Uttarakhand > Culture of Uttarakhand - उत्तराखण्ड की संस्कृति

Delicious Recepies Of Uttarakhand - उत्तराखंड के पकवान

<< < (88/140) > >>

Bhishma Kukreti:
सुबेर कु ब्रेक फास्ट आयुर्वेदिक  नमकीन दलिया,
-
सरोज शर्मा सहारनपुर,
-
2 से 3 लोगों खुण
-
सामान -
एक छोटी कटोरी गेहुं कु दलिया
चौथाई कटोरी मूंग दाल
प्याज मध्यम आकार कू एक
आलू एक छोटु सि
टमाटर एक बड़ु सि
शिमला मर्च आधधा
हींग ,जीरा,हल्दी ,नमक
सबया सब्जि बरीक काटिक अलग धैरिक
विधि -
गैस मा कुकर चढाव, एक टेबल स्पून घी डालिक
हींग जीरा कु छौंक लगाईक प्याज टमाटर भूना
अब सरया सब्जि भी डालिक भूनिक पकाव
दलिया मूंग दाल डालिक चलाव, मसाला भि मिला दयाव पाणि आवश्यकतानुसार डालिक
2,3 सीटी लगाव, ।हवै ग्या तैयार। आयुर्वेदिक दलिया।

सर्वाधिकार@सरोज शर्मा (सहरानपुर से )

Bhishma Kukreti:
लौकी का कोफ्ता और काखड़ी कू रैतू।
-
             उषा बिजल्वाण
-
लोगो-२।
समय-१/२ घंटा
सामग्री- लौकी १/२ किलो कदुकस करयूं,काखड़ी
 १/२ किलो कदूकस करयूं, २ बड़ा प्याज़
अर २ बडा़ टमाटर पिस्यां,
२ हरी मिर्च , लसण आदो कु पेस्ट,
धणिया- १ चम्मच,
हल्दी आधा चम्मच,
कसूरी मेथी आधा चम्मच,
कश्मीरी लाल मिर्च आधा चम्मच,
लोण स्वादानुसार,
थोड़ा सा फेंटीं मलाइ,
दही फेंटीं ११/२ कटोरी,
कालु लोण १/२ चम्मच,
थोड़ा सा राई और जीरु ,
 तेल १कटोरी
,हरु धणिया थोड़ा सा ,
बेसण १ कटोरी ,
अजवाइन चुटकी भर
 विधी- गैस खोलीक कढै रखा तेल डाला जबतक तेल गरम होन्दू कस्यां लौकी कू पूरू पाणी निचोड़ीक बेसण, कसूरी मेथी, लोण थोडा सा अजवाइन अर बरीक कट्यूं हरू धणिया डाल द्या अच्छा सा मिलैक छोटि छोटि गोली बणैक तल द्या अब सारा कोफ्ता अलग निकालीक वै ही तेल मा टमाटर प्याज़ कु पेस्ट डाल द्या जब तेल छोडण लगो तब सब सामग्री डाल द्या तेल छोडण तक भुना अब आधा गिलास पाणी डाल द्या ५ मिनट पकोणा का बाद परोसा
-
सर्वाधिकार @ उषा बिजल्वाण

Bhishma Kukreti:


पारम्परिक पारसी पालक आमलेट
-
सरोज शर्मा सहारनपुर बटेन

सामग्री
-
3 अंडे
1 प्याज बारीक कटयू
1/4अदरक घिसा हुआ
1/4 चम्मच लासण बरीक कटयू
4 चम्मच पालक बरीक काटियू
1चुटकी हल्दी
1/4 देगी मर्च
हैरि मर्च बारीक काटिक
1/2 गर्म मसाला
2 चम्मच तेल
बणाणु क तरीका
तेल गर्म कारवा वै मा अदरक प्याज लहसुन 1 मिनट भूना अब वै मा पालक भी भूना जरा देर, सरया मसाला डालिक 30
सेकंड भूनिक 3 अंडे फेंटिक एक चम्मच तेल डालिक पैन मा धीमी आंच पर दो मिनट ढकिक पकाव, प्लेट क मदद से उलट दयाव पक जाण पर परवासा और खावा।
-
Copyright@ सरोज शर्मा सहारनपुर बटेन

Bhishma Kukreti:
पिंडालु /पाफड़ा लटपुटु साग /भुज्जि
-
बीना कण्डारी, धुमाकोट, नैंनीडांडा
-
सामग्री -  अधा किलु उज्यायूं पिंडालु
2- एक छोटि चम्मच जख्या
3-एक छ्वटि चम्मच भंगुलु /भांग 4- एक चुटकी हींग
5- द्वी से तीन कटीं हैरि मिर्च
6-- द्वी से तीन कलि कट्यूं लासण
7 -एक चम्मच कसूरी मेथि
8-द्वी कट्यां प्याज
9- द्वी कट्यां टमाटर
10-स्वादानुसार लूण, लाल मिर्च पाउडर, धनिया पाउडर, हळ्दू |
बणाणौ सगोर /तरिका --
अद्धा किलु पिंडालु तैं उज्यै दीण पर ध्यान रखुण कि कतकतु नि उजि जयां अर भैरा छिलका उतारि गुटका रूप मा काटि दीण |अब गैस मा कढ़ै चढ़ैकि सरसों तेल गर्म कैरि जख्या अर भंगुला तुड़का लगै दीण | हींग अर हैरि मिर्च अर लासण बि डाळि जरसि करछुळ घुमै दीण वेका बाद प्याज तैं हळ्कु भूरु भूनि अब टमाटर अर कसूरि मेथी डाळि फिर भून दीण |जरसि पाणि छमछै कि मसला लटपुटु सि बणै दीण अर वेका बाद उज्ययूं पिंडाळु डाळि फिर द्वी मिनट मसला दगड़ पकै दीण | अब कट्यूं हारु धण्या मथि बटि डाळि दीण त ल्या तैयार च लटपुटु पाफड़ा साग |
Copyright@ बीना कण्डारी, धुमाकोट, नैंनीडांडा

Bhishma Kukreti:
लौकी का पतौं का पत्यूड़
-
उषा बिज्लवाण- देहरादून।
-
लोग- ४। टैम- १/२ घंटा।
सामग्री- लौकी का पता १२,
 बेसण एक पाव ,
लसण आदा कु पेस्ट १ चम्मच, पि
सी लाल मिर्च १ चम्मच ,
 लोण स्वादानुसार ,
हल्दी १/२ चम्मच , अजवाइन १/२ चम्मच,
साबुत धणिया १/२ चम्मच ,
 जख्या १ चम्मच, हीं
ग१/२ चम्मच, साबुत
लाल मिर्च ४, सौंफ१
चम्मच ,तेल १ कटोरी,
राई १/२ चम्मच
विधी-
 पतौं तै बारीक काट द्या वैम बेसण, लोण , लसण आदा कु पेस्ट, पिसीं लाल मिर्च और हल्दी डाल द्या अच्छा से मिला अब कनी भी आकार म बणै स्टीमर मा रख द्या जब पक जालू त ठंडा कर्न रख द्या अब कै भी आकार म काट ल्या। गैस खोलीक कढै रखा तेल डाला अब वैम अजवाइन, धणिया, जख्या, हींग, साबुत लाल मिर्च सौंफ अर राई डाल द्या जब तड़क जालू तब पत्यूड़ डाल द्या ५ मिनट बाद निकालीक गरम गरम परोसा
सर्वाधिकार @ उषा बिज्लवाण- देहरादून।

Navigation

[0] Message Index

[#] Next page

[*] Previous page