छुमा बौ पर कुछ और प्रतिक्रिया
मेरी भग्यानी बौपोस्तु का छुमा , मेरी भग्यानी बौ - आज कि छोपती मेरी भग्यानी बौ
रै तुमारा जुमा मेरी भग्यानी बौ, अखोड़ू का डोका मेरी भग्यानी बौ
रै तुमारा जुमा मेरी भग्यानी बौ, हम अजाण लोका मेरी भग्यानी बौ
बाजि त छुड़ीका मेरी भग्यानी बौ, इन देण दुआ मेरी भग्यानी बौ
हींग सि तुडका मेरी भग्यानी बौ, काखड़ कि सींगी मेरी भग्यानी बौ
रातू का सुपिना देखी मेरी भग्यानी बौ, दिन आंख्यों रींगी मेरी भग्यानी बौ
बांज को हरील मेरी भग्यानी बौ, रिन्गदो रिन्गदो मेरी भग्यानी बौ
त्वे मुंगे सरील मेरी भग्यानी बौ, बदल को रूम मेरी भग्यानी बौ
यनु मन को कुरोध मेरी भग्यानी बौ, जनु रेल घुम मेरी भग्यानी बौ
बान कि बराणी मेरी भग्यानी बौ, हंसी रौण खेल मेरी भग्यानी बौ
द्वी दिन पराणी मेरी भग्यानी बौ, पैरी त सुलार मेरी भग्यानी बौ
द्वी दिन कि जवानी मेरी भग्यानी बौ, जवानी का उलार मेरी भग्यानी बौ
दाळी ध्वे तैं छीलो मेरी भग्यानी बौ, तेरा बाना ह्वेगे मेरी भग्यानी बौ
सरील को क्वीलो मेरी भग्यानी बौ, काटी जालो घास मेरी भग्यानी बौ
काम करी काज मेरी भग्यानी बौ, ज्यू तुमारा पास मेरी भग्यानी बौ
खग्वाड़ी का तोड़ा मेरी भग्यानी बौ, हंसी रौंण खेली मेरी भग्यानी बौ
ज्वानी रै गे थोड़ा मेरी भग्यानी बौ, बुलबुली कौंळ मेरी भग्यानी बौ
हैंसुणू खेलण मेरी भग्यानी बौ, त्वे जीवन जौंळ मेरी भग्यानी बौ
बाखुरी दनकी मेरी भग्यानी बौ, भरपुर्या जवानी मेरी भग्यानी बौ
नी होणी मन की मेरी भग्यानी बौ, ग्युं जौ का कीस मेरी भग्यानी बौ
तेरी मेरी माया मेरी भग्यानी बौ, जनु ठनडु पाणी तीस मेरी भग्यानी बौ
काळी गौ को चौंर मेरी भग्यानी बौ, त्वेसरी गुलाबी फूल मेरी भग्यानी बौ
मैं मसीको भौंर मेरी भग्यानी बौ, तमाखू को गूल मेरी भग्यानी बौ
तू स्वीण को धागों मेरी भग्यानी बौ, मु गुलाबो फूल मेरी भग्यानी बौ
ढोल की लाकुड़ी मेरी भग्यानी बौ, तू यनि दखेंदी मेरी भग्यानी बौ
ह्व़ाण सि काखड़ी मेरी भग्यानी बौ, आणि बूणी माणि मेरी भग्यानी बौ
एक मन का बोद मेरी भग्यानी बौ, तोड़ी खाणी मेरी भग्यानी बौ
कोरी त कुनाली मेरी भग्यानी बौ, भौज तू दिखेंदी मेरी भग्यानी बौ
डांडू सि मुनाली मेरी भग्यानी बौ, अतर की डब्बी मेरी भग्यानी बौ
आज की छोपती मेरी भग्यानी बौ, सौन्ति गाळी मेरी भग्यानी बौ
सौडू पके बेर मेरी भग्यानी बौ, आज की छोपती , मेरी भग्यानी बौ
बरसूँ का फेर मेरी भग्यानी बौ
मूल स्रोत्र डा. गोविन्द चातक , गढवाली लोकगीत (पृष्ठ १०० )