प्रयाग पाण्डे
गावैं , खेलें , देवैं असीस , हो हो हो लख रे ।
बरस दिवाली बरसै फ़ाग , हो हो हो लख रे ।
जो नर जीवैं , गावैं फ़ाग , हो हो हो लख रे ।
आई वसंत कृष्ण महराज का घरा , हो हो हो लख रे ।
श्री कृष्ण जीरौं, लाख बरीस , हो हो हो लख रे ।
यो गौ को भुमिया जीरौं , लाख बरीस , हो हो हो लख रे ।
यो घर की घरिणी जीरौं , लाख बरीस , हो हो हो लख रे ।
गोठ की घस्यारी जीरौं, लाख बरीस , हो हो हो लख रे ।
पानै की रस्यारी जीरौं ,लाख बरीस , हो हो हो लख रे ।
गावैं , खेलें , देवैं असीस , हो हो हो लख रे ।