Uttarakhand > Development Issues - उत्तराखण्ड के विकास से संबंधित मुद्दे !

Race For Chair - क्या ऐसे ही होगा उत्तराखंड राज्य का सपना साकार?

<< < (8/9) > >>

एम.एस. मेहता /M S Mehta 9910532720:

Sudesh Bhatt
March 27 at 9:55pm ·
राज्य की बर्बादी कु
जश्न आज मन्युं च
कांग्रेस कुन शोक
बीजेपी युकेडी की बग्वाल हुंयी च
जुंग मुछ सब फुकैगी
नरबै हथ तपांणा छन
हमकुन लगै गेन 144
अफू दिल्ली लुक्यां छन
अफसोस नी च नरबैग्युं तै
लोकतंत्र की खत्ता खंणी च
यीं खत्ता की श्रेय लींण कुन
हपार छौंपा दौड लगीं च
जु भुना छन हमन लगवै
यख राष्ट्रपति शाशन
अजैन नरबैग्युं तुम भोटु कुन
कल्दी भीगैकी धरीं च तुमकुन
हपार द्याखो तुम्ही फोटु मा
कन छरमल्याट हुयुं च
अरे म्वाड निखली ग्या सरकार कु
युंकी रस्यांण अयीं च
ग्वाई लगांणा छन दल जु
बसकल्या छ्वाया सी हुयां छन
तीरें बर्सी ह्वै ग्या सरकार की
मुयली क सार लग्यां छन
राज्य की बर्बादी कु
जश्न आज मन्युं च
कांग्रेस कुन शोक
बीजेपी युकेडी......
आज क ताजा घटनाक्रम पर यु लेख@लेखक...सुदेश भट्ट "दगडया"

एम.एस. मेहता /M S Mehta 9910532720:
ढडुवा बिरलु की लडै मा
चोर मुसु की रसांण अयीं च
गुत्थम गुत्था हुंणी लगीं
दुंली की मुसी भैर अयीं च
गाड गदनु क मुस बिरल
सौब पौंछी गेन ड्यारदूंण
मलै खांण कुन यीं कुर्सी पर
चोर मुसु की टक लगीं च
सरा कुडी खुमडोली तौंन
बिधानसभा भी बांजी करीं च
ढडुवा बिरलु की लडै मा
चौर मुसुक भी रसांण अयीं च
चंट मुस चलगैन दिल्ली
ढडुवा बिरलु की यख लडै मचीं च
गाजा बाजों क दगडी आल
मुस बिरल जब सरकार बंणाल
ढडुवा बिरलु की लडै मा
चोर मुसुक भी रसांण.....
सर्वाधिकार सुरक्षित @लेख..सुदेश भट्ट "दगडया"

एम.एस. मेहता /M S Mehta 9910532720:
बीजेपी मंगणी दुबट की पुजा
कांग्रेस मंगणी तिबट मा
युकेडी अर छुट मुट दल सी
सार लग्यां छन चौबट मा
बीजेपी की घात घतयीं
उल्ट तवा मा कांग्रेस कु
द्वास लगीं च पुजा मगणी
टंगडी अब घ्वाडा की
युकेडी क भी किरै किरै की
खुब घड्यली मिसयीं च
परगट ह्वा हे चुनौ देवता
खुब रट लगयीं च
छुट मुट दल पर पौन छाया
डमाटकडी तौंकी लगयीं च
कबी कैंडिल मार्च मा कबी
धरना प्रदर्शनों मा पुज्यांणा छन
हरदा कुन हरक सिंग
काल भैरों बंण्यु च
उल्ट तवा कु नाच नचै दे
बिजय बहुगुंणा भुनु च
शैला रांणी चैंपियन जी भी
डौंड्या नारसिंग बंण्या छन
गणेश जोशी दा हपार द्याखो
सतों द्वार मा फंस्या छन
नयी नयी दुकान राजनिति की
जगजगा खुल्यां छन
घाम अछल्याल सरकार फुकेली
जयद्रथ की आश लग्यां छन
अब 28 मा जलकट्या कु
दिन जगरी कु कर्युं च
राजनिति की जैंती ड्यारदूंण
सरा मल्सु फुल्युं च
बीजेपी मंगणी दुबट की पुजा
कांग्रेस मंगणी तिबट मा
छुट मुट दल.....
सर्वाधिकार @लेख सुदेश भट्ट "दगडया"

एम.एस. मेहता /M S Mehta 9910532720:
तीरें हुंणी च सरकार की
मुंड्यांण कुन बीजेपी बैठीं च
युकेडी भी क्रिया क्रम मा
पितर्रवड क बाट लगीं च
एक ही मुंडित छ सब्युं की
नाती नतंणा नयी दल बंण्या छन
हरदा कुन ज्युंदी युंकी
रुणी कांणी खुब करीं च
बैंकुठ पार जैली सरकार
तीरें बरखी जब कट्ठी होली
सार लग्यां छन 28 की
लमंडी सरकार की पेंसन मिलली
गौ दान मुकदान कुन
मुंड्यांण कुन भी तैय्यार हुयां छन
हंत्या कु भी जुगाड च हुंयुं
पिंड दान कुन दारुवाला कर्युं च
हरदा क रुप मा युंकी
सरकार हपार भ्युं धरीं च
तीरें बरखी त हुंणा रैली
पोस्टमार्टम कु जुगाड हुयुं च
यीं नरबै कुर्सी क बाना
कन खवा खौ हुंयी च
हरदा की रात की नींद
दिन निसंणी खाणी हुंयी च
राजनिति की नेतों कुन
बर्जात हपार कन पडीं च
तीरें हुंणी सरकार की
28 को दिन कर्युं च
ताजा राजनिति भैंचुल पर@लेख..सुदेश भट्ट"दगडया"

एम.एस. मेहता /M S Mehta 9910532720:
उत्तराखंडः सरकार बनाने की अर्जी लेकर इस प्रसिद्घ मंदिर में पहुंचे कांग्रेसी
उत्तराखंड में उपजी राजनैतिक अस्थिरता के लिए भाजपा को जिम्मेदार ठहराते हुए कांग्रेसी नेताओं ने नैनीताल ‌के घोड़ाखाल स्थित गोलज्यू मंदिर में अर्जी लगाकर न्याय की गुहार की।
इस दौरान नेताओं ने कहा कि मौजूदा स्थितियों में न्याय के देवता गोलज्यू प्रदेश की कांग्रेस सरकार के साथ न्याय करेंगे। मंगलवार सुबह कांग्रेस के प्रदेश महामंत्री खजान पांडे और पूर्व दर्जा राज्य मंत्री दिनेश कुंजवाल घोड़ाखाल मंदिर पहुंचे।
उन्हें मंदिर के पुरोहित कैलाश जोशी से वैदिक मंत्रोच्चार के बीच पूजा अर्चना कराई। इसके बाद निवर्तमान मुख्यमंत्री हरीश रावत के साथ न्याय की अर्जी लगाकर गोलज्यू देवता से गुहार लगाई।

Navigation

[0] Message Index

[#] Next page

[*] Previous page