फ़ूड स्टाइलिंग अर्थात भोजन प्र्स्तुतिकरण कला
-
फ़ूड फोटोग्राफी वास्ता फ़ूड स्टाइलिंग पर कुछ ध्यान दीण लैक बथ
फ़ूड फोटोग्रॉफी वास्ता फ़ूड स्टाइलिंग , भाग - 2
जसपुर तैं छायाचित्रों द्वारा प्रसिद्धि दिलाण वळ फोटोग्राफर श्री चंद्र मोहन जखमोला तैं समर्पित
-
भीष्म कुकरेती यदि विश्लेषण करे
-
फोटोग्राफी वास्ता फूड स्टाइलिंग अर्थात प्रस्तुतिकरण , अर भोजन प्रस्तुतिकरण वास्तव म एक कला च , एक शिल्प च , कौशल च। भोजन प्रस्तुतिकरण याने फोटो या वास्तव म देखि लाळ चूण मिसे जा , भूख जग जा।
फूड स्टाइलिंगौ अर्थ हून्द भोजन इन सजाण कि सजायुं भोजन स्वादिस्ट अर ताजो , फ्रेस लगो। जब हम खाणा खांदवां त हमर भौत सी इंद्री जन सुंगण , स्वाद , दिखण , स्पर्श (गरम , ठंडो , मुलैम आदि ) - नाक , जीव , आंख , त्वचा अर कंदूड़ तक सक्रिय । जबकि फोटो म केवल आंख इन्द्रिय ही सक्रिय हूंद। बस फोटो मगक भोजन देखि स्वाद , स्पर्श अर गंध को आभास हूण चयेंद। यु सब फ़ूड स्टाइलिंग से संभव च। भोजन स्टाइलिंग से दर्शक का स्वाद ग्रंथि , दृश्य ग्रंथि , गंध ग्रंथि कार्यावनित हूण चयेंद .
भौत सा लोक सोशल मीडिया म भोजन बि बढ़िया सजांदन , फोटो बि ठीकि लीन्दन किन्तु दर्शक तै आकर्षित नि कर सकदन किलैकि भांड भोजन कु स्टैंडर्ड का साथ मेल नि खांदो या खपटणा जन प्लेट म शाही कोरमा परोसे जाय तो प्रस्तुतिकरण बेढंगा ही बोले जाल। या प्लेट कु रंग म कॉन्ट्रास्ट नि हूण से भोजन म निखार नि दिखेंद। त फोटोग्राफी से पैल स्टाइलिंग पर पूरो ध्यान हूण आवश्यक च I
फोटोग्राफी वास्ता फूड स्टाइलिंग को कार्य च दर्शक की स्वाद , गंध व दृश्य ग्रंथि सक्रिय करण अर अमाशय म भूख जगाण व वै भोजन की इच्छा जगाण।
उन दिखे जाय त समाजम भौत सि महिलाओं क कुकिंग की प्रशंसा अधिक हूंद अर विश्लेषण करे जाव तो पाए जांद कि प्रशंसित महिलाओं क भोजन प्रस्तुतिकरण व भोजन परोसण म ंहरत हूंदी। या ही फोटो ग्राफ़ी म फ़ूड स्टाइलिंग को महत्व हूंद।
जन कि एक मेकअप मैं फोटोग्राफी वास्ता कार्य करदो ऊनि फूड फोटोग्राफी वास्ता फ़ूड स्टाइलिंग महत्वपूर्ण च।
रसोइया कार्य भोजन तै स्वादिस्ट बणानो च तो फोड़ स्टाइलिंग को उद्देश्य भोजन तै स्वादिष्ट दिख्याणो हूंद।
आकर्षक फ़ूड स्टाइलिंग से आकर्षक फोटो लिए जांद अर आकर्षक फोटो से सोशल मीडिया म प्रसिद्धि मिलदी व होटल या भोजन खलाण वळ व्यापारियों तै प्रसिद्धि मिलदी।
होटल म फ़ूड स्टाइलिंग से होटल कु नाम प्रसिद्ध हूंद।
सर्वाधिकार @ भीष्म कुकरेती