मेरी स्य रोतेली कनि प्यारी अखोडी !! नि सियोंदु जब अंखियों म ओन्दा आंसू बोडी !!
जख छन सी नोऊ खम्बिया तिबारी,और सी बल्दू की जोड़ी ! जख छन बरोमास लेन्दि भेंसी और लेन्दि गोडी !!
कनि रोतियाली छ सिय ताल की धार ! जख डंडियों बिटिन ओंदीन सुर सुरिया भार !!
स्वाणु लगदु बाँझ बुरांश म कु मोल्यार ! बुगियला म पस्रिक मन नि करदू जान का घर !!
परदेश वाला जब ओन्दा ढुमका बाज़ार ! अखोडी की सार देखि मन म एजांदू उलार !!
धन- धन भाग इन्द्रमणि जी तुमुक ! अखोडी म जन्म लीनी, उत्तराखंड छोड़ी चली गईं सबुक !!
प्रेना छन इन्द्रमणि जी तुम सूरज सी सबूक ! भगियान हवे गिन सी बिचारा . विकास करिगैन चौमुक !!
वे वीर पुरुष का जान सी अखोडी म पड़ेगी रुमक ! सत् -२ परणाम ए वीर पुरुष तुमुक !!
जेठ की दुपेर म होन्दु अखोडी म क्रिकेट कु खेल ! गेंहू - जो की दै म जणू हुलेटू कु मेल !!
मादेव का खम्ब ल्योन म अखोडी सदनी रही अगाडी ! ताल और जंगल काटन म बेटी-ब्वारी नि रन्धि पिछ्वाडी !!
बोल्या म लेगी झंडा व्हेगी सुरु रामलीला ! रनभुत भी होंदन यख होंदी पांडव लीला !!
य्गास -बग्वाल म बेटी-ब्वारी लागोदीन झुमेला ! जू तोंका खुदेडू गीत सुन्द्दु तोंका असू ये जाला !!
चौ तरफी देवतों कु वासः छ जख ! नर्सिंग, नगेला, नागराजा, घंडियाल देवता छन वख !!
सजी धझी रन्धि जगदी की डोली ! कुजनी केह भाग्यन की या कल्पना होली !!
सोलह जातियों का पढिया लिखियाँ लोग जख का ! हर जगह बिभागो म बैठ्याँ वख का !!
कुटुम्ब्दारी यखुली अखोडी छोड़ी जोंकी ! परदेश म नौकरी कनि मज़बूरी छ तोंकि !!
कमोन का खातिर जावा नि जावा छोड़ी ! मेरी स्य रोतेली कनि प्यारी अखोडी !!
शिल्गा,नौली.ग्वाड,दम्दरा धारु कु सु ठण्डु पानी !जब ये paani की याद ओंदी परदेश म ता जुकडी झूरादी !!
ग्वीर छोरा जब घंडियाल बिटिन बंसुली बजाला ! परदेश मा तब तुम अपरू बचपन खुजाला!!
बुढया बवे-बाबु कु सारु नी कोई ! छट ना छोड़ी तोंकू लाटु च तोई !!
आश - उम्मीद मा छोरों का दिन कटना छन !! कब आलू जेठ बैसाख सी दिन गिड़ना छान !!
स्कूल्या दिन ए जांदा जू फिर बोड़ी !! मेरी स्य रोतेली कनि प्यारी अखोडी !!
--
शिव सिंह रावत (अखोडी
http://www.facebook.com/home.php#!/home.php?sk=group_191098157578811&ap=1