Mera Pahad > General Discussion - सामान्य वार्तालाप !

Let Us be Effective Manager (Mangament Guru)-By Bi

<< < (2/45) > >>

Bhishma Kukreti:
Mangament Guru -8

प्रबंध शास्त्री -8
 
 

                                    आर. मेरेडिथ बेलबिन  : टीम कर्तव्य सिधान्तुं बुबा जी                                

 

                                      R. Meredith Belbin : Father of Team Role Theory

 

 ( Notes on Management Theories from Old age till date, Notes on Managemnt Thinkers and

Management Practices, Management Gurus, Marketing Management Guru, Qaulity Mangement Guru, Operation Managemnt Guru  )   

                   

                               Bhishm Kukreti

  आर.मेरेडिथ बेलबिन तैं टीम कर्तव्युं  सिधान्तुं बुबा जी बुले जांद , मेरेडिथ बेलबिन  कू जलम सन १९२६ मा ह्व़े छौ. मेरेडिथ मैनेजमेंट स्कूलूं मा

पढान्दू   छौ . जब कैम्ब्रिज मा औद्योगिक प्रसिक्षण अन्वेषण मा मेरेडिथ टीम प्रबंधन पर अन्वेषण करणों छौ त वै तैं

कथगा इ नई बात मालुम ह्वेन अर मेरेडिथ न टीम कर्तव्युं  पर आठ सिद्धांत की खोज कार जु पत्थर नौ सिद्धांत ह्वेन

 

टीम की जरोरात : 

 

१- टीम मा फ्लेक्जिविटी/लचीलापन  या लोच हूण चएंद

२- टीम, संगठन या  अर संस्थान मा सांस्कृतिक जुगत/युक्ति या सांस्कृतिक बदलाव तैं पाणो  वास्ता सहकार हूण जरोरी च

३- संगठन, टीम या संस्थान मा समस्या-निदान ,सुधारवादी विचारधारा अर समस्या-निदान व सुधारुं बान  पर्याप्त सुविधा बि हूण चएंद .

दगड मा प्रक्षेपण योजना बि हूण चएंद

४- हरेक व्यक्ति क प्रतिभा की पछ्याणक अर प्रतिभाऊं क समुचित प्रयोग बि हूण जरोरी च

 

बेलबिन का कुछ और सिद्धांत :

बेलबिन न पैथर (१९९० मा) टीम मनेजमेंट का बारा मा कुछ हौरी सिद्धांत बे देन

१- संस्थान मा

२- काम काज मा लचीलापन तैं प्रोत्साहन

३- टीम भावना तैं प्रोत्साहन अर टीम भावना की प्रगति वास्ता प्रतिबधता

४- सांस्कृतिक परिवर्तन तैं टेक/समर्थन

५- काम अर कामगत्यूँ  का बान सुधार का वास्ता जरोरी उपकरण अर सुविधा

आर. मेरेडिथ बेलबिन की टीम मनेजमेंट किताब का वजै से कार्पोरेट  जगत मा टीम भावना की बात भौत जोरू से अबी तलक चलदी


 Books of R .Meredith Belbin

 1- Management Teams: Why They Succeed and Fail, 1981

2- Team Role at Work , 1993

3- The Coming Shape of Organization, 1996

4- changing the Way We work, 1997

 


To be Continued on Part 9th

बकै फड़कि -9 मा

Copyright @ Bhishm Kukreti

Bhishma Kukreti:


Mangament Guru -9

प्रबंध शास्त्री -

                                              वारेन बेन्निस : नेतृत्व गुरु     

                              Warren Benis : The  Leadership  Guru                                     

 ( Notes on Management Theories from Old age till date, Notes on Managemnt Thinkers and

Management Practices, Management Gurus, Marketing management Guru, Qaulity Mangement Guru,

Operation Managemnt Guru )



                        Bhishm Kukreti
             
          वारेन बेन्निस को पैलो लेख  १९५९ मा छपी छौ अर १९८५ मा 'लीडर्स'  किताब छपणो परांत प्रबंध शाश्त्र्युं न बेन्निस तैं नेतृत्व गुरु क पदवी दे .
 
वारेन बेन्निस को जनम न्यू यौर्क मा सन १९२५ मा ह्व़े छौ. वाकी पढे लिखै एम्.आई.टी . संस्थान मा ह्व़े. बेन्निस डगलस मक्ग्रिगोर क

प्रेरणा सिद्धांत वाई  (Theory  Y ) को बड़ो चेहता थौ अर बेन्निस क डगलस मक्गिगोर का दगड बड़ा भला सम्बन्ध ह्वेन . बेन्निस न कथगा इ
 
कालेजुं  मा पढ़ाई  . १९७१ मा वारेन बेन्निस तैं सिनसिनाटी विश्व विद्यालय को अध्यक्ष बणयेगे . वानर भविष्य वक्ता बि च अर वै तैं संस्थानु, व्यौपार, राजनीति

क बारा मा भविष्य बांचणे ( Futurologist ) महारथ हासिल च. 
 
 

               निपुण नेताओं या सक्षम नेतृत्व का ख़ास गुण

वारेन न नानुस का दगड निपुण नेता या सक्षम नेतृत्व का ख़ास गुण इनब तैन  :

१- ध्यान : निपुण नेता मा दूरदृष्टि से ध्यान देने क्षमता होंद . अर एक खास अजेंडा हुंद . असली नेता अपण गोल का प्रति प्रतिबद्ध  होंद

अर दूसरों पर पूरो ध्यान /टक्क दींदु

२- सूचना शास्त्री  : निपुण नेता कम्म्युनीकेट/सूचना आदान प्रदान   करण मा विशेषग्य  हुंद.सक्षम नेता अपण दूरदृष्टी  लोगूँ

तक पौन्चांदु अर लोकु तैं काम करणों तैयार बि करदो .सफल नेता  बुल या लिखन मा उस्ताद हुंद जां से लोक वैकी बात भली तरां से

बींगी/समज जावन .

३- भरोसामंद  : सक्षम नेता हौरुं पर भरोसा करद अर लोक नेता पर भर्वस करदन  . नेता की विशेष साख हुंदी जां से लोग नेता पर विश्वास करदन .

४- सकारात्मक सोच : सक्षम नेता सकारात्मक सोच का बदौलत , इमानदार सोच का बदौलत , हौर्युं तैं अपण बश मा करद

५- निपुण नेता मा जु जन च वै तैं उन्नी स्वीकार करणे ताकत अर गुण  हूंद

६- सक्षम नेता वर्तमान मा जिंदु रौंद

७- निपुण नेता हरेक तैं प्रयाप्त आदर दींदु अर हौर्युं पर ध्यान दीणे कौंळ जाणदो च .

८- जख जोखिम बि ह्वाऊ तबी बि सफल नेता हौरुं पर भर्वस/विश्वास  करदो

९- काबिल नेता लोकुं तैं सही  पछ्याणक देन्दु

१०- योग्य नेता दूसरों तैं काम करणो रचनात्मक तरां से करणो छूट बि दींदु

           आधिकारिक नेता /नेतृत्व ( इम्पावर्ड लीडर )

इम्पावर्ड नेता इन हूंद :

१- इम्पावर्ड नेता मा कुछ बिगळयूँ /अलग/विशेष करणे हॉउस/राड़/हवस/प्रबल इच्छा होंद

२-इम्पावर्ड नेता मा हमेश सक्षमता सिखणे अर सक्षमता मा सुधार ल़ाणे गुब होंदन

३- सर्वजन उद्देश्य पूर्ति मा दूसरों तैं दगड मा लीं की प्रबल क्षमता इम्पावर्ड नेता मा होंद

४- रौंस : : इम्पावर्ड नेता   तैं काम करण मा Rouns  /मजा/आनन्द आन्द .

                रण नीतिपूरक व्याख्या 

 
इम्पावर्ड नेता बणणो बान रण नीति बि जरुरी च :

१- एक प्रबल कार्यकारी उद्देश्य और भविष्य

२- साधनु का  सामाजिक उपयोग  हूण चयेंद

३- इन काम करे जांद कि भैर  संस्थान या संगठन की बडे या प्रशंसा  होंद 

४- संगठन या संस्थान मा सिखणे आदत डाळण

                      पांच मिथ

              साधरणतया नेतृत्व या नेता क बारा मा लोगूँ राय कुछ हौरी छे अर वारेन बेन्निस न ये मिथ तोड़ीन   :

१- लोग बुल्दन बल नेतौं मा अपवादी गुण होंदन पण बेन्निस क बुलण च बल नही!  नेता मा अपवादी गुण नि होंदन य़ी गुण तैयार करे जान्दन

२-- लोग बुल्दन बल नेता जनम जात नेता हूंद पण बेन्निस बोल्दो बल ना नेता तैयार करे जान्दन

३--  लोग बुल्दन बल नेता मा करिश्मा का गुण होंण  जरुरी छन , बेन्निस बुल्दो बल सबी एक्सनी ही होंदन .  नेता क प्रसिद्ध होण पर इ  करिश्मा आन्द

४- लोग बुल्दन बल नेता टॉप पोस्ट मा ही खै सकदो पण बेन्निस को बुलण  च बल नै !इम्पावर्ड नेता   सबी जगा प्रभावी ह्व़े सकद

५- लोग बुल्दन बल नेता नियंत्रण करदो, नेता निर्देस दींदु अर चतुराई को काम करद पण बेन्निस को बुलंण  च बल इम्पावर्ड नेता स्ब्ब्युं क ऊर्जा तैं गोल का उपर

केन्द्रित करदो

 Books by  Management/leadership Guru Warren Bennis :

1- The Unconscious Conspiracy : Why Leaders can't Lead 1976

2- Leaders: Stratgies for Taking Charge (with Nanus), 1985

3- An Invented Life : Reflection on Leadership and Change, 1993

4- Organizing Geius : Secrets of Creative Collaboration , 1998

5- Manging People is Like Harding Cat , 1998

   
Management Guru Series to be Continued on Part 10th

 

  हैंको   Management Guru का बारा मा बकै फड़कि -१० मा  बाँचो

 

Copyright @ Bhishm Kukreti
                 

Bhishma Kukreti:
Mangament Guru -10

प्रबंध शास्त्री - 10

                                  केन्नेथ ब्लान्कार्ड  : वन मिनट मैनेजर कू लिख्वार        

                    Kenneth Blachard : Famous for book- The One Minute manager

                                 

( Notes on Management Theories from Old age till date, Notes on Managemnt Thinkers and Management Practices,
Management Gurus, Marketing management Guru, Qaulity Mangement Guru, Operation Managemnt Guru )


                                      Bhishm Kukreti



                      वन मिनट  मैनेजर को लिख्वार केन्नेथ ब्लान्कार्ड k  अकादामीय प्रबंध शास्त्री अबी बि काट करदन कि वैन इन्नी चालू किताब लेखी.

पण यो बि एक सच छ.बल अबि तलक  'वन मिनट मैनेजर' की सहत्तर लाख कापी बिकी गेन अर पच्चीस से जादा भाषाओं मा यीं किताब को अनुवाद ह्व़े 

          केन्नेथ ब्लानकार्ड को जनम १९३९ मा ह्व़े अर विश्व विद्यालायुं मा प्रोफ़ेसर राई . केन्नेथ ब्लान्कोर्ड  ण नेतृत्व, प्रेरणा , अर बदलाव प्रबंध पर

अन्वेषण कौर अर किताब लेखिन .

 वन मिनट मैनेजर क कुछ काम :


१- गोल बणाण 

२- लोकुं बडे करण खासकर जु नजीक च

३- साफ़ बिंगण/समजण वळी   बात करण  अर विशेष पर इ जादा  टक्क /ध्यान

४- भावनाओं तैं आपस मा बंटण

५- जरुरी हो त वै काम तैं टळण नि चयेंद बलकण मा वैबरी करण चयेंद

५- कैकी गलती ह्वाऊ त बिलकुल सै तरां से सही बात बथाओ

६- लोकुं भलो गुण का बारा मा बि बात करण चएंद

७- काम की शुरुवात अर काम सक्रियता मनेजर को , नेता क काम च

८- सै आचरण

९- मनेजर काम पूर होण पर भावनाऊँ  तैं एक हैंको दगड बंटद, बडे लैक काम की बड़े करद , टिक्वा'/समर्थन  दींदु 

              कीमत पर पांच बात


१- मुख्य काम क्षेत्र की सही व्याख्या

२- डाटा को सही तरां से संकलन अर बढ़ोतरी को समौ पर मूल्याँकन   

३- लोकुं तैं काम की योजना, शुरुवात, अर मूल्यांकन मा शामिल करण

४- परिशिक्ष्ण पर जोर दीण

५- मूल्याँकन (बडे, आलोचना अर परिशिक्ष्ण )

 

 Books by Kenneth Blanchord

 1- The One Minte Manager, 1983

2-Putting One Minute Manager to work (with Lorber0, 1985

3- Leadeshipa nad One Minute Manager (Coauthored ), 1986

4- The One Minute Manager Meets the Monkey, 1990 (co-author)

5- The one Minute manager Builds High Performing teams (Co-author) , 1993


Management Guru Series to be Continued on Part 11th



हैंको Management Guru का बारा मा  फड़कि -11 मा बाँचो



Copyright @ Bhishm Kukreti

Bhishma Kukreti:

Mangament Guru -11

प्रबंध शास्त्री - 11

                  डेल कार्नेजी : 'हाउ टु  विन फ्रेंड्स एंड इन्फ्लुंस पीपल' को  प्रसिद्ध लिखवार   

           
              Dale Carnegie : Famous For 'How To Win Friends and Influence People                   



( Notes on Management Theories from Old age till date, Notes on Managemnt Thinkers and

Management Practices, Management Gurus, Marketing management Guru, Qaulity Mangement Guru,

Operation Managemnt Guru )


                                 Bhishm Kukreti

              डेल कार्नेजी (१८८८-१९५५ ) क जनम एक गरीब किसाण को ड्यर ह्व़े . अपण पच्छ्याणक बणोणे वास्ता कार्नेजी वाद विवाद

प्रतियोग्यताऊं हिस्सा लींद छ्याये अर पैथ्रां वो सब्बी प्रतियोग्य्तौ तैं जितत गे  . पैल कार्नेजी सेल्स मैन, फिर वैन अपण बुजिनेस शुरू कार पण

दुयूं मा कामयाबी हासिल नि ह्व़े. फिर वैन कमीशन मा एक कोचिंग क्लास मा 'पब्लिक स्पीकिंग कौर्स' पढ़ाण शुरू कार. पैसा ट जादा नि मिलेन

पण ये क्षेत्र मा वैको नाम ह्व़े गे . अर फिर वैन 'पुब्लिक स्पीकिंग कोर्से 'से नाम अर डाम कमें. १९३६ मा डेल कार्नेजी की किताब 'हौ  टु विन फ्रेंड्स एंड इन्फ्लुएंस पीपल'

क्या छप कि कार्नेजी को नाम दुनिया प्रसिद्ध हूण लगी गे . तब बिटेन आज तक    'हौ टु विन फ्रेंड्स एंड इन्फ्लुएंस पीपल' किताब कि लाखों कापी बिकी गेन.

आज बि लोग  'हौ टु विन फ्रेंड्स एंड इन्फ्लुएंस पीपल' तैं टक्क लगे क बांचदन .


                                   दगड्या कन बणोण अर लोखुं पर कने असर/प्रभाव  डालण का नियम



अ- छै (६) नियम जां से लोक तुम तै पसंद कारन



१- इन दिखाओ बल तुम हैंक मा रूचि दिखाणो छवां /मतलब हैंक  तैं लगण चएंद बल तुम वैकी फिकर करणा  छवां 

२- खुश मिजाजी , सकारात्मक अर ख़ुशी से बचळयाओ या सकारात्मक , खुस अर खुश मिजाज राओ

३- लोगूँ तैं ऊंक नाम से भट्याओ/ पुकारो

४- लोगूँ बात जादा सुणो अर सुणणे आदत डाल़ो

५- लोगूँ (जु समणि च)  बारा मा जादा ब्वालो अपण बारा मा कम से कम बवालों

६- दूसरों तैं सही महत्व द्याओ अर समणि वाळ तैं लग ण चएंद तुम वै तैं महत्व दीणा छ्न्वां


 ब- बारा (१२) नियम कि लोग तुमर तरां घड्याण/सुचण/सोचना लगी जान्दन:

१- फोकट/अनावश्यक क घपरोळ /विवाद से बचो

२- दुसरो विचार/धारणा टक्क लगैक सुणो अर दुसर तैं इन कबि बि नि ब्वालो  कि वो गलत च

३- गलती ह्वाऊ त अपण गलती तैं स्वीकार कारो

४- दगड्या पन /दोस्तानापन दिखाओ . हैंक  तैं लगण चएंद बल तुम वैको दगड्या/दोस्त छवां   

५- इन बवालों कि दुसर तुमर दगड ह्व़े जाओ

६- हैंक  मनिख/मनिख्याणि  तैं जादा बुलणो मौक़ा द्याओ अर अफिक कम कम से कम ब्वालो

७- हैंक तैं लगण चएंद ई विचार वैका छन

8- दुसर क विचारूं तैं महत्व द्याओ

9- दुसरो विचार अर इच्छा कि  पूरी कदर कारो

१० - अप ण विचारूं मा कुछ ड्रामा डाल़ो  मतबल विचारूं मा कुछ खौंळयाण/आश्चर्य वळी बात हूण चयेंद

११ - दूसरों भली आदत को बारा मा ब्वालो

१२-  आखिरैं,  बात मा कुछ चैल्लेंज /ललकार हूणि चएंद

                   लोगूँ मा बदलाव लाणो ९ नियम



१- लोगूँ सै बडे जरुर कारो अर लोगूँ कि सराहना करो

२- लोगूँ की गलती पर ध्यान देर से लाओ याने गलती क बारा मा पैल नी ब्वालो 

३- पैल अपणी गलती बथाओ फिर दूसरों गलती क बारा मा ब्वालो

४- सीधा निर्देस/ऑडर नी द्याओ बलकण पैल सवाल कारो

५- लोगूँ बेज्जती नी कारो बलकण मा दुसर तैं गर्व महसूस  करण द्याओ

६- दूसरों तैं उत्साहित कारो , उलार द्याओ . सुधार हूणो बाद  लोगूँ क सही मा बड़ें कारो

७- लोगूँ तैं आदर द्याओ

८- लोगूँ तैं सांत्वना द्याओ, लोगूँ तैं प्रोत्साहन द्याओ  कि काम भौत सरल च .

९- लोगूँ तैं इन लगण चएंद कि यो ऊंको ही काम च अर लोगूँ तैं काम मा ख़ुशी/लाभ/फैदा  दिखाओ





                  मन जिताऊ  बुळणो कौंळ /कला , ब्युंत/तरीका


१- शुरू मा क्वी धमकादार उदाहरण  दयावो

२-  इन बात कारो बल लोग ध्यान दीण बिसे जावन , इन बात कारो कि लोक टक्क लगैकी सुणण बिसे जावन 

३- लोगूँ तैं पूछो अर लोगूँ तैं हाथ खड़ करणो उकसाओ

४- बात इन कारो कि जखमा प्रदर्शनी जन भाव ह्वावन

५- बीच बीच मा कुछ सस्पेंस वाळी बात बि कारो

६- लोगूँ तैं भरवस होंण  चएंद कि वो चावन तो वांछित  काम ह्व़े जालो या

लोगूँ तैं लग ण चएंद बल अगर लोग चावन त उंकी इच्छा पूरी ह्व़े जाली


Books by  Dale Carnegie


1- How to Win Frieds and Influence People, 1994

2-How to Enjoy Your Life and Your Job, 1990

3- How to Stop Worrying and Start Living , 1990


आज बि इथगा सालुं  बाद डेल कार्नेजी क किताब खूब बिकदन



Management Guru Series to be Continued on Part 12th



हैंको Management Guru का बारा मा फड़कि -12 मा बाँचो



Copyright @ Bhishm Kukreti

Bhishma Kukreti:
Mangament Guru -12

प्रबंध शास्त्री - 12

                अलफ्रेड चांडलर : जैन सिद्ध कार बल  ब्यापार इतियास   प्रबंध हथियार च 

          Alfred Chandler: famous for Bussiness  History as Management Tool                 



( Notes on Management Theories from Old age till date, Notes on Managemnt Thinkers and

Management Practices, Management Gurus, Marketing management Guru, Qaulity Mangement Guru,

Operation Managemnt Guru, Human Resourse Development  Management Guru   )


                  Bhishm Kukreti             

          चांडलर को नाम मनेजमेंट विज्ञान अर कला मा भौत बड़ो नाम च. चांडलर कू जनम १९१८ मा ह्व़े वैकी पढे नोर्थ करोलिना विश्व विद्यालय मा ह्व़े.

चांडलर न हार्वर्ड व.वि से पी.एच.डी करी. चांडलर  को आकर्षण बुजिनेस इतिहास मा ह्व़े अर वैन हार्वर्ड वि.वि. प्रेस बिटेन 'हेनरी वारनम पूर : बिजिनेस  एडिटर ,

अनालिस्ट, एंड रेफोर्मेर' किताब किताब छाप अर वैको बड़ो नाम ह्व़े. चांडलर को स्वर्गवास २००७ मा ह्व़े

  एम्.आई.टी मा पढ़ान्द पढ़ान्द वैन ब्योपार इतियास पर खूब काम कार अर अगने हार्वर्ड वि.वि मा बिजिनेस हिस्ट्री क प्रोफ़ेसर  बौण 

  चांडलर की मेहनत से मैनेजमेंट का विद्वानु अर ब्यापार्युं तैं समज मा आई कि ब्योपार क इतिहास से ब्यापारिक निर्णय ल़ीण मा सुविधा ह नि हुंद

बल्कण मा सै निर्णय बि लिए जान्दन . बिजिनेस इतियास से रणनीति तैयार करण मा बि सुविधा हुंदी .

 

     Books by Alfred Chandler

1- Strategy and Structure, 1962

2-The Visible Hand : The Managerial Revolution in American Business , 1977

3- Management  Hierarchies , 1980

4-The Coming of managerial Capitalism, 1985

5- Scale and Scope: The Dynamics of Industrial Capitalism

6- The  Big Business and The Wealth of Nations , 1997

7- The Dynamic Firms, 1998

 

 

 
Management Guru Series to be Continued on Part 13th



हैंको Management Guru का बारा मा फड़कि -13 मा बाँचो



Copyright @ Bhishm Kukreti

Navigation

[0] Message Index

[#] Next page

[*] Previous page