MeraPahad Community Of Uttarakhand Lovers

 Best  Harmless Garhwali Humor  , Satire, Wit, Sarcasm , Garhwali Vyangya , Garhwali Hasya on Opposition of Amir Khan’s PK film


                             बिनदेखे मैं भी PK फिलम का विरोध करूंगा
                             बगैर दिख्यां मीन बि PK कु विरोध करण !

                              बगैर बातौ विरोधी ::: भीष्म कुकरेती


घरवळि -तुम से त वी ठीक छौ जु बगैर बातौ विरोध करदु छौ।
मि -हैं बगैर बातौ विरोधी ? कु छौ ?
नौनु - पापा ममी देहरादून वाले उन पागल अंकल की बात कर रहे हैं जो हर समय किसी फिल्म , आर्ट , किताबों या लेखों का विरोध करते रहते हैं।
मि -ओ अच्छा ! अच्छा ! जिसने एक दिन अपनी छै वर्ष विटिया की बनाई पेंटिंग का ही विरोध कर दिया कि इस पेंटिंग से मुसलमानो के धर्म पर ठेस पंहुचती है।
नौनु - अर हाँ जिन अंकल ने अपने दस साल के पुत्र  के डांस का भी विरोध किया था कि उसके डांस से क्रिश्चियनो के धर्म पर खचांग लगती है !
मि -हाँ पर  तेरी ब्वै तैं वै पागलक  याद आज अचाणचक किलै आई ?
घरवळि -किलै नि आण ? सरा मुहल्ला मा कतनौक इख विरोध हूणु च अर हमर इख कूँ बि नि हूणु च।
मि -ह्यां पर विरोध क्यांक करण , कैक करण , किलै करण अर कख करण ?
घरवळि -बस विरोध करो।
मि -ह्यां मनमोहन सिंग जी तो सांसद ह्वेक बि वानप्रस्थी ह्वे गेन अर नरेंद्र मोदी जी तैं द्वी चार साल बि नि ह्वेन ।  तो फिर विरोध क्यांक करण ?
घरवळि -विरोध करणो कुण वजै नि ढूंढे जांद।  बगैर  बातौ बि बतंगड़ बणये जांद कि ना ?
मि - हाँ कॉंग्रेस अर सेक्युलर पार्टयूं बगैर बातौ बतंगड़ राज्य सभा मा द्याख त च।  तो ?
घरवळि -तो क्या हौर विरोध बि त द्याख च कि ना ?
मि -किलै ना महान विप्लवकारी क्रांतिकारी ममता बनर्जी कु विरोध बि हम दिखणा  छंवां।  शारदा चिट फंड का चीटरों तैं बचाणो ममता बनर्जी का ढोंगी विरोध बि हम दिखणा इ छंवां।
घरवळि -वी त मि बुलणु छौं कि तुम बि विरोध कारो , प्रतिरोध कारो , तोड़ फोड़ कारो , अग्यो कारो। 
मि -अरे पर तोड़ फोड़ या अग्यौ वास्ता क्वी विषय बि त हूण चयेंद।
घरवळि -तुम बि ना ! दकियानूसी , पराम्परिक , स्पेंट फ़ोर्स जन  वुद्धिजीवी छंवां।  विरोध का वास्ता अपॉरचुनिटी , अवसर खुजाये जांदन अर अवसर त तुमर समिण खड़ो च।  अवसर से फैदा उठाओ अर अपण अहमियत बथावो , अपण तागत दिखावो अर अपण छवि चमकावो !
मि -ह्यां पर दंगा फिसाद करणो कु अवसर अयुं च ? विरोध क्यांक करण ?
घरवळि - अरे अवसर समिण इ च।
मि -क्या ?
घरवळि -हाँ ! PK फिलम समिण च।  यीं फिलमो विरोध कारो।
मि -PK फिलम कु विरोध ?
घरवळि -हाँ ब्वालो कि PK फिलम से हिन्दू धरम पर खचांग लग गे। PK फिलम से हिन्दू भावना आहत ह्वे गे। PK फिलम से हिन्दुस्तान की अवमानना ह्वे गे।
मि - PK फिलम से हिन्दुस्तान की अवमानना ह्वे गे ?
घरवळि -हाँ पैल त PK फिलम का पोस्टर जलावो।
मि -PK फिलम का पोस्टर जलावो?
घरवळि -फिर कोशिस कारो कि सिनेमा हाल की कुर्सी जळ जावन।
मि -सिनेमा हाल की कुर्सी जळ जावन?
घरवळि -हाँ अर फिर टीवी कैमरा का समिण आवो अर पागल जन जोर जोर से चिल्लावो कि हिन्दू धर्म खत्म करणो साजिस हूणि च।
मि -अरे हिन्दू धरम तब खत्म नि ह्वे जब राजा बुद्धिस्ट ह्वेन , मुसलमान बादशाह ह्वेन या अंग्रेजुं राज ह्वे तो एक फिल्म क्या हिन्दू धर्म नष्ट कारली।
घरवळि -नै नै ! तुम तैं PK फिलमक विरोध करण इ पोड़ल।
मि -पर विरोध क्यांक करण ?
घरवळि -PK फिलम कु विरोध कारो।
मि -पर जब मीन फिलम इ नि देखि तो मि विरोध कनकै कौर सकुद ?
घरवळि -विरोध करण मा ले क्या जांद ? जब क्वी शंकराचार्य  या अन्य हिन्दू धर्म का ठेकेदार बगैर फिलम दिख्यां PK फिलम का विरोध कर सकदन तो तुम सामन्य वुद्धिजीवी PK फिलम का विरोध नि कर सकदां क्या ?
मि -यूंन सचमुच माँ नरेंद्र मोदीक लुटिया डुबाण।  यूँ हिन्दू धर्म का ठेकेदारों का कर्म देखिक मि तैं नरेंद्र मोदी पर दया आणि च कि जब समर्थक ही इन ह्वावन तो दुश्मनों  की क्या जरूरत ?



1/1/15,  Bhishma Kukreti , Mumbai India

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language on Opposition of Amir Khan’s PK film ; Best of Himalayan Satire in Garhwali Language on Opposition of Amir Khan’s PK film; Best of  Uttarakhandi Wit in Garhwali Language on Opposition of Amir Khan’s PK film; Best of  North Indian Spoof in Garhwali Language on Opposition of Amir Khan’s PK film; Best of  Regional Language Lampoon in Garhwali Language on Opposition of Amir Khan’s PK film; Best of  Ridicule in Garhwali Language on Opposition of Amir Khan’s PK film ; Best of  Mockery in Garhwali Language on Opposition of Amir Khan’s PK film ; Best of  Send-up in Garhwali Language on Opposition of Amir Khan’s PK film ; Best of  Disdain in Garhwali Language on Opposition of Amir Khan’s PK film; Best of  Hilarity in Garhwali Language on Opposition of Amir Khan’s PK film ; Best of  Cheerfulness in Garhwali Language on Opposition of Amir Khan’s PK film  ;  Best of Garhwali Humor in Garhwali Language from Pauri Garhwal on Opposition of Amir Khan’s PK film ; Best of Himalayan Satire in Garhwali Language from Rudraprayag Garhwal on Opposition of Amir Khan’s PK film ; Best of Uttarakhandi Wit in Garhwali Language from Chamoli Garhwal  on Opposition of Amir Khan’s PK film; Best of North Indian Spoof in Garhwali Language from Tehri Garhwal on Opposition of Amir Khan’s PK film  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal on Opposition of Amir Khan’s PK film ; Best of Mockery  in Garhwali Language from Lansdowne Garhwal on Opposition of Amir Khan’s PK film ; Best of Hilarity in Garhwali Language from Kotdwara Garhwal on Opposition of Amir Khan’s PK film ; Best of Cheerfulness in Garhwali Language from Haridwar on Opposition of Amir Khan’s PK film ;

Garhwali Vyangya , Garhwali Hasya,
                    स्वच्छ भारत  , स्वच्छ भारत , बुद्धिमान भारत!

Best  Harmless Garhwali Humor  , Satire, Wit, Sarcasm , Garhwali Vyangya , Garhwali Hasya on Budget



                                                सन 2014 की बेस्ट बुक

                                  चबोड़्या , चखन्यौर्या , घपरोळया ::: भीष्म कुकरेती

      भारत मा अब लाखों किताब प्रकाशित हूंदन , त सन 2014 मा बि ह्वेन अर ज्यादातर  लिख्वार इ केवल अपण किताबुं पाठक हूंद। अधिकतर  किताब फोकट मा बांटे जांदन , कुछ किताब बिकद बि छन , कुछ किताब सरकारी पुस्तकालय खरीदद बि छन यदि सरकारी दफ्तरों मा तुमर पव्वा हो तो।
  सन 2014 मा एक अति महत्वपूर्ण किताब छप।  जब मि कम्पन्युं मा काम करदो छौ त कम्पनी खरीददी छै; पढ़दु तब बि नि छौ अर अब मि कैमांगन उधार बि नि मंगदु।  उन या कामक , अति महत्वपूर्ण अर प्रसिद्ध किताब सब्युं समज मा नि आदि।  वैदिन एक दगड्या मील अर वैक हथ मा या किताब छे।  यु दगड्या थ्रिल कथा साहित्य , थ्रिल फिल्म अर थ्रिल कला कु महान समालोचक च।
थ्रिल कथा समालोचकन  बवाल -अहा यीं किताब से बढ़िया किताब सन 2014  मा छप इ नी च।  मी अबि बि रोज यीं किताब तैं बचणु रौंद।
मि -अच्छा ? कैक लिखीं च ?
कथा समालोचक -संपादक छन वित्त मंत्री श्री अरुण जेटली अर संरक्षक छन भारतीय प्रधान मंत्री नरेंद्र मोदी !
मि -हैं ? किताबौ नाम क्या च ?
थ्रिल कथा समालोचक -बजट ऑफ इंडिया 14 -15 , थ्रिलेस्ट ऑफ दि थ्रिल्स बुक !
मि -हैं ? बजट मा अर थ्रिल ?
थ्रिल समालोचक -यीं किताब मा मनी च , पावर च , युद्ध च , जीवन संघर्ष च , बच्चों मृत्यु च , बलात्कार च , जनान्युं स्वील हूंद मृत्यु च , किसानुं  मृत्यु च , टैक्स च , टैक्स चोरी च , टैक्स चोरी पकड़णो बात च।  अर सबसे बड़ी बात च बल यीं किताब मा मनुष्य कु भाग्य बदलणो प्रतिज्ञा च याने भगवान तैं बड़ी चुनौती दीणै बात च।
मि -हैं ? मतबल इख्मा सभी रस अर भाव छन जु आम सड़क छाप रोमांचक किताबुं मा हूंद।
थ्रिल  समालोचक - हाँ हाँ ! सर्वरस वळि किताब च बजट ऑफ इंडिया 2014 !
मि -क्या इखमा श्रृंगार याने संयोग सम्भोग या विप्रलम्भ  सम्भोग बि च ?
थ्रिल समालोचक -बिलकुल यीं किताब मा प्राइम मिनिस्टरों आर्म्स ऐंड एम्युनेसन से प्रेम गाथा च ज्वा बड़ी रसीली च।  इन लगद प्राइम मिनिस्टर हथियारूं दगड़ सिंयां रौंदन !बहुत सा सीन तो भौति हॉट छन।
मि -अच्छा ? अर विप्रलम्भ सम्भोग ?
थ्रिल समालोचक -यी सीन त जगा जगा छन।  जन कि किसानो आत्महत्या से उंकी पत्नी , उप पत्नी कु दुःख , जमीन अधिग्रहण से भूमि मालिक कु ऐड़ाट - भुभ्याट , बलात्कार से जनान्युं समाज मा दुखी जीवन आदि आदि।  श्रृंगार अर करुण रस कु अभिनव संगम हुयुं च 2014 कु बजट मा।
मि -अर रौद्र रस कखम च ?
थ्रिल  समालोचक - UPA का कार्यों समीक्षा करद करद रौद्र रस पैदा करे गे।  किताब पढ़िक UPA की आर्थिक नीतियों पर इथगा गुस्सा आंद कि ज्यु बुल्यांद कि डा मनमोहन सिंह जीकी पीएचडी डिग्री छीन दिए जाव।
मि -अच्छा ! अर बीर रस  क्या क्या उदाहरण छन ?
थ्रिल समालोचक -असल मा सरा किताब इ बीर रस से भोरिं  च। बलात्कार तैं रुकणो तरीका ,   शिक्षा तैं बेहतर बणाणो तरीका , मदरसों वास्ता 100 करोड़ बजट आदि आध्याओं मा उतसाह भाव अफिक बीर रस पैदा करदन।
मि -भौत बढ़िया ! भयानक रस बि च यीं किताब मा ?
थ्रिल समालोचक -अरे ! हर अध्याय मा पैल लोगुं तैं डराए गे अर तब बथाये गे कि यु सन 1858 से चलणु टैक्स , UPA सरकार कु लगायुं टैक्स अर नया टैक्स जनहित मा किलै आवश्यक च।
मि -वेरी गुड याने पैल भयानक रस अर फिर शांत रस से हौर बि भय पैदा करण।
थ्रिल  समालोचक - हाँ भयानक रस , शांत रस अर फिर भविष्य की चिंता कु बढ़िया संगम दिखण हो तो बजट ऑफ इंडिया 2014 बांचो।
मि -यीं किताब मा वीभत्स रस कु तो नाम निसाण नि होलु हैं ?
थ्रिल  समालोचक - किलै ना ?
मि -हैं ? बजट मा अर वीभत्स रस ?
थ्रिल समालोचक - अरे बलात्कार प्रकरण अर स्वछता अभियान प्रकरण मा वीभत्स रस अफिक ऐ ग्यायि भै ।
मि -भलो ! भलो ! क्या यीं बेस्ट बुक ऑफ 2014 माँ हास्य अर व्यंग्य बि च ?
थ्रिल  समालोचक - बिलकुल यीं किताब मा हंसी च , चबोड़ च , चखन्यौ च , मजाक छन।
मि -क्या ?
थ्रिल  समालोचक - ब्रिटिश अर कॉंग्रेसी योजनाओं का नाम बदलिक जब बजट मा आशा करयांद कि यूँ योजनाओं से भारत कु भविष्य बदल जाल तो यूँ हास्यास्पद योजनाओं का रूप रेखा देखिक स्वयमेव ही हास्य अर व्यंग्य पैदा ह्वे जांद।


3 /1 /15 ,  Bhishma Kukreti , Mumbai India

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language on Budget ; Best of Himalayan Satire in Garhwali Language on Budget; Best of  Uttarakhandi Wit in Garhwali Language on Budget; Best of  North Indian Spoof in Garhwali Language on Budget; Best of  Regional Language Lampoon in Garhwali Language ; Best of  Ridicule in Garhwali Language on Budget ; Best of  Mockery in Garhwali Language on Budget ; Best of  Send-up in Garhwali Language on Budget ; Best of  Disdain in Garhwali Language on Budget ; Best of  Hilarity in Garhwali Language on Budget ; Best of  Cheerfulness in Garhwali Language  on Budget;  Best of Garhwali Humor in Garhwali Language from Pauri Garhwal on Budget ; Best of Himalayan Satire in Garhwali Language from Rudraprayag Garhwal on Budget ; Best of Uttarakhandi Wit in Garhwali Language from Chamoli Garhwal on Budget ; Best of North Indian Spoof in Garhwali Language from Tehri Garhwal on Budget ; Best of Regional Language Lampoon in Garhwali Language from Uttarkashi Garhwal on Budget ; Best of Ridicule in Garhwali Language from Bhabhar Garhwal on Budget ; Best of Mockery  in Garhwali Language from Lansdowne Garhwal  on Budget; Best of Hilarity in Garhwali Language from Kotdwara Garhwal on Budget ; Best of Cheerfulness in Garhwali Language from Haridwar on Budget ;

Garhwali Vyangya , Garhwali Hasya,
                    स्वच्छ भारत  , स्वच्छ भारत , बुद्धिमान भारत!

 Best  Harmless Garhwali Humor  , Satire, Wit, Sarcasm , Garhwali Vyangya , Garhwali Hasya

                                      मि गढ़वाळ मा कख कख नि जयुं छौं  !

                                          गौंत्या : भीष्म कुकरेती

 मीन भौत जात्रा करीं छन , सरा भारतौ भ्रमण कर्यूं च अर अपण ससुराल ढौंढ एक दैं दिखणै इच्छा त छैंइ च। अंग्रेजी मा आधुनिक गढ़वाली साहित्य अर लोक साहित्य पर हजारों लेख , उत्तराखंडौ इतिहास पर अंग्रेजी मा पांच सौ से अधिक  लेख अर गढ़वळि मा द्वी हजार से अधिक  चबोड़्या लेख पढ़ण से लाखों  पाठकुं तैं गलतफहमी रौंदि  कि म्यार सरा उत्तराखंड घुम्युं च।  अर मी तैं अपण पाठ्कुं समझ पर घमंड च।
             पर असलियत अर छवि मा अंतर च।  म्यार दगड्या हेमा उनियाल , पूरण पंत पथिक , मदन डुकलाण, बी मोहन  नेगी, संदीप  रावत आदिन मेसे ज्यादा उत्तराखंड घुम्युं च पर पाठक समजदन कि यूंन ले क्या गढ़वाळ देखि ह्वाल जु भीष्मन देखि ह्वाल।  संदीप रावतन घूमिक गढ़वाली भाषा इतिहास ल्याख , डा हेमा उनियालन उत्तराखंड जाण अर मीन यूंक किताब पढ़िक अपण पाठक लोगुं तैं उत्तराखंडौ बारा मा बथाइ।
               खैर उन त बुले जांद बल अपण घरवळि से अपण प्रेमिकाओं बारा मा नि बताण चयेंद अर अपण पाठकों से भेद नि बताण चयेंद कि मीन कनकै ल्याख पर आज मूड च कि मि आप तैं बतौँ  कि मीन उत्तराखंड मा क्या क्या नि द्याख।
           सबसे पैल मि दुबर बथै द्यूं कि म्यार स्यूंसी -बैजरों नी दिख्युं ,  ढौंडियाल्स्युं मा अपण ससुराल ढौंड बि नी दिख्युं च अर मेरी घरवळिन बि ढौंढ नी दिख्युं च।  अर मि  बड़ो  घमंड से सब तैं बथांद बि छौं  कि म्यार  अपण ससुराल नी दिख्युं ।
            हम तैं छुट इ बिटेन बताये गए छौ कि दिल्ली अर मुंबई मा नौकरी सरलता से मिलदी तो  हमेशा मि पश्चिम मुखी रौं अर मीन कुमाऊं का क्वी हिस्सा नि द्याख तो समझी ल्यावो कि मीन नैनीताल का दर्शन नि कर्याँ छन।  अर नैनीताल वळु तैं मलाल बि नी च कि भीष्म कुकरेतीन अबि तक नैनीताल नि द्याख।  उनि जिम कॉर्बेट पार्क का शेर अर चखुलों तैं मि तैं दिखणै अभिलाषा छैं इ नी च त किलै मि जिम कॉर्बेट पार्क जौं भै !
 अब आपन पुछण कि जब मि जिम कॉर्बेट पार्क नि ग्यों तो राजा जी नेसनल पार्क किलै ग्यों ?  भै मि राजा जी नेसनल पार्क दिखणो नि ग्यों।  उ त ऋषिकेश या स्वर्गाश्रम से अपण गां जाण हो या कोटद्वार से हरिद्वार आण हो तो बीच मा राजा जी नेसनल पार्क का बोर्ड लग्याँ ह्वावन तो इखमा मेरी क्या गलती ? हैं ? अब यदि हरिद्वार से ऋषिकेश का बीच मा रायवाला या श्यामपुर ऐ जांदन त आँख थुड़ा बुजे जांदन।  दिखणि पोड़दन।
   चूँकि मि तैं नौकरी जरूरत छे तो मि युवावस्था मा श्रीनगर ग्यों , निथर सन 1815 से हम सलाण्यूंन श्रीनगर से नाता तोड़ि दे छौ।
           टिहरी मा , उत्तरकाशी मा , गोपेश्वर मा नौकरी मिलदी नि छे त मि केदारनाथ , गंगोत्री -जमनोत्री बि नि ग्यों।
                   टिहरी दिखणो बिगरौ त छौ पर दिखणौ मौक़ा नि मील।  इलै मीन डूबती टिहरी  पीड़ा पर एक बि लेख नि ल्याख। उन बि मि छुट छुट बांधों समर्थक छौं त में से टिहरी डुबण पर उथगा दुःख नि ह्वे जथगा दुःख यांपर ह्वे कि म्यार रिस्तेदारुं जौंक एक झुपड़ा बि नि छौ , उख किराए मा रौंद छा उंन  चर चर दैं पुनर्निवास का पैसा खैन अर अबि बि देहरादून का घंटाघर मा हड़ताल करदन कि पुनर्वास मा धांधली चल।
             मि पौड़ी जयूँ छौ अर दूर से मीन निसुड़ी गां बि द्याख पर खिर्सू वाळु क पिपोड़ द्याखो त सै कि खिर्सू वाळु तैं दुःख बि नी च कि मीन खिर्सू नि द्याख।  युवावस्था मा मीन सतपुळी का माछा  खयाँ छया किंतु अब सतपुली का माछों मा या उड़द की दाळ मा वु सवाद नि रै गे जु सवाद सन 1972 मा छौ।  सैत च सिगरेट पीण से जीबौ सवाद बदल गए होलु।  अब उन त स्वर्गाश्रम का चोटीवाला होटलम बि वु सवादी भोजन कख मिल्दु ? अर व्यासिम बि अब उन अलु का गुटका अर परांठा कख मिल्दन !
            मीन नरेंद्र नगर बि नी दिख्युं च त प्रताप नगर बि नी दिख्युं च। अर म्यार टिहरी वाळ दोस्तुं तैं आश्चर्य बि नि हूंद कि मीन नरेंद्र नगर अर प्रताप नगर नि द्याख। टिहरी का रिस्तेदारुं बुलण च बल जै मनिखौन अपण तहसील लैंसडाउन नि देखि हो वैन नरेंद्र नगर या प्रतापनगर क्या दिखण थौ।
 बात बि सै च।  हमर इलाका मा हमर जवानी का टैम पर लैंसडाउन जाणो मौक़ा तीन तरह से मिल्दो छौ।  यदि दसक इमतान दीणो जहरीखाल जाण , यदि फ़ौज मा भर्ती हूण या  पेन्सन लाण।  मीन दसक इमतान देहरादून माँ दे अर हमर बूड़ खूड अंग्रेजुं गुलामी से चिढ़दा छा तो पेन्सन लीणो सवाल इ पैदा नी ह्वे अर गांवक सबि बल्दुंन बोलि याल छौ बल जैसे ज्यु नि उठयांदु वु क्या फ़ौज मा भर्ती ह्वालु।  अब तिसर बातौ बान बि लैंसडाउन जाए जांद छौ।  यदि तुम तैं मुकदमा बाजीक व्यसन हो या दूसरों वाड सरकाण मा मजा आंद हो तो काळो डांडा याने लैंसडाउन जाण पड़द छौ।  उन जब मि अपण पट्टी की पटवारी चौकी गटक्वट - घणसाळी  नि ग्यों तो म्यार  लैंसडाउन माँ क्या काम हूण थौ जु मि लैन्सडौनौ जड्डू खौं ! 
 हाँ बद्रीनाथ मि जयूँ छौं अर तब पता चौल कि शंकराचारजी महान इ ना जिगरबाज बि छा।
   उन एक सीक्रेट हैंक बि च।  हमर गांमा पल्तिर एक पाणि इन च बल जु सबसे ठण्डु , स्यळण , बरमस्या पाणि च अर   म्यार वु पाणि   बि नी दिख्यु च। खैर जब दिखणो की इ बात ऐ गे तो मीन वु पुंगड़ बि नि दिख्यां छन जौं पुंगड़ों मा हमर बूड ददा जी क बुबाजी जौ बूंदा छा।

5/1/15 ,  Bhishma Kukreti , Mumbai India

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।


Best of Garhwali Humor in Garhwali Language ; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language ; Best of  Ridicule in Garhwali Language  ; Best of  Mockery in Garhwali Language  ; Best of  Send-up in Garhwali Language  ; Best of  Disdain in Garhwali Language ; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;
Garhwali Vyangya , Garhwali Hasya,
                    स्वच्छ भारत  , स्वच्छ भारत , बुद्धिमान भारत!

 Best  Harmless Garhwali Humor  , Satire, Wit, Sarcasm , Garhwali Vyangya , Garhwali Hasya on Cricket Commentary

                                   अरे मै तो क्रिकेट कमेंटेटर बन्न गय्या !

                                            खिलंदेर ::: भीष्म कुकरेती

सि ब्याळि म्यार लोकल केबल वाळ म्यार ड्यार आयि अर बुलण मिसे - बल कुकरेती जी ! अब सि क्रिकेट वर्ल्ड कप आण इ वाळ च आप हमर क्रिकेट कमेंटेटर बण जावा।
मि -मि अर क्रिकेट कमेंटेटर ?
केबल वाळ-टीवी सीरियलुं जन तीन दैं मुंड हलैक किलै खौंळयाणा छंवां ?
मि -ह्यां मीन त कबि नि स्वाच कि मि क्रिकेट कमेंट्री करुल।
केबल वाळ-त क्या ह्वे ? सुचणो त पनगड़िया जीन बि नि सोचि छौ कि एक दिन नीति आयोग बणल।
मि -ओहो म्यार मतबल च बल क्रिकेट कमेंट्री वास्ता क्रिकेटौ ज्ञान त हूण चयेंद।
केबल वाळ- भौत सा टीवी ऐंकर मंगल ग्रह यान पर इन बुल्दन जन बुल्यां यूंक जनम इ इसरो क लैब मा ह्वे वाल तो यांक मतलब यु नी च कि अज्ञानी एक्स्ट्रा कमेंट्स नि कार साक।  द्याख नी तुमन राहुल गांधी , दिग्विजय सिंह , सिंधिया जन लोग गरीबी की त्रासदी पर कन बुल्दन जन बुल्यां यूंन  बचपन मा दस दस दिन तक पाणि नि पै हो।
मि -पर मि तैं करण क्या च ?
केबल वाळ- तुम तैं एक्स्ट्रा कमेंट्री मा सेन्सेसन पैदा करण , दर्शकुं मन मा आवेग , क्या ह्वाल अर द यार यी क्या बिजोग पड़ गे जन भावना पैदा करण।
मि -सेन्सेसन ?
केबल वाळ-हाँ जन कि चार तारीख बिटेन टीवी वाळ सेन्सेसन पैदा करणा छा कि युवराज इंडियन टीम मा आलु कि ना , आलु कि ना या ये बगत बि युवराज की पछिण्डि त नि ह्वे जालि।
मि -पर युवराज की मनोव्यथा अर शरीर की दशा क्या च जाणै बगैर युवराज टीम मा होलु कि ना कु घ्याळ लगाण क्रिकेट खेल का दगड़ बेइनसाफ़ी  च।
केबल वाळ-द्याखो एक्स्ट्रा कमेंट्री मा खेल का साथ इन्साफ़ी नि करे जांद बल्कि सेन्सेसन पैदा करे जांद , टीआरपी बढ़ये जांद , अलंकारुं ऐसी तैसी करे जांद।
मि -अलंकारुं ऐसी तैसी ?
केबल वाळ-हाँ जन कि ब्याळि युवराज तैं टीम मा नि लिए गे त भौत सा एक्स्ट्रा कमेंटेटरुं बुलं छौ - धोनी ने बदला लिया , युवराज के  बंटाधार का गुनाहगार धोनी , युवराज का जानी दुश्मन  फ्लेचर आदि आदि !
मि -ह्यां पर असलियत मा क्या ह्वे यी बि त आवश्यक च कि ना ?
केबल वाळ-ओहो ! सूत्रों के अनुसार बोलि द्यावो तो सब झूठ सच माने जांद।
मि -फिर मि तैं क्या क्या करण ?
केबल वाळ-अब माने कि भोळ इंडिया कु मौच ह्वावु त आज सुबेर बिटेन प्लेयिंग इलेवन का बारा मा दर्शकुं तैं इन उळजाण कि दर्शक सुपिन दिखण लग जावन कि पंदरा का पंदरा खिलाड़ी ही भोळ   खिलणा छन।
मि -मतबल क्रिकेट कमेंटेटरों काम च दर्शकुं कल्पना का दगड खिलवाड़ ?
केबल वाळ-हाँ जु दर्शकुं कल्पना दगड़ जथगा जादा खिलवाड़ कारो स्यु उथगा महान कमेंटेटर जन कि महान अलंकार विद नवजोत  सिद्धू।
मि -अर जब टॉस हूणों बाद प्लेयिंग इलेवनकु  निर्णय ह्वे जावो तो ?
केबल वाळ-तो भारतीय कैप्टेन तैं गाळी दीण कि अलण तैं किलै नि ले , फलण की जगा पर यदि उ हूंद तो , स्यु हूंद तो आदि आदि।
मि -मतबल इन हूंद तो तन ह्वे जांद।
केबल वाळ-हाँ  खेल खतम हूण तक दर्शकुं तैं इफ़्स ऐंड बट्स मा फँसाइक रखण।  सफल कमेंट्री कु रहस्य च कि फूफू की मूछें होती तो वह चाचा ताऊ होती।
मि -अर यदि टीम हार जाव तो ?
केबल वाळ-तो चिल्लावो टीम के चौदह  गुनाहगार , चौदा  लोगुंन इंडिया की लुटिया दुबै , यूँ चौदौं तैं जिन्दा खड़्यार द्यावो आदि शब्दों से एक्स्ट्रा कमेंट्री की शुरवात कारो।
मि -पर खेल मा तो अग्यारा खिलाड़ी हूंदन फिर चौदौं तैं खड्यणो  क्या जरूरत ?
केबल वाळ-अरे टीम हारी गे तो कोच , डाइरेक्टर अर ट्वेल्थ मैन तैं बि नंगा करण जरुरी च कि ना ?
मि -अर यदि टीम जीत गे तो ?
केबल वाळ-तो सारा का सारा क्रेडिट अफु ले ल्यावो।
मि -हैं ? ख्यालल खिलाड़ी , खलड़ खिंच्याल खिलाड्यूं का अर क्रेडिट ल्यालु कमेंटेटर ?
केबल वाळ-हाँ ! इन मा एक्सपर्ट कमेंटेटर  तैं हर बार बुलण पोड़ल कि मैंने कहा था कि यदि यह प्लेयिंग इलेवन होगी तो इण्डिया जीत जायेगी।
मि -ओ ! त या बात च।
केबल वाळ-हाँ ! एक्सपर्ट कमेंट्री कु यही राज च।
मि -ठीक च।  मि एक्सपर्ट कमेंट्री का वास्ता तयार छौं।
केबल वाळ-ठीक च। तुम चार स्पॉन्सर  खुजेक लया अर जैदिन चार स्पौंसर  लेक ऐ जैल्या वैदिन बिटेन कमेंट्री का वास्ता ऐ जैन।


7/1/15 ,  Bhishma Kukreti , Mumbai India

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language on Cricket Commentary ; Best of Himalayan Satire in Garhwali Language on Cricket Commentary ; Best of  Uttarakhandi Wit in Garhwali Language on Cricket Commentary ; Best of  North Indian Spoof in Garhwali Language on Cricket Commentary ; Best of  Regional Language Lampoon in Garhwali Language on Cricket Commentary; Best of  Ridicule in Garhwali Language on Cricket Commentary  ; Best of  Mockery in Garhwali Language on Cricket Commentary ; Best of  Send-up in Garhwali Language on Cricket Commentary  ; Best of  Disdain in Garhwali Language on Cricket Commentary; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal on Cricket Commentary ; Best of Himalayan Satire in Garhwali Language from Rudraprayag Garhwal on Cricket Commentary ; Best of Uttarakhandi Wit in Garhwali Language from Chamoli Garhwal  on Cricket Commentary; Best of North Indian Spoof in Garhwali Language from Tehri Garhwal  on Cricket Commentary; Best of Regional Language Lampoon in Garhwali Language from Uttarkashi Garhwal on Cricket Commentary ; Best of Ridicule in Garhwali Language from Bhabhar Garhwal on Cricket Commentary ; Best of Mockery  in Garhwali Language from Lansdowne Garhwal on Cricket Commentary ; Best of Hilarity in Garhwali Language from Kotdwara Garhwal on Cricket Commentary  ; Best of Cheerfulness in Garhwali Language from Haridwar on Cricket Commentary ;

Garhwali Vyangya , Garhwali Hasya,
                    स्वच्छ भारत  , स्वच्छ भारत , बुद्धिमान भारत!

 Best  Harmless Garhwali Humor  , Satire, Wit, Sarcasm , Garhwali Vyangya , Garhwali Hasya

                                      मुसूँ कुण प्रेम पाती

                                     पत्र -प्रेषक :::भीष्म कुकरेती

प्रिय मूषकराज  !
आशा च कुछ पाणै आस मा स्वतः प्राप्त दुंळ बिटेन सुळ -सुळ थूँथुर भैर गाडिक सुंगणु ह्वेलु , स्पर्श या कन्दूड़ से सुणणै /जाणनै कोशिस करणु ह्वेलि।  मि तैं पता च कि त्यार आँख कमजोर हूंदन पर तेरी जीव , तेरी त्वचा , त्यार कन्दूड़ अर नाक आँखूं कमजोर दृष्टि की कमी दूर कर दींदी।  अर यूं इन्द्रियुं से तू हर समय कुछ न कुछ खुजणु रौंद।  अबि त रात च त अबि बि तू कै कंटर,  सामान या बर्तन का तौळ  बिटेन थूँथुर निकाळिक भोजन खोज , पाणि खोज , रौणै जगा खोज , कठिनाई अन्वेषण , शत्रु खोज मा लग्युं ह्वेलु या पुरण रस्तौं तैं याद करणु ह्वेलु।
हाँ मि तैं पता च कि तू होशियार छे।  असल मा त्वे पर निओफोबिया हूंद याने तू नई चीजुं पर अधिक विश्वास नि करदी मतबल तू नई चीजुं पर खतरा उठाण से बचणु रौंद। तबि त आठ दस दिन ह्वेक बि तू चूहेदानी पुटुक जल्दी से नि फंसदि।
पर यदि तू सेर छे तो मि सवासेर छौं।
मीन त्वैकुण त्वै तैं फंसाणै दवा मतबल त्वै तैं मारणै दवा रुटी  पर लगयीं च , रुटि तेरी स्मृति मा च त तीन झट से रुटी खाणो आण इ च।
अच्छा सूण दवा मिश्रित रुटी खाणो अकेला नि ऐ , अपण कज्याण बि लै , बच्चा -कच्चौं तैं बि लै अर जीमण बोलिक अपण सरा भयात तैं बुलै दे।  मीन तुम सब्युं कुण जीमणो इंतजाम कर्युं च भै।
ओहो चिंता नि कौर द्वामिश्रित रुटी खाणो बाद तू स्वर्गधाम पौंछि जैलि जख मूषिका रूप मा , चौषठ कलाओं से सम्पन अप्सराएं तेरी इन्तजार करणी छन।
हाँ यु भोजन मि त्यार उधार चुकाणो बान दीणु छौं।  कुज्याण कथगा रात ह्वे गेन धौं तीन मि तैं रात सीण नि दे ,  तीन मि तैं उल्लू बणै , तीन मि तैं निशाचर बणै , तीन मि तैं बीमार कार।  वांक सब उधार दीणु छौं।
सप्रेम , एक मूषक जनित दुखभोगी !

14/1/15,  Bhishma Kukreti , Mumbai India

   *लेख की   घटनाएँ ,  स्थान व नाम काल्पनिक हैं । लेख में  कथाएँ , चरित्र , स्थान केवल व्यंग्य रचने  हेतु उपयोग किये गए हैं।

Best of Garhwali Humor in Garhwali Language ; Best of Himalayan Satire in Garhwali Language ; Best of  Uttarakhandi Wit in Garhwali Language ; Best of  North Indian Spoof in Garhwali Language ; Best of  Regional Language Lampoon in Garhwali Language ; Best of  Ridicule in Garhwali Language  ; Best of  Mockery in Garhwali Language  ; Best of  Send-up in Garhwali Language  ; Best of  Disdain in Garhwali Language ; Best of  Hilarity in Garhwali Language  ; Best of  Cheerfulness in Garhwali Language  ;  Best of Garhwali Humor in Garhwali Language from Pauri Garhwal  ; Best of Himalayan Satire in Garhwali Language from Rudraprayag Garhwal  ; Best of Uttarakhandi Wit in Garhwali Language from Chamoli Garhwal  ; Best of North Indian Spoof in Garhwali Language from Tehri Garhwal  ; Best of Regional Language Lampoon in Garhwali Language from Uttarkashi Garhwal  ; Best of Ridicule in Garhwali Language from Bhabhar Garhwal  ; Best of Mockery  in Garhwali Language from Lansdowne Garhwal  ; Best of Hilarity in Garhwali Language from Kotdwara Garhwal  ; Best of Cheerfulness in Garhwali Language from Haridwar  ;
Garhwali Vyangya , Garhwali Hasya,
                    स्वच्छ भारत  , स्वच्छ भारत , बुद्धिमान भारत!