Author Topic: Famous Shiv Temples In Uttarakhand - उत्तराखंड मे महादेव के प्रसिद्ध मन्दिर  (Read 95364 times)

Bhishma Kukreti

  • Hero Member
  • *****
  • Posts: 18,808
  • Karma: +22/-1
टपकेश्वर महादेव मंदिर देहरादून
-
सरोज शर्मा कु  जनप्रिय साहित्य श्रंखला

-
टपकेश्वर महादेव मंदिर साड़े छै हजार साल पुरण च,
ऐतिहासिक श्री टपकेश्वर महादेव मंदिर देहरादून शहर से करीब छै किलोमीटर दूर गढ़ी कैन्ट छावनी क्षेत्र म तमसा नदी क तट म स्थित च। महाभारत काल बटिक गुरू द्रोणाचार्य क तप न प्रसन्न ह्वै कि भगवान शिव न दर्शन दीं। गुरू द्रोणाचार्य क अनुरोध क कारण भगवान शिव जगत कल्याण क खातिर लिंग रूप मा वख स्थापित ह्वै गिन। ऐ क बाद द्रोणाचार्य न भगवान शिव की प्रार्थना कैर और अश्वत्थामा क जन्म ह्वै।
अश्वत्थामा न मंदिर कि गुफा मा छै मास एक खुट्टा म खड़ ह्वैकि भगवान शिव कि तपस्या कैर भगवान शिव प्रकट हुयीं त अश्वत्थामा न ऊं से दूध मांग ।
प्रसन्न ह्वै कि भगवान शिव न शिवलिंग क माथ जु चट्टान छै वै पर गौ का थन बणया दिन, वै से दूध कि धारा बगण लग, ऐ कारण से शिव क नौ दूधेश्वर पव्ड़ ।
कलयुग मा दूध कि धारा जल रूप म परिवर्तित ह्वै ग्या ऐ कारण टपकेश्वर नौ प्वाड़ ।महादेव न यखिम देवताओ थैं देवेश्वर रूप म दर्शन दीं ।देश भर बटिक ही न विदेशों बटिक भि पर्यटक दर्शन कनकु अंदिन। सौंणक मैना म यख म्याला लगयूं रैंद। जंमेश्वर और टपकेश्वर महादेव मंदिर क 'श्री एक हजार आठ ,कृष्णा गिरी महाराज क ब्वलण च कि भगवान शिव यख साक्षात प्रकट हुंई। सौंण क मैना केवल जल चढांण से भक्तो कि मनोकामना पूर्ण हुंदिन बारों मैना यख श्रृधालु आणा रंदिन।


 

Sitemap 1 2 3 4 5 6 7 8 9 10 11 12 13 14 15 16 17 18 19 20 21 22