[b]लाल राजमा अर सून्ट (लोबिया) की दाळ पकाने की पाक विधि recipe
-
गढवाली भुला , यमकेश्वर [/b]
-
लाल राजमा अर सून्ट (लोबिया) की दाळ। सामग्री :- सुन्ट अर लाल राजमा साबुत 150+150 ग्राम, साबुत लाल मिर्च 5 , तेजपत्ता -2 , दालचीनी छोटु सी टुकड़ा, सोँठ 10 ग्राम, पिपली द्वी पीस, काली मिर्च 5-7 दाणा ,जीरा, धनिया 10 ग्राम , मोटी इलायची एक जयफल आधा टुकड़ा, हरी मिर्च चार,प्याज दो, अदरक थोड़ा सा, लहसुन 5-7 कली, टमाटर दो, हरा धनिया 10 ग्राम, नमक मिर्च हल्दी स्वाद अनुसार, देशी घी 50 ग्राम।
-
सबसे पैली पानी गरम करीक दाळ भिगै द्यावा अर तेजपत्ता छोडी़क सब गरम मशालोँ तै तवा माँद भुनी क थोड़ा म्वाटू कूटी ल्यावा। तीन चार घँटा भिगीँ दाळ तै पकण तक जरूरत क अनुसार उबाळी द्यावा। देशी घी पतीला माँद डाली क हळकी आँच माँद कुट्याँ मशाला, तेजपत्ता, कटी हरी मिर्च, साबुत लाल मिर्च, लहसुन अदरक, प्याज डाली क पकण तक भूनी क फिर टमाटर और नमक, मिर्च ,हल्दी डाळी द्यावा। पिस्यूँ मशाला डालण की जरुरत नी च। थोड़ा भूनी क पकीँ दाळ तै घोटी क डाली द्याण। पकण क बाद एक करछी माँ द्वी चम्मच देशी घी डाळी क गरम करीक जीरा कू तड़का भूनी क गरम तड़का दाल माँद डाली क ढक्कन लगै द्याण। बस तैयार च सुन्ट अर लाल राजमा की दाळ।अगली पोस्ट माँद कम मशालोँ की पहाड़ी भड्डू वाळी स्वादिष्ट दाळ की पोस्ट भेजलू।
सर्वाधिकार @ गढवाली भुला , यमकेश्वर