ब्राजील बिटेन चुटकला , हास्य , प्रहसन , खौंख्याट , जोक्स , ब्राजीली चबोड़, मजाक , ठट्टा , मसखरी , लतीफा
-
दक्षिण अमेरिकी चुटकले व हास्य भाग - ३
-
ब्राजील देस का चबोड़ , चखन्यौ , मजाक , हौंस
Humour from Brazile
-
(दक्षिण अमेरिका हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा श्रृंखला )
-
इकबटोळ - भीष्म कुकरेती 'चबोड़ाचार्य'
-
एक ब्राजीलियाई , अर्जेन्टीनियाई अर फ्रांसीसी रूस म २०१६ क वर्ल्ड कप म प्रतिबंधित जगा म शराब पींद पकड़े गेन।
जजन बताई - द्याखौ ! तुमन गुनाह कार त नियम अनुसार तुम तै सजा मीललि . तुम पर २० कोड़ों की मार ह्वेलि।
जजक समिण पैल फ़्रांसिसी आयी।
जजन बोलि - तुमर देस बड़ो निर्दयी च , आत्मुग्ध च। मि तुमर देस से घिणांदु छौं। बीस कोड़ा तुमर पीठ पर मारे जाला। किन्तु तुम एक वर मांगो दिए जाली।
फ़्रांसिसीन पीठ प्राकुण सिरवणि (तकिया ) मांग अर वैक पीठ पर सिरवणि बंधे गे किन्तु वा सिरवणि आठ कांडों मार उपरान्त फट गे।
अब बारी छे अर्जेण्टियाई की। जजन बोलि - बड़ा हि निर्दयी लोग। २० कोड़ा तो लगल ही। पर वर मांग।
अर्जेण्टियाईन पीठा कुण द्वी सिरवणि मांगिन। किन्तु १३ कोड़ों बाद द्वी सिरवणी फट गेनि।
अब ब्राजीली की बारी छे। जजन बोली - ब्वा हंसमुख , राम्बा साम्बा का देस, बिगरैली महिलाओं देश । २० कोड़ा तो पोड़ल इ अर त्वे तै द्वी वर (इच्छा ) दिए जालो। मांग।
ब्राजीली की मांग छे - मि पर २०० कोड़ा बरसाए जावन।
जजन बोली - अरे बड़ा बहादुर मनिख ! दूसर इछ्छा बोल !
ब्राजीलीन मांगी -- मेरी पीठ पर अर्जेण्टियाई बंधे जाव।
XX
एक ब्राजीली मनिख मोर अर नरक भिजे गे।
द्वार पर शैतानन बथाइ -आबि तक तू पूरो नरक म नि छे। अपण रूचि क नरक चुन ले तो फिर उखी त्वे रखे जाल।
पैल ब्राजीली तै अमेरिकी नरक भिजे गे। तै तै रागसूुं द्वारा कांटों से तैक बदन दुंळे गे अर राग्सुं द्वारा द्वी घंटा चुल्ल पुटुक भड़ये गे।
फिर वैन ब्रिटेन क नरक जाणो इच्छा जाहिर कार। तै तैं ब्रिटिश नरक भिजे गे। तख तै तैं चाक़ू से गुदे गे अर चार घंटा चुल्लुम भड़ाये गे।
ब्राजीलीन बोलि - मि तै ब्राजीली नरक हि भ्याजो।
शैतानन चिंता जताई अर ब्वाल - उख कुछ समस्या च। चुल्ल तोड़े गे अर नरक कर्मचारी सड़क म दंगा फसाद करणम व्यस्त छन।
XX
ईश्वर प्रत्येक देश निर्माण म व्यस्त छौ। ब्राजील की पाँति (बारी ) आयी।
ईश्वरन बोलि - ये देश म प्राकृतिक संपदा ह्वेलि , जनानी बिगरैली ह्वेलि , ना हि तूफ़ान होला ना हि बबंडर आदि।
देवदूत - कुछ ज्यादा हि नि छा दीणा ?
ईश्वर - हाँ पर दगड़म राजनीतिज्ञ बि त भिजणु छौं।
Copyright 2021
ब्राजील बिटेन चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा
दक्षिण अमेरिका के चुटकला , हौंस , हास्य , प्रहसन , खौंख्याट , दक्षिण अमेरिका से जोक्स , चबोड़, मजाक, मसखरी ,ठट्टा, लतीफा यूरोपीय श्रृंखला निरंतर चलती रहेगी।