नाइजेरिया बिटेन चुटकला
-
नाइजेरिया बिटेन हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
अफ़्रीकी चुटकले व हास्य भाग - ११
-
नाइजेरिया देस का चबोड़ , चखन्यौ , मजाक , हौंस
Humour from Nigeria Africa
-
( अफ्रीका कु हास्य , प्रहसन, खौंख्याट , जोक्स , चबोड़, मजाक , ठट्टा , मसखरी , लतीफा श्रृंखला )
-
इकबटोळ - गढ़वळिम सबसे बिंडि व्यंग्य रचण वळ - भीष्म कुकरेती 'चबोड़ाचार्य'
-
एक व्यक्ति मोर अर यमदूत वै तैं नरक लिगेन।
उख बिगळ्यां - बिगळ्यां देसुं अलग अलग नरक छा जनकि स्विटजर लैंड नरक , अमेरिकी नरक , जर्मनी नरक आदि आदि।
वैन जर्मनी नर्क क द्वार खोलिन त पायी कि इलेक्ट्रिक चेयर छे। इलेक्ट्रिक चेयर म विद्युत्झ टका बाद , कीलुं डिसाण छौ। जखम व्यक्ति तै पड़ाळि जर्मनी रागस कोड़ा मारदू छौ। तब राग्स कोड़ा मारणु छौ अर व्यक्ति किराणु छौ।
व्यक्ति जर्मनी नरक बिटेन भैर आयी अर अमेरिकी नरक दिखणो ग्यायी उख बि इलेक्ट्रिक चेयर म झटका अर रागस कील क डिसाण म पड़्यु व्यक्ति पर कोड़ा बरसाणु छौ।
स्विटजर लैंड क नरक का बि यी हाल छा।
व्यक्ति नाइजेरिया क नरक दिखणो गे त द्याख कि नरक भैर लम्बी कतार लगीं छे पर कतार कम इ नि हूणी छे।
व्यक्तिन यमदूत से पूछ यु घपरोळ क्या च ?
यमदूत क उत्तर छौ - जब बिटेन नाइजीरियाई एलेट्रिक चेयर काम इ नि करद, नाइजीरियाई कीलुं खटला म कील इ नि ऐ छा। रागस नाइजेरिया क भूतपूर्व प्रशाशनिक अधिकारी च त वु आंद , रजिस्टर म उपस्थिति क हस्ताक्षर करदो अर चल जांद अपण ओफिस जख नरकम वैक बड़ो व्यापार च।
XX
नाइजेरिया, एक सरकारी भवन का रंग रोगन हेतु टेंडर लिये गेन जखमा चीनी ठेकेदार , स्विस ठेकेदार अर नाइजेरिया ठेकदार न टेंडर भरिन।
चीनी टेंडर छौ तीन मिलियन डॉलर , स्विस टेंडर ६ मिलियन कु छौ अर नाइजीरियाई व्यापारिक टेंडर १० मिलियन कु छौ।
टेंडर स्वीकृति अधिकारीन चीनी ठेकेदार तै बुलाई अर ठेका क मूल खर्चा पूछ इनि प्रत्येक ठेकेदार से पूछ।
चीनी ठेकेदार - एक मिलियन म्यार लाभ , एक मिलियन पेंट मटीरियल अर १ मिलियन लेबर कीमत।
स्विस ठेकदारौ उत्तर - २ मिलियन पेंट्स, एक मिलियन लेवर अर २ मिलियन लाभ।
नाइजीरियाई ठेकदार कु गणत छौ - २ मिलियन म्यार लाभ , ४ मिलियन तुमर खीसा भराई अर ३ मिलियन चीनी ठेकदार तै ठेका।
नाइजीरियाई ठेकेदार तै टेंडर मिल गे।
XX
एक नाइजीरियाई तैं अमेरिका म रोजगार मिल।
पैलि दिन वु देर से गे।
बॉसन गुस्सा म ब्वाल - त्वे तैं ठीक ८ . ३० कार्यालय म पौंछण चयेंद छौ।
नाइजीरियाई कु उत्तर ना प्रश्न छौ - हैं सुबेर सुबेर साढ़े आठ बजे ? क्या हवाई ? कु मोर जु इथगा सुबेर बिजण पड़लु ?
XX
एक सर्वेक्षण वळ नाइजेरिया ऐना - ऊंक प्रश्न छौ - तुम कथगा दिनों पश्चात बल्ब बदलदा ?
अधिकतरुं उत्तर - पता नी बिजली इ नि आंदि त बल्ब बदलणो झंझट कु कारल ?
Copyright 2022
अफ्रीका , बिटेन चुटकला , हौंस , हास्य , प्रहसन , खौंख्याट , जोक्स , चबोड़, मजाक, मसखरी ,ठट्टा, लतीफा
अफ्रीका के चुटकला , हौंस , हास्य , प्रहसन , खौंख्याट , अफ्रीका से जोक्स , चबोड़, अफ़्रीकी मजाक, मसखरी , अफ्रीकी ठट्टा, लतीफा , हास्य श्रृंखला निरंतर चलती रहेगी।