मॉडर्न कुकरी फॉर टीचिंग एंड द ट्रेड : भारतीय पाक विधा क विश्वकोश
भारतम म पाक शास्त्र ग्रंथ रचना इतिहास भाग -14
भारतम स्वतंत्रता उपरान्त कुक बुक प्रकाशन कोअर ब्यौरा भाग - 2
Cookbooks after Independent India - 2
-
भीष्म कुकरेती
-
मॉडर्न कुकरी फौर टीचर्स ऐंड द ट्रेड आधुनिक भारत की एक महत्वपूर्ण ग्रंथ च। यु ग्रंथ १९४६ म छप छौ अर अब बी छपेणु रौंद , ग्रंथ वास्तव म एक संदर्भ ग्रंथ च।
मॉडर्न कुकरी फौर टीचर्स ऐंड द ट्रेड की लेखिका पदम् श्री थंगम एलिजाबेथ फिलिप्स च।
थंगम फिलिप्स कु जन्म सन 1921 म केरल म ह्वे छौ। तंगम की शिक्षा दीक्षा वोमंस कॉलेज चेन्नई , लेडी इरविन कॉलेज दिल्ली,से ह्वे अर थंगम न मास्टर की डिग्री अमेरिका से पायी। थंगम न कोलकता म कॉलेज नौकरी शुरू कार अर श्री लंका म एक कॉलेज म होम इकोनॉमिक्स विभाग शरू कार। १९५० म थंगम वापस भार आयी अर भारतीय कृषि मंत्रालय म शामिल ह्वे। कुछ वर्ष वाद वा मुंबई आयी अर होटल मैनेजमेंट इंस्टीट्यूट ज्वाइन करी। थंगम न कति ग्रंथ लिखिन। थंगम फिलिप्स तै कई अंतर्राष्ट्रीय पुरुष्कार बि मिलेन अर १९७६ म पदम् श्री मील। देहवसान २००९ केरल म।
थंगम एलिजाबेथ फिलिप्स भारत म होटल मैनेजमेंट अर हॉस्पिटलिटी मैनेजमेंट विचार की संस्थापकों म एक च।
थंगम की पुस्तक 'मॉडर्न कुकरी ' इनसाक्लोपीडिया माने जांद। प्रस्तुत ग्रंथ छात्रों , अध्यापकों व होटल व्यापार वळों कुण बड़ो उपयोगी ग्रंथ च।
पुस्तक म निम्न अध्याय छन-
कुकरी थिओरी- ये अध्ययम मुख्य - कुकरी मटिरियल्स अवयव व तयारी ,पकाणो तरीका , सूप्स , फिश ,मांशाहारी पाक विधि ,मुर्गी , सब्जियां व सलाद , चीज , दालें ,सजवट /गार्निशिंग ; पश्चिमी भोजन म मसाला, पेय पदार्थ , भोजन दुबर गरम करण ,फ़ूड प्रोसेसिंग ,रोगियों कुण भोजन पकाण , भोजन भण्डारीकरण सिद्धांत ,भोजन संरक्षण ,भोजन योजना , लघु कैलोरीज भोजन , कॉल गैस , स्टीम आदि , भोजन पाक शब्दावली , भारतीय भोजन शब्दावली , हिंदी शब्दावली , नाप अर तौल ,मीनू सुझाव
इंडियन कुकरी :- अनाज, दालें ,सब्जी , अंडे , मछली , मीट , मिठाई , अल्पाहार
वेस्टर्न कुकरी : बेसिक्स ऐंड इंटरम्मीडिएट :- सूप्स,अंडे ,मछली , मीट ,सब्जी , ठंडी मिठाई, गरम मिठाई , शखरि भोजन , सॉसेज
मॉडर्न कुकरी की भाषा सरल च अर भोजन पाक कला व पोषण का प्रत्येक पक्ष की विवेचना हुईं च।
सर्वाधिकार@ भीष्म कुकरेती
भारत में पाक शास्त्र / cookbooks ग्रंथ इतिहास; ब्रिटिश राज में भारत में पाक शास्त्र / cookbooks ग्रंथ इतिहास; ग्रंथ इतिहास; श्रृंखला जारी रहेगी , Cookbooks in British Period in India ; भारत म ब्रिटिश युग म पाक शास्त्र ग्रंथ प्रकाशन