Author Topic: Delicious Recepies Of Uttarakhand - उत्तराखंड के पकवान  (Read 177714 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1
अफगानी फिरनी रेसिपी
-
उषा बिजल्वाण
-
 सामग्री- १/२ प्याली आरारोट, ३प्याली दूध,१/४ प्याली ठंडु पाणी,१/३ प्याली सफेद चीनी,
१/२ चम्मच पीसीं ईलाईची,१/४ प्याली पिस्ता बरीक कट्यूं,१/२ प्याली बरीक कट्यूं बदाम, १ १/२ प्याली केसर। समै- -३० मिनट और २ घण्टा ठन्डा करनक।
विधि
एक पैन पर आरारोट और दूध मिलै द्या खूब घोला जब तक अच्छे से मिल न जाओ अब माईक्रोवेव पर मध्यम हीट पर पका अब सफेद चीनी मिलै द्या३ से ४ मिनट घुमौंदी रा जबतक गाड़ू न ह्वै जौ कट्यां पिस्ता अर बदाम डाल द्या २ मिनट और घुमा अब ईलाईची और केसर डालीक फिर घुमा अब निकालिक फ्रिज पर २ घन्टा ठंडा करनक रख द्या तैयार छ अफगानी फिरनी


Bhishma Kukreti

  • Hero Member
  • *****
  • Posts: 18,808
  • Karma: +22/-1
खट्टा मिट्ठा हारा कद्दू की रेसिपी
-
गिरीश ढौंडियाल , मुम्बई
-
4 लोगु खुण।
आवश्यक सामग्री अर भांडा-
अद्धा किलो हारु कद्दू, तेल/घी, जीरु, 100 ग्राम इमली, 100 ग्राम गुड़, नमक, एक लाल मर्च, एक हैरी मर्च अर पाणी।
कुकर, एक बड़ू कांच/स्टील कु बाउल, द्वी माध्यम बाउल/कटोरी, कड़छी, चाकू, मिनणा खुण मैशर, गैस अर गैस कू चुल्लू।
विधि- एक छोटा बाउल मां इमली अर दूसरा मां गुड़ करीब अद्धा घन्टा खुण भिजा दिणी जै से इमली कु रस निकल जा अर गुड़ पाणी मां घुल जा। कद्दू कु बीच कु गुदा बीज सहित निकाल लीण। तब कद्दू थैं अच्छी तरह से धवेई के करीब करीब अद्धा इंच का टुकड़ों मां काट लीण। अब यूं टुकड़ों थैं कम पाणी मां कुकर मां गैस जला कि कुकर की द्वी सिटी बजा दिणी। कुकर ठंडा हूणा पर ये उजयां कद्दू थैं बाउल मां गाड़ लीण। मैशर से थोड़ा थोड़ा सा मीन दीण। नमक स्वादानुसार डाल द्याओ। यो ध्यान रखण की पाणी ज्यादा नी हो किलैकि कद्दू मां पाणी अच्छी मात्रा मां हूंद।
अब ये मिनयां कद्दू मां इमली कु रस अर गुड़ कु पाणी छाणिक डाल के मिला दीण अर यूं तिन्यु थैं हल्का हथ से अच्छी तरह से मिला दीण।
अब ये मां छौंका दीणा का वास्ता गैस मां कड़छी मां घी गरम कैरिक वे मां एक चम्मच जीरा डालिक तड़कन दीण। ये मां एक पूरी लाल मर्च अर एक हैरी मर्च बड़ा टुकड़ों मां कटिं डालिक जल्दी से कद्दू जो मैश करयूं च वे का मत्थी कड़छी घुमा घुमा कै डाल,/चार दीण अर हल्का हथ से मिक्स कैर दीण।
हारा कद्दू की खट्टी मिट्ठी भुज्जी तैयार च।


Bhishma Kukreti

  • Hero Member
  • *****
  • Posts: 18,808
  • Karma: +22/-1
करोंदे कि चटणि (क्रेनबेरी)
-
चटणि यात्रा -51
-
सरोज शर्मा ( चटणि शोधार्थी )
-
ऐ चटणि बसगाल म बणयै जांद ,खाण म बहुत सवदि हूंद
यीं चटणि थैं समोसा, पकवड़ि, कटलेट, और भि सबया नाश्ता दगड़ खै सकदो।
सामग्री
50 ग्राम करौंदा, हैर धणया पत्ती ,पुदिना पत्ति, दस फोलि लासण, एक इंच अदरक, तीन हैर मर्च, अधा चम्मच लूण, कुछ बर्फ क टुकड़ा
सगोर /विधि
करौंदा ध्वै कि डंडी कि तरफ से काट ल्याव
अब द्वी टुकड कैरिक बीज निकालिक धणिया पत्ती, पुदीना,अदरक ,लासण ,हैर मर्च लूण मिक्सर म डालिक पीस ल्याव ,चटणि तैयार च ज्यादा खटटु चैंद त निंबू निचोड़िक मिलाव


Bhishma Kukreti

  • Hero Member
  • *****
  • Posts: 18,808
  • Karma: +22/-1
मेथी की भुज्जी, मेथी रेसिपी
-
सरोज शर्मा सहारनपुर बटिक
-
मेंथि ध्वै क काटिक धैर दयाव
तुअर क दाल द्वी चम्मच भिगै दयाव
एक कढ़ै म तेल गरम कैरिक जीरा, लासण, राई,हैर मर्च, डालिक भून ल्याव अब प्याज भि हल्कु सी भून ल्याव तुअर क दाल और मेथी डालिक लूण मर्च स्वादानुसार डालिक दाल गलण तक पकण दयाव जब गैल जा सब्जी घोटिक पकाव 5-7 मिनट गैस बंद कैर दयाव ह्वै गे तैयार सवदि भुज्जी।


Bhishma Kukreti

  • Hero Member
  • *****
  • Posts: 18,808
  • Karma: +22/-1
अफगानी चिकन ।

 उषा बिज्लवाण- देहरादून।
सामग्री- एक चिकन टुकड़ौं मा कट्यूं, १ चम्मच मगज, १ प्याली काजू, १ चम्मच पोस्त भिगायां, १ प्याली क्रीम, २ चम्मच मक्खन, २ चम्मच कालीमर्च पौडर, ५,६ छोटि इलाईची, लोण स्वादानुसार
विधी- मगज, पोस्त, काजू , काली मर्च और ईलाईची कु पेस्ट बणै ल्या। चिकन का टुकड़ौं पर ३,४ जगौं पर छेद कर ल्या तैयार पेस्ट चिकन टुकड़ौं पर लपेट ल्या ५,६ घन्टा मैरीनेट करनक रख द्या तन्दूर पर सुनहरा होण तक भुन ल्या तैयार छ अफगानी चिकन

Bhishma Kukreti

  • Hero Member
  • *****
  • Posts: 18,808
  • Karma: +22/-1

पनीर मखाना रेसिपी
*********************
सामग्री
50 ग्राम मखाना
100 ग्राम पनीर
द्वी बड़ा टमाटर।
लूण,मर्च,मसला,देगी मिर्च,हल्दु स्वादानुसार।
जीरा
भुटणा खुणे कड़ु तेल।
सगोर-ब्यूंतु.....
मखनो थै जरसि पाणि म भिगो द्यावा जनके वु मुलेम ह्वे जा।
पनीर थै मसलि कि रखि द्यावा।
कढै़ म भूटणो तेल डालि कि वैमा जीरा कु तड़का लगाण।
फिर बरीक कट्यां टमाटर डालि भूनि द्यावा।
अब लूण मर्च मसला डालि खूब खिटै द्यावा।
अब भिग्या मखाना डालि रलै मिलै द्यावा।
फिर मसल्युं पनीर थै भी खूब कै मिलै द्यावा।
एक भाण्डु म निकालि मथि भटै चार छै मखना डालि सजै भि द्यावा।
शुद्ध सात्विक पनीर मखाना भुज्जी तैयार च।
प्रेमलता सजवाण


Bhishma Kukreti

  • Hero Member
  • *****
  • Posts: 18,808
  • Karma: +22/-1
गिंजडी़ या गिंजडू
-
किशन  सिंह
-
झंगोरू पहाड़ का मुख्य अनाज म खास स्थान रखद।झंगरियाल कु भात, छंच्या, खीर आदि बणद जो कि लगभग सर्या पाड़ म खये जांद। यनि झंगोरा कु एक ब्यंजन हुदूं छाय गिजंडू या गिंजडी़ जो अब लगभग हरिचि ग्या। घरूड़ की रेसीपी का बाद अब गिंजड़ी कू आनन्द ल्यावा।
सामान : झंगर्याल १सेर, काला भट्ट २सेर, लूण , मर्च, धण्या, हल्दू, घी।
बिधि:
१. भट्ट रात म गर्म पाणि म भिगा द्यावा पाणी उमलदू हुए चैणू।
२. सुबेर भट्ट पीस दय्वो,
३. एक पतीला म पाणी गरम कारों वैमा पिस्या भट्ट डालिए द्यो। पाणी इति हूण चैणू झुंगरू भी वै पाणी म पक जाऊ।
४. पाणी म एक द्वी उमाल आणा क बाद वैमा लूण, मर्च, धण्या मिला खै खूब कै मिला द्या। अब यामां साफ कै धुयां झंगरियाल मिला द्या।बराबर कड़छी ल मिलाता रैयां निथर झंगरियाल का गोला बढ़ जंदिन।
जब झंगरियाल पक जैन त वैमा घी सीधा मिला द्या या जख्या के दगड घ्यू कु तड़का भी लगै सकद्या।
गिंजडी़ या गिजंडू़ तैयार च।


Bhishma Kukreti

  • Hero Member
  • *****
  • Posts: 18,808
  • Karma: +22/-1
अंजीर चटणि

चटणि यात्रा- 54
सरोज शर्मा
चार माबत खुण
सामग्री
2 चम्मच वनस्पति तेल
1 प्याज बरीक कटयू
2-3 लासण कि फोलि कटीं
500 ग्राम सुखीयू अंजीर, टुकड़ो म काटिक
1 चम्मच चिन्नी
4 हैर मर्च बरीक काटिक
4 चम्मच माल्ट विनेगर
4 चम्मच सफेद सिरका
सगोर
एक पैन म तेल गरम कैरिक ये म प्याज लासण भूरा हुण तक भून ल्याव
एक ब्लैंडर म फ्रायड प्याज लासण अंजीर और बाकी बचीं सामग्री डालिक पेस्ट बणा ल्याव, सर्व करण से पैलि 30 मिनट ठंड हुण दयाव, यीं चटणि थैं हवा बंद डब्बा म भोरिक फ्रिज म धैरिक एक मैना तक खाई सकदौ।


Bhishma Kukreti

  • Hero Member
  • *****
  • Posts: 18,808
  • Karma: +22/-1
शहतूत और शहतूत से बनी क्रीम,

सरोज शर्मा सहारनपुर बटिक
8-10 शहतूत काटिक धैर दयाव
एक चम्मच चिन्नी पिसीं क्रीम मा मिलाव गिलास म क्रीम डालिक कटयां शहतूत डाल दयाव उपर से और क्रीम डालिक फेंट दयाव, अब सजांण वास्ते ऊपर से कटयां शहतूत सजाव, इन्नी खाव या फ्रिज म ठंडू कैरिक खाव ।


Bhishma Kukreti

  • Hero Member
  • *****
  • Posts: 18,808
  • Karma: +22/-1
बंगाल शैली कि सरसों कि पत्ति कि चटणि

चटणि यात्रा -55
सरोज शर्मा ( चटणि शोधार्थी)
आवश्यक सामग्री
200 ग्राम सरसों कि मुलैम पत्ति कटीं
हैर मर्च 2-3
अदरक 1/2 इंच
लूण 1/2 चम्मच
आम क अचार कि 4-5 फांक
सगोर
हैर मर्च धवै क तोड़िक, अदरक छीलिक, सरसों कि पत्ति लूण आम कु अचार मिक्सर म पीस ल्याव
पिसीं चटणि थैं कांच क बर्तन म निकालिक गरमा गरम खिचड़ी या खाण दगड़ परोसा
समोसा ,पकवड़ा दगड़ भी खाई सकदो, लासण पसन्द करदो त डाल सकदौ,अचार नि ह्वा त निंबू भी डाल सकदौ।


 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22