MeraPahad Community Of Uttarakhand Lovers

 

 म्यार बैंकॉक पटाया मसाज  का अनुभव
-
चबोड़ , चखन्यौ , मसखरी : भीष्म कुकरेती
-
  म्यार दिमागम , मगजम मसाज याने मालिश की द्वी छवि छन। 
पैल  छवि फिल्म या टीवी सीरियलों मा या तो सूमो टाइपो पहलवान कै  पितक्यूं मनिखो मालिशौ बहाना इन धुलै करद जन बुलया आटो ना माटु गुंदणु हो।  फिल्मों म जमींदार या भयानक हत्त्यारा खलनायक बि पहलवानो से मालिश करवाणो छवि मया दिमाग म च त दगड़म अमरीश प्यूरी , अनवर जान खलनायक की मालिश करदा छमना पात्तरुं  छवि बि दिमागम बैठीं च जी। 
  दुसर   छवि च दगड्यों सुणायीं बात - भाई बहिन जी - थाई मसाज याने श्रृंगार युक्त मसाज याने पटाया या बैंकॉक म मसाज।  म्यार दुकानदार मित्र बैंकॉक पटाया का अपण मसाज अनुभव तै इन रसीली भौण म सुणांदन बल ज्यू बुल्यांद आबि फ़्लैट पकड़ी बैंकॉक पटाया भाजी जौं।  पर फिर सुचदो बल मि तै महिला मालिशदारों से मालिश कराणो िनी शौक हूंद त हॉंककॉंग मकाउ  यात्रा म ही जनान्युं से मालिश करवै लींदो। 
 मालिश , मसाज पर चिंता सुदि नि ह्वे।  भौत क्या कई सालों से गर्दन अर कमर दर्द की परेशानी छे।  जवानी म त डा अर द्वी ब्यौ या वाइफ अर भैर धरीं प्रेमिका मनिख झेल लींदो किन्तु बुढ़ापा म ना त डा सयेंदु ना ही द्वी कज्याण्युं  से सांजस्य हूंद। िनी जवानी म पेन किलर या अन्य दवाईयों से कमर दर्द अर गर्दन दर्द झेलणु  पर अब यीं उमर म परमानेंट सोल्यूसन की खोज म म्यार चार साल लग गेन।  एक मंहगा डाक्टरन त इख तक बोलि दे जथगा बि कमर बचीं च बचा ऐज बोनस।  अब द्याखौ कलियुग म इन बि डाक्टर छन जो जिंदगी बचाणम कम विश्वास करद बल्कि जिंदगी तै बोनस समजदु।  खैर इना उना भटकण अर यार दोस्त इ ना तांत्रिक मांत्रिकों की सलाह से मीन कनक्लूजन , निष्कर्ष निकाळ बल मसाज ही आखरी विकल्प च गर्दन अर कमर दर्द से निजात पाणो।
    पर मसाज से मै इन डौर लगणी राई बल कखी मसाज करंदेर या करंदेरी मि तै इन कुर्ची दे जन टीवी सीरियलों म सूमो पहलवान मसाज करदो दै मरीज तै पिटद या गुंदद मतलब खुटन थंथ्याद  ।  पता नि मन मा इन किलै नि आयी बल  मसाज बैंकॉक पटाया स्टाइल म बि त ह्वे सकद।  मि डौरन मालिश टाळणु रौं किन्तु भौत दिन तक नि टाळि साकु।  तब घरवाळि एक मालिश विषज्ञाणिम मै लीग।  मै लग मि भारत म ही बैंकॉक पटाया अनुभव करलु।
लेडीज मसाज मेकर बड़ी खूबसूरत छे अर अंग्रेजी जानकार छे तो स्यूर छौ बल सया छमना पातर त के इ होली।  अंग्रेजी ज्ञान भौत सी कमी छुपाई लुकाई दींद।
  लेडी मसाज मेकरन पैल मेंसे अर मेरी घरवळि से लिखित म लिखवाई बल मालिश से कुछ नुक्सान मि त मसाज मेकर ना मि इ जुम्मेवार होलु।  एकुण बुल्दन बल जैक मोर सीइ भौर। 
  लेडी मसाज मेकरन मै भितर ओप्रेसन रूम म भ्याज जख अति सुंदर अप्सरा सम बिगरैलि असिस्टिंग मसाज मेकरोंन में तै लंगोट पैरणो दे।  बैंकॉक पटाया मसाज अनुभवी दगड्योंन कबि  नि बताई बल मसाज म लंगोट पैरण पोड़द।  असिस्टिंग लेडी मसाज मेकरन लंगोट का बेड़ एक तौलिया पैरणो बवाल। अर मि तै एक कठोर किन्तु आरामदायक टेबल म उल्टां पड़ाळ दे।  मीन द्याख आस पास क्वी तेल फुलेल की क्वी बोतल नि छे जब कि दगड्यों अनुभव बुलणु छौ आस पास मालिस हेतु बनि बनि तेल बोतल हूण  चयेणु छौ। 
     थ्वड़ा देरम सीनियर मसाज मेकर आयी अर जूनियर मसाज मेकर  सावधान ह्वे गेन।  सं म्यार टेबल क पास चरी तरफ खड़ ह्वे गेन।
 सीनियर मसाज मेकरन मेरी गर्दन की हड्डी पटकांद पूछ - कखम च डा ? मीन बताई अर मसाज मेकर हाथ सरकाणि राई फिर वींक हाथ उखम चल गए जख्म डा छौ मीन हांमी भौर।  सीनियर मसाज मेकरन जोर से हथन दबायी अर अपण जूनियरों तै आँखों आँखों म आज्ञा दे।  एक म्यार बैं खुटक कर अंगुळि नंग , दुसर दैं खुटक कर   अंगुळि नंग जोर से दबाण लग गेन मि तै इन डा ह्वे कि मि किराण मिसे ग्यों।   एक जूनियर न बोल ," मर्द जैसे बिहेव करो।  डोंट कराई लाइक हारे हुए लीडर '
   मि चुप ह्वे ग्यों ।  अफु तैं मर्द शाबित जि करण।  फिर मि तै यांसे बि बिंडी डाउ ह्वे  दिखाणो बान मि चुप्प इ रौ। गर्दन का तीन जगा डा छे तो हर हिस्सा  का दर्द वास्ता जूनियर मसाज मेकरुंन खुटक अलग अंगुळयूं नंग दबैन।  दर्द ह्वे  च भौत  ह्वै पर मि  पूरी तरह से सॉलिड मर्द बण गे  छौ।  सीनियरन फिर कमर का हिस्सा पटकै    कमर म हर अंग का  वास्ता मसाज मेकरुंन म्यार हाथs विभिन्न अंगळयुं नंग दबैन दर्द ह्वे  पर  मीन मर्दानगी नि छ्वाड़।
 आधा या पौण घंटा सीनियर म्यार गर्दन या कमर का कै हिस्सा पटकाओ   अर जखम बि  दर्द हो प्रतिक्रिया स्वरूप जूनियर मसाज मेकर कखि ना कखि  दबाणा रैन। फिर जब   सब फारिक ह्वे त मि  तै खड़ करे गे अर कमर व गर्दन इना ऊना करणो आदेश दिए गे।   मीन कमर हलायी , गर्दन हिलायी , शरीर खुट तक झुकाई पर कखि दर्द नि ह्वे।  सब मसाज मेकर मे से अधिक खुस ह्वेन।
सीनियर  मसाज मेकरन बोल - मिस्टर कुकरेती यू मे नाउ  जो ऐंड रिलैक्स फोर हॉल  लाइफ। 
मीन आश्चर्य से पूछ - ऐंड व्हट अबाउट मसाज ?
 एक जूनियर मसाज मेकरन उत्तर दे - ब्लडी फूल ! दिस इज नॉट मसाज सेंटर।   यह अक्युपंचर सेंटर है।  आते समय बाहर बोर्ड  नहीं पढ़ा क्या। बोर्ड में म साफ़ लिखा है "आयुर्वेद अक्युपंचर सेंटर" !   

Copyright @ Bhishma Kukreti , मई 2019
( जु कथा सच्च लग त मेरी कल्पनाशक्ति की प्रशंसा करण नि बिसरेन )

 Garhwali Humor on Bangkok Pattaya Massage by writer of Jaspur Garhwal; Garhwali Humor on Bangkok Pattaya Massage by writer of Dhangu Garhwal; Garhwali Humor on Bangkok Pattaya Massage by writer of Dwarikhal Block Garhwal;Garhwali Humor on Bangkok Pattaya Massage by writer of Yamkeshwar Constituency Garhwal;Garhwali Humor on Bangkok Pattaya Massage by writer of Garhwal, Uttarakhand .

   
चाइनीज होटलम जैन मापो टोफू विदाउट स्प्रिंग अनियन
-
 मजाक मसखरी : भीष्म कुकरेती
-
 सि  वै  दिन ग्रेट  संघाई चाइनीज होटलम भोजन छौ।    उन मि चाइनीज , इटालियन , मैक्सिकन कुजीन भौत पसंद करदो किन्तु दुसरा मौणी मा अपर जेबन ना।   अपण  खीसा से विदेशी भोजन म मजा  त नि आन्दु ।  हाँ त तै बगत दसेक लोक रै होला। तौं मादे छै शाकाहारी छ अर यूं मादे चार जैन छ द्वी अबि अबि वेज बणीन त जोर जोर से वेटर पर किराणा छा कखि नॉन वेज करी मिक्स नि ह्वे जाव् हाँ।  चार पक्का हिंदी छा जु आज सुंगर याने पोक का पूरा मजा लीण चाणा छा तो द्वी मुसलमान पोक से दूर इ रौण चाणा छा।
   जब शुरू ह्वे त वेटरन ड्रिंक्स बाराम पूछ त सब्युंन चाइनीज टी की फरमाइश करि।  जबकि अमूनन हिन्दू हो , हिन्दू जैन हो , सिख हो या मुसलमान हो हिन्दुस्तानी भजन से पैल चाय पीण त छोड़ो दिखण बि पसंद नि करदो केवल चाइनीज होटलम भोजन से पैल चायपान  ।  मीन लिम्बु पाणी मंगै दे , वेटर त ना पर बकै सब भोजन प्रेमी आश्चर्य म चली गेन जन बुल्यां मीन  जैन मंदिर आहाताम नॉन वेज मंगाई दे हो। 
 स्टार्टर आयी तो एक बिरळs तरां गुर्राणु छौ बल मी तै चिली गार्लिक प्राउन नि चयाणु छौ।  त एक शाकाहारी न स्टार्टर कुछ बि नि खायी , किलैकि वींक कौस्मैटोलिगिस्टन में मीनू खाणै सलाह जि दियीं छे।
 कुछ देर बाद बातचीत भोजन अर भारतीय संस्कृति पर अटक गे।
क्वी रुणु थौ बल इडली बड़ा साम्भर से   पाचक ब्रेकफास्ट क्या होलु किन्तु हम चाइनीज डॉजियांग , टंगबाओ गीजी गेवां। फिर चाइनीज भोजन की प्रशंसा गीत लगण मिसेन।
जैन महिला न बोली - कबि म्यार ड्यार आवो तो मि असली जैन भोजन , जैन मक्खन उसल खलौल।
इथगा मा एक नॉन वेज महिला न बोली - म्यार ड्यार ऐला तो  मि नली निहारी खलौल।  सब नॉन भेज नली निहारी की प्रशंसा चौंफळा लगाण मिसे गेन। जैन लोगुं कुण नो गार्लिक , नो अनियन। 
जब में कोर्स आयी त वेटरों होसियारी दिखण लैक छै , मुस्लिम का आस पास पोक /सूअर का मांस नि आण चयेंद , जैन लोगन पास क्वी बि नॉन वेज का अंस नि दिखेण चयेंद।  तो हिन्दू नॉन वेज टेरियन का पास बीफ नाम नि आण चयेंद।
   असली भारतीय संस्कृति दर्शन दिखणो मिलणु छौ।  अलग अलग भोजन शैली किन्तु सामंजस्य ह्वे जांद। 

Copyright @ Bhishma Kukreti मई 2019

 
 असली भीष्म कुकरेती क्वा च ?

-
 चबोड़म आत्ममुग्ध साहित्य  : भीष्म कुकरेती
-
  ब्याळि दिनिम सुपिन दिखणु छौ बल न्यूआर्क  टाइम्स , बि 'फॉर गढ़वाली रीडर्स 'एडिसन' म  रोज गढ़वाली व्यंग्य छपण बिसे गे।   कुछ गढ़वाली का महान व्यंग्यकारों जीवनी बि न्यू आर्क टाइम्स कंटेंट एजेंसी ( नेटवर्क ) मि छपद जन कि अखिलेश अलखणिया , पारशर गौड़  , हरीश जुयाल  आदि , मेरी जीवनी इन दियीं च न्यूआर्क टाइम्स का राइटर गिल्ड म -
   जसपुर , गढ़वाल म जन्मयुं भीष्म कुकरेती का जन्म तिथि यद्यपि द्वी अप्रैल 1952 बताये जांद , यू  पी बोर्ड त इनि बतांद पर जन जनरल (रि ) वी के सिंह की जन्म तिथि म लोगुं तैं संशय च तनि कुछ कॉंग्रेसी कार्यकर्ताओं तै अंदेशा च बल या जन्म तिथि सही नी।  भीष्म कुकरेती का परिवार पंडित किशन दत्त कंडवाल की बणाइं  ओरिजिनल जन्म पत्री  दीणो तयार नीन।  सन 52 से भीष्म कुकरेती दिन प्रतिदिन सरैल  से अवश्य बड़ हूणु च किन्तु गौक सौं बुद्धि माँ क्वी वृद्धि नी  हूणी च।  सिद्ध हूंद बल  फिरोज  जहांगीर गांधी परिवार म इ बुड्या निर्बुद्ध, ,  मूर्ख , लाटा  नि हूंदन , गुदड़ जी कुकरेती का  खानदान म बि  कमबुद्धि ,  कम अकली, नॉनसेंस   बुड्या ह्वे सकदन।
                    भीष्म कुकरेती तैं आधारिक विद्यालय से लेकि उच्च माध्यमिक तक हर साल ' बेस्ट जोकर ऑफ़ दि  क्लास ' अवार्ड मिल्दो गे। असलम जन आंत विहीन , दांत विहीन बुड्यों तैं 'वरिष्ठ नागरिक ' या सीनियर सिटीजन 'बुले जांद उनि  सबसे बड़ो काला , लाटा, मूर्खा कुण  बेस्ट जोकर उपाधि छे।  भीष्म कुकरेती यां से कबि नराज नि  ह्वाई , जु छात्र हाइ स्कूल म गणित माँ सबसे ब्रिलियंट स्टूडेंट  हो अर इंटर म गणित छोड़ि जीव विज्ञान विषय चुनाव कारल तो वै तै हर साल सबसे बड़ो मूर्ख याने बेस्ट जोकर उपाधि से बड़ी उपाधि क्या ह्वे सकद छे ? बाद म ग्रेजुएशन अर पोस्ट ग्रेजुएशन म भीष्म कुकरेती तै सबसे सीधो छात्र की उपाधि मिलदी गे।  सीधो मतलब बकौल हरिशंकर प्रिशायी -एक बेचारा गधा '.   
   
      मुंबई म रैक बि भीष्म कुकरेती न अंग्रेजी या हिंदी म लिखण छोड़ि  अर जु गढ़वाली म ल्याखो अर प्रकाशित कारो वे से बड़ो मूर्ख तो फिरोज जहांगीर गांधी पौत्र बि नि ह्वे सकद।  इटालियन बहू सोनिया गांधी भी पुळयाणि रौंदी बल म्यार नौनु से बि बड़ा प्रौढ़ मूर्ख भारतम पैदा हूणा रौंदन। भीष्म कुकरेती की सबसे बड़ो लेखक हूणो सबसे बड़ो  सबूत या च आज तक मिसेज भीष्म कुकरेती न भीष्म का  एक बि लेख या कथा नि पौड़।  सुकरात महान इलै छौ किलैकि सुकरातौ वाइफन  सुकरात का लिख्युं कबि नि पौढ़ ना ही सुकरात की औकात समज । 
    भीष्म कुकरेती कबि बि अकल से प्रौढ़ नि ह्वे यांक सबूत म लखनपाल का भूतपूर्व मैनेजिंग डाइरेक्टर , मर्फी इणिडया का एमडी जतिन कोठरी (JMK )  , केनस्टार का सीईओ राहुल सेठी को कत्ति वक्तव्य छन बल रे कुकरेती  ! नाउ यू आर सीनियर मैनेजर सो बिहेव फॉर्मल टाक  एंड फॉरगेट इनफॉर्मल टॉकिंग विद बॉसेज। 
     भीष्म कुकरेती क जोकर याने महा मूर्ख हूणो एक और प्रबल  प्रमाण च बल।  आज तक भीष्म कुकरेती से अधिक पर्वतीय उत्तराखंड म कैन नि  लेखी, आज की तारीख म भीष्म से अधिक पाठक कै बि उत्तराखंडी लिख्वारौ  नि  छन  किन्तु पुस्तक का नाम पर द्वी या तीन ही पुस्तक छपीं छन।   
    भीष्म कुकरेती वास्तव म एक सीधो साधो बेचारा जेंटलमैन च अर यांक सबूत च बल नवानी अर अर्जुन सिंह गुसाईं पुरुष्कार का अलावा क्वी पुरुष्कार नि ले साको। 
भीष्म कुकरेती का मूर्खतापर्ण व्यवहार पर हर रोज सूचना दिये जाली। 
 Copyright on Retarded  behavior of  an old man is reserved  with Bhishma Kukreti and a politician  ..... (?)
जसपुर गढ़वाल से गढ़वाली हास्य व्यंग्य , जोक्स; मल्ला ढांगू गढ़वाल से गढ़वाली हास्य व्यंग्य , जोक्स; द्वारीखाल ब्लॉक गढ़वाल से गढ़वाली हास्य व्यंग्य , जोक्स; सलाण  गढ़वाल से गढ़वाली हास्य व्यंग्य , जोक्स; दक्षिण गढ़वाल से गढ़वाली हास्य व्यंग्य , जोक्स; यमकेश्वर विधान सभा गढ़वाल से गढ़वाली हास्य व्यंग्य , जोक्स;

  Breakfast with a Rich Friend
-
South Asian Satirist humourist: Bhishma Kukreti
Yesterday, My Rich friend living in 45th floor of Posh colony asked me for early breakfast,” Kuki! Come to my house for breakfast. You come at 7.09 and I will be free for early morning breakfast.
   I reached his residence at fixed time.  His ardaley opened the door and my friend told,” I have tens of silver glasses but my Mud Therapist asks me to have hot water in mud cup only. So I am taking honey with hot water”
    After three minute, he told,” Oh my god! I am two minutes late in taking honey water before breakfast.”
  His ardaley brought honey with water in a small bronze cup.
 A minute later, his ardaley brought raw sprout with green chilli and cut lime pieces on two copper plates. My rich friend saw his hand watch and then glanced at wall clock and said,” OMG?  I am one and quarter minute late in taking sprout.” Then asking me for taking sprout, he said,” My Homeopathy enzyme consultant asked me for taking Moong sprout without salt but with fresh cut lime and green chilli “
 We finished sprout by fork and his ardaley brought some green juice in wood glasses. My rich friend explained,” OMG! I am quarter minute late in taking Mint juice with bitter guard slices. My acidity Unani physician advised me for taking mint juice with bitter guard slices or Neem juice without salt with Khajur Gur in wood glasses for no acidity problem.”
  My friend again saw his hand watch and wall clock and said,” Now breakfast is over. I hope you enjoyed the breakfast.”
   I did not respond for enjoying the breakfast.
 I stood as I understood that it was time for me to go out of his house.
Taking me to door he asked,” Hey! I am suffering sleeplessness for long. All types of doctors failed to bring my sleep. Do you know any Tantric Mantrik ?”
 I answered,” I will find” and came out of his flat.
Copyright@ Bhishma Kukreti


 
 

 


   

Consumer! Please, Restart Spending Money Freely 

South Asian Humour: Bhishma Kukreti
“Hello! Shrimati Consumer! May I speak with you a few seconds?”
“Why not? I am here without work”.
“When are you restarting spending money so that Indian Economy comes on terms?”
“My husband Dinesh Says he can’t give me extra money till recession is over.”
“Hallo Dinesh! When are you buying new car?”
“The new car looks fantastic on TV commercials  but I shall stick to my old car till recession is over.”
“When do you think the recession would be over?”
“I don’t know because Mr. Modi did not hint at all and unless Mr. Modi speaks I don’t believe on other leaders.”
“But, unless you buy the recession will not be over”
“The interest rates are so high I can’t think buying new car for a couple of years.”
“Interest rates would come down only when you all restart buying new car”
“I can’t think buying new car.”
“Then, you buy new house.”
“I am afraid I shall lose my job and in that situation I am unable to repaint the house too.”
“If you don’t repaint the old house, don’t buy new car and don’t buy new house the recession would be there”
“No way. I have to arrange money for my son’s admission in college too.”
“But your buying and spending money freely is must for ending recession”
“Agreed. But, first let recession is over I shall restart spending money freely”
“ No, No!  First you start buying then only recession will be over “
“No ! No! Let first recession is over I shall restart spending money freely”
“But everything depends on your spending money freely. You Indian consumers are the root cause of recession .You all have to spend money freely for ending recession”
“I am sure Mr. Modi will do something. Wait till next budget.”
Copyright@ Bhishma Kukreti, 2019