rajnikant ji
1- pahadi sangeet mein pop music ke liye kitni jagah aap dekhte hain?
2- kya pop music pahad ke paramparik sangeet ko nuksaan nahi pahunchayega?
3- uttarakhand mein aap apna mukam kahan dekhte hain?
4- maulikta main aapka kitana wishwas hai?
5- kyaa aapka maksad sirf 'Baazar' hai?
dhanesh ji thx for ur questions
1- pahadi sangeet mai pop music ke liye ek alag se jagah banai ja sakti hai, ise is rup mai dekha jana cahiye ki other community ke log bhi hamare folk ki taraf attract ho sake. jis tarah aaj hamare yaha sadi-barato mai pahadi gano ke bad other folk gane bajaye jate hai, to us riktata ko yah bhar sake, iske liye yah mera ek prayog tha.
2- pahad ka sangeet aur sanskriti itni kamjor nahi hai ki koi use nuksan pahunca paye, iske dwara hum apni sanskriti ko failav dene ka prayas kar rahe hai.
3- filhal ko pahli CD nikli hai, logo ka kafi possitive response bhi mila hai, ek nai energy devlop hui hai. mukam samne hai, aap logo ka sahyog raha to pane mai aasani hogi.
4- maulikta kisi bhi cheej ka pran hoti hai aur usme mera pura viswas hai.
5- bajar mera maksad nahi hai, mai uttarakhandi sangeet ko naye flavour mai logo ke dilo tak pahucana cahta hoo, aaj ki nai pidhi aur purani pidhi dono ko dhyan mai rakhakar.