौ पैमाना च तो तराजू च,  माणु च , पाथु च । मुकेश अम्बानी कुण विकासमुखी सरकार  माने  ज्वा सरकार अम्बानी तैं वैका कूड़म हवाई  जाज उतारणो इजाजत दे दे। 
 मतबल हरेक कौमौ विकास नापणो अलग , बिगळ्यूं  पाथो  हूंद , माणु हूंद , परोठी हूंद।  इनि सेल्स वळु बि  विकास  का सीधा अर्थ हूंद बल उपभोक्ताओं की खरीदी ताकत याने बाइंग पावर या बाइंग पोटेंशियलिटी ।  सेल्स वळ बगैर सरकारी सांख्यकी पोथी देखिक बि पता लगै लीन्दन बल ये शहर की उपभोक्ता खरीदी तागत ह्वेलि।
    मि जब रफ़ि कम्पनी म नौकरी पर लग त मेरी तनखा  छे 421 रुपया (420 नि छे किलैकि 420 भली संख्या नि मने जांद छे ) . खैर जब मि तै कम्पनी न भैर टूर पर जाणो डीए  डेली अलाउंस बताई तो सामन्य शहरुं  डी  ए  भत्ता छौ 18 रुप्या दिनकी , कुछ शहरों डी. ए  . छौ  22  रुप्या दिनकी अर पूना को डी ए  छौ 26 रुप्या दिनकी  . मि फट से बींगी ग्यों बल पूना म सबसे अधिक रेडिओ बिकदा ही ह्वाल , मर्फी ना सै त हौर  ब्रैंड तो बिकदा ही होला।  याने कै  बि शहर को खरीदी सामर्थ्य पता लगाण  हो तो सर्वप्रथम  सेल्स वळु दिनकी भत्ता याने डेली अलाउंस  पता लगाण जरूरी च।
   फिर सन 80 तक भारत म कार एक दर्शनीय वस्तु छे तो यदि कै कस्बा म कार दिखे जावन तो हम उपभोक्ता  खरीदी तागत का अंदाज लगै लींद  छा।
    मीन सिगरेट शुरू कार जब मी एमएससी करणु छौ अर फोर   स्क्वायर सिगरेट से शुरू कार।  तब भी अर आज भी फॉर स्क्वायर सिगरेट हर जगा नि मिल्दी।  जु कै कस्बा म फॉर स्क्वायर सिगरेट मिल जावो तो मि क्या क्वी बि अंदाज लगै लीन्दो छौ बल ये कस्बा म किंग साइज कंज्यूमर छैं छन। फॉर स्क्वायर माने लिव किंग साइज लाइफ।
    सेल्स वळ अमूनन दारु सारू का कुढबी हूंदन।  यदि कै बड़ो शहर म तब मैक्डोल नंबर वन नि मीलो तो समजी ल्यावो यु शहर नामौ शहर च किन्तु खरीदी शक्ति म म्यार गाँव से बि छुट  च।  फिर ब्रैंडेड बियर मिलण याने तब गोल्डन बियर , पिल्सनर , किंग फिशर ब्रैंड कै कस्बा म मिल जावो तो समजो बल ये कस्बा की उपभोक्ता  खरीदी शक्ति छैं च।
    बियर पर याद आयी बल सन 80 का आसपास बिजली को कुहाल छा।   तब कस्बौं  म  बियर बारम  बियर चिल्ल्ड ना बियर ग्लास म बरफ डाळी पिए जान्दि छे।  कसम से बियर की ही कसम बल बियरै  ग्लासुंद बरफ क्यूब डाळे  जांद  छौ।  यदि कै कस्बा म बियर बारम चिल्ल्ड बियर मिलदी छे तो समजी ल्यावो बिजली ठीक च याने विधायक को डेरा होलु। विधायक को डेरा याने ठीक ठाक   बिजली याने कुछ तो खरीदी पावर च।
      रेडीमेड ड्रेसेज की कथगा  दूकान छन से भी हम शहर की उपभोक्ता खरीदी शक्ति अंदाज लगान्द छा कबि अब ना।  अब त टेलर इनि हर्चि गेन जन  गढ़वालम  किसान  .
     फिर बियर बारम चखना या मंचिंग उपलब्धता बि हम तै बथान्द  छौ बल शहर कै लायक च।  चिकन चिल्ली या टंगड़ी कबाब उपलब्धि  भी विकास का पैमाना छा।
       आपन बि बुलण बल यु खळचट्टी  क्या छ्वीं लगाणु च।  महाराष्ट्र म कथ्या कस्बा इन छा जख ब्रैंडेड कंडोम याने गैरसरकारी निरोध बि लाला जी उधार बिच्दा छा।  तो हम बुल्दा  बि  छा बल जै गाँव /कस्बा म निरोध बि उधार बिकदो उख तीन बैंडो रेडियो क्या बिकल !
     फिर कुछ समय बाद जब जनान्युं  ब्रा चोली जमानो (अधिक चलन ) आयी तो   ब्रा /चोली की दुकानुं  संख्या से बि पता चलदो छौ बल कस्बा न कथगा विकास कार। 
    जब मि कार से घुमण  लगी ग्यों  तो भी ग्रामीण हाइवे पर शराबखाना ही यार क्या ज्यादातर सेल्स वळु उपभोक्ता खरीदी तागत का अंदाजा लगाणो सर्वोत्तम माध्यम छा अर आज बि।  महाराष्ट्र म सबसे अधिक किसान आत्म हत्त्या उखी करदन  जै  क्षेत्र म हाई वे का बार म किसानुं  अधिक भीड़ हो। 
   उन उपभोक्ता खरीदी ताकत पता लगाणो हौर बि सरल इंडिकेटिव छन किन्तु यी सेक्रेट छन तो अबि  नि बताणा आयी।

सर्वाधिकार : भीष्म कुकरेती चबोड़ाचार्य , दिसंबर , 2018
 गढ़वाल से हास्य व्यंग्य ; जसपुर गढ़वाल से हास्य व्यंग्य  : उपभोक्ता खरीदी शक्ति : उपभोक्ता खरीदी शक्ति  ; पौड़ी  गढ़वाल से हास्य व्यंग्य: उपभोक्ता खरीदी शक्ति   ; चमोली गढ़वाल से हास्य व्यंग्य, मजाक , जोक्स : उपभोक्ता खरीदी शक्ति  ;   रुद्रप्रयाग गढ़वाल से हास्य व्यंग्य, मजाक , जोक्स  : उपभोक्ता खरीदी शक्ति ;  उत्तरकाशी गढ़वाल से हास्य व्यंग्य, मजाक , जोक्स : उपभोक्ता खरीदी शक्ति  ;  देहरादून गढ़वाल से हास्य व्यंग्य, मजाक , जोक्स  : उपभोक्ता खरीदी शक्ति ; हरिद्वार गढ़वाल से हास्य व्यंग्य, मजाक , जोक्स  : उपभोक्ता खरीदी शक्ति ;   

   
 
       
     
   
 
   

   

  अजकाल जिंदगी पासवर्डै बैसाख्यूं पर  चलणी च

चबोड़।  चखन्यौ , मजाक : भीष्म कुकरेती
-
हर युग म अपण अपण ठसक हूंद , सलीका हूंद , महत्वपूर्ण तकनीक हूंद।  अंग्रेजुं जमनम लाट साब , लाट साब महत्वपूर्ण छौ , नेहरु,  इंदिरा, राजिव , मनमोहन  जीक  जमन म जय हो नेहरु खानदान याने चापलूसों जमन छौ  चूंकि भाजपौ  शासन अबि तलक पांच साल नि ह्वेन त 'जय हो नागपुर की ' तैं अबि महत्व नि मील। 
      इनि कुछ साल पैल ताली चाबी जमन छौ , स्विच ऑन स्विच ऑफ  कु जमन छौ अब पासवर्ड से जिंदगी चलणी च , भगणी च या उड़नी च।  मै लगद उड़नी च। 
     पैल सैक़ल ह्वावो , स्कूटर ह्वावो  या कार इ किलै नि  हो हरेक कण ताळी चाबी हूंदी छे।  चाबी हर्चि जावो तो बॉबी अर बाबा कुछ बि कर लींदा छा।  पर अब  ह्वावो , स्कूटर ह्वावो हो या कार खुलण बंद करण हो इलेक्ट्रॉनिक लौक  ओपन करणो तुमर दिमाग अर स्मरण शक्ति की पराम् आवश्यकता पड़दी।  चाबी ख्वे जाय तो बॉबी दगड़ डांस ह्वे सकद छौ पर अब पासवर्ड बिसरी जावो तो बॉबी बि भाजी जाली। 
   पैल मकान लगण या फ़्लैट मालिक हूण बाद म पैल ताळ चाबी खरीदण पड़द छे अब इलेक्ट्रॉनिक ताळ अर बस पासवर्ड , तुमर भैर भीतर हूण पर पासवर्ड   कु अधिकार च अब। 
    बैंकिंग अब परम्परागत बैंकिंग नि रै गे बल्कण म अब पासवर्ड बैंकिंग ह्वे गे।
   पैल खरीददारी सरल छे बस रुप्या लिजाण आफत  हूंद छे अर अब बस क्रेडिट स्वेप कारो पर पासवर्ड बिसरि गेवा त खरीददारी की ऐसी तैसी।
   मोबाइलम खुलणो पासवर्ड , नेट खुलणो पासवर्ड, फेसबुक खुलणो पासवर्ड  अर भुल्युं पासवर्ड का बान हैंक पासवर्ड।  जिंदगी पासवर्ड का जंजाळ फंस  गे।
    पैल सेफ हूंदी छे अर ताळ चाबी हूंद थै अब सेफ का वास्ता पासवर्ड ह्वे गे।  सेफ्टी पासवर्ड की बंधक ह्वै गे।
      कम्प्यूटर  सर्वपर्थम पासवर्ड की ही मांग , मेल खुलणो पासवर्ड की मांग , विशेष सर्च का वास्ता पासवर्ड। 
किचन म जावो तो माइक्रोवन , इंडक्शन कुकर , मल्टी कुकर , गैस स्टोव,  क्या फ्रिज बि बगैर पासवर्ड का यूज नि करे सक्यांद।  भोजन  बि अब पासवर्ड ह्वे गे
    पैल समौ बिताणौ बान बाछी कांद हूंदी छे अब  हरेक पासवर्ड याद करण से समय कट जांद।  जिंदगी पासवर्ड पिंजरा म बंद ह्वे गे।
     अच्काल जिंदगी घ्यू दूध पर नी चलणी अपितु पासवर्ड पर चलणी च।
 
    Copyright@ Bhishma Kukreti , 2019
गढ़वाल उत्तराखंड से व्यंग्य , जोक्स , हास्य ; ढांगू , गढ़वाल उत्तराखंड से व्यंग्य , जोक्स , हास्य ; पौड़ी गढ़वाल उत्तराखंड से व्यंग्य , जोक्स , हास्य ; चमोली गढ़वाल उत्तराखंड से व्यंग्य , जोक्स , हास्य ; रुद्रप्रयाग गढ़वाल उत्तराखंड से व्यंग्य , जोक्स , हास्य ; टिहरी गढ़वाल उत्तराखंड से व्यंग्य , जोक्स , हास्य ; उत्तरकाशी गढ़वाल उत्तराखंड से व्यंग्य , जोक्स , हास्य ; देहरादून गढ़वाल उत्तराखंड से व्यंग्य , जोक्स , हास्य ; हरिद्वार गढ़वाल उत्तराखंड से व्यंग्य , जोक्स , हास्य ; Humor, Satire, Jokes  from Dhangu , Garhwal, Uttarakhand ; Humor, Satire, Jokes  from Pauri Garhwal, Uttarakhand ; Humor, Satire, Jokes  from Chamoli Garhwal, Uttarakhand ; Humor, Satire, Jokes  from Rudraprayag Garhwal, Uttarakhand ; Humor, Satire, Jokes  from Tehri Garhwal, Uttarakhand ; Humor, Satire, Jokes  from Uttarkashi Garhwal, Uttarakhand ; Humor, Satire, Jokes  from Dehradun Garhwal, Uttarakhand ; Humor, Satire, Jokes  from Haridwar Garhwal, Uttarakhand ;

 

     
 
 

  बंशी  किसना से इथगा  किलै चिरड्यांद ?

चबोड्या  , चखन्यौर्या  , मज्जक्या  : भीष्म कुकरेती
-
   बंशी सद्यनी तरां सुबेर पूजा की जगा एक फोटो पर चक्कु नपांद अर बड़बड़ करदो - ते से बड़ो दुसमन म्यार ये जमन म नी।  म्यार सरा रिस्तेदार  एक असुण्या  कु सुख्यर  जीवन की कामना करदन अर एक मि छौं जु एक सूरत देखिक इ दुख्यर ह्वे जांद  .
बंशी क नयो रूममेट - क्या रे बंशी सरा दुन्या सुबेर सुबेर भगवान से प्रार्थना करद अर तू यीं फोटो पर चक्कु नपाणु रौंद।    बात क्या च आखिर  ?
बंसी चक्कु  तरफ घुमैक  - यु म्यार दुन्या म सबसे बड़ो दुसमन च। 
रूममेट - ह्यां  पर किलै यु , अबोध, बेगुनाह  बेगुनाह , इन्नोसेंट  दिखेण वल यंग मैन त्यार दुसमन च ?
 बंशी - , बेगुनाह अर यू ? अबोध अर यू ? अरे ये से बड़ो रागस आज तक पैदा इ नि ह्वे यीं दुनिया म। बेगुनाह , अबोध हूँ ! ये बड़ो जल्लाद क्वी नी च यीं दुन्या म।
रुममेट - अरे बंशी ! सूरत त देख मासूम साधी किन्तु ऊर्जावान यूथ ! रियाल इन्नोसेंट यंग मैन !
बंशी - अबे ये से बड़ो दुर्जन आज तक तीन देखि नि होलु ?
रुममेट - अरे पर येन कार क्या च ?
बंशी - अरे जु दस्यु रागस करदो  उनी येन कार और क्या ?
रुममेट  - बस रागस च दस्यु च , दुर्जन च की रट लगायीं च बल दुश्मन च। ह्यां बतैल त जणलु न ?
बंशी - अब क्या बथौं ?
रुममेट - ठीक च नि बथा।
बंशी  - अरे सूण सूण।  उ क्या च जब यु एक सालक रै होलु त मि अपण बैणि मिलणो एक गाँव ग्यों। 
रुममेट - औ त क्या ह्वाई ?
बंशी -हूण क्या छौ।  एक दिन दीदी बुन बिस्याइ बल ये बंशी सुबेर बिटेन ये किसना न मूत नी जरा ये तै झाड़ा करै दे।  दीदीक बात मनण इ छौ।  मीन  किसना तै खुकली पर ले अर स्स स्सू सू बोलिक पिशाब कराइ दे। 
रुममेट -औ त बंशी त्यार भणजो च ?
बंशी (दांत कीटिक )  -केक भणजो दुश्मन च दुश्मन च। 
रुममेट - क्या ह्वाइ फिर ?
बंशी -अब क्या ह्वाइ जब बि पिशाब कराण हो तो दीदी मितै बुलै द्यावो।  मी बि भणजु बोलिक तल्लीनता से ये तैं पिशाब करांद छौ।
रुममेट -या तो बढ़िया बात च।  भणजो सेवा से पुण्य मिल्द।
बंशी -खन्नौ पुण्य मिलद।  अरे मि त झाड़ा वैद्य बणी ग्यों।  टट्टी  हकीम ,लू , यूरीन फिजिसियन
रुममेट -क्या ?
बंशी -हाँ।  दीदी अर जीजान बाबा जी कुण रैबार भयाज बल किसना बगैर बंशी क पिशाब नि कौर सकद त बंशी तै इकि रुकणा छां।  बाबा जीन बोल बल ठीक च।  कुछ दिन पिशाब करांद छौ फिर वु किसने बगैर म्यार खड़ हुयां टट्टी बि नि करद छौ , रात बिरांत बि मि तैं वै तै पिशाब या झाड़ा कराण पड़द छौ। 
रुममेट -ओहो बड़ी दिक्कत हूंदी ह्वेली हैं ? पर भणजो सेवा त बुरी नी ना।
बंशी -अरे भणजु तै झाड़ा पिशाब कराण हो तो ठीक छौ पर फिर गाँव म लोग बाग़ अपण बच्चों तै लेक आण बिसे गेन - बल ये बंशी म्यार छुटु तैं पिशाब नी हूणी जरा सुसू बोलिक पिशाब टट्टी करै दे।  अर अब कुछ दिन बाद कैक बि बच्चा तै टट्टी पिशाब कराण हो मि तै जाण पड़द छौ।  म्यार नाम बंशी पधान से सुस्सू पधान ह्वे गे।
रुममेट -वास्तव म यू त मानसिक बलात्कार ही ह्वाइ भै।
बंशी -अरे यांक बाद तो  गैंग रेप हूण मिसे गे।
रुममेट -विलेज गैंग रेप ?
बंशी -फिर कुछ दिन बाद गाँव बैक याने प्रौढ़ुं तै कबज ह्वे जावो या पिशाब रुक जावो तो लोग मि तैसुस्सू सुस्सू बुलणो बुलावन अर तब जैक ऊंक टट्टी पिशाब खुल्दी छे।  स्कूलम बि पैल पैल प्रिंसिपलन सुस्सू कारणो बुलाई अर फिर मास्टरुंन बि सुस्सू बुलणो बुलाण शुरू कर दे।  इख तक इ बात नि रुक अब त क्षेत्र वासी बि कबज या पिशाब की बीमारी म सुस्सू कराणो भट्याण मिसे गेन। मि बंशी से सुस्सू मैन ह्वे ग्यों।
रुममेट -अछेकि मानसिक प्रतड़ना ह्वे या तो।  फिर ?
बंशी -फिर मि भाजिक अपण चचाम पढ़णो देहरादून ऐ ग्यों।
रुममेट -औ त अब तो मानसिक त्रास बंद ह्वे गे होली हैं ?
बंशी -क्यांक बंद। गाँव वळ कबज हो तो देहरादून ऐ जावन। अर सुस्सू बुलणो काम दे द्यावन।रुममेट -वेरी बैड।  फिर छुटकारा ?
बंशी -मि देहरादून से भाजिक ममा जी म पढ़णो पटना च ग्यों
रुममेट - चलो दूर। .. पर अब किलै गुस्सा क्यांक गुस्सा ?
बंशी -अरे फिर लोगुंन फोन पर सुस्सू बुलणो रिक्वेस्ट शुरू कर दे अर अब मोबाइल पर मि तैं सुस्सू सुस्सू बुलण पड़द।
रुममेट -औ तबी तू ऑफिस म या ड्यारम मोबाइल पर सुस्सू सुस्सू चिल्लाणु रौंदी ?
बंशी -हाँ अब बि दीदी क ससुराल वळुं झाड़ा पिसाब रुक  जावो तो फोन पर सुस्सू चिल्लाणो ऑर्डर दीणा रौंदन।
रुममेट - भौत तकलीफदेय स्थिति च भै।  टेरीबल सिच्युएशन।  वेरी टेरीबल।
बंशी -हाँ तबी त मि अपण भणजु तै अपण दुसमन मणदु।
रूममेट - बंशी ! एक मिनट हाँ म्यार गाँव बिटेन  फोन च।  हेलो चचा जी हेलो।  प्रणाम चचा जी।  हाँ हाँ मि बंशी कु रुममेट छौं।  क्या ? क्या ? क्या आप तै कबज च अर चार पांच दिन से पेट नि खुल अर भौत दर्द हूणु च ? क्या क्या ? क्या बंशी से सुस्सू सुस्सू बुलणो रिक्वेस्ट करण ? ठीक च मि बंशी से सुस्सू सुस्सू  बुलणो रिक्वेस्ट करदु। 
 
(तेलगु फिल्म 'लव ऐक्शन धमाका'  का एक सीन से से प्रेरित )
Copyright@ chabodachaarya  Bhishma Kukreti ,2019  Mumbai India ,

*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल हौंस , हौंसारथ , खिकताट , व्यंग्य रचने  हेतु उपयोग किये गए हैं।

Best of Garhwali Humor Literature in Garhwali Language , Jokes  ; Best of Himalayan Satire in Garhwali Language Literature , Jokes  ; Best of  Uttarakhand Wit in Garhwali Language Literature , Jokes  ; Best of  North Indian Spoof in Garhwali Language Literature ; Best of  Regional Language Lampoon in Garhwali Language  Literature , Jokes  ; Best of  Ridicule in Garhwali Language Literature , Jokes  ; Best of  Mockery in Garhwali Language Literature  , Jokes    ; Best of  Send-up in Garhwali Language Literature  ; Best of  Disdain in Garhwali Language Literature  , Jokes  ; Best of  Hilarity in Garhwali Language Literature , Jokes  ; Best of  Cheerfulness in Garhwali Language  Literature   ;  Best of Garhwali Humor in Garhwali Language Literature  from Pauri Garhwal , Jokes  ; Best of Himalayan Satire Literature in Garhwali Language from Rudraprayag Garhwal  ; Best of Uttarakhand Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal   ;  Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal   ; Best of Cheerfulness in Garhwali Language from Haridwar    ;गढ़वाली हास्य -व्यंग्य ,  जसपुर से गढ़वाली हास्य व्यंग्य ; जसपुर से गढ़वाली हास्य व्यंग्य ; ढांगू से गढ़वाली हास्य व्यंग्य ; पौड़ी गढ़वाल से गढ़वाली हास्य व्यंग्य ; टिहरी गढ़वाल हास्य व्यंग्य , चमोली गढ़वाल जोक्स ,
Garhwali Vyangya, Jokes  ; Garhwali Hasya , Jokes ;  Garhwali skits , Jokes  ; Garhwali short Skits, Jokes , Garhwali Comedy Skits , Jokes , Humorous Skits in Garhwali , Jokes, Wit Garhwali Skits , Jokes

  प्रियंका बाड्रा का बनारस चुनाव से वापस पैर  खींचने का असली सच्च

चिकोटी , चक्कलस , मसखरी : भीष्म कुकरेती
-
भारत का हर  , ननो , छोटा बड़ा अख़बार नबीस , टीवी चैनलों के खुर्दबीनी पत्रकार जोर लगा रहे हैं बल पता चले कि  फिरोज जहांगीर  पौत्री की होने वाली महान नेत्री प्रियंका बाड्रा ने बनारस से मोदी विरुद्ध चुनाव लड़ने से क्यों इंकार किया व किसके कहने पर मिसेज राबर्ट बाड्रा तैयार हुयी और किसकी सलाह पर मिसेज बाड्रा ने लड़ने से पहले ही हथियार छोड़ दिए , बनारस से हार स्वीकार कर ही नहीं ली अपितु अन्य भाजपा विपक्षियों हेतु भी हार के दरवाजे खुलवा दिए।  बहुत से मुंहफट ,मुखर ,  छिछोरे लोग मिसेज प्रियंका को मिसेज खेत छोड़ू बाड्रा कह  रहे हैं।  बहुत से पत्रकार मुंडी खुजा रहे हैं बल वो कौन सी बैठक भयी हुयी होगी फिरोज  जहांगीर परिवार मध्य कि नपी नुपी तेज कुल्हाड़ी को खुंडी , धार कम की गयी।   
  मैंने सोचा और बहुत सोचा बल क्या हुआ होगा कि मिसेज प्रियंका रॉबर्ट को लड़ने से पहले ही हार माननी पड़ी।  मुझे लगता है कि फिरोज जहांगीर गांधी के वारिसों मध्य इस प्रकार वार्तालाप हुआ होगा -
राहुल - मम्मी ! मम्मी ! ओह मादरे !
सोनिया - कारो फ्रिग्लिओ ! डियर सन कुछ तो सुधर जा।   जब भी तुझे निर्णय लेने पड़ते हैं तू चीखने चिल्लाने, किराने  लगता है और कभी क्या हर बार गले पड़  जाता है।
राहुल - कारो मादरे ! क्या करूँ मुझसे निर्णय लिए ही नहीं जाते।
रॉबर्ट बाड्रा - गर्र -गर्र -घर्र
राहुल - मम्मी ! जब भी मैं परेशानी में होता हूँ रौबर्  ट जीजा शेर जैसी आवाज निकालने लगते हैं।
रॉबर्ट बाड्रा - मैं तो जोर जोर की सांस ले रहा हूँ।
प्रियंका बाड्रा - डियर रौबर्  ट ! यह राजस्थान हरियाणा की खाली जमीन नहीं जिसे देख तुम खुसी में गुर्राओ प्लीज।  इट्स वेरी वेरी सीरियस डिसीजन वी हैव  टु टेक।
सोनिया - सि सि ! (यस ) अमे  गंबीर  डिसीजन ले ना ऐ तो रॉबर् ट ! टुम बी गंबीर  ओ जाओ।
रॉबर्ट बाड्रा - बट मॉम  मै तो जस्ट जोर जोर से सांस ले रहा हूँ।
प्रियंका बाड्रा - डियर रॉबर् ट ! सांस लो पर शेर जैसे नहीं लोमड़ी जैसी  सांस लो , शेर की आवाज से भय्या  डर जाते हैं।
प्रियंका - भय्या ! मैं बनारस से चुनाव लड़ूँ कि नहीं ?
राहुल - मम्मी ! मम्मी  मादरे ! दीदी भी।
सोनिया - प्रियंका डोंट पुश हिम हार्ड ऑलरेडी ही इज डुइंग मोर  दैन हिज कैपेबिलिटी।  उसे निर्णय लेने के लिए ऐसे बाध्य मत करो।
प्रियंका बाड्रा - बट मॉम  भय्या के सलाहकारों ने ही सलाह दी बल मैं बात फैलाऊं बल प्रियंका बाड्रा बनारस से चुनाव लड़ेंगी।
सोनिया - मोदी के सामने हार तो निश्चित है।
रॉबर्ट - गर्र गर्र घर्र
प्रियंका - डियर रॉबर् ट ! ये क्या फिर से ?
रॉबर्ट बाड्रा - डियर तुम्हे बलि का बकरा बनाया जा रहा है। गहलोत अंकल व हुड्डा अंकल दोनों कह रहे थे बल बनारस से तुम्हारी हार निश्चित है।
सोनिया - तो अब क्या करें।  अरे डिक्की मतलब दिग विजय जी का फोन। .
सोनिया - हाँ बोलो दिग्गी बाबू ! क्या प्रियंका ही नहीं तुम्हारी भी हार पक्की है , हंड्रेड परसेंट ?
दिग्गी  (फोन पर ) - मैडम महाभारत पुराणों से सीख लेनी चाहिए कि अभिमन्यु को मरवाया जाता है और युधिष्ठिर , अर्जुन , भीम को मारक , मृत्यु दायी चक्रव्यूह से बचाया जाता है। 
सोनिया - तो क्या करें ?सैम पित्रोदा तो सलाह दे रहा है प्रियंका को बनारस से चुनाव लड़ना चाहिए
दिग्गी - किसी ऐरे  गैरे , निट्ठले  को बलि का बकरा बनाइये सेनापति को क्यों बलि का बकरा बना रहे हो।
सोनिया - टीक ऐ  , टीक ऐ।  समज समज गया  मै
सोनिया - हैँ मोती लाल बोरा जी का पोन ? आं  आँ बोरा जी ?
मोती लाल बोरा - मैडम पोपला मुंह छोटी बात ! मैडम मिसेज बाड्रा को कर्ण याने मोदी जी के सामने खुले आम बीच चौक में मत पिटवाईये  मिसेज बाड्रा को घटोतकच्छ मत बनवाइए।
सोनिया - ए क्या ऐ ? दिग्गी बाबू कअ रये ऐं  प्रियंका को अभिमन्यु मत बनाओ और बोरा  जी कअ रये ऐं घटोतकच्छ मत बनाओ। प्रियंका अभिमन्यु , घटोतकच्छ का मीनिंग क्या ऐ ?
प्रियंका बाड्रा - मॉम मुझे भी इतना पता नहीं।  लेट अस आस्क अवर स्प्पोर्टर द्वारिका पीठ के शंकराचार्य जी।
सोनिया - हाँ हाँ ! पोन लगाती ऊं।
सोनिया - ऐलो ऐलो ! शंकराचार्य जी ! ये अभिमन्यु और घटोतकच्छ बला ऐ क्या ? क्या  खिचरोड़ ऐ ये ?
शंकराचार्य - जब किसी बड़े शौर्यवान की किसी शक्ति को समाप्त करवानी हो तो  पुत्रों की बलि चढ़ाई जाती है जैसे महाभारत में सात योद्धाओं की शक्ति डिफ्यूज करने के लिए अभिमन्यु को चक्रव्यूह में भिजवाना , कर्ण की अमोध शक्ति को समाप्त करने घटोतकच्छ का इस्तेमाल , अश्वथामा के ब्रह्मास्त्र समाप्त करने या शक्ति कम करने के लिए पांडव पुत्रों को मरवाया गया जिससे पांडव ज़िंदा रहें।
सोनिया - मतलब  अभिमन्युओं , घटोतकच्छों की मृत्यु निश्चित होती है ?
शंकराचार्य - बिलकुल इन्हे ही बलि का बकरा बोला  जाता है। जैसे आपके सामने कभी सुषमा स्वराज को उतरा गया था या , राहुल के सामने स्मृति ईरानी को खड़ा किया गया है
सोनिया = ग्रेजी मिले ग्रेजी मिले मतलब थैंक यू संकरा जी।
प्रियंका - यस मॉम ?
सोनिया - नो वे ऐट ऑल।
राहुल - क्या मॉम ?
सोनिया - फिरोज जहांगीर के वारिस बलि के बकरे बनने के लिए पैदा नई ओते। फिरोज जहांगीर के वारिस  जीतने के लिए , राज करने के लिए बर्थ लेते हैं हारने के लिए नईं।  प्रियंका बनारस से चुनाव नहीं लड़ेगी बस।  दिस इज फाइनल डिसीजन।
राहुल - ओह मॉम आइ ऐम रिलैक्स्ड नाऊ ।  थैंक्स यू टुक डिसीजन। 

सर्वाधिकार @ भीष्म कुकरेती 27 अप्रैल 2019
(यदि किसी  कारण से उपरोक्त बातें सहीं हों तो मुझे नहीं मेरी कल्पना को दोष दीजियेगा )

पश्चिम भारत से हिंदी राजनैतिक व्यंग्य ; गैर हिंदी क्षेत्र से हिंदी राजनैतिक व्यंग्य ; महाराष्ट्र से हिंदी राजनैतिक व्यंग्य ; मुंबई से हिंदी राजनैतिक व्यंग्य ; मुंबई से गढ़वाली व्यंग्यकार का हिंदी राजनैतिक व्यंग्य ; मुंबई से उत्तराखंडी व्यंग्यकार का हिंदी राजनैतिक व्यंग्य ; मुंबई से उत्तर भारतीय व्यंग्यकार का हिंदी राजनैतिक व्यंग्य ;
 

   
           लाटु (मूर्ख ) बणि लाभ उठाण

(राहुल गांधी जी, तेज प्रताप यादव जी  से क्षमा याचना सहित )
-
 चबोड़ ,चखन्यौ , कंडाळी : भीष्म कुकरेती
-
      मराठी म बुल्दन   एड़ा बणि पेड़ा खाण मतबल लाटु बणि मजा लीण।    मीन मूर्ख बणि लाभ उठाण बाळापन से इ सीखि आल थौ।  मि तै तमाखू से बड़ी चिढ़ छे।  पर गांवम संस्कृति छे बल बच्चों से तमाकू भरवाओ , हुक्का पाणी बदलावों।  पैल पािल मि तै बि काम दिए गे मीन लाटू (मूर्ख ) बणि चिलम पर तमाखू  मथि आग अर आग मथि चगटी धौर।  तमाखू भराण वळ ददा , काका न धमकाई बि च बल 'क्या रे भीषम ! मीन सूण बल पढ़न म टी हुसियार छे फिर चिलम भरण नि आंद ?'
मि मूर्ख जन चुप्पी रौं , कुछ नि ब्वाल। 
   दुसर दैं कै हैंक  बडा जीन हुक्का भरणो दे।  मीन चगटी सजला क दुंळ मथि  धार अर फिर तमाखू अर तब आग।  अर दे दयायी हुक्का बाडा जी तै।  स्वास फूल गे बाडा  जीक पर धुंआ नि आयी।  सजला उफार तो पता चौल बाडा जी तैं ।  बाडा जीन ताबड़ तोड़ ऐज्युकेसन ण की ऐसी तैसी करदा ब्वाल ," हराम का बच्चा मास्टर फोकट की तन्खा खाणा छन बच्चों तैं ठीक से तमाखू भराण बि नि सिखान्दन "
  बस द्वी तीन दैं मूर्ख बणि तमाखू गलत भौर तो फिर कैकि  बि हिम्मत नि ह्वे कि इंडियन एजुकेसन सिस्टम पर तमाखु उछाळन। 
     मूर्ख बणनो बान भौत सा नलटण  करण पोड़दन।  जन कि स्कूल म पाद द्यावो अर मास्टर जी पूछन , ये कैकि पुटकी लग खाड ?  या कैकई पुटकी फट ? बस तुम चुम मुंडी तौळ राखो जन बुल्यां तुमन सूण इ नि हो धौं !
  बसम छोर्युं पर धक्का मारो अर मूर्ख जन व्यवहार कारो तो 100 दफै मांगन  40 दफै छोर्युं चप्पल खाण  से बचणो चांस मिल ही जांदन।  हाँ मूर्ख लगणो का स्वांग जरा ठीक से ही हूण चयेंद।  लाभ का वास्ता मूर्ख बणनो सिद्धांत च गळा लगो पर गळा नि पोड़ो या खुले आम आँख नि मारो।
    रजमर्रा म बि हम मूर्ख बणनो नाटक  करदा इ छा।  घाम ऐ जावो अर तुम बिस्तर पुटुक इ छवो तो पत्नी से मूर्ख बणी इ बच सकदा। बस रेल म कन्फर्म्ड टिकट नि तो मूर्ख बणि जगा या सीट हथ्याणौ कुण सबसे बड़ो हथियार हूंद लाटा या मूर्ख बणनो स्वांग कबि पास कबि फेल।  पास तो ठीक फेल ह्वे जावो तो सब साले चोर हैं भ्रस्ट हैं से गुस्सा निकाळो।
     ओफिस म बॉसक समि दिन म भौत दैं मूर्ख  हूणो नाटक करण इ पड़द अर यांकुण  एकि शब्द हूंद -OMG  ओ माई गौड मि तै आसा नि छे , मि नि समजदो छौ मूर्खता व्यक्त करणो वास्ता
एक रिसर्च से पता लग बल औसतन मनिख दिन म हर घंटा म  तीन दैं मूर्ख बणनो  नाटक स्वांग करदो बल। 
बुल्दन बल हुस्यार तै सलाह की जरूरत नि हूंदी अर मूर्ख सलाह नि लींद किन्तु मूर्ख बणनो स्वांग करणो बान हुस्यार हूण जरूरी च निथर मार पोड़ सकद। परीक्षाओं म बि कत्ती दैं मूर्ख बणि इ त नकल करे जांद।
बुले जांद बल मूर्ख गुस्सा म दुसरा  मुख कटणो जगा अपण नाक काटि दींदो किन्तु मूर्ख बणि लाभ उठाणम दुसराक नाक कटण पोड़द।
मूर्ख बणि नाटक करो पर एक कहावत बड़ी बढ़िया च बल - बुलण नि आवो तो मूर्ख बणि मुख बंद रखण अधिक लाभकारी जि हूंद।
मूर्खता पर बात हूणी त हम सब तै पता च हम  मूर्ख या लाटु पर दया करुणा इलै दिखांदा  वै तै पीट नि सकदा।  अर यी सिद्धांत च मूर्ख बणी लाभ उठाणो।  तुमन बि मूर्ख बणी लाभ उठायी कि ना ?

 सर्वाधिकार @ भीष्म कुकरेती , मई 2009
गढ़वाली व्यंग्य , मूर्खता पर गढ़वाली व्यंग्य , मूर्खता नाटक पर गढ़वाली व्यंग्य , गढ़वाली हास्य व्यंग्य।  उत्तराखंडी हास्य व्यंग्य