Pages: 1 ... 38 39 40 41 [42] 43 44 45 46 ... 70

Author Topic: Delicious Recepies Of Uttarakhand - उत्तराखंड के पकवान  (Read 179541 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #410 on: June 17, 2021, 12:40:45 PM »
   गढवाली शैली में भरवाँ लमेंडा. चचिंडा की  सब्जी
-
अंजना कंडवाल
-

सामग्री:-
1/2 किलो लमेंडा,
3बड़-बड़ प्याज,
2टिमाटर,
2-3हैरी मर्च,
5-6कलि ल्यासण,
6 एक छुट्टू सी टुकड़ा आदु।
तुड़का:- जीरु, ज
 j जख़्या,
सौंफ,
कलौंजी,
गन्देला पत्ता/ कड़ी पत्ता
चुटकी भर हींग
-
मसाला:- लूण स्वादनुसार, 1/4 हल्दी, 1/2मिर्च, 1चम्मच धणिया, 1/2 जीरु, 1चम्मच अमचूर, थुड़ा सी गरम मसल, थुड़ा सा चाट मसल।
-
बणाणकी विधि रेसिपी :- सबसे पैली लमेंडा थें खुर्सी की भैर बिटि साफ कैर द्या फिर छुटा छुटा टुकड़ों मा काटी द्या (या बिना खुरस्यां भी काटी सकदन)
फिर चक्कू मदद से भीतर बीज निकली की प्रेसर कुकर मा धैरी चौथाई कप पाणी डाळी एक या द्वि सीटी लगे द्या।
#भरावन:- प्याज अर टिमाटर ल्यासण थें बरीक बरीक काट ल्या।
एक कढ़े मा एक बड़ू चम्मच तेल डाली की सब्बि तुड़का थें डाळी दया फिर प्याज डाली एक मिनट तक भून ल्या अब टिमाटर अर लूण डाळी द्वि मिनट तक भून ल्या और सब्बि मसल डाळी की तब तक पका जब तक प्याज-टिमाटर क छोडियूँ पाणी सुख जा।
अब प्रेसर कुकर बिटि सब्बि लमेंडा निकली की भरावन भर द्या।
एक कड़े मा या कुई नॉनस्टिक सॉसपैन मा द्वि चम्मच तेल डाळी हींग कु तुड़का लगे सब्बि भरयाँ लमेंडा टुकड़ो थें डाळ द्या ऐंच बिटि हल्कू नमक अर चाट मसल बुरक द्या अर हल्कु भुरू होण तक सेक ल्या।
तैयार च आपकु चटपटु भरयाँ लमेंडा की भुज्जी।

सर्वाधिकार @ अंजन कंडवाल
 पौड़ी से    गढवाली शैली में भरवाँ लमेंडा. चचिंडा की  सब्जी , कोटद्वार से    गढवाली शैली में भरवाँ लमेंडा. चचिंडा की  सब्जी , यमकेश्वर   गढवाली शैली में भरवाँ लमेंडा. चचिंडा की  सब्जी , Stuffed  Snake Gourd Vegetable Recipe in Garhwali Style




Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #411 on: June 18, 2021, 03:41:05 PM »
रेसिपी - -चिवड़ा/ पोहा
-
द्वारा-मीना जोशी
-
पोहा एक सेहतमंद नाश्ता च। सब्जियों क प्रयोग ज्यादा हूण से ये कि पौष्टिकता और भी बढ़ जांद।
बणाण म लगण वळु समय- लगभग 15 मिनट तैयारी करण मा लगण वळु समय- 5 से 7 मिनट कतग लोगु खुण-4
-
सामग्री- 1- चिवड़ा/पोहा 4 कट्वरि 2-प्याज- एक बड़ु(बरीक कट्यूं) 3-गाजर-2(बरीक कटीं) 4-फ्रासबीन-1/2 कट्वरि(बरीक कटीं) 5-मटर का दाणा-1/2 कट्वरि 6-हैरि मर्च-2(बरीक कटीं 67-मुंगफळी दाणा-1/2 कट्वरि 8-निंबु-1 9-हळ्दु-1/2 चम्मच 10-लूण- स्वाद अनुसार 11-तेल-द्वी बड़ा चम्मच 12-गंदेला / करी पत्ता-10
पकाणै विधि
-सबसे पैलि पोहा थै एक खुला भांडा म झट ध्वे कि छलणी म धैर दीण। ये से पोहा नरम ह्वे जांद। अब कढ़ै म द्वी चम्मच तेल डाळि कि सबसे पहले मुंगफळि क दाणा तळि कि अलग धैरि द्यावा।वेक बाद कढ़ि- पत्ता डाळि कि जरा देर भूटा।फिर प्याज भूना।वेक बाद फ्रासबीन, गाजर, मटर,हैरि मर्च व हळ्दु ,लूण मिलैकि 5 मिनट ढैकि द्यावा। आखिर मा पोहा व भुनी मुंगफळि डाळि कि सब्य सामग्री ठीक से रळै-मिळै कि 4-5 मिनट ढक्कन धैरि कि धीमी आंच मा पकाण। सवदि पोहा/चिवड़ा तैयार च!! खांदि दा निम्बु कु रस मिलावा। गर्मागरम खावा अर खिलाव। 
गढवाली शैली में पोहा पाक विधि ; कुमाउंनी शैली में पोहा पाक विधि
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #412 on: June 18, 2021, 04:24:31 PM »
शुध्द आयुर्वेदिक खाणु, चाणा उड़दु की दाल, भिन्डी, भात दगड़ खावा बल।
-
सरोज शर्मा  सहारनपुर
-
रेसिपी
 अधा कटोरी उड़द,
1/4 चणौ की दाल
ध्वै की कुकर मा चढावा
तीन कटोरी पाणि डाला
नमक मिर्च धनिया हल्दी
लासण अदरक सभी डालिक
पांच, छै सिटी लगावा उतारिक दयाखवा
गैलि कि न,
अब हींग जीरा मर्च लाल मर्च साबुत  कु छौंक लगाईक खावा
--
गढवाली शैली म उड़द दाल रेसिपी , ककुमाउंनी सहिली म उड़द दाल रेसिपी
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #413 on: June 18, 2021, 04:45:42 PM »
  आयुर्वेदिक  भरवाँ भिण्डी की  रेसिपी
-
अंजना कंडवाल (नैनिडांडा)

सामग्री:-1/4 भिण्डी, 1बड़ू सी प्याज, 1टिमाटर, 2 हैरी मर्च, 4-5कलि ल्यासण, एक छुट्टू सी टुकड़ा आदु।
तुड़का:- जीरु, जख़्या, सौंफ, कलौंजी, चुटकी भर हींग
मसाला:- लूण स्वादनुसार, चुटकी भर हल्दी, 1/4मिर्च, 1/2चम्मच धणिया, 1/2 जीरु, 1चम्मच अमचूर, थुड़ा सी गरम मसल, थुड़ा सा चाट मसल।
बणाणकी_विधि:- सबसे पैली भिंडियूँ थें ध्वे की सूखे ल्या फिर द्वि छोर बिटि थोड़ा थोड़ा काट ल्या अर बीच मा एक चीरा लगे ल्या, एक कढ़े मा ज़रा सा तेल गरम करि भिंडियूँ थें 5 मिंट तक हल्की आंच मा सेक ल्या भिण्डी हल्की नरम ह्वे जाली।
भरावन:- प्याज अर टिमाटर ल्यासण थें बरीक बरीक काट ल्या।
एक कढ़े मा थुड़ा सी तेल डाली की सब्बि तुड़का थें डाळी दया फिर प्याज डाली एक मिनट तक भून ल्या अब टिमाटर अर लूण डाळी द्वि मिनट तक भून ल्या और सब्बि मसल डाळी की तब तक पका जब तक प्याज-टिमाटर क छोडियूँ पाणी सुख जा।
अब सब्बि भिंडियूँ मा मसल भर ल्या
फिर एक कड़े मा या कुई नॉनस्टिक सॉसपैन मा एक बड़ू चम्मच तेल डाळी हींग कु तुड़का लगे सब्बि भरयाँ भिंडियूँ थें डाळ द्या ऐंच बिटि हल्कू नमक अर चाट मसल बुरक द्या द्वि से तीन मिनट खुला मा पकावा।
तैयार च आपकु चटपटु भरयाँ भिंडी की भुज्जी।
 सर्वाधिकार @ अंजना कंडवाल (नैनी डांडा)
-
गढवाली शैली में  आयुर्वेदिक  भरवाँ भिण्डी की  रेसिपी , कुमाउंनी शैली में आयुर्वेदिक  भरवाँ भिण्डी की  रेसिपी

 

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #414 on: June 18, 2021, 07:53:49 PM »

प्याजि लच्छा करेला अर गुंदेला/गंदेला  भात
-
प्रेमलता सजवाण [/color]
-
छ ना कुछ त, कैथै न कैथे जरूर आंद
कुछ न कुछ त, क्वी न क्वी भलु पकांद।
सगोर ह्वा या कुस्वगर्या ह्वा जु क्वी भि
अपरों पुटगि भ्वरणै जतन कैरि हि जांद। तो आज ह्वे
जाव - प्याजि लच्छा करेला अर गंदेला / गुंदेला भात


बणाणा कु सगोर
1 - करेलों थे ध्वै सुखै कि लम्बु बरीक काटि कि राखा।
प्याज का भि बरीक लच्छा काटि राखा।
अब कढै़ म सरसों तेल म जीरा, जख्या डालि तुड़का लगावा।
फिर पैलि करेला भूरा हूण तक भूना।
बाद म कट्यां लच्छा प्याज डाला।
जरसि देर भुनण बाद लूण, मर्च, हल्दु, मसला, देगि मर्च डालि भूना।
हैरि मर्च का द्वी फाड़ा कैरि वै प्याजि लच्छा करेला थै सजै द्यावा।
2 – गुंदेला (कढ़ी पत्ता) भात बणाणा खुणे एक पाव चौंल ध्वै कि भिगै द्यावा।
कुकर म सरसों तेल डालि जीरा भूना।
फिर चार फांकि छिल्यीं लसुण भूना, वैथै ललंगु हूणा बाद द्वी कट्यां प्याज भूना। अब दस बारह गुंदेला पात भी छौंक म डाला। फिर भिग्यां चौंल डालि भि भूना अब लूण ,मर्च हल्दु मसला डालि रलै मिलै द्यावा। चौंलु थै तर डुबणा जुगा पाणि डालि मथि भटै अदरक खुर्सि द्यावा।अब मथि भटै एक चमचा घ्यूं डालि कुकर फर ढकण लगै द्यावा।कुकरे द्वी सीटी अर गुंदेला भात तैयार। एक प्लेट म निकालि कट्यां टमाटर हैरि मर्च दगड़ परोसा।
सर्वाधिकार @ प्रेमलता सजवाण
 गढवाली शैली में प्याजि लच्छा करेला अर गुंदेला/गंदेला  भात; कुमाउंनी शैली में प्याजि लच्छा करेला अर गुंदेला/गंदेला  भात




Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #415 on: June 18, 2021, 08:07:14 PM »
 सवादी आयुर्वेदिक पनीर भुज्जी  पाक विधि
-
प्रेमलता सजवाण
-

बणाणे सगोर---
दगड्यो अधा किलो पनीर थै बड़ा बड़ा टुकड़ो मा काटि दीण।
तेल म हल्कु भूरू रंग आण तक तैलि दीण।
अब कढै़ म छौंक जुगा तेल गरम कैरि वैमा जीरा अर कसूरी मेथी कु छौंक लगाण। फिर एक पाव बरीक कट्यां प्याज भून दिणि । फिर लसुण, आदु थै बरीक पीसि कि भूनि दीण। अर अपर पसंद का मसला( लूण,हल्दु,मर्च,धणिया पौडर,देगी मर्च) डालि भुन्याण आण तक भूनि दीण।फिर चार पाँच बरीक पिस्यां टमाटर डालि ऊंथे भी भूनि दीण।जरसि पाणि डालि लटपटु मसला बणै वैमा पनीर डालि कि रलौ मिलै दीण। एक प्लेट म सजै कि मथि भटै पुदीना पत्तों ल सजै भि दीण।
सर्वाधिकार @ प्रेमलता सजवाण
गढवाली शैली में पनीर सब्जी रेसिपी  . कुमाउंनी शैली में पनीर सब्जी रेसिपी
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #416 on: June 19, 2021, 04:36:32 AM »


 इंडियन  कुकरी : फॉर यूज इन आल कंट्रीज : जै ग्रंथन भारतीय भोजन तै अतंतररष्ट्रीय  पटल पर धार
भारतम म पाक शास्त्र ग्रंथ रचना इतिहास   भाग  -१२
भारतम ब्रिटिश कालम  कुक  बुक प्रकाशन को ब्यौरा  भाग -
Cookbooks in British Period in India - 12
-
   भीष्म कुकरेती
-
 ब्रिटिश राज का बाद लंदन म भारतीय भोजनौ  प्रचार प्रसार म  एडवर्ड  पामर वीरास्वामी  क ग्रंथ ' इंडियन कुकरी' क बड़ो हाथ च।  वीरास्वामी  लंदन को नामी गिरामी रेस्ट्रॉन्ट  कु नाम च जु भारतीय रिटायर्ड फौजी एडवार्ड पामरन १९२६ म खोली छौ।   वीरस्वामी  वास्तव म एडवर्ड पाल्मर कु  ददि  जातिक नाम च।  एडवर्ड तै भारतीय भोजन कु  भलो ज्ञान छौ  त  वैन भारतीय भोजन सेवा  क वास्ता रेस्ट्रॉन्ट खोली।  एडवर्ड न १९१५ एक ग्रंथ '  इंडियन  कुकरी : फॉर यूज इन आल कंट्रीज ' प्रकाशित कार   जैक आज बी ये ही फॉर्मेट म संस्करण प्रकाशित हूंदन। एडवार्ड तै बचपन से इ  भोजन पकणम बड़ो रस आंदो  छौ अर  ये ही कारण च वैन ुख लंदन म इंडियन कुकरी पढ़ाई बि  च।  एडवर्ड पामर तैं  भारतीय भोजन से अति प्रेम को फल च ' 'इंडियन  कुकरी : फॉर यूज इन आल कंट्रीज'। 
  वीरास्वामी भोजनालय अर  वीरास्वामी की  इंडियन  कुकरी : फॉर यूज इन आल कंट्रीज :' पुस्तक आज बि  भैर भारतीय भोजन प्रचार को एक बड़ो जरिया च। 'इंडियन  कुकरी : फॉर यूज इन आल कंट्रीज  म २३०  पृष्ठ छन।  दिखे जाव तो इंडियन करी तै प्रचारित  करण   म  यीं   पुस्तक अर  वीरास्वामी ंहोजनालय को च। 
  'इंडियन  कुकरी : फॉर यूज इन आल कंट्रीज' मा  मुख्य आधाय छन -
निजाम करी पॉउडर
 निजाम करी पेस्ट
  निजाम ठीक करी पेस्ट
  निजाम मुलिगाटावणी पेस्ट
    निजाम  इंडियन राइस
  निजाम विंदालू   मिक्सचर   
  निजाम कोफ्ता मिक्सचर   
  निजाम पेपर वाटर मिक्सचर
    निजाम कूर्मा मिक्सचर
  निजाम   घी
   निजाम मूंग दाल
  निजाम मूसा दाल
   निजाम चना
  निजाम    स्पाइसेज (ग्राउंड ऐंड  हॉल )
  निजा निजाम म  टामरिंडस इमली
  निजाम बॉम्बे डक्स
   निजाम पुप्पादम्स
  निजाम डेसिकेटेड कोकोनट्स
    निजाम गार्लिक विनेगर ,
 निजाम  सिएन  विनेगर वेनिगर निजाम
निजाम टामरिंड  वि नेगर
निजाम  चिली  विनेगर
  निजाम तारागॉन  विनेगर
  निजाम चिली सॉस
  निजाम इंडियन सौस
    निजाम मैंगो चटनीज
  निजाम लाइम पिकल
   निजाम ब्रिंजल पिकल
  निजाम  मैंगो पिकल
    निजाम ग्रीन जिंजर इन पिकल
  निजाम पिकल्ड चिलीज   
   पुस्तक म  प्रत्येक खंडम बनि बनि  भारतीय भोजनो बाराम  पूरी सूचना दिए गे।
प्रत्येक ररेसिपी म मात्रा अर  विधि दियीं  च कि  जै  तै थोड़ा  भौत बि  अंग्रेजी आदि  वो बि समज जावो। 
आज बि  इनदिन कुकरी पैटर्न पर भारतीय भोजन रेसिपी छपाये जांदन। 
   
एडवर्ड पामर कु  भारतीय भोजन तै प्रचारित करण म सदा याद करे जाल। 
 
एडवर्ड पामेर उर्फ़ वीरास्वामी क पुस्तक    इंडियन  कुकरी : फॉर यूज इन आल कंट्रीज :  को पब्लिशर छौ आरको  पब्लिशर लिमिटेड लन्दन। 

 सर्वाधिकार@ भीष्म कुकरेती
भारत में पाक शास्त्र / cookbooks  ग्रंथ इतिहास; ब्रिटिश राज में  भारत में पाक शास्त्र / cookbooks  ग्रंथ इतिहास;    ग्रंथ इतिहास;  श्रृंखला जारी रहेगी , Cookbooks in British Period in India ; भारत म ब्रिटिश युग म पाक शास्त्र  ग्रंथ प्रकाशन

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #417 on: June 19, 2021, 09:27:29 AM »
टुकरूअर मरसु(चोलाई) क भुजी। पकाणो सगोर  (रेसिपी )
-
गढवाल की  पारम्परिक  सब्जी पकाने की विधि
कुमाऊं की पारम्परिक सब्जी पकाने की विधि
-
रेसिपी – जय सिंह रावत
-
मुख्य सामग्री –
खीरा /कद्दू पत्ता /टुकुर
मरसू / चौलाई   /  पत्ता Amaranthus  leaves
मैण मसालू (अधिक ना )
 टुकरू अर मरसा पतौ थै बरीक काटिदयावा दगङम दवी पयाजा दाणी बि छीली दयावा। पाणि ल साफ कैरीक थकूलु म राखा। अब कङै गैस या चुलुम धैरा दवी चमच सरसो तेल भदवली म डाला दगङया दगङी जखया एक चमच डालि दयावा। दवी मिनट बाद कटी भुजी थै भदवली म डाला अर डडुली ल खूब खरौली क ढकणा धैरी दयावा। दवी मिनटा बाद ढकणा थै उठावा अर फिर डडुला ल खरोला। एक एक चमच हलदी धणया लूण अर तीन हैरी मरचा बरीक काटि क भदवली म डाला। अब एक दफा औरि खरोली क ढकणा लगैक कम झैल लगै पाचं मिनटा खुणि छोङि दयावा। लयावा भुजी बणि गयाई दगङयो।
सर्वाधिकार @ जय सिंह रावत
Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #418 on: June 19, 2021, 11:00:04 AM »


 स्क्वैश की  आयुर्वेदिक व सवादी भुज्जी,
-
 स्क्वैश की  गढवाली रेसिपी /जायकेदार सब्जी
-
रेसिपी -सरोज शर्मा  (  सहरानपुर)
-
सामान –
स्कैश
प्याज
ल्यासण
टमाटर
अदरक
धनिया  पिस्युं
मिर्च पिस्युं
गर्म मसालों  स्वाद अनुसार
लूण स्वादानुसार
बनाण की विधि-
प्याज टमाटर लहसुन अदरक बरीक काटकर अलग धैर दयाव,
फिर स्क्वैश भी काटिक धैर दयाव,
नमक मिर्च धनिया हल्दी गरम मसाला, जरूरत क हिसाब से धैरो,
प्याज भूनिक वै मा अदरक लहसुन डालिक भूना मसाला भी मिला दयाव टमाटर बरीक कटयां डालिक भूनिक जब तेल छोड़ दयाव तब स्क्वैश डालिक भूनिक पकाव, हैरू धनिया से सजाव
सर्वाधिकार @सरोज शर्मा (सहारनपुर )

Logged

Bhishma Kukreti

  • Hero Member
  • *****
  • Posts: 18,808
  • Karma: +22/-1
Re: Delicious Recepies Of Uttarakhand - उत्तराखंड के पकवान
« Reply #419 on: June 19, 2021, 03:36:02 PM »


खुंतुडु कि भुज्जी सामग्री
-
अनूप डोभाल
-
खुंतुडु कि भुज्जी सामग्री-
2गट्ठी खुंतुडु ,200gm
प्याज rough dice कटे,
हरी मिर्च, बारिक कटे हुये,
100ml कडुतेल(सरसों तेल)
तेल की मात्रा बढा सकते है खुंतुडु - बारिक
कट्यां तडका- जख्या,
साबुत लाल मिर्च
पकाने का सगोर (पाक विधि )
सबसे पैलि इक कढै मा तेल गर्म कन् फिर जख्या डालिक वैमा बारिक कट्यां खुंतुडु डालिदिण 3मिनट तक पकाण बाद वैमा प्याज डालिदिण, फिर नमक स्वादानुसार और एक चम्मच धनिया पावडर चुटकी भर हल्दि, 5मिनट पकाण ध्यान दिण - खुंतुडु कु भुज्जी मा , प्याज अद्धकच्चु रैंद चैंदु लाल मिर्च पाउडर भी नि डलण
सर्वाधिकार @ अनुप डोभाल
गढवाली शैली में खुन्तुड़ पकाने की विधि , कुमाउंनी शैली में खुन्तुड़ पकाने की विधि, हरिद्वार की शैली में खुन्तुड़ पकाने की विधि
Logged
Pages: 1 ... 38 39 40 41 [42] 43 44 45 46 ... 70
 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22