MeraPahad Community Of Uttarakhand Lovers

जै मुल्क
बग्दु बथौं छोयों कू पांणी, जै मुल्क यू सब्बि धाणी,
बिंगा मन्ख्यौं टक्क लगैक, तुमन अजौं तक नि जाणी,
बतौंणु छौं सुणा हे चुचौं....
छबीलो कुमाऊँ अर् रंगीलो गढ़वाळ....
जख छन फूलू की घाटी, पांणी का भरयां ताल.

चौक अर् सैलि सगोड़ी, राम्दी छन भैन्सि गौड़ी,
दूध घ्यू की कनि रसाण, छांछ छोल्दा परेड़ा रौड़ी,
बिंगा मन्ख्यौं टक्क लगैक ,बतौंणु छौं सुणा हे चुचौं....
छबीलो कुमाऊँ अर् रंगीलो गढ़वाळ....
जख खिल्दा छन फूल, बुरांश अर् गुर्याळ.

प्यारी-प्यारी हिंवाळि काँठी, मुंड मा जन सफ़ेद ठान्टी,
चौखम्बा अर् त्रिशूली, नन्दा घूंटी अर् पन्चाचूली,
बिंगा मन्ख्यौं टक्क लगैक ,बतौंणु छौं सुणा हे चुचौं....
छबीलो कुमाऊँ अर् रंगीलो गढ़वाळ....
हरा भरा डांडा जख भारी भारी भ्याळ.

शिव जी कू जख वास, चार धाम छन खास,
गंगा यमुना बग्दि जख, देवतों कू जख निवास,
बिंगा मन्ख्यौं टक्क लगैक ,बतौंणु छौं सुणा हे चुचौं....
छबीलो कुमाऊँ अर् रंगीलो गढ़वाळ....
बाग़ रीक्क मरदा जख, धारु धारू फाळ.

साहब सिंह रमोला और आकांक्षा रमोला की फुर्क्याली घाघरी का ये गीत उत्तराखंड के पहाड़ों मनाई जाने वाली बग्वाली (दीपावली ) के झूमने और और गाने की एक झलक है !

छुमना थाकुली कु थाच बल होंसिया,गेल्या बल थाकुली कु थाच बल होंसिया
छुमना बाग्वाली की रात बल होंसिया छोरी भालू देखौंन नाच बल होंसिया             

               हाँ सोभना माटा घसी भीत भलु रसिया,गेली माटा घसी भीत भलु रसिया
              सोभना धरी हतियों मा हाथ बल रसिया,गेली लगौ तन्दयों गीत भलु रसिया

              ऐगे बग्वाली कातिक मैना छो छम नाचा छम ठुमा ठुम

छुमना गाज लई गालियों भलु होंसिया,गेल्या गाज लई भलु होंसिया
छुमना उजालू खातेणु भलु होंसिया छोरी गौं,चौक,दिनद्यालीयों भलु होंसिया

                   सोभना पाणि तोड़ी बोला भलु रसिया,गेल्या पाणि तोड़ी भलु रसिया
                   सोभना स्वाला,पकोड़ा भलु रसिया,गेल्या खैल्युला पैणा भलु रसिया

              खेला खेला सारा सर हे खेला खेला सर सर
छुमना पाणि की परात भलु होंसिया.छोरी पाणि की परात भलु होंसिया
छुमना धरती मा  लगनि भलु होंसिया छोरी गैनुं सी बरात भलु होंसिया

                   सोभना सोना लाइ भलु टांका भलु रसिया,गेल्या सोना लाई टांका भलु रसिया
                   सोभना कुत्ग्याली सी लांदा भलु रसिया,गेल्या पल्या गौं का रांका भलु रसिया

            ऐगे बग्वाली कातिक मैना छो छम नाचा छम ठुमा ठुम
            खेला खेला सारा सर हे खेला खेला सर सर
छुमना सर्काल्लाई बांद भलु होंसिया,छोरी सर्कलाई बांद भलु होंसिया
छुमना रस्याण ऐ गैयी भलु होंसिया,छोरी आज नाची खेली भलु होंसिया

                  सोभना ग्यों की बटी डाली भलु रसिया,गेल्या ग्यों की बटी डाली भलु रसिया
                  सोभना आज की बग्वाल भलु रसिया,गेल्या याद ओणी राली भलु रसिया

छुमना सर्काल्लाई बांद भलु होंसिया,छोरी सर्कलाई बांद भलु होंसिया
छुमना रस्याण ऐ गैयी भलु होंसिया,छोरी आज नाची खेली भलु होंसिया

यम यस सिंह जाखी

http://ghughutiuttarakhand.blogspot.com/

हेरी फेरी बैंया पकड़ लै, हेरी फेरी बैंया पकड़ लै
हेरी फेरी बैंया पकड़ लै, हेरी फेरी बैंया पकड़ लै
हेरी फेरी बैंया पकड़ लै, हेरी फेरी बैंया पकड़ लै
.

पैलो फेरो फेर लाडी कन्या छै कुवांरी, दूजो फेरो फेर लाडी ब्वे बाबु कि प्यारी
हेरी फेरी बैंया पकड़ लै, हेरी फेरी बैंया पकड़ लै
हेरी फेरी बैंया पकड़ लै, हेरी फेरी बैंया पकड़ लै

तीजो फेरो फेर लाडी कन्या छै कुवांरी, चौथो फेरो फेर छोड़ भाई बैणों को धौड़
हेरी फेरी बैंया पकड़ लै, हेरी फेरी बैंया पकड़ लै
हेरी फेरी बैंया पकड़ लै, हेरी फेरी बैंया पकड़ लै

पांचों फेरो फेर लाडी कन्या छै कुंवारी, छटों फेरो फेर छोड़ ब्वे बाबु कि गोदी
हेरी फेरी बैंया पकड़ लै, हेरी फेरी बैंया पकड़ लै
हेरी फेरी बैंया पकड़ लै, हेरी फेरी बैंया पकड़ लै

सातों फेरो फेर लाडी कन्या हवे तू नारी, सातों फेरो फेर लाडी सदा स्वागीन रैइ

(From -बालकृष्ण डी ध्यानी)

देर होली अबेर -2 होली होली जरुर सबेर होली
देर होली अबेर -2 होली
होली जरुर सबेर होली

.

हिटदी जा हिटदी जा (च..)
देर होली अबेर -2 होली

होली जरुर सबेर -2 होली
हिटदी जा हिटदी जा हिटदी जा ........ हो ओ ओ
बटवे रे) हिटदी जा -2 (च..

मुख फेर फेरी फेरी अंधेरु नि छटेणू
बाठु हेरी हेरी बाठु नि कटेणू
हिटदी जा हिटदी जा

मुख फेर फेरी फेरी अंधेरु नि छटेणू
बाठु हेरी हेरी बाठु नि कटेणू
कैमा क्या पुछदी बैठी क्या -2 सोचदी

पैली भी व्हे फेर होली
होली जरुर सबेर -2 होली
हिटदी जा हिटदी जा हिटदी जा ...... हो ओ ओ

बटवे रे हिटदी जा (च..)
खैरी बिपदा का बिष कांडा काटी,
अंधेरु बिरै कि सुबठा छांटी

हिटदी जा हिटदी जा (च..)
खैरी बिपदा का बिष कांडा काटी,
अंधेरु बिरै कि सुबठा छांटी

मारी लपाक लन्गै कि -2 बुरैइ
सोच भलु भलु कैर होली
होली जरुर सबेर -2 होली

हिटदी जा हिटदी जा हिटदी जा ...... हो ओ ओ
बटवे रे) हिटदी जा -2 (च..

रात भी आली रत्ब्याणु हैसलू, अँधेरा मन उज्येलु पौन्छालू

हिटदी जा हिटदी जा (च..)
रात भी आली रत्ब्याणु हैसलू, अँधेरा मन उज्येलु पौन्छालू
कांडों मा फूल डान्डों मा -2 हैर्याली

दुनिया देखली जैबेर होली
होली जरुर सबेर -2 होली

हिटदी जा हिटदी जा हिटदी जा ...... हो ओ ओ
बटवे रे) हिटदी जा -2 (च..

होलू उदंकार जब धार पोर, खुलला सुख का द्वार मोर
हिटदी जा हिटदी जा (च..)

होलू उदंकार जब धार पोर, खुलला सुख का द्वार मोर
भैराली दीजी व भाग कि -2 बांद

देली मा पौन्छ्दी भेंट होली
होली जरुर च सबेर होली -2
हिटदी जा हिटदी जा हिटदी जा ...... हो ओ ओ
बटवे रे) हिटदी जा -2 (च..