MeraPahad Community Of Uttarakhand Lovers

                               चौदा जनान्युं मृत्यु पर इथगा हो हल्ला अर चौदा लाख  हत्याओं पर चुप्पी ?

                                                    गुस्सा मा : भीष्म कुकरेती


                     अबि बिलासपुर , छत्तीसगढ़ मा एक दर्दनाक घटना घट अर सरा भारत मा उमाळ ऐ गे , भारी हो हल्ला ह्वे गे। बिलासपुर मा परिवार नियोजन सर्जरी से चौदा जनान्युं मौत से कॉंग्रेस , कम्युनिष्ट पार्टी का नेता अर ममता बनर्जी  बि आहत छन अर सबि छत्तीसगढ़ का मुख्यमंत्री व स्वास्थ्य मंत्री की बळी मांगणा छन तो छत्तीसगढ़ सरकारन ब्याला -बुगठ्याक  जगा स्वास्थ्य अधिकारी निलंबित कर देन।  जन कि हूंदी  च कि ब्यालों जगा मकड़ा ही मारे जांदन तो छत्तीसगढ़ मा स्ट्रलाइजेसन की सरा  गलती को ठीकरा मेडिकल टीम पर फोड़े गे। चौदा जनान्युं मौत  पर टीवी वाळ , अखबार वाळ इख तक कि नौबत बजाण  वाळ बि हो हल्ला करणा छन।  मानवीय पक्ष च तो मी बि छतीससगढ़ सरकार से इस्तीफा की मांग करणु छौ।

यीं खबर सुणिक ह्यूमन राइट्स वाळ गस खैक पड्यां छन।
टाइम्स नाउ का अरणब गोस्वामी तो यूँ चौदा जनान्युं की मौत पर गुस्सा मा इथगा चिल्लाई कि  India Today TV मा करण थापरौ कंदूड़ फूटी गेन।
अखबारुं संपादक अर पत्रकार परिवार नियोजन योजना पर ही प्रश्न चिन्ह लगाणा छन। 
दुःख की बात च तो मी बि दुखी छौं , सोग मा छौं , गमगीन छौं।
पर मि वै कॉंग्रेसी  नेता अजित जोगी से पुछ्ण चाणु छौं बल ठीक च तुम तैं यूँ चौदा जनान्युं मरण से अत्यंत , भारी दुःख ह्वे पर जोगी साब जब भारत मा तम्बाकू सेवन करण से हर साल दस बारा लाख लोगुं हत्या हूंदी तो तुमर कळयज ठप्प किलै पड़ जांद। तुम तब तम्बाकू-बीड़ी  -सिगरेट की फैक्ट्रियों पर बमबारी की मांग किलै नि करदा ? तम्बाकू उद्यम द्वारा तेरा -चौदा  लाख हत्याओं पर दुःख जताणम तुमर जीब पर ताळु किलै लग जांद भै ?
पिछ्ला सौ सालम भारत मा 100 00  00,000 लोग तम्बाकू सेवन से मरिन।
हर साल 13500  करोड़ रुपया तम्बाकू सेवन से तम्बाकू व्यसनी दवाई -रोग निदान पर खर्चा करदन।
मि टाइम्स नॉउ का अरणब गोस्वामी से पुछण चांदु बल उन त तू बिलासपुर मा चौदा जनान्युं मौत का  बारा मा ब्याळि (13 /11 /2014 ) टीवी माँ इथगा जोर से गिरजणि मारणु छौ कि न्यूक्लियर बम बि शर्माणा छया किन्तु तीन कबि गरजणि किलै नि मार कि हत्यारा तम्बाकू उद्यम से बारा चौदा लाख लोग हर साल मोरणा रौंदन ? तम्बाकू उद्यम का विरुद्ध तेरी जीब तैं  गुरान तड़कै दे , काटि दे , या कैन धळ धळकै दे क्या ? या त्यार मालिक जैन परिवार  तम्बाकू लॉबी का गुलाम छन ?
यी अखबार या मीडिया का बड़ा बड़ा विद्वान जब बजट पर बहस करदन तो तम्बाकू टैक्स से भारत सरकार की आय का विश्लेषण तो करदा छन किंतु इन किलै नि बुल्दन कि हर साल 13500  करोड़ रुपया तम्बाकू सेवन से तम्बाकू व्यसनी तैं दवाई -रोग निदान पर खर्चा करण पोड़द।
मानव अधिकार का धड्वै यूं चौदा जनान्युं मोरण से  बच्चों कु अनाथ हूण , चौदा मर्दों रंडवा हूणों जायज दुःख जताणा छन किन्तु यी मानव अधिकारॉ सैं गुसैं  चुप किलै रौंदन जब यूँ  तैं WHO बतांद कि तम्बाकू सेवन से भारत मा प्रतिवर्ष बारा -चौदा लाख मर्दन अर इथगा ही अधिक लोग कथगा इ बीमार्युं से ग्रसित रौंदन। 
असल मा भारत क्या कखि बि तम्बाकू खेती सफाचट  हि बंद हूण चयेंद किन्तु सत्ता , प्रशासन अर मीडिया तो तम्बाकू लॉबी की गुलाम च , नौकर च,  सत्ता , प्रशासन अर मीडिया  तम्बाकू लॉबी की जेब मा च तो यी लोग तम्बाकू लॉबी का विरोध करी ही नि सक्दन।  तबि तो कॉंग्रेसी , भाजपाई , कम्युनस्टी या कौमनस्टी आदि छुटि मुटि मौतुं पर हो हल्ला कर सकदन किंतु तम्बाकू लॉबी का विरुद्ध बुलण मा सबकी नानी मर जाती है।
कब भारत मा हर साल चौदा लाख लोगुं मोरण बंद ह्वाल ?


Copyright@  Bhishma Kukreti 14 /11 /2014     
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Garhwali Humor in Garhwali Language against Tobacco Smoking , Himalayan Satire in Garhwali Language against Tobacco Smoking , Uttarakhandi Wit in Garhwali Language against Tobacco Smoking , North Indian Spoof in Garhwali Language against Tobacco Smoking , Regional Language Lampoon in Garhwali Language against Tobacco Smoking , Ridicule in Garhwali Language against Tobacco Smoking , Mockery in Garhwali Language against Tobacco Smoking, Send-up in Garhwali Language against Tobacco Smoking, Disdain in Garhwali Language against Tobacco Smoking, Hilarity in Garhwali Language against Tobacco Smoking, Cheerfulness in Garhwali Language against Tobacco Smoking; Garhwali Humor in Garhwali Language from Pauri Garhwal against Tobacco Smoking; Himalayan Satire in Garhwali Language from Rudraprayag Garhwal against Tobacco Smoking; Uttarakhandi Wit in Garhwali Language from Chamoli Garhwal against Tobacco Smoking; North Indian Spoof in Garhwali Language from Tehri Garhwal against Tobacco Smoking; , Regional Language Lampoon in Garhwali Language from Uttarkashi Garhwal against Tobacco Smoking; Ridicule in Garhwali Language from Bhabhar Garhwal against Tobacco Smoking; Mockery  in Garhwali Language from Lansdowne Garhwal against Tobacco Smoking; Hilarity in Garhwali Language from Kotdwara Garhwal against Tobacco Smoking; Cheerfulness in Garhwali Language from Haridwar against Tobacco Smoking;

                                             
                                            CLEAN INDIA , स्वच्छ भारत !

Garhwali Humor  , Satire


                                    सत्ता , पत्ता अर चिलम का स्थाई नियम हूँदन
                                   
                                                           भीष्म कुकरेती
 
      बेडू पकणो  , तिमल पकणो अर हथनी क बियाणो अपण अपण नियम हून्दन।
      चाय पत्ती सिजाणो , तमाकु सिजाणो (फर्मेन्टेशन ) अर क्याड़ सिजाणो अपण नियम धियम हूंदन।
        इनि सत्ता , पत्ता (ताश -चौपड़ ) अर धुंवा पीणो (चिलम ) अपण स्थाई रुल -रेगुलेसन हूंदन।
 हमम पिछ्ला दस हजार सालुं युद्ध -जुद्ध कु इतिहास च अर सब बथांदन बल साम्राज्य्वादी  हो , साम्यवादी तंत्र हो या प्रजातंत्र हो !  सत्ता खेल दस हजार साल पैल बि उन्नी छया , लाल चचकार रूस मा बि उन्नि छया अर अच्छे दिनुंक धड़वै  नरेंद्र मोदीक समौ पर बि उन्नी च।
 सबसे पैल सत्ता का सूत्र च सत्ता पाणो बान सब कुछ जायज च।  अब चाहे युधिष्ठर कु झूठ हो , अशोक -औरंगजेब कु भयात कतल्यौ हो या शिवसेना -भाजपा कु गाळिदिवा   कलह हो ।  यूँ सब्युं मा एक समानता च कि सत्ता का खातिर सब कुछ जायज  च । 
   फिर च सत्ता एक दैं ऎ जाव तो वीं सत्ता पर चिपकिक बैठ जावो फिर यांक बान कथगा बि कत्लेआम आम करण पोड़ करदा रावो।  दुर्योधनन बि इनि कार , यूपीएन बि इनि कार अर भाजपान बि इनि करण किलैकि सत्ता कु नियम च एक दैं सत्ता आयि ना फिर सत्ता गंवाण लाट -कालुं काम च तबि त ख़ास आदिम केजरीवाल अजकाल बेज्जती बचाणो बान फिरड़ी -फिरड़ी करणु च। खाणक भरीं थाळि पर ठोकर मारण ,   अयीं लक्ष्मी तरफ पीठ करण अर सत्ता तैं ठुकराण सर्वथा महापाप च  अर बेज्जती कु  काम च। द्याख नी तुमन बिचारो नीतीश कुमार कु मुख ! जब वैन थुक्युं चाट याने लालू यादव का दगड़ जुगलबंदी कार।  सत्ता बचाणम  सब कुछ जायज च।  अब इंदिरा गांधी कु इमरजेंसी हो , यूपीए कु घोटाला ह्वावन फिर तटाकथित पाक साफ़ भाजपा महाराष्ट्र मा सरकार बणाणो बान , शिवसेना तैं सत्ताबिहीन करणो बान , अपण छुट छुट भागीदार पार्टयूँ तैं डंडा दिखाणो बान पवित्र भाजपा आज शरद पवार की नेसनल करप्ट पार्टी (NCP ) का कंधा मा चढ़ीं च।  सत्ता से दूर रौण आदि काल से ही पाप माने जांद।  सत्ता से दूर रौण पाप च अर यु चखुलों मा बि दिखे जांद।  कबूतर शांत स्वभाव कु पंछी माने जांद किन्तु जरा कबूतरों बीच ठौ -घोल का वास्ता लड़ै दिख्ल्या तो तुम बि बोलिल्या कि कॉंग्रेस सरकार बचाणो बान हरीश रावतन सबि विधायकों तैं पार्लियामेंट्री सेक्रेटरी बणाइ तो होशियारी ही कार , शिवसेना महाराष्ट्र मा विरोधी पार्टी च किन्तु दिल्ली मा घोर ठाकरे भक्त गीते जी केंद्रीय मंत्री छन। दस हजार सालक युद्ध इतिहास गवाह च कि जैन बि सत्ता से मुख म्वाड़ ना उ बिचारु केजरीवाल ह्वे जांद। केजरीवाल जन सत्ताहीन का साथ आदर्शवादी लोग बि दगुड़ छोड़ दीन्दन।  भीष्म , द्रोणाचार्य , कृपाचार्य अर विदुर पांडव प्रेमी छया किन्तु सत्तासुख का खातिर यी मृत्यु पर्यन्त दुर्योधन का साथ ही रैन अर युद्ध मा यूंन सत्ताहीन पांडवों का साथ नि दे ।
               युद्ध का दुसर अमर नियम च सत्ता हथियाणो बान आक्रमणकारी तैं सत्ताधारिक सबसे कमजोर बिंदु पर जोर की खचांग मरण चयेंद ।  राम रावण से युद्ध तबि जीत जब रामन रावणक कमजोर नाभि छ्याद।  भीमन दुर्योधन तबि मार जब वैन दुर्योधन का सबसे कमजोर अंग जांघ पर गदा प्रहार कार। सन 2014 का लोकसभा चुनाव मा भाजपान भरस्टाचार आदि का अस्त्र -शस्त्र से कॉंग्रेस की कमजोर कड़ी राहुल गांधी पर जोर का प्रहार कार।   अब आक्रमण की बारी राहुल गांधी की च किन्तु बिचारो तैं पता ही नी च कि नरेंद्र मोदीक कमजोरी क्या च ? राहुल गांधी अर मोदी विरोध्युं की सबसे बड़ी कमजोरी या राइ कि यूँ सब्युंन नरेंद्र मोदिका सबसे शक्तिशाली गुणों पर हथ्वड़ चलाइ , घौण चलाइ , वार कार अर हमेशा नरेंद्र मोदी से शिकस्त खाइ।  गुजरात का दंगा नरेंद्र मोदी की शक्ति च अर वीं शक्ति पर मौत का सौदागर जन बमगोळा चुलैला तो तुमर हि नुकसान होलु।   बहुत सा कॉंग्रेसी आज नरेंद्र मोदी पर भगार लगांदन कि नरेंद्र मोदी अपण मंत्र्युं कमान अफुम रखद अर मंत्री बिचारा नरेंद्र मोदी  का समिण पाणि भरदन।  किन्तु आम जनता तो यो ही चांदी कि मंत्री संत्री प्रधानमंत्री की मुठी माँ रावन ना कि मनमोहन सिंगौ तरां जख हरेक मंत्री प्रधानमंत्री से बड़ो छौ अर प्रधान मंत्री सोनिया गांधीक या राहुल गांधीक ड्यार पाणि भरणो जांद छा।  नरेंद्र मोदी  का मंत्र्युं पर रौब -दाब च , मंत्री अनुशासन माँ छन , नरेंद्र मोदी का सब मंत्री नरेंद्र मोदीक समिण किदलु छन जन छवि असल मा नरेंद्र मोदीक तागत च। उनि  बि ममता बनर्जी , जया ललिता , नवीन पटनायक  कौनसा अधिनायक नि छन?  अर युद्ध मा तागत पर आक्रमण नि करे जांद।  इनि जापान मा ढोल बजाण नरेंद्र मोदी की तागत बथांद अर बिचारो राहुल  बाबा जब ढोल बजाण पर आक्रमण कारल तो जगहँसी का ही पात्र बौणल कि ना।  असल मा कमजोरी हमेशा तागत का अंदर लुकीं रौंद अर नरेंद्र मोदीकी कमजोरी अवश्य ही 'अच्छे दिन आएंगे ' माँ ही होली।
       सत्ता युद्ध का चौथा नियम च यदि तुम दुसर नंबर का आक्रमणकारी नि ह्वै सकदा तो अचाणचक जोरों से नया हथियार लेक सत्तासीन पर पैथर बिटेन आक्रमण कारो ।फ्लैंकिंग युद्ध याने  आश्चर्य या अचाणचक,  जोर से आक्रमण। सन 1962 मा चीन द्वारा भारत पर आक्रमण फ्लैंकिंग अटैक छौ, सन 1977 मा जनता दल बणन अर चुनाव लड़न ,  अर आम आदमी पार्टी द्वारा दिल्ली कु प्रथम चुनाव फ्लैंकिंग युद्ध ही छौ। इखमा आक्रमणकारी वै क्षेत्र पर आक्रमण करद जू सत्ताधारी का वास्ता ख़ास महत्वपूर्ण ना हो या जख सत्ताधारी सियुं हो।
         सत्ता युद्ध मा चौथी रणनीति हूंदी छापामारी या गुरिल्ला युद्ध।  मूसुं तरां , या स्याळु तरां या कवौं तरां शेर का शिकार से झपटा मारिक छीन लीण , लूठि लीण अर भाजि  जाण।  शिवाजी महाराज की रणनीति छापामारी रणनीति छे।  वियतनाम्युंन  अमेरिका दगड़ छापामारी रणनीति से ही युद्ध जीत।  भारतीय प्रजातंत्र मा क्षेत्रीय पार्टी छापामार लड़ाका छन।  यूँ तैं राष्ट्रीय पार्टयूं दगड़ सीधा युद्ध नि करण चयेंद।  सबसे बढ़िया उदाहरण द्रविड़ियन पार्टी अर बीजू जनता दल कु च।  समाजवादी पार्टी आदि तैं समजण चयेंद कि ऊँतें ज्यादा दिन तक टिकण तो प्रधान मंत्री का ख्वाब दिखण बंद कर देवां अर तब चुनाव लड़ां।  फिर इनमा कबि अवसर ऐ गे तो बण जावो प्रधानमंत्री ! क्षेत्रीय पार्टयूं तैं क्षेत्रीयता कबि नि छुड़ण चयेंद।
जू पिछ्ला दस हजार सालुं युद्ध इतिहास जाणदु वै तैं आश्चर्य नि ह्वै कि भाजपान महाराष्ट्र विधानसभा मा ध्वनिमत से विश्वासमत जीत।  किलैकि सत्ता , पत्ता अर स्वार्थ का नियम अपण ही छन। सत्ता , पत्ता अर स्वार्थमा आदर्शवाद की कखि बि , कनि बि, कोर बरोबर बि जगा नि हूंदी।
 



Copyright@  Bhishma Kukreti 16 /11 /2014     
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Garhwali Humor in Garhwali Language, Himalayan Satire in Garhwali Language , Uttarakhandi Wit in Garhwali Language , North Indian Spoof in Garhwali Language , Regional Language Lampoon in Garhwali Language , Ridicule in Garhwali Language  , Mockery in Garhwali Language, Send-up in Garhwali Language, Disdain in Garhwali Language, Hilarity in Garhwali Language, Cheerfulness in Garhwali Language; Garhwali Humor in Garhwali Language from Pauri Garhwal; Himalayan Satire in Garhwali Language from Rudraprayag Garhwal; Uttarakhandi Wit in Garhwali Language from Chamoli Garhwal; North Indian Spoof in Garhwali Language from Tehri Garhwal; , Regional Language Lampoon in Garhwali Language from Uttarkashi Garhwal; Ridicule in Garhwali Language from Bhabhar Garhwal; Mockery  in Garhwali Language from Lansdowne Garhwal; Hilarity in Garhwali Language from Kotdwara Garhwal; Cheerfulness in Garhwali Language from Haridwar;

                                                                                           CLEAN INDIA , स्वच्छ भारत !

Best of Garhwali Humor  , Satire

                               सेक्युलरिज्म क्या च ? कखम च ? छैं बि च कि ना ?

                                 घंघतोळ मा ::: भीष्म कुकरेती

सेक्युलरिज्म भारतीय संविधान की आत्मा च , दर्शन च अर पॉलिटिकल ड्रेसिंग कु  खन्नु -खरपट च।
धर्मनिरपेक्षता राजनीतिक मांगळ च , गीत च अर मंत्र्युं रंगुड़ च।
धर्मनिरपेक्षता हाथी का पाँव च , हाथी च किन्तु जैक  राजनैतिक काणा अलग अलग परिभाषा करदन।
सेक्यलरिज्म कु उदेस्य एकता  च , सब्युं मा सामंजस्य पैदा करण च अर कॉंग्रेसी मेला याने नेहरू जयंती पर भाजपा तैं नि बुलाणो एक मजक्या बहाना बि च।
सेक्युलिरज्म एक लचीला पदार्थ च , एक द्रव्य च अर   अपण अपण हिसाब से परिभाषित करणो एक फूटबाल च।
धर्मनिरपेक्षता मुसलमानो तैं आकर्षित करणो खिल्वणि  च , मुसलमानो तैं पुळयाणो लॉलीपॉप  च अर मुसलमानो तैं डराणो हथियार च। यद्यपि अखिलेश लैपटॉप तैं कारगार लॉलीपॉप मणद, अखिलेश तैं विश्वास च बल कन्या दानो बान सरकारी दान से वोट लाये जादन पर मुलायम का हिसाबन सेक्युलरिज्म ही मुसलमानो तैं बेवकूफ -मूर्ख बणाणो टोटका च।
सेक्युलिरज्म एक बहाना च , जोड़ -तोड़ कु औजार च अर सेक्युलरिज्म की तलवार से ही 1979 मा जनता दल कु कतल करे गे छे।
धर्मनिरपेक्ष एक छद्म  च , एक छल च , कॉंग्रेसौ कुण एक पल मा  मजलिस -ए -इत्तेहादुल मुसलिमीं सेक्युलर ह्वे जांद अर दुसर पल नॉन सेक्युलर ह्वे जांद।
सेक्युलरिज्म एक राजनैतिक अछुतुंक चन्द्रवैणी  करणो गंगाजल च , राजनैतिक अछूतों तैं स्वर्ण बणाणो जरिया च , नीतीश कुमार तैं वापस यादव कुनबा मा लाणो एक कारगार चुंबक च।
जब तक रामविलास पासवान एनडीए का चौक मा मंत्री छौ वु नॉनसेक्युलर छौ , जब वु कॉंग्रेसौ ख्वाळ मा आई वो सेक्युलर ह्वे ग्याई अर अब एनडीए का द्वार -सिंगार पकड़िक खड़ो च तो रामविलास पासवान नॉन सेक्युलर ह्वे ग्याई।
ममता गांधी जब तलक मंत्री राइ तब तलक भाजपा सेक्युलर पार्टी छे , फिर बंगाल मा जब भाजपा की क्वी पूछ नि छे तो ममता का वास्ता भाजपा कुज्याण क्या छौ अर अब भाजपा बंगाल मा पैर पसारणि च तो भाजपा नॉन सेक्युलर ह्वे ग्याइ।  यद्यपि कम्युनिस्टों समज मा नि आणु च कि कॉंग्रेस कौमनष्टी च; ममता अधिक कौमनष्टी  च ,  भाजपा ही सर्वाधिक कौमनष्टी च।
बंगलादेशी जब बंगलादेश मा रंदन तब तक वु मुसलमान हूंदन , जब तलक वु हिन्दुस्तान मा बगैर राशनकार्ड , बगैर मतदाता रौंदन तब तक वो कुछ नि हूंदन किन्तु जनि  ऊंक नाम मतदाता सूची मा आंद सब बंगलादेशी सेक्युलर ह्वे जांदन।
आम आदमी पार्टी का वास्ता पैल भ्रस्टाचार सबसे बड़ी प्राथमिकता छे , अब सुणन मा आई बल आम आदमी पार्टी का वास्ता सेक्युलरिज्म प्राथमिकता च याने कि सेक्युलरिज्म एक समस्या तो अवस्य च।
भाजपा का वास्ता तो सेक्युलरिज्म एक मजाक च , एक हंसणो साधन च अर हिन्दुस्तान तैं नया नया शब्द दीणो एक नायब जरिया च।
सेक्युलरिज्म पार्टयूं वास्ता वोट पकड़णो एक जाळ च, एक जिबळ च , एक बम च।
 
 



Copyright@  Bhishma Kukreti 18 /11 /2014     
*लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language; Best of  Ridicule in Garhwali Language ; Best of  Mockery in Garhwali Language,; Best of  Send-up in Garhwali Language; Best of  Disdain in Garhwali Language; Best of  Hilarity in Garhwali Language; Best of  Cheerfulness in Garhwali Language;  Best of Garhwali Humor in Garhwali Language from Pauri Garhwal; Best of Himalayan Satire in Garhwali Language from Rudraprayag Garhwal; Best of Uttarakhandi Wit in Garhwali Language from Chamoli Garhwal; Best of North Indian Spoof in Garhwali Language from Tehri Garhwal; Best of Regional Language Lampoon in Garhwali Language from Uttarkashi Garhwal; Best of Ridicule in Garhwali Language from Bhabhar Garhwal; Best of Mockery  in Garhwali Language from Lansdowne Garhwal; Best of Hilarity in Garhwali Language from Kotdwara Garhwal; Best of Cheerfulness in Garhwali Language from Haridwar;

                                                                   CLEAN INDIA , स्वच्छ भारत !

Best  Garhwali Humor  , Satire  about Model Village


                                  हमर  गां पिट्यांद च  , पित्यान्द च , गां मा प्रधान जि च!

                                       चखन्यौर्या , चबोड़्या , गंवड्या ::: भीष्म कुकरेती

भारत की आत्मा गांवुं मा बसदि , हमर बि गाँव च , हमर गांवक नाम जिन्दानगर च ।
अब स्मार्ट सिटीज की छ्वीं लगणा छन , स्मार्ट टाउनशिप  कु बोलबाला च , हम तैं कत्तै  बि घमंड नी च बल हमर गाँ स्मार्ट विलेज नी च।
हमर गां की हद्द च ,  हद्द या च  कि हम हद्द पर नि रौण चांदा , हम शहरूं मा रौण चांदा।
हमर गां मा डाळ बूट छन , थोड़ा भौत सग्वड़म  फसल च , हमर इख क्वी पर्यावरणवादी नी च पर लैन्टीना घास खूब च।
हमर इख कुछ गौड़ छन , द्वी चार बाछी छन , हमर इख हळया  क्वी नी च इलै बौड़ एक बि नी च । गौंकि जवान ब्वारी बच्चा पढ़ाणो कोटद्वार -ऋषिकेश रौंदन तो हमर गाँवन बीस साल से भैस नि देखि।
हिमालयी गाँ हूण से  हमर इख सब्युँमा कंबळ  छन , सब्युंमा ऊनि कपड़ा छन , हमर गां मा ढिबर -बखर क्वी नि पाळदु।
हमर गां से भैर जंगळ छन , जंगळु मा जंगळी जानवर रौंदन , गूणी , बांदर अर सुंगर हमर गाँ मा रौंदन।
हमर खेतुं मा दार लैक डाळ छन , हम अपण डाळ नि काट सकदा , जंगल माफिया का का आशीर्वाद से हम तैं सरकारी जंगळ से जथगा चाहो तथगा इमारती लकड़ी मिल जांद।
हमर गाड -गदनो मा रेत च , हम अपर कूड़ो चिणै वास्ता खनन नियमुं कारण अपड़ गाड -गदन से रेत नि खोदी सकदा पर हम तैं कोटद्वार -ऋषिकेश से भरपूर रेत मिल जांद।
हमर गांमा पाणी छोया च , नळ छन अर हर रोज नळका पर पाणि  बंद हूंद इ   हम सरकार तैं गाळी दींदा।
हमर गां मा सरकारी गल्ला  दुकान च , प्राइवेट दुकान च , रिटायर्ड हवलदार जी से दारु मिल जांद।
हमर इख कृषि ही मुख्य रोजगार ह्वे सकद  , हमर इख क्वी खेती नि करद, हमर इख मनरेगा  से ही रोजगार मिलद।
हमर इख सरकारी अस्पताल च , सरकारी अस्पतालम  त दवा नि हूंदन या चिकित्सक नि रौंद , उन हम तै सरकारी अस्पताल  पर भरोसा बि नि हूंद इलै छुटि  मुटि  बीमारी निवारण हेतु हम बक्कीम ही जांदवां।
हमर गांमा जब कै तै क्वी नौकरी नि मिलदी तो वु डीएड , बीएड कर लींदु , हमर गांव मा पैदा हुयां मास्टरू पढ़ाई की सबि लोग प्रशंसा करदन , ब्यौ बंद ह्वेक बि मास्टर बिचारा बैचलर की जिंदगी बितांदन किलैकि हमर गांवक सबि मास्टरुं बच्चा ऋषिकेश  या कोटद्वार पढ़दन।
 हम संस्कृति प्रेमी छंवां।  हमर गांमा ब्यौ बि हूंदन , तिरैं बरखि  बि हूंदन अर जीमण  मा प्लास्टिकौ गिलसड़ी पर दारु बांटे जााँद।  दर्यौ ड्या कांचक गिलास फोड़ि दींदन। 
हमर प्रदेश एक ऊर्जा प्रदेश च।  हमर गांवक प्रधानक पुरण फाइलुं मा राजीव गांधी बिजली योजना की चिट्ठी बि च , अब दीनदयाल उपाध्याय ग्रामीण ज्योति  योजना की चिट्ठी बि ऐ गे कि राजीव गांधी बिजली योजना उपाध्याय ज्योति योजना मा समाहित ह्वे ग्यायि,  अबि बि गां वळु इ ना प्रधान जी तैं बि पक्को विश्वास च कि हमर गाँ मा बिजली आण मा दस साल त लग इ जाल।
हमर गांका प्रवासी हर तिसाला नागर्जा पूजै मा गाँव आंदन , अपण उजड्यां कूड़ हूण से दूसरों ड्यार रौंदन , शहरूं मा ड्यार खरीदणो चक्कर घिनी कारण अपण कूड नि रिपेयर कर सकदन। किन्तु हमर प्रवासी बड़ा ग्रामप्रेमी छन , फेसबुक मा अपण कुड़ौ फोटो , उजड्यां घटूँ फोटो शेयर करदन अर सरकार पर जोरों से प्रहार करदन कि गाँव उजड़ना छन अर सरकार कुछ नी करणी च। हम तैं यूं ग्राम प्रेमी , फोटो प्रेमी , रुंदा प्रवास्युं पर गर्व च।
मी बि एक प्रवासी लेखक छौं , पिछ्ला बीस  सालों से गांव नि ग्यों पर अपण गांवक समस्याओं समाधान का वास्ता मि विशेषज्ञ मने जांद।


 

Copyright@  Bhishma Kukreti 21  /11 /2014   

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language about Model Village; Best of Himalayan Satire in Garhwali Language about Model Village ; Best of  Uttarakhandi Wit in Garhwali Language about Model Village; Best of  North Indian Spoof in Garhwali Language about Model Village; Best of  Regional Language Lampoon in Garhwali Language about Model Village; Best of  Ridicule in Garhwali Language about Model Village; Best of  Mockery in Garhwali Language about Model Village; Best of  Send-up in Garhwali Language about Model Village; Best of  Disdain in Garhwali Language; Best of  Hilarity in Garhwali Language about Model Village; Best of  Cheerfulness in Garhwali Language about Model Village;  Best of Garhwali Humor in Garhwali Language from Pauri Garhwal about Model Village; Best of Himalayan Satire in Garhwali Language from Rudraprayag Garhwal about Model Village; Best of Uttarakhandi Wit in Garhwali Language from Chamoli Garhwal about Model Village; Best of North Indian Spoof in Garhwali Language from Tehri Garhwal about Model Village; Best of Regional Language Lampoon in Garhwali Language from Uttarkashi Garhwal about Model Village; Best of Ridicule in Garhwali Language from Bhabhar Garhwal about Model Village; Best of Mockery  in Garhwali Language from Lansdowne Garhwal about Model Village; Best of Hilarity in Garhwali Language from Kotdwara Garhwal about Model Village; Best of Cheerfulness in Garhwali Language from Haridwar about Model Village;


                                 CLEAN INDIA , स्वच्छ भारत !

     Best  Harmless Garhwali Humor  , Satire on Rahul Gandhi
                                                        राहुल  जी ! मार्केटिंग तैं गाळि नि द्यावा जी !

                                                                               हँसोड्या  , चबोड़्या  :: भीष्म कुकरेती
                     मि रोज रात पैल पैग पेकि मुलायम सिगौ कसम खांदु , तीन  पैग बाद ए राजा क सौं घटुद  अर चौथ पैग पेकि अवोळ डाळक सौंगध लींदु कि भोळ सुबेर कै बि राजनेता पर चबोड़ की चमकताळ नि लगौल।  यूंन  नेतौंन सुंदरण नी च, फोकट मा म्यार लिखणम  टैम इ बर्बाद हूण अर उनि बि जब मेरि गढवळि अपण निशंक सरीखा नेता नि पढ़दन तो कौनसे करूणानिधि पौढ़ ल्याल ?
 परसि रात बि इनि ह्वे राहुल गांधी जीन मार्केटिंग की  तौहीन कार अर मीन नेहरू शताब्दी मा भाग लीण वाळ चीनी कम्युनिस्ट ,इंडियन  कम्युनिष्ट अर ममता बनर्जिक सौं खैन कि राहुल गांधी पर नि लिखण , अर उनि बि हर्युं नेता पर लेखिक क्या फैदा ? मीन ब्याळि राहुल गांधी तो छवाड़ो कै मरियल मूस पर बि नि ल्याख।  किन्तु जो आलोचना राहुल जीन मार्केटिंग की कौरी छे वांक शूल पीड़ा अबि तक नि गे।  अब स्विलकुड्या पीड़ा तो स्वील हूण से हि शांत ह्वे सकद तो झक मारिक नेताओं पर लिखण पड़णु च।
परसि झारखंड चुनाव रैली मा राहुल जीन गुस्सा मा , रोस मा , मूसो तरां किरैक ब्वाल कि बल स्या भारतीय जनता पार्टी मार्केटिंग से जितणि च।  मतबल राजीव नंदन राहुल का हिसाब से  मार्केटिंग   भ्रस्टाचार जन जघन्य अपराध च , मार्केटिंग पाप च , मार्केटिंग क्वी विषैली दवा च धौं !
मेरी दिग्विजय सिंग जी से दरख्वास्त च बल सोनिया नंदन राहुल जी तैं मार्केटिंग का मतबल नि पता तो इन मनिख तैं बीकॉम या बीबीए की क्लास मा भ्याजो  अर मार्केटिंग को अर्थ समझाओ। बीकॉम की क्लास मा जब मास्टर प्रियंका कु भुला राहुल तैं मास्टर रटाल कि अमेरिकन मार्केटिंग असोसिएसन अनुसार मार्केटिंग एक क्रिया च , क्रियाऊं समूह च ,विधियां  च जाँ से कुछ प्रोडक्ट, विचार  या सेवाओं की रचना हूंद अर संचार प्रसार हूंद ; सुपर्दगी हूंद;  संट्वरा -बंट्वरा हूंद  जो कि  ग्राहक का वास्ता , सहयोग्युं वास्ता , चाकरों वास्ता बड़ा कीमती हूंद।
चिदंबरम जी! जरा  इंदिरा खानदान का चिराग -इ-जश्न तैं सिखाओ कि मार्केटिंग विरोध की चीज नी च, मार्केटिंग क्वी गुनाह नी च अर ना ही मार्केटिंग क्वी राजस्थान का वास्ता कीर्ति पी चिदंबरम कु अपनायुं भ्रष्ट तरीका च।
लोकसभा मा कॉंग्रेसी नेता खड़गे जी नेहरू खानदान की नाक राहुल गांधी तैं  मार्केटिंग शास्त्री जय बेयर  की मार्केटिंग परिभाषा सुणावो कि मार्केटिंग लोकसभा मा उफसोरिक सीण नी च अपितु मार्केटिंग एक संदेश च , एक कार्य च जु संदेश का कारण बणद।
 मार्केटिंग असल मा संदेश हूंद अर मार्केटिंग करण हरेक वनस्पति , हरेक जंतु अर हरेक मनुष्य का जैविक गुण च।  तो जैविक गुण की आलोचना करण कखक न्याय -निसाब च भै ?

जब मोतीलाल नेहरू  जीका झड़नाती राहुल जी मचासीन ह्वेक भाषण दींदन तो वो बि मार्केटिंग च , संदेश दीणो तरीका च , राहुल जी जब दस आदिमुं बीच बुलणा रौंदन वो बि मार्केटिंग च तो मेरी समज मा नि आई कि अमित शाह , नरेंद्र मोदी या भाजपान क्या गुनाह कार ?
 हाँ ओवर या अंडर कम्युनिकेसन, कम्युनिकेसन टूल गलत मने जै सक्यांद पर कम्युनिकेसन तैं रावण , खरदूसण , खलनायक घोषित करण तो क्वी होशियार नेता का गुण नि ह्वे सकद।
  असल मा कॉंग्रेस याने राहुल जीक थिंक टैंक मा खोट च , राजीव गांधीक थिंक टैंक मा बि बिंडी दुंळ छौ अर यु  थिंक टैंक जनता लैक संदेसवाहक शब्द हि नि खुजे सकणा छन।  राहुल जी तैं समजण चयेंद कि पत्रकारों लैक भाषा , शब्द अर विषय जरूरी नी च कि वा ही भाषा जनता लैक हो ! पत्रकारूंन मुलायम सिंग को 75 वीं वर्षगांठ को झलसा की बड़ी काट कार किन्तु जनता याने मुलायम सिंग कु टारगेट आउडेन्स का वास्ता यु झलसा बड़ो तर्कसंगत अर गर्व को जलसा छौ।  यदि राहुल जीक थिंक टैंक बि  राहुल गांधी तैं पत्रकारुं का शब्द बुलणो द्याला तो अवश्यमेव राहुल गांधीका कचरा , फजीहत ही होली !
मार्केटिंग शब्द आम जनता कु समज मा आण लैक शब्द बि नी च तो फिर भाजपा ब्वालो नरेंद्र मोदी पर मार्केटिंग का तीर चलैक क्या फायदा ?
क्वी गढ़वाली व्यंग्यकार मेरी काट कारल कि चूँकि भीष्म कुकरेती इंटरनेट मा रोज एक व्यंग्य  पोस्ट करद इलै भीष्म कुकरेती गलत च तो इखमा भीष्मौ त क्वी नुक्सान नि  होलु बलकण माँ आलोचक की ही भद्द पिट जालो।
इनि  राहुल गांधी द्वारा स्वच्छता  अभियान की आलोचना से बि नरेंद्र मोदीक नुक्सान नि हूण वाळ।  ये मामला मा क्षेत्रीय पार्टयूं नेता अधिक होसियार छन जु नरेंद्र मोदी या कॉंग्रेस का विरुद्ध या समर्थन मा ऊँ शब्दों तैं इस्तेमाल करदन जु ऊँका वोटरूं तैं पसंद आंदन।  उत्तर प्रदेश का रामपुर वासी आजम खान ये मामला मा चतुर राजनीतिज्ञ च। 
खैर अंत मा फिर से मि राहुल जी से अनुरोध करद कि नरेंद्र मोदी , अमित शाह या शिब्बू सोरेन तैं जथगा थिंचणाइ  तुम जोर से थींचो , थंचकाओ,  छपोड़ो किन्तु मार्केटिंग , विपणन कला तैं गाळि  नि द्यावो।  मार्केटिंग एक कला च , एक फिलोसोफी च अर मार्केटिंग रागस नी च जांक आलोचना करे जाव !



Copyright@  Bhishma Kukreti 24  /11 /2014   

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language about Rahul Gandhi ; Best of Himalayan Satire in Garhwali Language about Rahul Gandhi ; Best of  Uttarakhandi Wit in Garhwali Language about Rahul Gandhi; Best of  North Indian Spoof in Garhwali Language about Rahul Gandhi ; Best of  Regional Language Lampoon in Garhwali Language about Rahul Gandhi; Best of  Ridicule in Garhwali Language about Rahul Gandhi; Best of  Mockery in Garhwali Language about Rahul Gandhi; Best of  Send-up in Garhwali Language; Best of  Disdain in Garhwali Language; Best of  Hilarity in Garhwali Language about Rahul Gandhi; Best of  Cheerfulness in Garhwali Language about Rahul Gandhi;  Best of Garhwali Humor in Garhwali Language from Pauri Garhwal about Rahul Gandhi; Best of Himalayan Satire in Garhwali Language from Rudraprayag Garhwal about Rahul Gandhi; Best of Uttarakhandi Wit in Garhwali Language from Chamoli Garhwal about Rahul Gandhi; Best of North Indian Spoof in Garhwali Language from Tehri Garhwal about Rahul Gandhi; Best of Regional Language Lampoon in Garhwali Language from Uttarkashi Garhwal about Rahul Gandhi; Best of Ridicule in Garhwali Language from Bhabhar Garhwal about Rahul Gandhi; Best of Mockery  in Garhwali Language from Lansdowne Garhwal about Rahul Gandhi; Best of Hilarity in Garhwali Language from Kotdwara Garhwal about Rahul Gandhi; Best of Cheerfulness in Garhwali Language from Haridwar about Rahul Gandhi;


                 स्वच्छ भारत, स्वच्छ भारत, बुद्धिमान भारत!