Author Topic: Delicious Recepies Of Uttarakhand - उत्तराखंड के पकवान  (Read 177740 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1

Bhishma Kukreti

  • Hero Member
  • *****
  • Posts: 18,808
  • Karma: +22/-1
पौष्टिक दलिया
-
कामना बहुगुणा की रसोई बटीन
-
अनिता ढौंडियाल कोटद्वार
-
सामान
एक कटोरी दलिया,
एक चम्मच घी,
द्वी हैरी इलैची, पांच चम्मच गुड़ौ चूरा
बणाणू सगोर
कुकर तैं गैस मा धैरी घी गरम करा
हैरी इलैची भि डाल द्या
अब दलिया डालिकि अच्छी तरह भूटा
अब एक छ्वटु गिलास पाणी डालिकि गुड़ौ चूरा भि डाल द्या
एक सीटी औण पर गैस बन्द कर द्या
ल्या ह्वेगी तैयार मिट्ठू दलिया
ये दलिया तैं शूगर वाला भि खै सकदन


Bhishma Kukreti

  • Hero Member
  • *****
  • Posts: 18,808
  • Karma: +22/-1
अल्लू की थिंच्वणी
-
गढ़वाली भोजन रेसिपी
-
अनिता ढौंडियाल कोटद्वार
-
चार माबतूं
सामान
आधा किलो अल्लू छ्वटा छ्वटा,
एक बड़ू टमाटर,
लासण आठ फोली,
द्वी चम्मच धणिया,
पौंण चम्मच लाल मर्च,
आधा चम्मच हल्दी पाउडर,द्वी
बड़ा चम्मच कड़ु तेल,
एक चम्मच जख्या,
लोण अन्दाजन
बणाणू सगोर
अल्लू साफ ध्वेकी थींच द्या भौत म्वाटू भि ना भौत बरीक
गैस मा कड़ै धैरी तेल गरम करा
जख्या तड़कैकि अल्लू डाला
अच्छी तरह मिलावा अर ढक्कण लगै द्या झौल कम रखण
एक मिनट बाद फिर अच्छी तरह मिलावा अर ढक द्या एक मिनट बाद फिर मिलावा अब अल्लू हल्कू लाल ह्वे जांद
अब एक कट्वरी मा लासण कूटिकि टमाटर काटा अर सब्या मसलु डाला
अब अल्लू का बीच मा जगा बणैकि टमाटर मसलू डाला
लोण भि डाल द्या अर ढैक द्या
एक मिनट बाद ढक्कण खोली कि बीच मा धैर्यूं मसला तै अच्छी तरह मिलावा
अब सैरी भुज्जी मसला सहित मिलैकि द्वी कट्वरी पाणी डालिकि अच्छी तरह मिलावा अर ढक्कण लगै द्या
कम झौल मा पांच मिनट तक पकावा
बीच-बीच मा मिलौणा रावा
पाणी अन्दाजन कम जादा कर सकदां
ल्या ह्वेगी तैयार थिंच्वणी
भात रवटी दगड़ी खावा


Bhishma Kukreti

  • Hero Member
  • *****
  • Posts: 18,808
  • Karma: +22/-1
क्षिण भारतीय शैली चुकंदर चटणी
-
भारत चटणी यात्रा -25
-
सरोज शर्मा ( चटणी शोधार्थी)
-
सामग्री
एक बड़ चुकंदर कटयूं छिलयू
एक चौथाई चम्मच राई
एक चम्मच उड़द दाल
एक चम्मच चाणो कि दाल
लासण बरीक कटयूं द्वी फोली
घिसयूं नरयूल
5-7 कढी पत्ता
एक सुखीं लाल मर्च
द्वी चम्मच घिसयू नरयूल
एक चम्मच निंबू रस
द्वी ढाई चम्मच तेल
स्वादानुसार लूण
सगोर
एक नान स्टिक कढ़ै मा मध्यम आंच म तेल गरम कैरिक वै मा राई तड़काव नरयूल जीरू उड़द दाल चाणा दाल डालिक द्वी तीन मिनट भूनिक वै मा लासण ,कढी पत्ता ,लाल मर्च डालिक सुनहर हूण तक भूना अलग धैर दयाव ठंठु हूण दयाव ये क बाद कढ़ै मा एक चम्मच तेल गरम कैरिक चुकंदर और लूण डालिक मिलाव चार पांच मिनट भूनिक वै मा घिसयू नरयूल डालिक द्वी मिनट तक पकण दयाव, गैस बंद कैर दयाव
दाल मसलों क मिक्सर अलग धैर दयाव
अब मिक्सर मा डलयूं चुकंदर मा नींबू रस निचोड़िक मुलायम हूण तक पीस ल्याव, चटणि पतली रखण ह्वा त द्वी तीन चम्मच पाणी मिलाव, भांड मा निकाल ल्याव, अब दाल -मसला वल मिक्सचर मिलाव
चटणि तैयार च ये थैं भात,डोसा, इडली क दगड़ खावा समोसा पकवड़ दगड़ भी
खाई सकदो भौत ही सवदि हूंद।
सर्वाधिकार @सरोज शर्मा ( चटणी शोधार्थी )


Bhishma Kukreti

  • Hero Member
  • *****
  • Posts: 18,808
  • Karma: +22/-1
गढवाली शैली में बिन प्याज   सोयाबीन  बड़ी साग
-
गढवाली भोजन रेसिपी


-
सरोज शर्मा सहारनपुर बटिक
-
गर्म पाणि मा एक कटवर बढ़ी भिगै दयाव
एक अल्लु भी बढा पीस मा काट ल्याव
सामग्री
तेल एक बडो  चम्मच
जीरू एक चम्मच
हींग अधा चम्मच( छवटि )
धणया एक चम्मच
मर्च स्वादानुसार
हल्दी अधा चम्मच
गरम मसला आधा चम्मच
लूण स्वादानुसार
चार टमाटर मिक्सर मा पीसिक
कुकर मा तेल गरम कैरिक जीरू हींग डाल दयाव
पिसयू टमाटर डालिक भून ल्याव अब लाल मर्च धणया पौडर, कश्मीरी लाल मर्च, लूण डालिक तब तक भूना
जब तक तेल नि छोड़ दयाव अब ये मा भिगीं सोयाबीन बढ़ी और अल्लु भी डालिक भून ल्याव
द्वी कटवर पाणि डालिक तीन सीटी लगाव
ठंड हुणक बाद कुकर खोलिक दयाखवा, गरम मसला और एक चौथाई टिककी मक्खन भी डालिक थोड़ी देर और थढ़कावा ।
गरमा गरम रवटि, परौठा दगड खाव।


Bhishma Kukreti

  • Hero Member
  • *****
  • Posts: 18,808
  • Karma: +22/-1
कच्च गहथ(कुलथ की  दाल) क भरीं रुट्टी क रेसिपि
-
गढवाली भजन रेसिपी
-
-
एस पी जोशी (यमकेश्वर )


समान
एक कटोरी गहथ, द्वि कटोरी आटु,हरी मर्च,नमक,हल्दी,हींग आदि
विधि -
सबसे पैली रात कुन गहत ठण्डु पाणि मा भिगाण रखो, सुबेर पाणी खतिक सिल्वट मा गहत पीसो(गहथ ज्यादा बारीक भी नि हुण चयाण्दन,) वेक बाद आप रुट्टी कुन आटु गोंदिक रखो,आटु बढिया  करिक ओलण चयाणा,अब आप जु गहथ पिस्याँ छन वेमा सभी मसाला स्वादानुसार मिलाओ और हरी धनिया मिर्च भी मिलै द्याओ। आटु क पेडा बणैक रुट्टी क पुटुक मस्यठ भरो और तेल या बिना तेल क परोंठा क तरां ठण्डी आंच मा स्याको, गरमा गरम गहथ क भरी रुट्टी तैयार च , घी क दगड परोसो और आनन्द ल्याओ।


Bhishma Kukreti

  • Hero Member
  • *****
  • Posts: 18,808
  • Karma: +22/-1

झंगर्याल क‌ खीर/झंगोरा खीर
-
एस पी जोशी (यमकेश्वर )
-
घरक दूध लोहा क कड़ही मा चुल्ह मा रखो, वेक बाद झंगर्याल भिगाण धरी द्याओ, अब जब दूध पन उमाल आण बैठी जाओ त वेमा झंगर्याल डाली द्याओ, कुछ देर पकण क बाद स्वादानुसार चीनी या गुड डालो,दगडी आप ड्राई फ्रूट डाली सकदन, खूब पकैक झंगर्याल क खीर तैयार च, थाली मा खीर परोसिक वेमा देसी‌ घी डालिक मजा ल्याओ।


Bhishma Kukreti

  • Hero Member
  • *****
  • Posts: 18,808
  • Karma: +22/-1
बिहारी गढ़ का लजीज पकोड़ा
-
उषा बिज्लवाण देहरादून।
-
मन्खी - ३। समै- २० मिनट।
सामग्री- आलु १/२ किलो,
हींग १/२ चम्मच,
चाट मसालू १/२ चम्मच,
अजवाइन १/२ चम्मच,
 हल्दी १ चम्मच,
लोण१ चम्मच,
कसूरी मेथी १ चम्मच,
लाल मर्च पौडर , १ चम्मच,
अमचूर १/२ चम्मच, बे
ल्या लोण १/२ चम्मच,
चाट मसालू १ २ चम्मच ,
चौंलौं कु आटु १/२ चम्मच,
बेसण २ चम्मच,
तेल तळणक।
विधी- आलू उबालिक छिली क मैश कर ल्या अब वैम तेल छोड़ीक सबी सामग्री मिलै द्या गैस मा कढै रखीक तेल डाला अब मिलाईं सामग्री की छोटि छोटि गोली बणैक तल ल्या करारा होण तक तला गरम गरम चाट मसाला बुरकीक परोसा

Bhishma Kukreti

  • Hero Member
  • *****
  • Posts: 18,808
  • Karma: +22/-1
गडेरिक पपटोल
-
(कुमाउंनी भोजन विधि /रेसिपी )
-
आधा किलो घ्हौत की दाव या मासेक दाव
गडेरिक पत्त व डंडे हिसाबेल
तरिक
घ्हौतेक दाव कें रात भर भिजै दिया। रत्ते पिस लिया। गडेरिक पत्त व डंडन कें कुट भेर पिसि हुई घ्हौतेक दाव में मिला लिया। भली के मिस भेर उनार नान- नान बड़ि बणावो, प्लास्टिक में धर भेर तेज घाम में पन्दर दिन जाने भली के सुखा लियो।
नोट- ठंडी दीनान में जादा बनूनि । भौत सवाद हुनि। घ्हौत की दाव भौते पौष्टिक हुन्छ ये लिजि सप्पे खा सकनि।
***************
पपटोलक साग
चार मैशने लिजि
पौ भर पपटोल
एक दाण प्याज
एक गांठ लासण
एक ठुल डाड़ सरसों तेल
हींग, जिर छौंक लिजि
लूंण,हल्द,ख़ुश्याण,धणि सवादक हिसाबेल
थोड़ ग्यूंक पिश्यूँ
तरिक
लुआ भदै में सरसों तेल गरम कभेर पपटोल हल्क भुन भेर निकाव ल्यो। जिर व हींग क छौंक लगावो। ग्यूंक पिश्यूँ भुटेन व्है जावो तब जाणे भुटो। सप्पे मश्याल पिस भेर कौल ल्यो। पपटोल डालो पाणि व लूंण दाल भेर हलाते रवो जब तक उमाव न ऐ जवो। यो साग कें बन्यून में जादा समय नि लागूं। किलेकि पपटोल पैली बेटि भुनि हुनि।
नोट- भौते सवाद हुनि। लटपट सुखि हुई पपटोल ले बनाई जनि। कभे ले खा सकच्छा। पपटोल में घ्हौतेक दाल हुन्छ ये लिजि यो पौष्टिक हुन्छ।
सुमीता प्रवीण
मुंबई


Bhishma Kukreti

  • Hero Member
  • *****
  • Posts: 18,808
  • Karma: +22/-1
साबुत भिन्डी  रेसिपी
-
गढ़वाली शैली भोजन रेसिपी


सरोज शर्मा सहारनपुर बटिक
-
सामग्री
500 ग्राम भिन्डी
100 ग्राम तेल
एक निंबू रस
एक चम्मच धणया पौडर
तीन चम्मच लाल मर्च पौडर
अधा चम्मच हल्दी पौडर
कुछ फोली लासण ,आध चम्मच ,लूण स्वादानुसार
सगोर /रेसिपी
भिंडि ध्वै कि कपड़ा ल पूंछ दयाव
लम्बाई म चीर दयाव
लासण जीर कूटिक मसलों म मिला दयाव अब ये मसल थैं भिन्डी म भोरिक गर्म तेल म तल ल्याव, कुरकुरी हूण तक भून ल्याव आखिर म निंबू रस डालिक उतार ल्याव रवटटि दगड खाव सवदि भिन्डी।


 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22