Mera Pahad > General Discussion - सामान्य वार्तालाप !
Share Informative Articles Here - सूचनाप्रद लेख
Bhishma Kukreti:
हिन्दू राष्ट्र किलै जरूरी च?
-
सरोज शर्मा-जनप्रिय लेख श्रृंखला
-
(यु मत हिन्दू जागरण समिति क च)
अपण पद, पक्ष,संघटना, जाति, संप्रदाय, आदि भेदभाव भूलिक हिन्दुओ क संगठित करण और हिन्दु राष्ट्र की स्थापना करण उदेश्य च।हिन्दू राष्ट्र किलै जरूरी च?
विश्व मा ईसाई क 157 ,मुसलमानो का 52,बौद्धो का 12 ,जबकि यहूदियों क एक राष्ट्र च।
हिन्दुओ क ऐ सौरमंडल मा राष्ट्र कख च?
हां हिन्दुओ क एक सनातन राष्ट्र 1947 तक यीं धरती मा छाई, आज ऐ राष्ट्र की क्या स्थिती च?
स्वतंत्रता क समय और आज क भारत!
1947 मा जख एक पैसा कु ऋण नि छा, वै भारत म आज प्रत्येक नागरिक अपण मुंडम 32,812 रूप्यों क ऋण क भार ब्वकणू च ।1947 मा 33%से ज्यादा निर्यात कन वल भारत आज 1%से भि कम निर्यात कनू च।जख ज्यादा से ज्यादा 10,20 विदेशी प्रतिष्ठान छाई, वै भारत म आज 5,000 से भि ज्यादा विदेशी प्रतिष्ठान थैं मुंडमा उठाणा छन ,जख एक भि संवेदनशील जनपद नि छा, वै भारत मा आज 300 से भि ज्यादा संवेदनशील जनपद बणि गैन ।जख प्रति नागरिक एक द्वी गौ हूंदी छै वै भारत मा अंधाधुंध गोहत्या क कारण 12लोगों मा एक गौडी च ।विदेश म जाकि आत्याचारी कर्जन वाइली, ओडवायर जना शाशको थैं ईसावासी करणवल भारत आज संसद पर आक्रमण करणवला अफजल थैं फांसी दीण मा कतगा साल लगिन,
देशाभिमान जागृत रखणवल भारत से, देशाभिमान गिरवी रखणवल भारत, निम्नतम भ्रष्टाचार करणवल भारत से भ्रष्टाचार की उच्चतम सीमा वल भारत,
सीमा म झंडा फैलाणव भारत से आज नि त भोल कश्मीर से हाथ ध्वै कि बैठणा कि प्रतीक्षा करणवल भारत...ई सूची लिखदा समय भि मन आक्रोशित ह्वै जांद। पर गण कि त दूर, मनकी भी लज्जा नि रखणवला, शाशनकर्ता सर्वत्र गर्व से छाती ताणिक घुमणा छन।
मुसलमान आक्रमणकारियों और धूर्त ब्रिटिशो न भि भारतीय जनता थैं इतगा त्रसत नि कैर वै से ज्यादा सैकड़ो गुणा लोकतंत्र से उपहार स्वरूप मिलीं यूं शाशनकर्ताओ न मात्र छै दशक मा कैर दयाई !
लोगो द्वारा लोगों के लिए ,लोगो का शाशन, लोकतंत्र कि इन व्याख्या, भारत जन विश्व का सबसे बढ़ देश खुण स्वारथियो द्वारा स्वार्थ खुण चयनित (निर्वाचित) स्वार्थी शाशनकर्ताओ कु शाशन, इन ह्वै ग्या ।ऐ लेखमाला म भारत की अनेक समस्या वर्णित छन। यूं समस्याओ थैं पैड़िक लोगों क मन मा संदेह ह्वाल कि हिन्दू राष्ट्र मा ई समस्या कनकै दूर ह्वैलि?क्या इतिहास म कभी इन ह्वाई, इन समझण वला लोग ई समझ लीं कि हां इतिहास म इन ह्वाई च। छत्रपति शिवाजी महाराज क हिन्दू राष्ट्र (हिन्दवी स्वराज्य)स्थापित हूंदा हि वै समय कि समस्याएं दूर ह्वीं।
छत्रपति शिवाजी क हिन्दू राष्ट्र स्थापित हूंद ही सब कुशल मंगल!
छत्रपति शिवाजी का जन्म हूण से पैल भि आज क समान ही हिन्दू स्त्रीयों क शील सुरक्षित नि छा, प्रत्यक्ष जीजामाता कि जिठणि थैं पाणि लाणदा यवन सरदार न अगवा कैर द्या, वै समय भि मंदिर भ्रष्ट किये जांद छाई, गोमाता की गर्दन म कब कसै कु छुरा चल जा कुछ पता नि हूंद छा, महाराजा क हिन्दू राष्ट्र स्थापित हूंदा हि मंदिर ढहाण बंद ह्वै गिन, इतगा हि न, अपितु मंदिर ढहा कि बणी मस्जिद पूर्वत मंदिर बणै गैन, गौ मातायें भि गोहत्या बंद हूण से आनंदित ह्वै गिन। गोहत्या बंद कारो इन हस्ताक्षर कभि नि भेजै गैन, महाराज न क्वी गोहत्या प्रतिबंधक बिधेयक मंत्रीमंडल म प्रस्तुत नि कैर। आज हमथैं मंहगाई दिखेणी च क्या कभि पाढ़ भि च कि महाराज क शाशन काल मा कभि जनता मंहगाई से त्रस्त छै?
जय जवान जै किसान कि घोषणा करणवला शाशनकर्ता आज जवान और किसान द्वीयो की नृशंस हत्या करवाणा छन। महाराज थैं त किसानो का प्राण ही न कि ऊंकि फसल भि अमूल्य लगदी छै, ऊन आज्ञा दे कि किसानो द्वारा उपजयी फसल क डंठल थैं भि क्वी हाथ नि लगाया महाराज न किसानो जन जवानो थै भि संभाल, वु लडै क समय सैनिको थैं पुरस्कार क दगड़ सोना का आभूषण भि इनाम मिलदा छा, कारगिल युद्ध म वीरगति प्राप्त करणवल सैनिको कि विधवाओ खुण वर्ष 2010 म आदर्श सोसाइटी बणै ग्या, पर वै मा भि एक भि आसैनिक क की विधवा फ्लैट नि मिल, भ्रष्टाचारी लोगो न ही सब हडप दिनी ।
ऐ का विपरीत महाराज न सिहगढ क युद्ध मा वीरगति प्राप्त करणवल तानाजी क नौना क ब्या कैरिक ऊंका परिवार थैं सान्त्वना दे!
हिन्दू राष्ट्र म भारत थैं परेशान करणवली भैर कि समस्या भि दूर ह्वैलि।
हिन्दू राष्ट्र म आन्तरिक समस्या भि दूर ह्वै जालि, और भैर कि समस्या त दूर ह्वै ही जाली। यूं समस्याओ म मुख्य च पाकिस्तान और चीन से संभावित आक्रमण। शिवकाल म भि ई समस्या छै औरंगजेब शिवा क छवटु सि राज्य नष्ट करण पर तुल्यूं छाई;पर महाराज क राज्यभिषेक और विधिवत हिन्दू राष्ट्र स्थापित ह्वै।
ई सुणदा ही वैका पैरों की जमीन खिसक गै, महाराज क मरणतक वू महाराष्ट्र मा हि न अपितु दक्षिण मा ही नि ऐ ।
एक बार हिन्दू राष्ट्र कि स्थापना हूण क बाद सब्या पड़ोसी मुल्क अफ्वी सीधा हवै जाला,
हिन्दू राष्ट्र क विषय निकलदा हि तथाकथित धर्म निरपेक्षतावादियों द्वारा सवाल उठये जांद हिन्दू राष्ट्र म मुसलमानो दगड़ कन व्यवहार किए जाल?वास्तव म ई प्रश्न मुसलमानो से पुछै जाण चैंद। जु बव्लदिन हंस के लिया पाकिस्तान लड़ के लेंगे हिन्दुस्तान!ऐ प्रश्न क क्वी उत्तर च?
हिन्दू राष्ट्र म मुसलमानो से ही न और भि पंथियो से इनि व्यवहार किऐ जाल जन शिव क राज्य मा किऐ ग्या ।
संक्षेप मा सूर्योदय हूण से पैल सर्वत्र अंधकार हूंद पर सूर्य क उगदा हि अंधकार अफ्वी नष्ट ह्वै जांद। आज भारत म समस्या रूपी अंधकार हिन्दू राष्ट्र स्थापित हूंदा हि समाप्त ह्वै जाल। धर्माचरणी शाशनकर्ताओ क कारण भारत कि सब्या समस्याओ न दूर ह्वै जाण। और सदाचार क कारण सरया जनता भि सुखी ह्वै जालि।
कै एक द्वी समस्याओ क विरोध क अपेक्षा हिन्दू राष्ट्र स्थापित करण ह्वाल। हिन्दू राष्ट्र भारत क लोगों खुण ही न अपितु समस्त मानव जाति क कल्याण हेतु स्थापित किए जाणवल हिन्दू राष्ट्र सहज स्थापित नि ह्वै सकद।
पांडव मात्र पांच गौं मंगणा छाया वी भि सहजता से कख मिलिन। हमथैं कश्मीर से कन्याकुमारी तक अखंड हिन्दू राष्ट्र चयैंद। ऐ खुण भौत संघर्ष कि आवश्यकता च।भारत कि एक द्वी समस्याओ (गोहत्या, धर्मान्तरण, गंगा प्रदूषण, कश्मीर समस्या, राममंदिर, स्वभाषा रक्षा आदि)क विरोध म अलग अलग लड़ना कि अपेक्षा सर्व समविचारी व्यक्ति और संस्थायें मिलिक हिन्दू राष्ट्र स्थापना खुण संघर्ष कारण चैंद। स्वामी विवेकानंद, योगी अरविंद, वीर सावरकर, पं गोलवलकर जी जना हिन्दू धर्म क महान योद्धाओ थैं अपेक्षित धर्माधारित हिन्दू राष्ट्र स्थापित हूण खुण आवश्यक शारीरिक, मानसिक, बौध्दिक और आध्यात्मिक सामर्थ्य हिन्दूनिष्ठो थैं मिल या हि प्रार्थना च।
Bhishma Kukreti:
जंदरौ प्रारम्भिक इत्यास (चक्की इतिहास )
-
उषा बिज्ल्वाण
-
-एक ग्रिस्टमिल (भी: ग्रिस्ट मिल , कॉर्न मिल , आटा चक्की , फीड मिल या फीडमिल ) अनाज का दाणौ तै आटा और मिडलिंग में पीसदी छ । यू शब्द य त पीसणा की क्रियाविधि या येतै धारण करण वाली इमारत तै संदर्भित कर करदू। पीस अनाज छा जैतै पीसणी की तैयारी म येका भूसा से अलग किए जांदू ।
पीसण वाली मिलौं का प्रकार
• पवनचक्की , पवन चालित
• पनचक्की , जल चालित
• घोड़े की चक्की , पशु संचालित
• ट्रेडव्हील , मानव संचालित (पुरातन: "ट्रेडमिल")
• शिप मिल , नदी का किनारा या पुल का पास तैरदी छ।
• Arrastra , पीसण तै साधारण चक्की (आमतौर पर) सोना या चांदी का अयस्क।
• रोलर मिल , सिलेंडर कू उपयोग करीक अनाज और अन्य कच्चा माल तै पीसण एक उपकरण
• स्टाम्प मिल , आगे की प्रक्रिया तै या अन्य सामग्रियों तै भंग करनक अयस्क तै पाउडर मा कम करनक तै एक विशेष मशीन
• निर्माण की वस्तु बणौणक व्यवसाय कू स्थान। मिल शब्द एक कारखाना तै एक बार आम उपयोग मा थौ कीक की औद्योगिक क्रांति का शुरुआती चरणों मा कई कारखाना एक तरबूज द्वारा संचालित था, लेकिन आजकल येकू उपयोग केवल कुछ विशिष्ट संदर्भों मा ही होन्दू उदाहरण तै,
o बार्क मिल टेनरियों तै टैनबार्क कू उत्पादन करदी।
o साइडर मिल सेब तै कुचलीक साइडर देंदू।
o ग्रिस्टमिल अनाज तै पीसीक आटा मा बदल देंदू।
o ऑयल मिल , एक्सपेलर प्रेसिंग , एक्सट्रूज़न देखा
o पेपर मिल कागज कू उत्पादन करदी
o सॉमिल लकड़ी काटदू
o स्टार्च मिल
o स्टील मिल स्टील बणौदू
o चीनी मिल (जैतै चीनी रिफाइनरी भी बोले जांदू ) चुकंदर या गन्ना तै विभिन्न तैयार उत्पादौं मा संसाधित करदू
o कपड़ा कू कारखाना
रेशम मिल , रेशम तै
सन मिल , सन तै
कपास मिल , कपास तै
o चावल तै हल करनक हलर (जैतै चावल मिल या चावल की भूसी भी बोले जांदू) कू उपयोग होंदू
o पाउडर मिल बारूद कू उत्पादन करदी
• बॉल मिल
• मनका मिल
• कॉफ़ी की मिल
• कोलाइड मिल
• शंक्वाकार चक्की
• फाड़नवाला
• डिस्क मिल
• एज मिल
• ग्रिस्टमिल , जैतै आटा चक्की या मकई मिल भी बोले जांदू
• हैमर मिल
• इसामिल
चक्की कु प्रारम्भिक इत्यास –
-
यूनानी भूगोलवेत्ता स्ट्रैबो रिपोर्ट भूगोल एक पानी संचालित अनाज चक्की राजा का महल का पास ही अस्तित्व मा छ। Mithradates छठी Eupator पर Cabira , एशिया माइनर , येसे पैली ७१ ई.पू.। [1]
एक पुरानी स्वीडिश आटा चक्की मा पीसणा की व्यवस्था
शुरुआती मिलों मा क्षैतिज चप्पू का पहिये था, एक व्यवस्था जैतै बाद मा " नॉर्स व्हील " का रूप मा जाणे जाण लगी , जन कि स्कैंडिनेविया मा पाए गै थौ। [२] चप्पू कू पहिया एक शाफ्ट से जुड्यूं होंदू थौ, जू बदला मा, चक्की का केंद्र से जुड्यूं होंदू थौ जैतै "धावक पत्थर" बोले जांदू थौ।
। पैडल पर पाणी द्वारा उत्पादित टर्निंग फोर्स तै सीधा रनर स्टोन मा स्थानांतरित कर दिए गै , जैसे यू एक स्थिर " बिस्तर ", समान आकार और आकार का पत्थर का खिलाफ पीस गे । [२] इं सरल व्यवस्था मा गियर की आवश्यकता नी थै लेकिन नुकसान यू थौ कि पत्थर का घूमणा की गति उपलब्ध पाणी की मात्रा और प्रवाह पर निर्भर थौ और केवल तेज बगण वाली धाराओं वाला पहाड़ी क्षेत्रों मा उपयोग तै उपयुक्त थै। [२] पानी का प्रवाह की मात्रा और गति पर निर्भरता कू मतलब यू भी थौ कि पत्थर का घूमणा की गति अत्यधिक परिवर्तनशील थै और इष्टतम पीसण की गति तै हमेशा बणैक नी रखे जै सकदू थौ। [2]
पहली शताब्दी ईसा पूर्व का अंत तक रोमन साम्राज्य मा ऊर्ध्वाधर पहिया उपयोग मा था , और यैकू वर्णन विट्रुवियस द्वारा किए गै थौ । [३] रोमन तकनीक का शिखर शायद बरबेगल एक्वाडक्ट और मिल छन जहां १९ मीटर की गिरावट का साथ पाणी सोलह पाणी का पहिया चलौंदू , जू प्रति दिन २८ टन की अनुमानित क्षमता देंदू। [४] यन प्रतीत होंदू कि रोमन काल का बाद का दौरान जल मिलों का उपयोग जारी थौ।
Bhishma Kukreti:
हिन्दू राष्ट्र आखिर क्या च?
-
सरोज शर्मा-जनप्रिय लेख श्रृंखला
-
हिन्दू राष्ट्र आखिर क्या च? ई वु जुमला च जु राष्ट्रीय स्वयंसेवक संघ का विचारो से सहमति नी रखणवलों थैं परेशान करद,
पर सवाल ई च कि कि वूंकि चिंता वाजिब च,
जब राष्ट्रीय स्वयंसेवक संघ का प्रमुख मोहन भागवत बव्लदिन कि हिन्दुस्तान हिन्दू राष्ट्र च त वूंक ब्वलयूं क मतलब क्या च,
यख सवाल ई बणद कि हिन्दू और राष्ट्र शब्द न भागवत क्या ब्वलण चंदिन,
दूसर शब्द पर पैल प्रकाश डलदौं. राष्ट्र क मतलब देश से च साधारण तौर पर ऐ कु मतलब राज्य या सरकार से लिऐ जांद,
हिन्दू राष्ट्र कि त एक स्पष्ट अवधारणा च किलै कि धार्मिक ग्रंथो मा बतऐ ग्या कि ऐकु ढांच कन हूण चैंद.
साल 2008 तक नेपाल धरती क एकमात्र हिन्दू राष्ट्र छाई, बख क्षत्रिय राजवंश क खात्मा ह्वाई और 2008 मा नेपाल गणतंत्र बण ग्या,
सवाल ई च कि नेपाल थैं हिन्दू राष्ट्र किलै ब्वलेजांद छा, किलैकि हिन्दू संहिता मनुस्मृति क अनुसार कार्यकारी सत्ता क राजा हूंद, क्या नेपाल हिन्दू राष्ट्र केवल ऐ कारण छाई,
धार्मिक ग्रन्थ कि क्वी बात नेपाल म लागू नि किऐ जा सकदि छै किलैकि ई मानवाधिकारो की सार्वभौम घोषणा क खिलाफ हूंद,
आर एस एस न ई मांग नि कैर कि भारतीय राज्य जाति क आधार पर बणयै जा, इलै हम मनदा छौं कि राष्ट्र क मतलब देश से च,
नेशन शब्द क अर्थ च कि कै भि देश या क्षेत्र म रैंण वल जनसमुदाय जैका पूर्वज, भाषा, संस्कृति या इतिहास एक जना ह्वा,
अब हम हिन्दू शब्द पर अंदौं, भारत सिंधू और हिन्दू क मिलन बेशक भौत पुरण च और हमन सिकंदर और पौरूष कि लड़ै क बार मा भि सुणयू च, हम मेगास्थनीज क इंडिका क बार मा भि जणद छौं,
हलांकि 'हिन्दुस्तान हिन्दू राष्ट्र, च वला बयान म ई तीन लफ्ज़ो कि बात करण बेमानि च किलैकि तब हिन्दुस्तान क मतलब भारतीय राष्ट्र ह्वाल और ई एक ही बात थैं द्वी बार ब्वलण जन ह्वाल,
एक व्याख्या ई भि च कि भारतीयो थैं हिन्दू मने जा, किलैकि ऊंकि पछयाण हिन्दू कि च और ऐकि जड़ ऊंकि सांस्कृतिक अभिव्यक्ति च,
भारत म इस्लाम और इसाईयत कु जु स्वरूप च वु कुछ हद तक हिन्दुस्तानि संस्कृति क ही रूप च और दिखै जा कि दुनिया का दुसर हिस्सो मा यूं धर्मो का तौर तरीका अलग हूण चंदिन,
हिन्दू शब्द क इस्तेमाल जब भौगोलिक संदर्भो म किए जांद तब संघ थैं कई तबकों क समर्थन मिलद, ऐ मा कुछ अल्पसंख्यक भि छन जु ऐ परिभाषा से सहमत छन,
भारतीय जनता पार्टी क नेता और गोवा क उप-मुख्यमंत्री फ्रांसिस डिसूज़ा न अंग्रेजी क अखबार टाइम्स ऑफ इंडिया थैं दियूं एक इंटरव्यू मा ब्वाल कि भारत एक हिन्दू राष्ट्र च ऐ मा क्वी शक नी ई हमेशा से हिन्दू राष्ट्र छाई और हमेशा हिन्दू राष्ट्र रालु, आपथैं क्वी हिन्दू राष्ट्र नि बणाण,
जब ऐकि व्याख्या करण कु ब्वले ग्या तब ऊंक जवाब छा कि-हिन्दुस्तान म रैणवला सब्या भारतीय हिन्दू छन, यूं मा एक मि भि छौं मि एक ईसाई हिन्दू छौं, मि एक हिन्दुस्तानी छौं,
भाजपा क अल्पसंख्यक मोर्चा क अध्यक्ष रशीद अंसारी भि ऐ से इत्तफाक रखदिन, समाचार एजेंसी पीटीआई थैं दियां एक इंटरव्यू म ऊंन अल्लामा इकबाल कि एक नज्म क हवाला द्या, सारे जहाँ से अच्छा से मशहूर च, ऐ गीत म इकबाल भारतीयो थैं हिंदी ब्वलदिन, हिन्दी हैं हम, वतन है हिन्दुस्तां हमारा,
अंसारी न ब्वाल कि भागवत जी न जु भी ब्वाल वैक एक सामाजिक संदर्भ च, ब्वलण क मतलब ई नी कि दूसर धर्मो के लोग धार्मिक लिहाज से हिन्दू छन, ऊंकी टिप्पणी थैं सामाजिक नजरिया से देख्ये जाण चैंद, और ऐ पर आपत्ति नि हूण चैंद,
एक मुस्लिम नेता अल्पसंख्यक कल्याण मंत्री नजमा हेपत्ल्लुलाह न भि हिन्दुस्तान टाइम्स मा एक इंटरव्यू मा भागवत क बचाव कैर, जब वूं से पुछै ग्या कि भारत म अल्पसंख्यको थैं हिन्दू मुस्लिम और इसाई थैं हिन्दू इसाई ब्वलण क्या उचित च, तब हेपत्ल्लुलाह कु जवाब छा कि ई शै या गलत हूण कि बात नी एकु संबंध इतिहास से च अगर कुछ लोग मुसलमानो थैं हिंदी या हिन्दू बव्लदिन त ऐ बात थैं संजीदगी से नि लींण चैंद किलैकि ऐ से मजहब मा क्वी फर्क नि पव्ड़द, उदाहरण क तौर पर अरब जगत भारत थैं अल-हिन्द क नाम से जिक्र करद, मोहम्मद साहब क एक रिश्तेदार क नाम हिंदा छाई, और अरब की सबसे बड़या तलवार क नौ भि हिंदा च , बस इतगा ही।
Bhishma Kukreti:
इंडोनेशिया क आकर्षक हिन्दू मंदिर
-
सरोज शर्मा-जनप्रिय लेखन संसार
-
इंडोनेशिया अपण खूबसूरती क कारण ज्यादातर लोगों कि मनपसंद टूरिस्ट डेस्टिनेशन मनै जांद। यख ज्यादातर मुस्लिम आबादी च पर फिर भि यख हिन्दू संस्कृति कि छाप देखणक मिलद, यख हिन्दुओ का कई प्रसिद्ध मंदिर भि छन, यखक जावा दीप मा एक इन मंदिर स्थित च जख कई सालों पुरण शिवलिंग च, जानकारी क अनुसार ई शिवलिंग स्फटिक से बण्यू च। जैक भितर क तरल जल थैं स्थानीय निवासी पवित्र मनदा छन
इंडोनेशिया का प्रसिद्ध और खूबसूरत मंदिर
तनह लोट मंदिर ,बाली: ई मंदिर भगवान विष्णु थैं समर्पित च। बाली घुमणक जांणवला पर्यटक ऐ मंदिर क दर्शन करणा नि भूलदा।
मनै जांद कि ऐ मंदिर क निर्माण 16 वीं शताब्दी क आसपास ह्वाई।
अपणी खूबसूरती क कारण ई मंदिर इंडोनेशिया क प्रमुख दर्शनीय स्थलो म आंद।
पुरा बेसकिह मंदिर:ऐ मंदिर थैं 1995 मा यूनेस्को द्वारा विश्व धरोहर घोषित कियै ग्या। ई मंदिर भौत पुरण च जख हिन्दू देव देवताओ कि प्रतिमा छन। ऐ खूबसूरत मंदिर थैं द्यखण कु दुनियाभर से लोग अंदिन।
रा तमन सरस्वती मंदिर:ई मंदिर ज्ञान कि देवी सरस्वती थैं समर्पित च। ऐ मंदिर म बणया सुंदर कुंड यखक प्रमुख आकर्षण क केन्द्र छन ।ऐ मंदिर म रोज संगीत क आयोजन किऐ जांद। ऐ मंदिर मा सरस्वती देवी कि पूजा संगीत और ज्ञान कि देवी रूप मा हूंद।
सिंघसरी शिव मंदिर
मनै जांद कि ऐ मंदिर क स्थापना 13वीं शताब्दि क करीब ह्वाई यख भगवान शिव क अलौकिक रूप द्यखण कु मिलद, ऐ मंदिर म भगवान शिव क त्यौहार धूमधाम से मनयै जंदिन।
प्रम्बानन मंदिर: ई मंदिर भगवान विष्णु, शिव, और ब्रह्मा जी थैं समर्पित च। ई मंदिर भि यूनेस्को द्वारा विश्व धरोहर घोषित च। यख त्रिदेवो क दगड़ ऊंका वाहनो खुण भि अलग अलग मंदिर बंणया छन।
Bhishma Kukreti:
मुरूगन मंदिर मलेशिया
-
सरोज शर्मा- जनप्रिय लेखन श्रंखला
-
भारत मा हिन्दू देव देवताओ का कै इन मंदिर छन जु पौराणिक कहानियों और रहस्यों थैं अफमा समेटयां छन।
पर इन मंदिर भारत म हि ना भारत क सीमा क भैर भि विश्व का अन्य देशों मा भि पयै जंदिन।
मलेशिया कि राजधानी कुआला लम्पूर क गोम्बैक जिला म चूना क पत्थर कि प्राकृतिक बाटु गुफा च जख भगवान मुरूगन क मंदिर च (Malaysia Murugan temple) .बतंदीन कि ऐ मंदिर थैं सुब्रमण्यम स्वामी मंदिर नाम से भि जंणै जांद।
बाटु गुफाओं क इतिहास आज से 40 करोड़ वर्ष प्राचीन मने जांद। ऐ गुफा कि खोज सर्व प्रथम साल 1878 म अमेरिकन प्रकृति विज्ञानी विलियम होनार्ड न कैर।
तथ्यों कि मनौ त पुरण समै मा तेमुअन जनजाति क लोग अपण रैंण खुण यूं गुफाओं क प्रयोग करद छा। ई गुफाएं मलेशिया की राजधानी कुआलालम्पुर बटिक 13 किलोमीटर की दूरी पर छन।
ऐ गुफा क नौ बाटु ऐ क पिछनै बैंणवली नदी क नाम पर च। यखिम मंदिरो कि श्रंखलाएं ( batu Cave Temple) छन। जखम भगवान मुरूगन क मंदिर च, सबसे खास बात ई च कि यख मा आण से इन नि लगदू कि हम भारत क भैर छौं।ई क्षेत्र तमिल लोगों खुण विषेश हिन्दू धार्मिक स्थलों म मनै जांद।
मलेशिया मुरूगन मंदिर क इतिहास यखक गुफाओं से जुडयूं च ,करीब 40 करोड़ वर्ष पुरणि गुफा कि खोज क बाद यख तमिल व्यापारी के थम्बूस्वामी पिल्लै आया छा,के थम्बूस्वामी थैं गुफा क द्वार पर भगवान मुरूगन क भाला क जन प्रतीत ह्वाई, द्वार खव्लदा हि ऊंक मन म मंदिर बणयै जाण क विचार ऐ, और वर्ष 1891 म तमिल व्यापारी न भगवान मुरूगन कि प्रतिमा यख स्थापित कैर।
देखदा-देखदा ई स्थान पवित्र तीर्थ म तब्दील ह्वै ग्या। और तमिल लोगों क तीर्थस्थल मनै ग्या। ई मंदिर हिन्दू धर्म क तमिल लोगों क प्रमुख तीर्थ च।
जानकारि खुण बतै दियूं कि भगवान मुरूगन कि स्थापना क एक वर्ष बाद हि ऐ स्थान मा थाईपुसम त्योहार मनै जाण लग। जु भगवान मुरूगन क जन्मदिवस क रूप मा मनयै जांद। ऐ त्योहार म हजारों कि संख्या म यख तमिल आबादी पौंचद ।
मलेशिया क मुरूगन मंदिर कि वास्तुकला ,मलेशिया क हिन्दू मंदिर मुरूगन चूना पत्थरो वली गुफाओ कि श्रंखला मौजूद छन।
मंदिर तक पौंछण कु करीब 272 सीढियों म चढ़ण पव्ड़द। ऐ मूर्ती कि ऊंचै लगभग 140 फुट च।मूर्ति निर्माण म करीब तीन वर्ष क समय लग। और प्रतिमा थैं बणाण वास्ता 15 कारीगर बुलये गैं।
भगवान मुरूगन से जुड़ी पौराणिक कथा जै क अनुसार शिव न पार्वती दगड़ नृत्य कैर वै दिन हि पार्वती क ज्येष्ठ पुत्र कुमार कार्तिकेय (मुरूगन स्वामी) थैं अपणि मां से भाला कि प्राप्ति ह्वै
Navigation
[0] Message Index
[#] Next page
[*] Previous page
Go to full version