गढ्वाली गीत- हे गम्फु बोडा तू भी नाच.. !
स्यु मुखुडू तन सुजायु, तथ्गा उदंकार क्यो च,
हे गम्फु बोडा तू भी नाच, तेरा नौनाकू ब्यो च !
स्यु मुखुडू तन...........
द्वी-चार ठुम्का तू भी लगौ, यी हमारु ध्यो च,
हे गम्फु बोडा तू भी नाच, तेरा नौनाकू ब्यो च !
स्यु मुखुडू तन...........................................!!
ढम-ढमा-ढम ढोल बाज्या, बैण्ड बाजा, मैक,
बग्छ्ट बण्यां छन पौंणा, तोम्डियों घड्कैक !
एक-आदा तोम्डी तू भी फोड़, मन मा सस्यो च,
हे गम्फु बोडा तू भी नाच, तेरा नौनाकू ब्यो च !
स्यु मुखुडू तन……..................................!!
इथ्गा ना टरकौऊ अब तु, तौं हाथु जोडीक,
तन फ़ुन्डैं-फ़ुन्डैं न सर्क, तै गिच्चा मोडीक !
गुदाडी बोडी खुश ह्वै जाली, वीं तै यी कल्यों च,
हे गम्फु बोडा तू भी नाच, तेरा नौनाकू ब्यो च !
स्यु मुखुडू तन……..................................!!
,
कीसा तैंई तन ना दबौ,दिल ना तोड पौणौं कू
करकरा कल्दार निकाल, मुण्डु मा भिरौंण कू !
आजै च बग्वाल बोडा,चाट्ण फ़्योर प्ल्यों च,
हे गम्फु बोडा तू भी नाच, तेरा नौनाकू ब्यो च !
स्यु मुखुडू तन……..................................!!
नाचा हे लठ्यालों सब्बी, छोडा छ्वीं-बचाणीं,
बुडेन्दी दां फ़जितु न करा, छोडा खैंचा-ताणी !
बिना नाच्या ही बोडा परैंत, छुटुणु अस्यो च,
हे गम्फु बोडा तू भी नाच, तेरा नौनाकू ब्यो च !
स्यु मुखुडू तन……..................................!!
हिन्दी सार : गम्फु नाम के ताऊ से गीत में यह आग्रह किया जा रहा है तुमने अपना मुह ऐसा क्यों फुला रखा है, तुम्हारे लड़के की शादी हो रही है, अत : तुम भी नाचो !
http://gurugodiyal-pcg.blogspot.com/