Author Topic: Satire on various Social Issues - सामाजिक एवं विकास के मुद्दे और हास्य व्यंग्य  (Read 143734 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1

बॉस संबंधी प्रहसन
-
बॉस संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
इकबटोळ - गढ़वळिम सर्वाधिक व्यंग्य रचयिता - भीष्म कुकरेती   'चबोड़ाचार्य'   
-
वैदिन म्यार  बॉस लैम्बोर्गिनी कार से कार्यालय ऐन।
मीन वधाई दींद  ब्वाल - ब्वा क्या अनोखी कार च !
बॉसक टिप्पणी  छे - तू इनि   उत्कृष्ट परिश्रम करदा  जा तो मि  दुसर वर्ष हैंक मंहगी कार से औलु।
XX
बॉस तैं अब्दुल क अतिरिक्त क्वी  हैंक  चाय द्यावो तो बॉस कु क्रोध आठों आसमान म पौंछ  जांद  छौ।
आज सुबेर बॉसन  अब्दुल तैं  पूछ - तू  पिछ्ला आठ वर्षों से मै चाय पिलाणी  छे किन्तु कबि मीन चाय कप या प्लेट म खतीं नि देखि।  यांक रहस्य क्या च ?
 "जी सीड्यूं म चढ़ण  से पैल  मि  कप से एक  कुळ्ळापी लींदु अर  तुमर दरवज से भैर चाय कुळ्ळा पुनः कप म गिरायी  दींदु। " अब्दुलक उत्तर छौ
आज अब्दुल तैं  फेयरवेल पार्टी दिए  गे।
XX
म्यार बॉस मि  तैं  कम्प्यूटर बुल्दन।
ना ना कि मि तेज गुणा -भाग करदो।  किन्तु यदि क्वी म्यार दगड़ बात  नि कारो त मि  १५ मिनट पैथर से (go to sleep ) जान्दो।
XX
एकॉन  मैं  पूछ कि " यी तुम मैं ५लाख रुप्या  देल्या तो मि  तुमर बॉसक मर्डर कर  सकुद।  "
म्यार उत्तर छौ - अति आनंद  की बात च किन्तु ५ लाख कमांद कमांद  तीन वर्ष लग जाल।
XX
मीन अपण  बॉसौ  कुण  ब्वाल - साब तुम तै मेरी महावरी वेतन वृद्धि करण इ  पोड़ल।  निथर  तीन कम्पनी म्यार पैथर पड्यां  छन
बॉसन पूछ - कु  कु ?
म्यार उत्तर छौ - बिजली , टेलीफोन अर  कारौ  ईएमआई  कम्पनी।
XX
म्यार बॉसन मेकुण  ईमेल भ्याज - चौड़  एक प्रहसन भेज।
मीन ईमेल से उत्तर दे - बस मि ये इ काम पर काम करणु  छौ।
बॉस क उत्तर आयी - ब्वा यु जोक बड़ो हंसोड्या  च हैंक जोक बि  भेज।


Copyright, 2022

बॉस संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा  जारी रहेगा


Bhishma Kukreti

  • Hero Member
  • *****
  • Posts: 18,808
  • Karma: +22/-1

पत्रकारिता संबंधी प्रहसन (जोक्स )

-
पत्रकारिता संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
इकबटोळ - गढ़वळिम सर्वाधिक व्यंग्य रचयिता - भीष्म कुकरेती   'चबोड़ाचार्य'   
-
पत्रकार  ब्वे -बाब जन हूंद। उंकी  क्वी नि सुणद  किन्तु सूचना नि मील  त भगार ब्वे -बाब पर।
XX
एक पत्रकार क बचन - पत्रकार  क्या करद ? दारू पींद , तमखु पींद अर लोकु  गंदगी खुजद।
XX
पत्रकार इन  यंत्र च जु  कॉफी  तैं कॉपी म बदल दींद।
XX
राजनैतिक पत्रकार - मि  तै भल लगद जब वु एक हैंक पर बुरी तरां से आक्रमण करदन अर मि  बच जांदु।
XX
सम्पादक - या रिपोर्टिंग मेरी जीवन की सबसे बुरी रिपोर्टिंग स्टोरी च।
सह सम्पादक - जी  तन  नि  फरकाओ।  मि  तै पूरो  विश्वास च तुमन यां से बि बुरी रिपोर्टिंग स्टोरी लेख  होली। 
XX
सम्पादक रिपोर्टर से - जाओ , कै  तै पकड़ो , वै से कुछ प्रश्न कारो अर  कुछ ल्याखो।
रिपोर्टर - वो तुमन पत्रकारिता की संक्षिप्त परिभाषा बताई दे।
XX
रूसम चुनाव हूण वळ  छा , ब्लादिमार पुतिन पत्रकार सम्मेलन म पत्रकारों प्रश्नौ  उत्तर दीणा छा।
एक पत्रकारन पूछ - पुतिन जी ! अमेरिका म मिसेज क्लिंटन राष्ट्रपति अर कमला हैरिस उपराष्ट्रपति  चुने   जाला।  महान देस  रूसम  क्या महिला राष्ट्रपति बणली क्या  ?
पुतिन कु  उत्तर छौ -  बिलकुल  ना।
पत्रकार आश्चर्य म छौ कि पुतिन  इन  ब्लंट उत्तर देला ।  पत्रकार न पूछ - किलै ?
पुतिनक उत्तर छौ - किलैकि मि  महिला नि  छौं।   

Copyright April 2022
 पत्रकारिता   संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा  जारी रहेगा


Bhishma Kukreti

  • Hero Member
  • *****
  • Posts: 18,808
  • Karma: +22/-1

आम व अन्य  फल सबंधी प्रहसन (जोक्स )

-
आम व अन्य  फल संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
इकबटोळ - गढ़वळिम सर्वाधिक व्यंग्य रचयिता - भीष्म कुकरेती   'चबोड़ाचार्य'   
-
मेरि   ब्वेन बोलि बल वा आम कारम  बिसर गे अर  मि  तैं लाणो ब्वाल . पैथर ज्ञात ह्वे बल वीन  आम लेइ नि  छौ।  फोकट म बेकार क फलहीन (fruitless )  खोज ह्वे .
XX
नौनी (ऍम विक्रेता से ) - भया जी यी आम लंगड़ा इ छन ना ?
आम विक्रेता - आम लंगड़ा नि  हून्द  त  ठेला म बुकद क्या ?
XX
मास्टर जी - पप्पू १२ फलों नाम बता -
पपू - आम , बेदु , तिमल , हिस्र। ....
मास्टर जी १२ हौर फलों नाम बता ?
पप्पू - एक दजन आम।
XX
सुबर सुबर एक महिला अंग्रेजी म फल मंगणी  छे - आई  वांट डिस्टरवाइड हजबैंड, आई  वांट डिस्टरवाइड हजबैंड
फल बिचण वळ क बिंगण  म द्वी घंटा लगिन कि  वा नाशपति मंगणी  छे।
XX
मि आम खरीदणो  चौराह म ग्यों त  द्याख  एक बुडड़ी एक बच्ची पैथर दौड़नी छे अर  धै लगाणी  छे - ये डिग्री ! ये डिग्री !
मीन बुडडी पूछ - तुम यिं  तै  डिग्री किलै  बुलणा  छा ?
बुडड़ी  - मीन अपण  बेटी यूनवर्सिटी भेज तो उख  बिटेन  व यिं  तैं  लेकि आई  गे।

-
copyright 2022 
संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा


Bhishma Kukreti

  • Hero Member
  • *****
  • Posts: 18,808
  • Karma: +22/-1
ट्युसन संबंधी प्रहसन (जोक्स )
-
ट्युसन संबंधी   हास्य , प्रहसन , खौंख्याट , जोक्स , चबोड़, मजाक , ठट्टा , मसखरी , लतीफा
-
इकबटोळ - गढ़वळिम सर्वाधिक व्यंग्य रचयिता - भीष्म कुकरेती   'चबोड़ाचार्य'   
-
जैन मेरी मुंगरी चुरेन टैक बच्चो तैं  भल कोचिंग क्लास नि मिलेन।  मिलन  त  फीस बिंडी हो आर पढ़ाणम मास्टर गळ्या ह्वावन। 
XX
बामण पतड़ा दिखद दिखद - जजमान ये बच्चा का भाग तो राजशी छन।  विद्या म बेस्ट कोचिंग क्लास लिख्युं च।  किन्तु दगड़म कोचिंग फीसक  बान   तुमर कूड़ौ बिकणो जोग बि छन।
XX
मेरो विश्व विद्यालय न जनि  मेरी फीस , बुक क खर्चा ले तनि  लोक डाउन लगाई दे।
XX
  जजमान - पंडि जो  म्यार नौनान दस कॉलेजों फॉर्म भ रयूं च।  कैमा प्रवेश मीलल।
पंडीजी - यु महत्वपूर्ण नी  कै  कॉलेज म प्रवेश मीलल।  तेकुण महत्वपूर्ण या च  कि कु बैंक कम से कम व्याज पर  त्वे उधार द्याल। 
XX
ये युग म कॉलेज फीस मंहगी ह्वे गेन।
अब कॉलेज फीस ना ब्वे  बाबु दिवाला निकाळणो  संस्थान ह्वे गे  शिक्षा
XX
प्रिंसिपल  बच्चा क पिता से - हमर ट्यूशन फीस का यि मतलब नि  तुम बचा तै भैर ट्यूशन नि पढ़ैल। 
XX
प्रिंसिपल बच्चा क मां से मिड दे मील १ लाख, फीस , ३ लाख , स्पोर्ट्स ४ लाख फीस भर द्यावो ऐडमिशन ह्वे जाल।
मां - अर  पढ़ाई ?
प्रिंसिपल - बगल म इ  कोचिंग क्लास च उख पढ़ाई। 

Copyright April 2022


Bhishma Kukreti

  • Hero Member
  • *****
  • Posts: 18,808
  • Karma: +22/-1
   
IPad कन उपयोग करण?

(चबोड़ाचार्य  क हास्य व्यंग्य शृंखला )
-
गढ़वळिम सर्वाधिक व्यंग्य रचयिता - भीष्म कुकरेती चबोड़ाचार्य'
-
अब जब iPad  आयी तो अवश्य इ  चलाण बि आण चयेंद।  तो आज सीखे जाय iPad  कन  चलाण .
कार्य नंबर १ - iPad तैं  ऑन  कारो।  बटन  क्वा  च ? सब बटनों तैं परखों क्वी  ना क्वी  त  होलु  इ  अर  कुछ समय उपरान्त ढबे जैल्या  कि  कु बटन क्यांक  च।
अब जब तुमर  समज म ऐगे कि को बटन क्या च तो तुमर मष्तिष्क म प्रश्न आलो बल माउस कख च ?
मतलब ? माउस ? अरे  भै ! iPad म माउस साउस कुछ नि  हूंद।  जन स्मार्ट फोन म माउस क स्थान पर टच स्क्रीन हूंद तनि iPad म बि।  तीर  (arrow) चलाण  सिखण  अर्थात iPad चलाण सिखण। हाँ एक दैं सीख जैल त  फिर सब कुछ सरल।  जनकि जड्डू म ठंडी ढंडी म पैल पािल कुद्दी मरणम च्याळ पड़दन पर कुद्दि मारणों बाद ठंड उंड सब समाप्त ह्वे जांद तनि iPad चलाण सिखणो  उपरान्त सब कुछ सरल ह्वे जांद।
हां  हां iPad भौत  कुछ कौर  सकुद।  तुम तैं इंटरनेट से जोड़ सकुद स्यु iPad. इंटरनेट मिलण  अर्थात ऐपल कु  सफारी।  नीलो बटन दबाओ तो सफारी खुल जाल अर्थात तुमर  इंटरनेट की दुनिया म प्रवेश ह्वे गे ।
हां हां iPadम पढे  बि सक्यांद।  बस द्वी दैं स्क्रीन पर खट खट  (जोर से ना हां ) कारो तो  स्कीन बड़ी ह्वे जाली अर सब अक्षर बड़ा बड़ा ह्वे जाला।  सिखण म देर लगदी अन्यथा iPad चलाण भौत सरल हूंद। पूष क मैना ढंडी म कुद्दि  मरण  से पैल  जड्डू लगद  बाद म कुद्दि मार द्यावो तो जड्डू गायब ह्वे जांद।  तनि iPad चलाण सरल ह्वे  जांद।
iPad भौत  सा ICon बटन छन जनकि app अर्थात application . पर चिंता नि  कारो धीरे धीरे बिंगणम ऐ  जालो कि app  क्यांकुण  च।  iPad खरीदणो  अर्थ हूंद धैर्य नि खूण।
धीरज धारो अबि  भौत  कुछ सिखणो कुण  च।
लिफाफों चित्र क अर्थ च तुमर संदेश या तुमकुण  रैबार।  तुमर ईमेल पता अर पासवर्ड सेटिंग म हूंद।  सेटिंग setting  क्या च ? यु एक जटिल जाळ च।  वास्तव म जब तुम दुकानम iPad खरीददा  तो तुम तै पूछी सेल्समैन setting  सेट कौर दींद  किन्तु तुम iPad खरीदणो  पुळ्याट म याद नि  रखदा कि  तुमन setting म क्या सेट करवाई।
हां हां  तुम संदेश भेज सकदां  अर  रैबार पढ़  सकदां।  संदेश लिखणो कीबोर्ड ? तुम बि ना ? बिजली क  आटा  चक्की जग म घट , घराट या जंदरौ लगाणा छा।  अंगुळी फिराण सीखो अर  स्वयमेव इ  की बोर्ड समिण  ऐ  जालो।  आज ना भोळ स्वयं सीख जैल्या।  धीरज अर  धैर्य राखो .
कैमरा बि  च ? हैं  तुम बि  ना ? चुनाव क ऋतू ह्वावो अर  राजनैतिक दल यि   फ्री , सि  फ्री  की छ्वीं  नि  लगाल ? जब ५०० रुपया क मोबाइलम कैमरा च तो iPad म कैमरा नि  होलु।  बस कैमरा  Icon दबावों अर
कैमरा उपस्थित ह्वे  जालो।  सब कुछ क्लियर ह्वे जालो एक बार सीख ल्यावो कि iPad कनो  उपयोग करण।
हाँ हां  iPad म facebook , twitter , संगीत (music ) सब कुछ च।
Games ? हां  हां  गेम्स app बि  छन।  जुवा खिलणौ उयार iPad सिखांद च अर तुम तै ना सै नई पौध तै  जुआरी निर्माण म iPad भौत सहायता करदो। 
Siri ? हां  Siri  बि  च ज्वा  बुल्दि = में आइ  हेल्प यू ?
पेन्सिल - हाँ हां  मिल जाली।
शेष बथ  दस  मिनट  म नि  सिखाये सक्यांद। iPad उपयोग कारो बार बार उपयोग कारो सब कुछ सीख जैल्या।
हैं  ? चीनी स्मार्ट फोन अर  iPad म क्या अंतर च ? उन  यि प्रश्न लोअर लोअर क्लास  मेंटलिटी वळ करदो इख तलक कि लोअर मिडल क्लास वळ बि इ प्रश्न नि करद कि iPad अर  चीनी स्मार्ट फोन म क्या अंतर हूंद।
तुम जन लुइस फिलिप्स या रियर रैबिट कमीज अर  फुटपाथ म रेडीमेड कमीज म अंतर नि पुछदा तनि iPad अर  चीनी स्मार्ट फोन म अंतर नि  पुछण चयेंद।  जन  गूंगा अमृत अर कड़ो क्वाथ  क स्वाद अंतर  नि  बतै  सकद  तनि iPad अर  चीनी स्मार्ट फोन म अंतर नि  बताये सकेंद।


Cpyright@ Bhishma  Kukreti, 
व्यंग्य म कथा काल्पनिक च।   हास्य श्रृंखला आगे भी जारी रहेगी


 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22